Post: #1
Title: خمـرة هـواك يا مي
Author: Ahlalawad
Date: 08-26-2003, 09:24 AM
ورد ذكر الخمر بمقاصد متنوعة في الشعر السوداني عامة وفي الشعر الغنائي بصفة خاصة دون تحفظ وكان مقبولاً ومستساغاً . المتأمل لذلك لا بد أن يجد أن الأمر قد يكون تقليداً لمتطلبات القصيدة العربية ببنائها القديم فذكر الخمر فيها شيء طبيعي بغض النظر عن غرض القصيدة . أقول ذلك وفي الذاكرة أغان كثيرة معروفة ومحبوبة بل وشمل ذلك المدائح الصوفية أيضاً ..
هل تذكرون تلك الأغنيات التي احتوت على ذكر الخمر
أعتقد أن آخر عهد الشعراء والمستمعين السودانيين بالذكر المباح للخمر في الشعر كان في يوم من أيام شهر سبتمبر سنة تلاتة وتمانين .
هذه أمثلة
خمرة هواك يا مي ، صافية وجلية
هي اللاعبة بالألباب ، لا البابلية
يا جميل يا نور الشقايق .. املا كاسك واصبر دقايق
مجلسك مفهوم شوفو رايق .. عدّو ناقص زول ولا تام
أدر الكأس على العشاق صفواً ومداما
يا حبيب القلب والروح ويا روح الندامى
نضر الله وجه ذاك الساقي ... إنه بالرحيق حلّ وثاقي
فتراءى الجمال مزدوج الاشراق ، يسبي معدد الآفاق
ثم
بين صبّ في حبه متلاش وحبيب مستغرق في عناق
ظلت الغيد والقوارير صرعى والأباريق بتن في إطراق
ولا تنسوا :
يا قزازة البيرة
راقي لذيذ فتيلا
بيناتنا المحبة
وما في داعي للغيرة
|
Post: #2
Title: Re: خمـرة هـواك يا مي
Author: Shinteer
Date: 08-26-2003, 09:29 AM
Parent: #1
أزرعني كرمة على رُباك
واعصرني في دنّك شراب
|
Post: #3
Title: Re: خمـرة هـواك يا مي
Author: Al-Masafaa
Date: 08-26-2003, 09:37 AM
Parent: #2
نشوانة من خمر الفنون
السامية ما خمر السكر
|
Post: #4
Title: Re: خمـرة هـواك يا مي
Author: Ahlalawad
Date: 08-26-2003, 09:41 AM
Parent: #1
شيخي شنتير - خطيرة دي
يا نديما عبّ من كأس الصبا
ومضى يمشي الهوينى طربا، طربا
|
Post: #5
Title: Re: خمـرة هـواك يا مي
Author: Ahlalawad
Date: 08-26-2003, 09:43 AM
Parent: #1
المسافة تحياتي
سكر السمار والخمار في حان الغرام
وغدت كأسي على كفي بقايا من حطام
|
Post: #8
Title: Re: خمـرة هـواك يا مي
Author: Al-Masafaa
Date: 08-26-2003, 09:52 AM
Parent: #5
يا نديمى دعك من عثرات قولى
و اترع الكآس و ناجى الكون مثلى
|
Post: #6
Title: Re: خمـرة هـواك يا مي
Author: الجندرية
Date: 08-26-2003, 09:50 AM
Parent: #1
سلام يا الناس الهنا
انا جابتني الريحة
لوووووووووول
ساقينا الهوى
وخمرتنا الغرام
مافي زول يسألني من الباقي
نسيتو
مع اني امس بسمع فيها بي صوت ترباس
|
Post: #7
Title: Re: خمـرة هـواك يا مي
Author: Shinteer
Date: 08-26-2003, 09:50 AM
Parent: #1
يا سقاة الكأس من عهد الرشيد
ما لكأسي ظامئاً أبداً وحيد
ونديمي قد سرى نجماً مع الافق البعيد
وللا ما كدي هي؟
|
Post: #9
Title: Re: خمـرة هـواك يا مي
Author: sentimental
Date: 08-26-2003, 09:54 AM
Parent: #1
يا ندامى ...أملؤا الكأس اهيلوه علي
سوف أطفى نار قلبى... انه قسم علي
ليك البدور أعوان من دون خمر نشوان
هارب من الجنات يوما غفر رضوان
بهواكم ابتلينا...
