Post: #1
Title: فكره
Author: hammama
Date: 08-22-2003, 05:08 AM
زمان كنت شغال في شركه كويسه وكنت بحب شغلي جداًًً لكن كان في واحد هندي كل ما يكون معاي بيحاول يخرب المساله ويعمل حاجات من راسو جايبها من وين انا ما عارف عموما في يوم من الايام واخبار البترول الطالع في السودان ماليه الدنيا حاول صاحبناأن يغرد خارج الCREW كالعاده... بس أخوكم حمامه طار ليهو وقلت ليهو تعال هنا انت لو مفتكر اني مغترب هنا علشان اعمل قروش اكيد انت غلطان انا شغال هنا لانو في بلدي مافي شركه زي دي لاننا ما محتاجين ليها في الوقت الراهن علشان كده ياخ رايك شنو بكره ادفع ليك من حر مالي عشره الف دولار امريكي وتمشي من هناترجع بومباي واكيد هناك بي العشره الف دولار ح تعمل ليك شغل كويس وتعيش من غير ما اشوفك وتعذبني ياخ لانو انا مسأله اني اكتب عن زميل وأشتكي للمكتب ويفقد شغلو دي كبيره عندي خلاص !!! وكنت جاد او أدعي الجديه امام المسكين بس الهندي اعتذر بشده وقام وسّّّّّّّوط ليهو هنود كبار علشان اخوكم حمامه ما يزعل ومن يومها الهندي اتصلح بقي يمشي علي ال Mannual وما يلخبطو..........
الخلاصه .
والله يا اخوانا في ناس في البورد ده انا مستعد ادفع ليهم بس ما يجو هنا تاني ... اذا وافقني بعض الرواد طبعا .. وبنفس القدر ... اذا في زول حاسي اني مفسد عليهو بورده فليدفع.. وليكن الدفع ثقيلا كثقل صاحبه مثلا هناي داك الله يهديهو والله الشخص دا انا مستعد ادفع ليهو حتي دهب ام السمحات بس يخلينا ياخ... هو موش عندو جواز امريكي... ياخ امشي عيش هناك في البلد الحلوه ديك وخلي لينا السودان دا ياخ لاننا ما عندنا شي غيرو ح نتصرف فيهو بطريقتنا كان سي. دي . او اي دي المهم سودانيين من الجد المليون لحد ترهاقالا نحمل اي هويه اخرى ولا نحسن اي لكنه غير كلامنا العادي ...
اها منو معاي يا شباب .
|
Post: #2
Title: Re: فكره
Author: ahmed babikir
Date: 08-22-2003, 09:10 AM
Parent: #1
بالرغم من انوا انا ما عندي معاك اي عنكبه لكن للضمان اديني العشره الف دولار وانا بمشي واوعدك انوا ما حتشوفني اطلاقاً
|
Post: #3
Title: Re: فكره
Author: hammama
Date: 08-22-2003, 12:11 PM
Parent: #2
لا ياابو احميد انتا ندفع ليك علشان تقعد ياخ ومن كلامك دا معناها موافق على الطرح دا عموما رسل مساهمتك
|
Post: #4
Title: Re: فكره
Author: بدرالدين شنا
Date: 08-22-2003, 07:01 PM
Parent: #1
بسم الله الرحمن الرحيم
الغالي حمامة
سلااااااااااااااام بي عشرة الف
يعني خلاص فرحان قايل روحك غشيت الهندي
ياخوي الهندي تلقاهو بفكر في بترول السودان وكفالتك المستقبلية له
أما بالنسبة للبورد قلت لي كم؟؟؟
|
Post: #5
Title: Re: فكره
Author: bayan
Date: 08-23-2003, 04:29 AM
Parent: #4
انا موفقة
10 الف دولار
دى بتعمل لى بورد براى
والباقى
بشترى الشيلة لاخوى
و اعمل عملية شليق العيون لحبوبة
وطقم لحبوبتى التانية
و تيبان كتارات
ودهب
وسرامس
وملايات
و وصوانى من نصف قطرها 6 بوصة
الى ياردة
وراديو12 باند للحاج
و الباقى بمشى ازور السودان
يا اخى ما ممكن تتمها 15 الف
|
Post: #6
Title: Re: فكره
Author: hammama
Date: 08-24-2003, 03:10 AM
Parent: #5
والله يا بدر الدين صدقت في كلامك اخوي بكون الهندي رامي لي بعيد
ويا د. بيان والله تستاهلي انتي خليك قاعده ما تمشي لكن يا اخوانا اقنعو لي الزول ده يمشي والبقنعو بديهو الجايزه اتفقنا
|
|