Post: #1
Title: فلانة قالت عنك كذا وكذا.....ء
Author: zola123
Date: 08-26-2003, 02:20 PM
فلانة دي واحدة كده
والقالوا عنها زولة
والكلام الاتقال لمن وصل بقى كلام تاني
والقالوا اتنصل منه
والاتقال عنه زعل
والنقله نفد بجلدوا كأنوا ما عمل شي
عفوا ما فزورة
بس موقف سخيف, كم مرة مريت بيه في حياتك
وخلاك تقيف تتأمل في طريقة تعاملك مع الناس
او حاولت تفهم نفسية ناقل الكلام
او الاستفادة الحقيقية التي يجنيها بفعلته
كم واحد مننا بيترفع لمن يسمع كلام منقول ويؤمن بمقولة
ما شتمك الا من بلغك
وكم مننا صدق ووقع في الفخ وخسر اعز اصدقائه
دقيقة واحدة تفكير ما بتكلف
لاكن يطغى الغضب ونخسر بعده الكثير
الكثير
دقيقة وروني
المشكلة دي عندنا النسوان بس؟
زولة123
|
Post: #2
Title: Re: فلانة قالت عنك كذا وكذا.....ء
Author: oudenoord
Date: 08-26-2003, 02:45 PM
Parent: #1
العزيزة /زولة123
تحياتي..ح ارد ليك علي اخر سؤال:
Quote: دقيقة وروني
المشكلة دي عندنا النسوان بس؟ |
ابدا المشكله ده ماعندكم براكم والحقيقه انها بقت زي عادة منتشرة بين الشباب الذكور في الفترة الاخيرة يعني لا يكاد يخلو مجلس من فلان عمل وفلان قال وفلان طلع مع فلانه وفلانه متشاكله معي راجله.. والخ
المشكله انو لمن تنبه انسان او جماعه انو ياجماعه الخير الكلام ده نميمه يقولوا يوصفوك بالجاهل المافهم شئ وانو كل الموضوع لا يعدو غير شمارات وبس.
ربنا يصلح الحال ويهدي الجميع مع خالص ودي
|
Post: #3
Title: Re: فلانة قالت عنك كذا وكذا.....ء
Author: أبو أحمد
Date: 08-26-2003, 02:51 PM
Parent: #1
طبعا عندكم
هو في غيركم
بعملها
؟
قاعدات تثرثرن
وفي خشم الباب تثرثرن
|
Post: #4
Title: Re: فلانة قالت عنك كذا وكذا.....ء
Author: wa7shny
Date: 08-26-2003, 03:59 PM
Parent: #3
الاخت الدكتورة زوله123
السلام عليكم ورحمة الله وبركاته
حقيقه تناقل الكلام لقد اشتهرت به الحريم وكانو بقولوا للراجل لما ينقل ليهو كلام فلان قال وفلانه قالت بقولوا ليهو ياخ الحركات دي النسوان بطلنها ( مع احترامي وتقديري لكل الحريم ) اكتر من الرجال ولكن للاسف تجديهو في اوساط الرجال اصبح اكثر انشارا وكثير من البيوت يا دكتورة خربت بتناقل الكلام وكتير من الصداقات انتهت بنتاقل الكلام والشخص الذي ينقل الكلام اشد خطورة من انتي الانوفيليس علي البشرية..اللهم اجرني في مصيبتي التي كان سببها تناقل الكلام ... كمان يا دكتورة هسي بقي تنقل الكلام بالنت دي دقائق بس الدنيا تظلم في وجهة وتتلخبط كل حساباتك وتهدم كل آمالك في اقل من لمح البصر ... الله يكفينا شر وتناقل الكلام والله يعافينا
|
Post: #5
Title: Re: فلانة قالت عنك كذا وكذا.....ء
Author: EMU إيمو
Date: 08-26-2003, 06:36 PM
Parent: #4
زولة123 حبابك
مشاطات بلدنا يحترفن
في الغزل
وأصدقك القول في أني تعرضت لمأذق صعب جداً
مع أعز صديق في حياتي وكان السبب إني تدخلت
لمعالجة جعل خطيبته تخاصم إبنتي عمتها