اهل العوض
83 دى وفاة ابوداؤود ملك الطرب والكلمة
|
Post: #10
Title: Re: خمـرة هـواك يا مي
Author: Ahlalawad
Date: 08-26-2003, 10:00 AM
Parent: #1
إياها ذاتا يا شنتير
ويا الجندرية حقوا تجيبي من أشعار جماعتكم ، الذين دخلوا فقراء على الدنيا وكما دخلوا ، منها خرجوا - وحمدلة على سلامة العودة ، تاني ما تعملوا كدي
ما بنسى ليلة كنا تايهين في سمر
بين الزهور أنا وإنت والليل والقمر
نتساقى خمر الحب بكاسات الزهر
|
Post: #11
Title: Re: خمـرة هـواك يا مي
Author: Ahlalawad
Date: 08-26-2003, 10:05 AM
Parent: #1
إبن منتال أبو داوود الله يرحمو .. لا يتكرر
ولما لم أجد سلوى
كسرت ابريقي والدن
وسكبت على الثرى كأسي
وداعا روضتي الغناء
وداعا معبدي القدسي
|
Post: #12
Title: Re: خمـرة هـواك يا مي
Author: انا بنت النيل
Date: 08-26-2003, 10:51 AM
Parent: #11
وفي اللقاء الأول..
أقبل الليل علينا..
وضفاف النيل قد أصغت إلينا
وحباب الكأس يخبو في يدينا
وأرتشفناها تباعاً فأرتوينا
ياحبيبي ,..قلت لي في اللقاء الأول
بين همس البلبل ..وخرير الجدول
في المساء المقبل..
سوف تلقاني ..ولكن ما التقينا
أقبل الليل وصمت الليل قالا
وضياء البدر في الأقف تلألأ
والربا أضفت حوالينا الظلالا
ثم ذاب الموج في الشط وسال
قلت والكأس لديك
ويدي في خصلتيك
هاتها من وجنتيك
وأسقني من كفتيك
خمرة منها أرتوينا
يوم عدنا والتقينا
يا حبيبي ..ياحبيبي
**************
|
Post: #13
Title: Re: خمـرة هـواك يا مي
Author: Ahlalawad
Date: 08-26-2003, 10:54 AM
Parent: #1
يا سلااااام يا بت النيل
رحم الله قرشي محمد حسن
كتر خيرك
|
Post: #14
Title: Re: خمـرة هـواك يا مي
Author: singawi
Date: 08-26-2003, 03:59 PM
Parent: #1
إليـك عوازلي عنـي فإني
سكبت مدامتي وكسرت دني
فغني وأفرحي قد خاب ظني
وما أملته أمسـى سـرابا
|
Post: #15
Title: Re: خمـرة هـواك يا مي
Author: nazar hussien
Date: 08-26-2003, 05:28 PM
Parent: #14
صديقي الجميل اهل العوض
ما دام اليوم خمر وغدا امر
هاك العرقي دا
وركزت للحرقة المشت فوق الضلوع
ضميت قزازتي مرقت عن طرف البلد
وسكرت جد
وانا جايي راجع منتهي
لاقتني هي
قات لي تعال
كبرت كراعي من الفرح
نص في الارض نص في النعال
الي ان يقول
اذنت في الشوك والسلم
وسرحت بالناس والغنم
وركعت للعرقي البكر
ورقدت في الالم الحكر
وحلمت زي شالني ومشي
فوق زحمة نبي الله الخضر
|
Post: #16
Title: Re: خمـرة هـواك يا مي
Author: Ahlalawad
Date: 08-27-2003, 07:51 AM
Parent: #1
سنجاوي ،، نضمك زينة ويداوي
حياك الله أيها الراهب المتبتل
أبا يارا : تحيات ، دا أوع يكون الدوش؟ طبعا عارف نضم أخوه ي أسأل منو شيخك
|
Post: #17
Title: Re: خمـرة هـواك يا مي
Author: sentimental
Date: 08-27-2003, 08:00 AM
Parent: #1
|
Post: #18
Title: Re: خمـرة هـواك يا مي
Author: الجندرية
Date: 08-27-2003, 09:11 AM
Parent: #1
قلت كدي يا اهل العوض
نجيب من اشعار الصوفية
هاك من فيض النابلسي دي
سقاني الكاس من نفسي وفيه خمر الأروع
وسكري كان عن عقلي وعن حسي وعن ما لاح
وقد اخرجت من حبسي إلى إطلاق ساق الراح
وصدقي بان من بيني وعود الحظ قد اورق
...........
