يا والدة يا مريم= محجوب شريف

يا والدة يا مريم
يا عامرة حنية
أنا عندى زيك كم
يا طيبة النية
بشتاق وما بندم
إتصبرى شوية
يا والدة يا مريم
مانى الوليد العاق
لا خنت لا سراق
والعسكرى الفراق
بين قلبك الساساق
وبينى، هو البيندم
والدايرو ما بنتم
يا والدة يا مريم
عارف حنانك لى
راجيك تلولينى
دايماً تقلدينى
وفى العين تشيلينى
ألقاهو عز الليل
قلبك يدفينى
ضلك على مشرور
قَّيّلت فى سنينى
أنا لو تعرفينى
لو تعرفى الفينى
أنا كم بحبك كم
والعسكرى الفراق بين قلبك الساساق

.. وبينى، هو البيندم
والدايرو ما بنتم
يا والدة يا مريم
طول النهار والليل
فى عينى شايلك شيل
لكنى شادى الحيل
والخوف على داهم
هاك قلبى ليك منديل
الدمعة لما تسيل
قشيها يا مريم
صدقنى أنا لقيتو امبارح
ا بحلم كنت ولا سارح
كان باسم وشامخ كالعادة
نفس الخطوات البمشيها
نفس الكلمات الوقادة

كلمات الشاعر الكبير محجوب شريف

-----
وعبر بوست خاص نطوف بكم فى شواطىء محجوب شريف وعبر البورد لها التحيه

بلدى يا حبوب
شكرا لهذه الهدية الجميلة يا رجل يا فنان و اليك رائعة محجوب شريف الاخرى (رسالة الى الشعب السودانى


رسالة الى الشعب السوداني
يا شعبنا يا والداً أحبنا

يا من منحت قلبنا ثباتك الأصيل

اليك هذه الرسالة القصيرة الطويلة

اليك من زنزانة تخاصم الفصول

اليك رغم أنف كل بندقية

وحقد بربرية

وكلمة شقية.. اليك منا الحب والسلام والتحية

ودمت يا أبي حبيبنا وبعد أدبتنا

أحسنت يا أبي

فلم نتابع الهوى وكأنما هابيل ما ارعوى

وكم غوى وتاه فى الأنا

أراد للدماء ان تسيل

ونحن مثلما عرفت يا أبي بفضلك الكريم

أشرس الرجال حينما نقاوم

نموت لا نساوم

ندوس كل ظالم

ونفتح الصدور للمدافع الثقيلة

ومن هنا أبناؤك الرفاق باسمك العظيم أقسموا

فصيلة فصيلة

أن يثأروا لصرخة الأمومة الجليلة

لطفلة جميلة.. تنفست قليلا.. تمددت قتيلة

رصاصة فى جنبها وطعنة فى قلبها

لم تعش طويلا

لكن مليون مثلها سينجب النضال

يا أبي حقيقة

فكم من حديقة تفتحت على حطامها حديقة

وكم مكان نخلة هوت علت نواتها وزادت ارتفاعا

أجمل الأطفال قادمون ساعة فساعة

عيونهم أشد من عيوننا بريقا

صدورهم بما وهبت أكثر اتساعا

وحينما يكبرون يا أبي

سيوفهم تزيد من سيوفك الطوال طولا

لأن بذرة الحياة ليست الرصاص

لأن بذرة الحياة ليست الرصاص
بلدى حبوب وان عدتم عدنا و ان لم تعود عدنا ايضا

..
.
بلدي يا حبوب
شكرا ليك و اتمني ان تزودنا بقصائده

بطاقة شخصية



الاسم الكامل إنسان

والشعب الطيب والديَّ

والحزب حبيبي وشرياني

أداني بطاقة شخصية

مـن غير الدنيا وقبالو

قـدامي جزاير وهمية

المهـنة بناضل وبتعلـم

تلميذ فى مدرسة الشعب

المدرسة فاتحة على الشارع

والشارع فاتح فى القلب

والقلب مساكن شعبية

وديني محل ما توديني

شرد أخواتي وأخواني

فتش أصحابه وجيرانه

خليني فى سجنك وأنساني

فى سجنك جوا زنازين

أرميني وكتف إيديَّ

علشان مستقبل إنساني

وعشان أطفالنا الجايين

والطالع ماشي الوردية

وحياة الشعب السوداني

فى وش المدفع تلقاني

قدام السونكي حتلقاني

وأنا بهتف تحت السكين

والثورة طريقي وأيامي

معدودة. وتحيا الحرية
--------

الله الله....
يا طبية النية.......