وللأسف خطيبته هي التي صبت الماء المقطر
على الحرير
ولكن تمكنت من تجاوز الأزمة وعادت المياه
لمواسيرها
|
Post: #6
Title: Re: فلانة قالت عنك كذا وكذا.....ء
Author: zola123
Date: 08-26-2003, 08:24 PM
Parent: #1
oudernoord
ربنا يهدي الجميع فعلا
لاكن هل بتكون بنفس الطريقة؟
يعني بس نقل اخبار ولا ببهارات؟
سؤال تاني, نظرا لكون معظم حديث الشباب في مجالسهم عن النسوان
هل بيتبعوا نفس الاسلوب لمن تنتقل الدفة للحديث عن الرجال؟
ابو احمد
يا زول شايفني قلت النسوان ما ثرثارات ولا ما بيتكلموا؟
كثرة الكلام دي حقيقة وواقع
ما اتحدث عنه مسألة الوقيعة والتلذذ بنقل القوالات
والاخبار الكاذبة
وفي دي بتتساوى المرأة مع الرجل لكون المبدأ خطأ
غير كدة خليهم يتكلموا ياخي
واحشنا يا واحشني
انا زاتي لمن باسمع كلام زي ده باقول خلوا كلام النسوان
يمكن لو صدق موضوع الرجال ده يكون اخطر
المرأة على الاقل حتحرص منها مش؟
ايمو
الحمد لله رجعت المياة في قصك
لاكن رأيك شنو في البيقرر المقاطعة من دون مواجه
ويصدر احكام على الاخر من غير ما يديه فرصة للدفاع
وفي اضعف الايمان زي حالتي
ببساطة حيقفل خشمه من هنا ورايح وهوبين ناس معينين او ناس جداد حتى اشعار آخر
ويصبح التلقي ارحم
تحياتي
زولة123
|
Post: #7
Title: Re: فلانة قالت عنك كذا وكذا.....ء
Author: bint_alahfad
Date: 08-26-2003, 08:45 PM
Parent: #1
زوله العسل ..
تحياتى
فى الغالب لا أعير للكلام أهتماما فأنا بطبعى لا أصدق الا ما سمعته أذناى أو رأته عيناى..ولكنى حدثت مواقف ممن أعبرتهم صديقات, أفضيت اليهم بكلام ووجدتهم ينقلونه بالحرف او الذياده مما دفعنى لمراجعه حساباتى وعدم الثقه العمياء فى شخص من معرفه قليله
بخصوص هذا الموضوع فلم يقتصر على النساء فقط بل أصبح الرجال ينافسون النساء فيه الا من رحم ربى, أسألى أخوكى أو أباك ليقول لك أن معظم مجالس الرجال لا تخلو من النميمه
حمانا الله واياكم وجنبنا الغيبه والنميمه وأعاننا لما يحب ويرضى
وفى أمان الله
لا اله الا الله
|
Post: #8
Title: Re: فلانة قالت عنك كذا وكذا.....ء
Author: oudenoord
Date: 08-26-2003, 09:22 PM
Parent: #1
اختي العزيزة
سلام, نقل الاخبار ببهارات او بدونه في الاخير هو نميمه.اما بخصوص سؤالك التاني مافهمت قصدك والعتب علي الفهم..تحياتي وفي امان الله
|
Post: #9
Title: Re: فلانة قالت عنك كذا وكذا.....ء
Author: zola123
Date: 08-28-2003, 09:01 PM
Parent: #1
بت الاحفاد
ليه محتاجين دايما لتجربة عشان تثبت لينا صحة النظرية
تفتكري لو من نفسها الواحدة بطلت تتكلم مع كل من هب ودب
حيكون حل ولا برضو حتكون منغلقة وما اجتماعية في عرف النسوان
يعني دييك البتقعد في طرف المجلس مستمعة فقط وتجامل بابتسامة ولا تعليق بسيط
ouder>>>>
قصدت اسأل
لمن الرجال يتكلموا عن رجال زيهم
هل النميمة بتختلف
ولا هي نفسها لمن رجال بيتكلموا عن نسوان
عذرا على تأخير الردود
زولة123
|
|