يا ناس الهليتون خلو يعملوا ليك اطواق نجاة فى الغرف

كثيرون منا شاهدوا الجسر الذى المتعافى بالضفة الشريقية للنيل الابيض بحجة عمل شارع دائرى لتخفيف الحركة من نصف البلد وسالنى كثير عن سبب قيام هذا الجسر وكانت الاجابة كما اسلفت لكن الحصل انو الموضوع وراءه بيع عديل كده شمارات الخرطوم كانت بتقول انو فى الامير طلال السعودى الجنسية اشترى الضفة الشرقيه والخبر شمار مامغربل لكن بعد فترة ظهرت يافطة كبيره ومكتوب عليها مشروع السهم الذهبى ومزيل انه تابع لصندوق الضمان الاجتماعى ما علينا الفيلم كله الظاهر ماشى الجيوب لا اكثر حديث الناس كان منصب فى ايام الخريف والفيضان الذى نعايشه الان ايام الاستعمار اتخذته مساكن لحكومتها.طبعا من قمنا لقيناالضفه الشرقية ده فى فترة الخريف تمتلا بالمياه مما يخفف اندفاع المياه الى مناطق الفتيحاب والشجرة والاماب والكلاكله اضافة الى خور ابوعنجة بتخفف عليه اندفاع المياه وفى فترة الجفاف كانت هنالك اسر كثيرة تعمل فى مجال زراعة الخضار والعلف جات ثورة الانقاذ وقام شرف الدين بانقا وكمل الجسر المتعافى وحمدا لله الى ان اتى خريف هذا العام لم يأتى احد ليثتثمر المكان وكماهو معروف ان السيل ما بيدل مجراه مهما طال الزمان وطبعا النيل الابيض اليومين ده عباره عن سيل جارف وكما دكه الجيش المصرى خط باريف غلب المساكين ودعواتهم استجاب لها المولى القدير وتحولت المنطقة الخلف الجسر الى بحيره لم نشهدها من قبل وامتدت المياه ملاصقة لفندق الهلتون ومبنى الشركة العربية بالمقرن وعلى بعد اقل من متر من حاجز شارع الزلط الرئيسى المتجه الى كبرى النيل الابيض والشمارات اليومين ده بتقول
فات وفات والجسر بقى خزان والباعوضه ملايه المكان والسلاح الطبى حجز المويه كمان والمويه فى كل مكان ويا المتعافى حول الجسر لخزان .
اخر اخبار الفيضان
توتى تخاصرها المياه والخوف من هطول الامطار خلال هذا الاسبوع الفتيحاب دخلت المياه الى بعض الخيران وفى مواحهة مع بعض البيوت ابوعنجة المياه فى طريقها لعبور كبرى شارع الاربعين بالعباسية واحتمال وصولها الى منطقة حمد النيل اما بالقرب من اتحاد الفنانين المصرف المجاور له امتلا بالمياه وشايف فى طلمبة بتضخ المياه الى النيل بس ذكرتنى والله ساقية جحا فى بيت المال وابوروف المياه تترصد بحافة شارع الكورنيش
لكن تحول جسر الضفه الشرقيه للنيل الازرق ده ممكن اقول عليه اكبر شمار مرتاجة ليه الناس ياما انته كريم يا رب

عذرا فى بعض الاخطاء الاملائية
قبل المتعافى مفرزض يكوف فى كلمة بناه
وسالنى كثير الصحيح سألنا كثيرون

تصويب
بعد نعايشه الان وقبل ايام الاستعمار المعنى القاصده اقوله الاتى
:--
اصلو لو المكان ده لو بصلح للاستثمار كان ايام الاستعمار سكنونه الخواجات