يا بــشرانا الحلوة بت قضيم طلت اليوم عليــنا

أول الحكـي
كيف اندس بهذا القفص القفل في رائحة الليل
كيف اندس كزهرة لوز في كتاب اغاني صوفية
كيف اندس هناك ،
على الغفلة مني
هذا العذب الوحشي المتلهب اللفتات
هروبا ومخاوف ؟
يكتب في
يمسح عينيه بقلبي
في غفلة وجد ليلية
الكلام لـ : مظفر النواب




الصديقة الحلوه بت قضيم غيابها لايام عن البورد ادخلنا
في دوائر مفرغة تنتهي بنا في كل
لحظة الى حزن يماسس
الشجن
وفي كل مرة يحرقنا غيابها نغزو ذاكرة البورد
نحبث عن نكهتها العسل
والتوت البري
وحضورها الاخذ على الدوام
شكل البنفسجة
حظي الحلو قادني قبل ثوان الى ديوان الموجودين اون لاين
فلمحت اسمها
فنطط قلبي فوووووو يتقافذ فوق
مستوي فواصل مداراته
فخفت ان يتخلى قلبي عني بذات خديعة
وانا عبثا احاول اسكات ضجته التي شاغله بها
فرح عودتها الينا
كم انت جميلة في قلوبنا بت قضيم
وكم انا مغرمة بنكهتك المميزة
اكتبيــنا كل لحظة وعاودي طلتنا
فنحن ابدا لا نشفي من جنونا
حروفك الساخره

يا بهيه السمر
يا بت قضيم
نفتقدك
تحياتى
شيرى

بت قضيم
حمد الله علي السلامة--وييين حيك؟؟

شيري
شكرآ للبوست
انا فعلآ شفتها في قائمة الموجودين اول ما دخلت
شمار التلصص علي الموجودين مفيد احيانآ
لووول

تحياتي

حنينة

سلام مربع

استاذنا لفنان
حمزه سليمان

سلمت ياراقي
على التبريكات
وانشاء الله ماعدمناك

حنينه

للتكنولوجيا ايضا شمشرتها
وها نحن لا نتخلى ابدا
عنها
سلمت ياست الناس
على الطله
والتبريكات

شيري
تحياتي
نهتف معك ملء الفم و الحنجرة : مرحب بعودتك بت قضيم.
تسلمي شيري

سلام مربع

ابو جهينه

يخليك ياسيدي
ويطرح البركه فيك

سلام مربع

مرحــب بت قضــــيم


There are 59 users online, » 26 Members, 33 Guests

»aba
»al_msaa1
»alfatih
»aosman
»BAKTASH
»dreams
»farda
»HAMZA SULIMAN
»haneena
»nahar osman nahar
»Raja
»SAdo7
»sentimental
»shammashi
»shatat
»Shinteer
»shiry
»sudania2000
»Yasir Elsharif
»zola123
»ابنوس
»بت قضيم
»ديامي
»شدو
»عادل فقاد
»يازولyazoalيازول

عودا حميدا بت قضيم
الآن يكتمل الثنائي المفقود - شري - بت قضيم
نحن موعودون ببوستات ذات نكهة الطبيعة الحقيقية
حمدلة على السلامة

سلام مربع

اهل العوض

اتخيل عايز اكتب اهل اهل
قمت كتبت اهل العوده
هاااههاهااه
حمد الله على سلامتك
يا اهل العوده
انت كمان

بشراك فى السلك يا شيرى
اجمل خبر من الصباح -بتوقيت عالم المنفى -
كم افتقدنا بت قضيم
ستعود للبورد نكهة افتقدناها كثيرا

سلام مربع
هاله قوته

ونكهتك ايضا
يا هاله
هي دعاش البلد

سلمت ياستي

بت قضيم .. يا عزيزه دنيانا
سلامات .. واجازتك نفسه طوييييل


العزيزه سيري
شكراً

سلام مربع


هوبلـيس
ياخوي وينه بت سجيمان المجنترته
سجمك الليلة لو روحتها امها
بتكتلك
شيل شيلتك

شيري
حمد الله
علي سلامة ..بت قضيم ..ليها وحشة والله..



