يا كافي البلا ....الحلة عدمانة ضليل نرتاح فيهو

لي كم يوم اجي خاشي الحلة كايس لي ضليل ارتاح فيهو ما القى

الكلام كلو دياسبورا ....والجماعة اتفقوا وتاني قامو فرتقو

وناس شايلين الشمار شي مغربل وشي خشن ....وناس خاتين الشمارات للبيع ويدللو عليها بالجرس ....وناس زهجانين من الحر وقطعة الكهربا

واساسي بعد كان بيشاكل فرادي بقى يناطح كل ناس الحلة

وشيري الايام دي قايمة في مكاواه جديدة وعايزة تمد سلك كهربا من جدة لنيويورك

وروووووووني حلل

بسم الله الرحمن الرحيم

المحبوب قرجة
سلاااااااااام وفرحة بالعودة
ياخي والله مشتاق ليك عديل كدا
المهم إنت جيت وجبت الضل خت عكازك دا هناك خلي الناس يضللوا معاك
يديك العافية

وينك يا قرجة مشتاقين
والله بعدكم الفريق اصبح خلا
وربنا يعيد ايامنا

اساسي الجميل

قال ربنا يعيد ايامنا قال

ما ياها دي ايامك.....شايفك بقيت تشاكل ضلك....و شابي ليازول في حلقو ياخي يازول ده ما زي ابونا ياخي ....حقو نحترمو ونخليهو يقضي ايام المعاش الاجباري مرتااااح مرطب زي ترطيبة

ما تقوم تقلب لي الطربيزة....البوست ده قلنا ضليل

زي ابوك براك يا قرجة
انا غايتو كان ابوي ( رحمة الله عليه) زي يازول كدا كان وديتو الدلالة
بعدين الزول بيجيب الاحترام لنفسه يا قرجة
عموما سيدي حتي انا لم اجاريه في كلامه
بعدين في فرق بين المشاكل ووجهات النظر وانصحك بقراءة بوست المشاكل واظنك تقصد ( انطباعات مجنونة ) مرة اخري لان فيه كلام وهو اكثره يستحيل ان يكون ما اطلقت عليه مشاكل
عموما اخي قرجة نتمني ان نجد كلنا في هذه الحلة هذا الضليل وخاصة انه الايام دي الفرن غير اقصد جدة غير

اسووووسي

الله لا جاب يوم شكلك

يازول الشكل جميل بس بدون ضرب تحت الحزام

ويا ريت نبدا نكتب قانون النزال

الحبيب الشفيف

البدري الحلو

يازول اخوك بيجي شارد من وجع راس الشغل كايس ليهو ضليل ولو زي بتاع الساعة اتناشر ونص داك....فتشك فتشك ما تلقى الا الهجيرة والكلام الدراب دراب....تقوم تمسك راسك وووين يا الباب وتروح قافلو روووووووو......

وتقول في سرك حليل حلتنا زمان...ونسة وضحك وشكلنا زااااتو كان بي فهم.....اااااي والله بي فهم يعني شكلا يخش الراس ويخليك تستمخ للشكلة...وتخلف ليها كراع فوق كراع وتندكل ليها السفة وتحك في راسك وتقرا ساااااااي

العزيز قرجــــة لك وحشه والله


عودا حميدا كيف اخبارك يا رائع

السنجك الجميل

كيفك وكيف اخونا الساحر....شايفكم مختفين
والا قاعدين في السويبة بتستعدو لمعارك اخرى


خلونا نشوفكم

العزيز قرجة
سمدلة على الحلامة
الجابك يجيب كولا وقرشو وبقية الظرفاء
أها ، فتحوا الشنط وللا لسة

الملك

احمد

يا اخوي فتيح الشنط ما بجيب غير اللوم والمشاكل ....الناس بتسمن وتضعف والهدايا يا طلعت ضيقة يا واسعة وناس عديل يقولو ليك الفيك اتعرفت....فيا اخوي اغمت وبس....بس فك ايدك شوية

قرجة
السلام كيمان و الوف
مطول مننا تب.
أظهر و بان عليك الأمان يا مان.