.........
فإني المثبت الماحي واني من رجال اليوم
متى ما ذقت من راحي عرفت العذر عند القوم
تعال ادخل بلا شين إلى تيار ذا المغرق
يا د . ياسر الشريف
ويا سودان وبس ولو غلطت صلحوها
يا حليلنا فيها خلاص الذاكرة عطبت
|
Post: #19
Title: Re: خمـرة هـواك يا مي
Author: sentimental
Date: 08-27-2003, 10:03 AM
Parent: #1
فى فاهاه الدر منظوم مكنون
ومدام ومسك وعسل مشنون
ناعمة جسيمها حرير ووهون
|
Post: #20
Title: Re: خمـرة هـواك يا مي
Author: HAMZA SULIMAN
Date: 08-27-2003, 12:30 PM
Parent: #19
سكرى السمار سكرى
والخمار فى حانى الغرام
وبدت كاسى
على راحى بقايا من حطام
عربدت بى هاجسات الشوق
اذ طال النوى
|
Post: #21
Title: Re: خمـرة هـواك يا مي
Author: Ahlalawad
Date: 08-27-2003, 02:30 PM
Parent: #1
الجندرية
ابن منتال
والاستاذ حمزة
تحية لكم وللطيف زيارتكم
المدام المسكر والعسل من فمك
|
Post: #22
Title: Re: خمـرة هـواك يا مي
Author: بدرالدين شنا
Date: 08-27-2003, 07:34 PM
Parent: #1
بسم الله الرحمن الرحيم
المحبوب أهل العوض وبقية النداما
سلااااااااااااام
شربنا كاسات الهنا
دور منهن ودور مننا
|
Post: #23
Title: Re: خمـرة هـواك يا مي
Author: سودانوبس
Date: 08-28-2003, 08:28 AM
Parent: #1
أطلق الكأس بعد طول إحتباس
واسقنيها ما بين ورد وآس
خمرة كاسها الست قديماً... وحديثاً عقلي وكل حواسي
شرب الكون فهو سكران منها... وتراه معربداً بالناس
يا نداماي ماعلى شاربيها... حيث باحوا بسرها من باس
ملأتهم فالآن تقطر منهم ... بقياس لهم وغير قياس
لم تدع فضلة بهم لسواها....طهرتهم من سائر الأنجاس
فليهيموا بل فلتهم هى عنهم... واحرسوها يا جملة الحراس
سبقت قبلنا اناس اليها...غرستهم فيها أتم غراس
فتحوا باب ديرها فشممنا... نفحة المسك من فم الشماس
وسكرنا براهب الدير لما...هب منها معطر الأنفاس
وتثنت سقاتها كغصون...بعيون سبت ظباء الكناس
كل غصن من المليح إناء...هى فيه بالوهم والإلتباس
فإذا قال او رنا او تثنى...منه ذابت عروشها والكراسي
جل وجه يلوح من كل شئ...فيريك المشكاة بالنبراس
عميت كل مقلة لا تراه...ظاهراً فهى مقلة الخناس
ثابت عنه كل ما كان منه...مثل نبت المعني من الإحساس
كلمات الشاعر العارف عبد الغني النابلسي
..........................
