Post: #1
Title: الكـفيــل......و.......الحـــب
Author: سجيمان
Date: 08-25-2003, 03:58 PM
التدخين ....والكفيل..... سبب رئيسي في امراض...القلب والشرايين والارق والاكتئاب.......التدخين ممكن تسيبو...... الكفيل ما ممكن تسيبو...وخاصة لو حالتك شلش ...وديونك دايره لها اربعين سنة عشان تحلها......وزي ما التدخين ادمان الكفيل برضو ادمان....ناس ليها عشرين وتلاتين سنة...وعندهم كفيل....وكل يوم يقولو لك دي اخر سنة..ونرجع اهلنا. وتلقاهو اخر ولد ولدوهو ليهو يكون سماهو عبد الكفيل امعانا في الادمان والامتنان...وابدا لحدي ما يموتو .......والبيرجع منهم ... تلقاهو يفكر تاني يسافر ويشوف ليهو كفيل....اقترح على سفارتنا.... القدت مكنتنا.... وجهاز المغتربين يكون فيهن اخصائين نفسيين..... لعلاج الناس من حالة ادمان الكفيل.. عشان الواحد لما يرجع... يرجع معافى ويساهم في تنمية البلد!.....او يفتحو مكتب....للعائدين... يكون شغلو يشوف لاي واحد كفيل وما يحسو باي غربة في بلدهم...ويعيشو حياة طبيعية الي ان يتم علاجهم باذن الله...
لكن...لو عاوز تعالج نفسك بي نفسك.... بسيطة جدا..... خلي يلدو لك ولد....وسميهو علي اسم كفيلك....لو كان كفيلك اسمو ...جريبيع....سمهيو جريبيع..
في الحالة دي حتثبت لكفيلك انك ميت فيهو موت.... وانو اصبح جزء لا يتجزاء من حياتك....وكل ما يناديك باسمك تضحك وتعاين ليهو وتقولو لو سمحت انا اسمي ابو جريبيع....عشان تذكرو....وكمان لو زعلت منو من كفيلك يعني. وعشان ما تموت قهرا وضغطك يرتفع.... ترفع سماعة التلفون ويكون هو قاعد....وتتصل بالبيت وتقول للولية اديني جريبيع ولدك.....وتقعد.... تعمل نفسك بتهظر معاهو.... وتقولو لو.....جربيع يا حمار.... جربيع.... يا طيرة..جربيع.. يا تيس..جربيع جربيع.. سويت الكاكا؟.....
|
Post: #2
Title: Re: الكـفيــل......و.......الحـــب
Author: HOPELESS
Date: 08-25-2003, 11:06 PM
Parent: #1
العزيز سجيمان
من كان بلا كفيل فليتحرى لعنه الجوازات
-مثل اجنبى-
كفيل في الكف يكفيك كثافة اللف
معليش اخوك شكلو مدمن مستعصى الأدمان
ماقلت لي حق الكشف في المكتب كم
عشان اكلم الكفيل
|
Post: #6
Title: Re: الكـفيــل......و.......الحـــب
Author: سجيمان
Date: 08-26-2003, 12:44 PM
Parent: #2
هوب ليس......قالو المرض دا اكتشقو ليه لقاح
|
Post: #3
Title: Re: الكـفيــل......و.......الحـــب
Author: طيفور
Date: 08-25-2003, 11:49 PM
Parent: #1
اها يا ثي جي يا خوووو ي
الكشف والعلاج برضو علينا
ولا علي الك فييييييييييل
|
Post: #4
Title: Re: الكـفيــل......و.......الحـــب
Author: مشتاق
Date: 08-26-2003, 00:26 AM
Parent: #3
والله يا سجيمان
بالغته انا اسي اتخرجت ارجع السودان ولا اشوف لي كفيل ينفعني بدل الالزامية والمشاكل
|
Post: #8
Title: Re: الكـفيــل......و.......الحـــب
Author: سجيمان
Date: 08-26-2003, 11:43 PM
Parent: #4
مشتاق......انت يا دوب ولد صغير مالك داير تشيل الهموم من حسي؟.......عشرين سنة الزامية......ولا شهر....مع كفيل يكرهك عيشتك
|
Post: #7
Title: Re: الكـفيــل......و.......الحـــب
Author: سجيمان
Date: 08-26-2003, 01:07 PM
Parent: #3
طيفور......كيفنك يا با؟......... العلاج اوعى تخليهو على الكفيل..... يعالجك ويخصمو من راتبك....وتبقى قريشاتك كلها بقت كسور وبواقي
|
Post: #5
Title: Re: الكـفيــل......و.......الحـــب
Author: albagir altahir
Date: 08-26-2003, 10:25 AM
Parent: #1
سجيمان
في واحدمعانا هنا الحليفة حقتو طوالي
اعدم شبابي
اعدم امي
اعدم وادليني
عشان يصدقوهو هوطبعا كضاب
اها الجماعة عرفوا مويتو بقي لما يحلف حليفتو دي ما بصدقهوهو
قام يوم قال ليهم
اعدم كفيلي الكلام ده صاح
اها الجماعة طوالي صدقوهو
تصدق يا سجيمان
|
Post: #9
Title: Re: الكـفيــل......و.......الحـــب
Author: Najm
Date: 08-27-2003, 07:31 AM
Parent: #5
سيجو
الكفيل جاب ليهو اسد من السودان....
البنقلاديشي المسؤل من اكل وشراب الاسد وقع ليك في الاسدفي موز في الفطور....موز في الغدا....موز بالليل...موز في الصباح....المهم الاسد صابر وقال يمكن البنقلا ده يكون داقس وكدي يطول بالو معاهو.... بعد اسبوع الاسد زهج من موز موز دي وقام سأل البنقلاديشي,,
شنو يا حبه ماتغير لي من حكاية الموز دي مامعقول كل يوم
موز..تعرف البنقلاديشي قال ليهو شنو....
قال ليهو..ياصديق انت هنا مافي غير موز انت هنا يجي بفيزا بتاع قرد....
فيا منقه الكفيل ما مشكله المشكله تكون جاي بفيزا بتاعة راعــــــــــــــــــــــــــــــــــي
|
Post: #11
Title: Re: الكـفيــل......و.......الحـــب
Author: سجيمان
Date: 08-27-2003, 09:44 PM
Parent: #9
يعني يا نجم يا منقه.....لو جيت بي مهنة راعي حيكلوني موز؟
|
Post: #10
Title: Re: الكـفيــل......و.......الحـــب
Author: سجيمان
Date: 08-27-2003, 02:44 PM
Parent: #5
الباقر......مش ممكن يكون الزول دا بيحلف بي كفيلو بالكضب......عشان كفيلو يتلحس......لكن لو اتحلس امانة ما يتعذب عذاب...لحدي ما يلاقي كفيل تاني
|
Post: #12
Title: Re: الكـفيــل......و.......الحـــب
Author: Walid Safwat
Date: 08-27-2003, 10:36 PM
Parent: #10
Alkafeel or Sponsor; A new form of Slavery that some people get addicted to.
|
Post: #13
Title: Re: الكـفيــل......و.......الحـــب
Author: سجيمان
Date: 08-28-2003, 05:33 PM
Parent: #12
ايوا يا وليد......نوع جديد من الاستعباد
|
|