تمبس

بسم الله الرحمن الرحيم

شيري إنتو وكت بت قضيم جات ما صحيتوني ليه؟؟؟
وهسع مشت وين؟؟؟
طبعاً لازم تلف على الناس كلهم البكيات والسمايات والعرسان وكان في محل نستو ذكروها ليهو
أنا بلاقيها في طريقي

هتروشتنا شيري
تحياتي

بت سجيمان شكلها كملت قرش البصل
قرشت صورتها

اصلها من النوع القارض
والله يستر علي امها ما تصحى الصباح تلاقيلها شيتاً ناقص فيها
كان علي ابوها عاااااادي التقرض الدايره تقرضو
بس قلبنا علي بت وقيع الله

يبقن عليها الزمن والراجل والضنا

سلام مربع

تمبـس

انشاء الله يباركو ليك السمح
يا ود امي

بدر شنا

اجي اجي اجي ياود ام البدري
كيفن ماشفتها
المتلفحها توبها ديك
وداخلا على بيت
ناس ابو ضراع كرنكي
تحمدل ليها سلامة الراجل
الخنقتو شوكة السمك
وكان داير يموت عليهم
الا الساعة ديك ربك ساتر
كان وليدا لي جمالات
وقعلك في الراجل شيتا ضرب وشيتا كفيت
وشيتا نبل
لمن يا الشوكه تقولي كده تطير هنالك
وحات نظري لو ما الله لطف
كان قدت عين الراجل .
بس اها ، تقومي كده يا لشوكه
تلاقي عين الغنماية قدامك
وتقولي كده تخشي فيها
اها ، قلنا الحمد الله
انو الشوكة و شرها جات في عين الغنماية المسكينه
والله هسع يا البدري كان تشوف الوليدات
مغطين عين الغنماية بالدلقون
قلبك يتقطع عليها
اصلو شافعا لي التايه بت العوض
ممسوخ .. قال والله لو سالتو
الغنماية دي تلقوهوا مبسوطه
تقول الحمد الله ربنا ريحنا من خلقة
ابو ضراع ، اهو عين واحدة تكفي
شن بدوربو ابو ضراع
كرهو وراق


هوبليـس

بت وقيع الله ، هي الراقده ليها شنو
وعندها بنيه مشوطنه ومجنتره زي دي
وفوق دا ودا راجلها
وعلى الشواطين الفوق راسو دا
كيفن يا الحبايب
بتنوم ليهو على امان
لو قام بجنترتو دي
هو والبنيه المسكونه
دي ضبحوها
بري بري بري يايمه
اخير تجيب امها تقعدها معاها

الغالية شيري
حقيقي خجلتيني
هذا أحلى استقبال اتلقاه من اول ما جيت
الحقيقة اول استقبال لكي لا ازيد المبالغات إذا استثنينا الكديسة التي يبدو انها خلاص طاب لها المقام وقررت البقاء تحت شباكي نهائيا
الله يديها العافية

تسلمي يا ست الذوق
ربنا يدوم عليك نعمة الفرح
ما عارفة يا شيري لكنك دائما ترتسمين في مخيلتي وانت تتقافزين جزلا كما البراءة
------
هذا ما كتبته امس وابى الكلام بأم أبيه أن يتحتح من هنا
تسلميلي يا شيري

استاذي حمزة
أنا ايضا افتقدتكم حد الدهشة من قوة ارتباطي بهذا المكان ورواده
مع اني ما بعرف اي واحد في البورد شخصيا،، ومع ذلك احس كأنني فارقت أهلي واصدقائي فترة طويلة وعدت لهم بلهفة شديدة
ايكون ارتباط الناس بالحروف قويا لهذه الدرجة؟؟؟
سبحان الله
تسلم يا رب

حنينة الحنينة
الله يسلم عمرك
بعدين مين قال ان الشمار ما مفيد في احيان كثيرة؟؟
عندك الفول بدون شمار ما بظبط
بعدين حبوبتي تؤكد أن الشمار بهبط ضغط الدم
ثم أن الشمار خلاكم تحسسوني كأني زولة مهمة
وتسلموا كلكم يا رب

أبو جهينة الفلتة
قرأت ما فاتني من بوستاتك
ومازلت اندهش
لماذا لا اجدك في صفحات الصحف الأخيرة المشهورة واهتف اهو ده ابو جهينة كما كنت اهتف حينا لجعفر عباس ؟
الله يخليك ويسلم عمرك وقلمك

العم أهل العوض
بوستات ذات نكهة الضيافة مش كده؟؟
انت عارف نفسي اعرف نكهة الضيافة دي بتشبه شنو؟؟
الله يسلمك ويخليك

هالة صديقتي
يبدو أن برقيتي المقتضبة حول سفري لم تصلك او اني فاهمة غلط
المهم ان رسالة ارض جو في طريقها لك
ادينا فرقة في البريد
بعدين انا برضو افتقدك
يخليك

هوبليس العزيز
بالله ما اشتقت ليك لي شكلة وعنكبة معاي؟؟؟
لا لا لا ما تصدق بهزر والله
الله يسلمك يا عزيزي

تمبس (يا شين)
جملتك دي مقطعة ذي كربريتر عربية معشرقة
لكنا نقبلها بامتنان شديد
وكل السعادة وما زلت منتظرة غنيتي بي جهازي ابو سماعات مافي