جاييييك

يا ناظرنا في دريمز

واستاذنا في س اون لاين

الحبيب قرجة
وينك يا راجل
اخوك مزنوق مع الموسم والله
دارين لينا محاكمة في الهواء الطلق لاساسي
ونشوف بورداب جدة نايمين مالهم

شمس المغرب الممحوق
تميل فوق وشك المحروق
تبين صفرة سنيناتك .
بين ضل الكلام مقلوب
تميل يا صالح الأيام ولا عاشرت
هدمأ زين ولا
حتيت ولا تراب السوق
تفضل
تفضل يا خفيف الضل
ورش جرجيرك البايت
وعد ليمونك الفضل
وكوم حزنك الباير
وبيع من غير تشاور زول
تواريخ دمك الفاير
وتفرش في الضحى الأعلى
تبيع سام العمر كيمان
ولا لافتات
ولا أوزان
ولا أتمان
تشد تركب قفا الأيام
زهج خيلك يلد تيمان
فرس شوقك دوام مسبوق
تميل يا صالح الأحلام
أهو القدامك البتبيعو
أشواق الصبا الأيتام
وبرضك ما تبيع لي زول
أسف ربيتو فوق كتفك
ولا عشقا شبع أوهام
أهي الطاحونة يا صالح
أهو السوق الصبح ألغام
تفضل يا خفيف الضل
ورشرش صبرك الفاير
وارفع صوتك الحنضل
وألعن ما يهمك زول :-
أبوك يا سوق سليل الغم
أبو الطوريه والمنجل
وخال الرجله ، عم الدنيا
جد الفجله والفلفل
وشكل القفه
والكرتونه
والجردل
وألعن ما يفوتك زول
من الشارين من البايعين
وجنس البرضا والبزعل
واشتم ياخى ،ايه فضل
وايه يحصل ،وهل تقبل
تميل يا صالح النجمات
مع القمر الخصى واهبل؟
متين يا صالح الآمال
تميل ترقص وتتعدل ؟!
واضحك لا يشيلك هم
على النيل الصبح مبول
صحي الأمواج بتتبهدال
صحي الأحلام بتتبهدال
برضو سعاد حتتحول ؟!
لا .... لا يمكن
دى ما شمس الضحا الأعلى
ومشيه حنينه تحت الضل
وتكية ضريه فوق رمله
دى أحلام جاريه متبهله
وما ممكن تقيف الا
وليد العمده يلعب بي
يدردق في الحرير كرشو
يعاين في النعال وشو

ويقدل في الفريق تمساح
ينادى سعاد تلم الكون
تحت ضل الضحى البواح
تصور يا خفيف الضل
دا عندو الهمسه.. أمر مباح
وتقطع من لحمنا الحي
وتعقد فوق شحمنا الساح
ونهتف نحنا مشويين ومقليين :-
ده يا عمدتنا هو الصاح
وياهو الصاح
وياهو الصاح
ويا عزة نفس بركت
متين بتسوى لينا جناح ؟
واشيلك يا سعاد وأمرق
من الزمن الدنى..ونباح .
عمر الطيب الدوش
ظل الضحى
إهداء أليك
قرجة
اقعدفيهو
لغيت
بظهرلنا
ظل اخر
ونمرق من حالة حصار

صاحبي قرجة

تعرف دائما العسل بكون قليل

لكن عندي ليك نصيحة تمام

هناك بوست جميل ، وأظنه - حاليا - في الصفحة الثالثة

واعتقد بعنوان .. يا صديقي

صاحب الوبست هو
Abomihyar
وهي تداعيات ليحي فضل الله
البطل هو قريب جدا من فرنكش ود الحلة
وترطيبة لكن على طريقته الخاصة

انصحك جدا بالمرور على هذا البوست

عفوا يبدو اني ثرثرت كثيرا

لك المحبة

رحمابي

صديقي المجافي

مهاجر

يازول جدة الايام دي عبارة عن فرن كبير
فلا يوجد هواء حتى يكون طلق كمان
ولكن فكرة اللقاء جميلة لوضع الجميع في الطوة



العزيز المهندس

طلتك حلوة وهمبريبه ضارب
كتر من زي ده


صديقي الرحمابي

سلامة راسك ياخي مااالك رابطو

يا

مكتشف الروائع....ذهبت للبوست وطبعتو لقراءته بمزاج والواحد متغدي

كنت متوقع منك مشاركة نقدية لترطيبة

الحبيب قرجة والله التقصير ابعاد من جانبنا
بس زي جلابية انصار السنة
لكن حقك علينا
اخوك برجع زي الفرخة المذبوحة سرير وبس
امس اول مرة في حياتي انوم 12 مساء

عمــــو قرجه
صاحب الترطيبات

ومكـــــان ما تكون في ..بيكون معاك الضل .. وطلتك بالدنــيـاء والله يا عمو ..وياريت تعود ايامنا ..وينشر الضل تاني
باقي ليك بنلقي لينا ضل في الهجيرة دي ؟؟؟

بالمناسبة يا خال .. وامانة ..تنكت لينا العمــدة قرشو ..ربنا يطراهو بالخير ..





