Post: #1
Title: ابحث عن هذه القصيده
Author: nasiradin
Date: 08-21-2003, 06:20 PM
Parent: #0
استمعت الي قصيدة حلمنتيش يذكر في أحد ابياتها الاتي
قام تاني جاب سيرة البحر............
و القصيده من ابداعات طلاب جامعة الخرطوم
و علي حسب علمي انها كتبت في السبعينات
فهل يعرفها أحد و ياريت لو يكتبه كامله و قصة أو واقعة تأليفها
وله مني الود
تحياتي...ناصر البطل
|
Post: #2
Title: Re: ابحث عن هذه القصيده
Author: فتحي الصديق
Date: 08-21-2003, 08:37 PM
Parent: #1
ناصر
ازيك
فى حدود علمي ان القصيدة كتبها واحد رياد وكانت بجانبه حبيبته على شاطيء النيل يبثها غرامه الذي شواه شيا. وهي ولا عليها كلما ذكر لها ما يعانيه قالت ليهو شوف الموجة ديك حلوة وعالية كيف. اي انا شايفة ويستمر في البوح وتستمر هي في الحديث عن الموجة العالية والموجة الواطية فكتب فيها ما كتب.
اقول قولي هذا وازوغ زي ما قلت تماضر
|
Post: #3
Title: Re: ابحث عن هذه القصيده
Author: nasiradin
Date: 08-23-2003, 08:01 AM
Parent: #2
تسلم يا فتحي
بس ايدك معاي عشان القي القصيده في عضمه
أصلها تحفه و لي زمن بفتش عليها
تحياتي... ناصر البطل
|
Post: #5
Title: Re: ابحث عن هذه القصيده
Author: nadus2000
Date: 08-25-2003, 07:02 AM
Parent: #4
في الليلة ديك القصة ذاتها بقت عليك
يا عبدو وأدوك الشريط
يوم قولنا ليك أنضم معاها وكلّما
أبيت تسمع كلامنا وبقيت لميض
وقلته أحسن أكون تقيل أنا ما جميل
وبقيت تقيل لامن سقوك موية الغسيل
وجيت تنطط زي زمان وتباري بقعور الشجر
كايس كراسي الخيزران ..
وقعدته يا زينة الرجال.. كهربجي قال
رفعوا الستار والبت تجي ومرات تقيف
ومعاها يا زول زلداً حريف
والوقفة كانت وقفة ولف
صاحبنا بالاحساس عرف
سألته والناس كلّموك
ووقعته في شارع الزلط
تبكي وتجعّر والعيون اتورّمت
ويد القميص ضهر القميص كم القميص
حتى الفنيلة اتشرّطت
يا عبدو عيب
قوم يلا صلي على الحبيب
الواطه صبحت داير ننوم
يا أخوانّا لأ أنا عايز أموت أقع البحر
يا عبدو عيب
الدنيا حر .. والموية بتسخّن عليك
ثلاثة ساعات زولنا يسب ويكيل
ودموعو سايلات بالكفوف
وشرايطو تلمع في الكتوف
بقى فيلسوف
في علاقة بين يوم السبت وعين الحسود؟!
ومقارنات بين الجمال!!
و الجهل وسوء الإختيار
قال شينة قال ...!
قال شينة قولنا كلام صحيح
وخطيبها زاتو ولد قبيح
بس ياخي قوم الواطة صبحت داير ننوم
قام تاني جاب سيرة البحر
قام تاني جاب سيرة البحر
=====================
القصيدة تحكي عن شاكوش مكرب
|
Post: #7
Title: Re: ابحث عن هذه القصيده
Author: nasiradin
Date: 08-27-2003, 09:19 AM
Parent: #5
nadus2000
مرحب الشلام
اسف للتأخيرعلي الرد لكن وضحت السبب لي فقيري
و ما عارف أقول ليك شنو
لكن شكرا شكرا شكرا
وربنا يقدرنا علي رد الجميل
تحياتي...ناصر البطل
|
Post: #6
Title: Re: ابحث عن هذه القصيده
Author: nasiradin
Date: 08-27-2003, 09:09 AM
Parent: #4
يا فقيري سلامات
معليش علي الرد المتأخر
لكن كنت مسافر و يادوب رجعت
لكن و حاتك أول ما رجعت بفتش في البورد بى لهفه
و والله ما تتخيل انك ريحتني كيف
الله يديك العافيه
تحياتي...ناصر البطل
|
|