قف جانب الدير سل عنها القساقيسا...مدامة قدستها القوم تقديسا
ايضاً كلمات الشيخ عبد الغني النابلسي
اداء منصوري(سودانوبس)..ي
|
Post: #24
Title: Re: خمـرة هـواك يا مي
Author: sentimental
Date: 08-28-2003, 08:49 AM
Parent: #1
قولتوا كده...............
بت في حانتي ضجيع المدام و قبيل انهزام جنح الظلام
راعني هاتف دوى في المقام
صارخاً بالنيام : حتى الى ما فارشفوها وودعوا الاياما
قبلما تجرعون كآس حمام راحها علقم أسيغ شرابا
* * *
و ربيع الحياة عهد الصباء و حياتي كهذه الصهباء
مرها الحلو فهى طبى و دائي
و ببلخ او نيسبور سأقضي فدعوني بعض اللبانة أقضي
و دعوني اسقي المدام دعوني قبلما يدهم المشيب الشبابا
* * *
و مقامي غصن مظل بقفر و رغيفان مع زجاجة خمر
كل زادي و الاهل ديوان شعر
و حبيب يهواه قلبي المعنى بشجى يذيبني يتغنى
هكذا اسكن القفار وحيداً و ارى هذه القصور خرابا
الخيام
|
Post: #25
Title: Re: خمـرة هـواك يا مي
Author: singawi
Date: 08-28-2003, 10:04 AM
Parent: #1
شوية من أدب الأنادي إن عُد من الأدب
السكارى السكارى
الجافو الجوع ضربو المرارة
نلم متيييين يابقارة
سكرنا وبقينا طينة
عرقي العيييييش سواها فينا
نلم متيييين ياسكينة
|
Post: #26
Title: Re: خمـرة هـواك يا مي
Author: Ahlalawad
Date: 08-28-2003, 12:00 PM
Parent: #1
ليتني في قمة الأولمب جالس
وحوالي العرائس
أحتسي خمرة باخوس النقية
وإذا ما سرت النشوة فيّ
أتداعى وأنادي
يا بنات ... نقروا القيثار في رفق
وهاتوا الأغنيات ... لمريا
السنجاوييي .. وي مو كديييي ، مو كدي .. بتكسر اللمبة
|
Post: #27
Title: Re: خمـرة هـواك يا مي
Author: sentimental
Date: 08-28-2003, 12:04 PM
Parent: #1
السنجاوى
يجازى محنك . ده شنو يا شيخ العرب...
اهل العوض
لوووووول . والله كسر اللمبة كش
|
Post: #28
Title: Re: خمـرة هـواك يا مي
Author: Ahlalawad
Date: 08-28-2003, 01:11 PM
Parent: #1
ابن منتال ... بالله الأغنية دي يومتا اتسلط عليها واحد في النيل الأزرق عليك أمان الله عمل لي ارتكاريا وكاروشة وجضمارة في آن معاً ... بالله ما حقوا نشكيه لي حقوق الانسان؟ كتر خير على هذا التخير الجميل
|
Post: #29
Title: Re: خمـرة هـواك يا مي
Author: سودانوبس
Date: 08-29-2003, 09:20 AM
Parent: #1
شربنا على ذكر الحبيب مدامة سكرنا بها من قبل ان يخلق الكرم
|
Post: #30
Title: Re: خمـرة هـواك يا مي
Author: singawi
Date: 08-29-2003, 09:46 PM
Parent: #1
أهل العوض
سنتي بن منتال
سلامة اللمبة
مالي بكسرها عشان هناي العيش دا يعني
داهي العيش دا مالو .. ما منكر زيو وزي خمرتكم الفوق دي
طيب هاكم من كتب الأدب وكت أدب الأنادي ما نفع
ألا هبي بصحنك فأصبحينا ... ولا تبقي خمور الأندرينا
ياربي خمور الأندرين دي ويسكي ولا هناي بلح
|
|