تمبس

تمبس الفنان
الأعمام ديل بيجيبهم الغنا الظريف بتاعك داك
شرّك ليهم بواحدة من اشراقاتك المعهودة
تحية للعم قرجة
والعم كولا
والعم العمدة قرشو
والعم العبد لله

ود اختي تمبس

والله خالك على الهبشة اي كلام ببكيهو خسوسا وخسوسا اغاني زمان باداء اولاد الزمن ده

وزي ما قال عمك احمد اعمامك بدورو المغنى الجميل

تسلم يا رائع والله يعرس ليك البنية البتستاهلك وتستاهلا

وليك علي اجر ليك قرشــــــو واجيبو ليك في بطن حوشنا ده


يا مهاجر

يازول ربنا يعينك وينولك مرادك

اللطيف أهل العوض
حمد الله علي السلامة .. جيت متين انته ؟؟
وكان علي الشرك .. القلوبيه جاهزة ..كدي نعمل لينا محاولة ..في " متلة " عمو دي ..وكان ما نجحت ياني الفتحت المخلاية القديمه الجوه الشنيطه السوادء ..

عمـــو الجميل .. وأحلي واحد في الدنيا دي ..
العرس ما بناباهو يا خال .. الا بدورن كتيرات .. وساعتا بتشوف المغنا الجد ..بالجد .. نقارة لي يوم السبـــــــوع ..وعلي ضمانتي .. بس شوف لينا العمده ..لانو بالجد واحشنا والله .

عمــو

تمبس الفنان ..... والله عاد أعمامك جيهتهم جيهة ... هذا الصوت (كما يقول أهل الإذاعة) القادم من الخمسينيات .. عامر الجوهري .. ما عندك ليه غنا عربي؟؟ .. لك التحية والشكر

أهل العوض ..صباحاتك ورد

صنقع لا فوق .. وشنق طاقيتك .. وجر عكازك المضبب ..وانعدل ..بتلقي اغنيتين للجوهري وكان ما جابت الحجاج ديل .. والله تاني الا ..بالفقراء

انا غايتو اعتمدته علي الله وعليك





تمبس

قرجة صاحب البيت .. تحياتي

يا تمبس .. ياخي الفنان ده قطعتو من راسك وللا أنا ناقصاني المعرفة اعوذ بالله من الجهل
الأغنية بعرفها وسمعتها بصوت أبوداؤد في بعض قعداته .. لكن فنانك ده والله صوتو جميل جمال حيرني. عليك الله ده من وين ده؟ يا سلام عليك. انت عارف أنا لو عندي صوت زي فنانك ده ح أقدر اقعّد الاغنية دي أسمح من كده لكن الشتارة كاتلانا
أرمي يازول .. خلينا تننفّض ونحتحت الصدأ العالق في ارواحنا ده

قرجة سيد القرجة

الله شاهد وعالم فقدتك

مراحب وحبابك .. شوف كيف لميت الحبان آ الحبيب

حباب

شانتير الاصيل

ا زول نتابع الجنيات ديل حرم نرجع سغاااااار

امسك في تمبس ده قوي .... انا غايتو بيذكرني شبابي مع اني وحاتك

لسعععع سغيييييير


الحبيب احمد

شنق الطاقية .... وارخي اضانك كويس باقي اضانك اليمين عارفا تقيلة

من عامل الزمن


الاستاذ الحبيب ابو مهيار

والله فرحنا لانتصارك بالماستر وفرحنا اكتر لطلتك البهية

وهكذا نمد الايادي في هذا الوطن السايبيري حتى نلتقي باذن الله

عمو قرجة يا خوي أنا البجيبني ليكم شنو؟ أنا لسة في ناس من دفعتي ما عرسو ، لا فرشولهم برش ولا حسبولهن قرش ... عندنا ولد وبت لسة في الصف .. البت موظفة كبيرة وبي بيتا جاهز من كلو .. حقو الواحد يكلم ليها العمدة دا يتلت وللا يربع بيها .

اهاااااااااااااااا قمنا

يا ابوحميد

بتدور تنكر العمر

نان اضانك تقيلة من شنو ......وريني بس؟

العمر ما مشكلة
المهم الأخلاق
بعدين بي أضاني الواحدة دي أنا سمعت الغنوات التلاتة
لامن سون لي شعشعة
ياخوي كولا وين البخيت بي الله

باضاني الواحدة دي



ههههه


ذكرتني حررررينه

الاخ الحبيب
اهل العوض
والله مشتاقين
سمعتك تنادى جيتك جاري
جري مازي جري عمو قرجة
قال حرينا قال

كولا
بركة الشفناك طيب
بالله لكن المرجيحة ماعندك
دي ذكرتني بي ايام الطفولة بتاعتي
كان عندنا مرجيحة زي دي في الجنينة بتاعتنا
يعني إنت خلاص شبعت من المراجيح
بقيت ترقد فيها الكدايس

بالله تمبس دا ما خطير
الباقي العمدة غايتو الله يقومو بالسلامة