الفاضل بدر الدين
والله لقيت اللفة طويلة خالص امبارح اليوم خلص بس لف بدون زيارات
بعدين الجماعة ديل ما صحوك خيانة لاجل يتقاسموا الويكة
لست ادري لماذا حملت بكميات من الويكة والبصل الناشف خصوصا ان البلد الأنا فيها ما شاء الله خيرها كتير بعدين يعني الناس ما بتموت لو ما اكلت ويكة وبصل ناشف
لا اعتراض
كيف معاك ملاح تقلية؟؟؟
يخليك

سلامات بت قضيم
ليك وحشة ياغالية
والله يبشرك بالخير يا شيرى يا بنيتى العزيزة
تحياتى

مهيرة الحبيبة
الله يسلم عمرك
الكثير من الحكاوي اظنني سأحكيها لك
بس الراس يهدأ شوية من الجوطة
يعافيك

البت قضيم
حمد لله علي العود الاحمد
او كما قلن البلابل
بيتنا نور وكله زينة وفي نصه مولعة رتينة
شيري شكراعليك وعلي بت قضيم

الاخت الفاضلة شيري
التحيات النواضر
اولاً في القديم حمدالله سلامتك انت
وفي الجديد بركة الرجعت لينا بت قضيم

أساسي أخوي
الله يسلم عمرك
اوع بس رتينتك دي تمسك في طرف الملاية وتقومي يا النار تشبي
اصلك انت صاحب سوابق حريقية ذي دي
يا حريقة
حقيقي بالجد،، اشتقت للشكل معاك
بالجد انا شكالة مش؟؟
يخليك

الفاضل هدهد
تحيات جمة
الله يسلمك
ومعاك اقول حمد لله على سلامة شيري برضو،، مع اني ما عارفة انها كانت غايبة هي الأخرى
تسلم كتير ويخليك

البت قضيم سلامات والعود أحمد كتبت كلام كتير من الفرحة اتكبكت وطيرتو كلو ما عارف وصلك ولا لا ؟


البت شيري
انتي لييه ما بتكوني اونلاين بتكتبي كيف ؟ داير اعرف اعمل بلوك في بورد بكري ده وما قادر ؟
بت قضيم لو كملت كباية الشاي وما عملتي بلوك ولا مشيتي بملاك كلام من اول وجديد اها الشاي ما يبرد
سلام والف مرحب بيك , قبل ما انسى تماضر بتسال منك

أبنوسي

تبلدي
اعتذر لنفسي اني ما كنت اون لاين لأقرأ ما فاتني
ولم يصلني الكلام هل لك أن تعيده لو سمحت من جديد؟؟
وتسلم على حمديل السلامة
الله يسلم عمرك إن شاء الله

حمد لله على السلامه يا بت قضيم
وهكذا نراك في نفوسنا يا شيري

يا بت قضيم

كلام الشوق لي كلام بي نكهة القضيم كيفن نيعدو ؟

الكلام طار وتظلي بيناتنا هنا تملي البنادويدث وتزيلي كل خيوط العنكبوت وعقبال نلاقي الهجوا راحوا ناس الدافي والباقيين

وريتك بالمسطول بتاع حلتنا ؟

مرة في حفلة في الحلة قال لي واحدة عجبتو بالله يا أخت ده قمر ولا شمس ؟ و الأخت طلعت أكعب منو شوية وقالت ليهو انا زاتي ما من البلد دي .

مسطول تاني سأل من الساعة ردوا عليهو الساعة أتناشر , قال بالليل ؟

مسطول إنجليزي بارد , سألو سوداني مشى زيارة هناك يا خينا بالله بتعرف الساعة كم ؟ رد عليهو المسطول الإنجليزي أيوة وركب البص ومشى .





كمان حمد لله علي السلامة



أبنوسي

حمدالله على السلامة

طبعا نحن حادين

مات لينا عيسى تيراب

بركة الجيتى

حمد لله على السلامه يا بت قضيم, ليكى وحشه والله


تماضر..البركه فيكم وفينا


وفى أمان الله

لا اله الا الله

تبلدي
تسلم للنكات والكلمات الحلوات
ومسطولكم حيقيقي عينة
وتاني راجية كلامي
يسلم عمرك

تماضر الحبيبة
سألت عنك سؤال الضهبان
وتوقعت أن خبر وفاة الاستاذ عيسى تيراب هزكم بشدة
الله يرحمه ويرحمنا جميعا يا رب
واحزني
الحزن مفتاح لفرح قادم
كل الود يا طيبة

سلام شيرى

سلام بت قضيم

وين الناس ديل