بشتاق وما بندم


بنت الحسين

العزيز بلدي يا حبوب
لك تحيات الزهور
لك الشكر وانت تعانقنا بمحجوب شريف
اود ان اصحح احد المقاطع التي وردت في النص

: جاء في النص
والخوف علي داهم

والصحيح
لكني شادي الحيل
لاخوف علي لاهم

ولك الود
خالد العبيد

العزيز بلدي يا حبوب
ايضا اود ان اصحح با المقاطع الاخيرة من النص والتي تبدأ من

صدقني انا لاقيتو امبارح
لاعلاقة بها بقصيدة يا والده يا مريم
وهذا الجزء هو مقطع من قصيدة رائعة لمحجوب كتبها عن عبد الخالق محجوب ويقول فيها
صدقني انا لاقيتو امبارح
لابحلم كنت ولا سارح


الى ان تنتهي بقوله
اعدامنا بتقصد اعدام ؟
الموت لو شنقا حتى الموت
ما هو الموت
الشعب بقرر مين الميت
والعايش مين
ولك الود
خالد

وهاكم دي :

الحب والثورة

مشتاق لك كتير والله
للجيران وللحلة
وكمان قطر النضال ولى
وغالي علي ادلى
...
محطة محطة بتذكر عيونك
ونحن في المنفى
وبتذكر مناديلك خيوطها الحمراء ما صدفة
وبتذكر سؤالك لي ، متين جرح البلد يشفى
متين تضحك سماء الخرطوم حبيبتنا متين تصفى ؟؟
سؤالك كان بعذبنا ، ويقربنا ، ويزيد ما بينا من الفة
وكم في قلبي دق نحاس
وطار من عيني باقي نعاس
واعاهدك يا اعز الناس
اشيل شيلي
واموت واقف علي حيلي
ولو في يوم خنت الثورة ، جيت والزلة في عيني
حرام عينيك يناغموني
حرام ايديك ، ينومن تاني في ايدي
واعاهدك يا اعز الناس ، على الوعد القديم باقين
وبين الثورة والسكين طليعيين
وبين الثورة والسكين ، شيوعيين
وحتى الومت شيوعيين ...


................................................................................................................
التحية لابوا مريم ومي ، محجوب هذا الذي الذي ظل شامخا في وقت تقاصرت فيه قامات الرجال ، وظل كالنخل هامة ... وبقامة الوطن الجميل ، رغم ان كل الاشياء من حوله تتداعى ...
وفي ظل الفقر والبؤس ظل يزرع الامل بمشاريع انسانية ، تكشف عن معدن الانسان داخله لة التحية ولك عزيزي خالد .

واحلالي القبلي شال شبال لمع برق المهيرة

قيرة قيرة يا مطيره

يا رزاز الدم حبابك

لما يبقى الجرح عرضة ولما نمشي الحزن سيرة

من دمانا الأرض شربت موية عزبة

كل ذرة رملة شربت حبة حبة

موية أحمر لونها قاني

فتقت ورد الأغاني

تهدي لى اسمك رمزاً للوطن كنز المحبة

قيرة قيرة يا مطيرة يا شهيد الشعب أهلاً

مش بتطلع كل يوم الشمس أجمل

وكل يوم النخل أطول زيدو قامة

وياما شفتك ياما ياما

لما شفت البدر طالع فى سما الوطن ابتسامة

إنتّ فى النهر البسافر جاري طول العمر صاحي

طبعو منك يا الملامحك من ضفافي

واللي شافك مرة شافو

واسمك الختيتو فرهد عشب أخضر فى الجناين

فى الشوارع نيمة نيمة فى مصابيح المدينة

فى فوانيس الضواحي

تملا نادي الحلة سيرتك

اسمك الخلانا نقدر فى ظلام الليل نعاين

والبتسأل عنو ده الخليتو شافع

لسه دابو

يا ما حيعجبك ، شنابو

صوتو رقان فيهو بحة

ود فلان اصرار وصحة

عندو قصة حب جميلة

جرب آلام الحراسة وحرض أولاد الدراسة

وهدّو حيل العسكرية

البنية أم طرحة كبرت

يا سلام الفنجرية

ليها راية وبى كلامها وبى اهتماماتها الجديدة

دقت أجراس القصيدة وشدت أوتار الصلابة

الكتوف اتلاحقت فى السكة يابا

واحلالي القبلي شال شبال لمع برق المهيرة

قيرة قيرة يا مطيرة يارزاز الدم حبابك

لما يبقى الجرح عرضة

ولما نمشي الحزن سيرة
من روائع الاستاذ محجوب شريف
قزازة دم