|
|
 حلاة البيت .. بــرا .. مــره
|
( حلاة البيت ... برا .. مره ) (1)
نرقص نترتر لى وراء ... حلاة ( سماحة ) البيت برا مره
هذه المقولة قالها : خالنا في مدينة الفاو بمشروع الرهد ، كان يرددها هو وأصحابه عندما تسافر زوجته لأهـلها لقضاء فترة من الزمن إجازة صغيرة أو كيرة بين أهلها في البلد
ينفرد خالنا هو واصحابو في البيت ويستمتعوا بليالي الأنس ويرقصوا ويمرحوا في البيت ويغنوا ويهيصوا بهذه المقولة دائما فصارت مثلا لكل متزوج منا في أهلنا .
هل هذا الكلام ينطبق علي الجميع الكل بفرح بسفر المره إلى أهلها وبرقص وبترتر لى وراء ؟؟؟
· أفيدوني لأني عزابي مقبل على الزواج !!!!!!!
· هل الكلام ده صاح ولا ده كلام ســــــــــــــــــــــــــــــــــــــاكت!
|
|
 
|
|
|
|
|
|
|
 Re: حلاة البيت .. بــرا .. مــره (Re: HOPELESS)
|
الأخ / جمال عبد الرحمن - المحترم
تحية طيبة
كلامك ده كلام خوف ولا هروب قبل ما تعرس وما داير تفكر في المشكلة وبعدين ترقص وتترتر لى وراء وزي ما قلت صدق القول يعانق العقول الكلام ده عانق بيهو عقلك شويةونشوف حل للمشكلة
مأصلوآدم كان بريده
حــــواء
كلام ساكت
| |
|
|
|
|
|
|
|
|
|
Re: حلاة البيت .. بــرا .. مــره (Re: KalamSakit)
|
الاخ كلام ساكت
دي فعلا مشكلة اي راجل بعدما يتزوج بفترة بيكون مبسوط اذا ابتعد عن زوجته ( غايتو ده الشايفاه في السودان عندنا عند معظم الرجال) لذلك حقو النسوان بالجد يراجعوا طريقتهم مع ازواجهم وليه الواحدة بتدي فرصة للملل انه يقتحم حياتها للدرجة التي تجعل زوجها ينبسط من سفرها!! دي مشكلة محتاجة لدراسة فعلا
يعني بدل ما نخفي راسنا في الرمل من الافضل للنساء انهم يشوفوا المشكلة وين
| |
|
|
|
|
|
|
|
|
|
Re: حلاة البيت .. بــرا .. مــره (Re: maia)
|
الأخت / مايا
المحترمة
تحية طيبة وبعد
ده كلام عقل ....لكن أن برضو شايف المشكلة ممكن تكون من الرجال وما دام المشكلة مشتركة بين الرجال والنسون وكلهم عندهم عقول بتفكر ممكن نصل لي حلول ما حل واحد
وكلام الشعراء بين اي إتنين إكون ده كلام ساكت
| |
|
|
|
|
|
|
|
|
|
Re: حلاة البيت .. بــرا .. مــره (Re: KalamSakit)
|
عارف المشكلة وين؟ معظم الرجال ما بيحبوا القيود بسبب تركيبة الرجال بشكل عام
والمرة بطبعها نقناقة ( من غير زعل) فوجود طبعين زي ديل في مكان واحد بيفجر ملل بمرور السنين
الرجل بيلقي على المراة عبْ استمرار الحياة ، دوما هي المطلوب منها في كثير من تفاصيل الحياة انها تجعل البيت مستقطب للرجل باعتبارها هي الموجودة فيه معظم الوقت
ما بقول النسوان مساكين ومغلوبين على امرهم ، الامر ليس كذلك في حاجةللتغيير والتجديد في شكل الحياة حتى لا يصيبها الملل ، يعني ما لازم الاسطوانة تكون مدورة بنفس الاغنية طول الحياة مع الاعتماد على ضمان وجود ورقة الزواج يعني لو ما في روح التغيير في شكل الحياة
بعد فترة بنتفاجأ بعدم القدرة على الاستمرار فيها
| |
|
|
|
|
|
|
|
|
|
Re: حلاة البيت .. بــرا .. مــره (Re: Yassir7anna)
|
الأخ/ حــــنا - المحترم
ده كلام جميل جدا عن تجربة منك وده فيهو حبت تشجيع شوية لي عشان إتحمل طلبات المره حتى لو كنت مفلس ما دام مبسوط منها وما بتقدر تفارقهالكن نسيت كلامك عن إنو لو شاوروك في العرس ده تاني كنت عملته ليهو
Undo
ولا دكان كلام في حالة غضب وفلس شديد
ده حــار وده ما بتكوي بيهو
| |
|
|
|
|
|
|
|
|
|
Re: حلاة البيت .. بــرا .. مــره (Re: KalamSakit)
|
بسم الله الرحمن الرحيم
الغالي كلام ساكت
سلااااااااااام ساكت
شوف والله المرة دي مهمة جداً في البيت وعدم وجودها أسوأ شئ ويازول عرس الليلة قبال بكرة وصدقني ما حا تندم .. شفت عرسها ورحلها طوالي معاك ما تخليها مع أهلها
أنا بقول الكلام دا عشان أنا أخو القدح
| |
|
|
|
|
|
|
|
|
|
Re: حلاة البيت .. بــرا .. مــره (Re: بدرالدين شنا)
|
الأخ العزيز/ أبو النســــــب المحترم
تحية طيبة
أولا شكرا على النصائح بخصوص الكمبيوتر
وشكرا على الدافع للدخول في اقوى التجارب الحياتية
والله نلقى زيك عشرة ما يكون في راجل عزابي وما في مــره بايرة
وإن شاء الله
كلامك ده ما يكون
كلام ساكت
| |
|
|
|
|
|
|
|
|
|
Re: حلاة البيت .. بــرا .. مــره (Re: KalamSakit)
|
الاخ كلام ساكت
تحياتى
فعلا كلامك ده كلام ساكت لان المراه هى ريحا
نة البيت
رضى الرجل ام ابى
ورغم انو فعلا احتمال يكون متضايق منها لسبب او لاخر لكنه لا يستطيع الاستغناء عنها ابدا ولكن الناس بتقول كده من باب الهظار والتسليه وبعضهم بيقولها على مسمع من الزوجه وهى تتبسم لهذا القول الذى غالبا يكون من الطوق ولى فوق
لكن انا عندى عمى لما زوجته تغيب عنه يردد :اليوم نرفع راية استقلالنا
وحقيقة البيت بلا مرا الله لا وراك ليه
ام الاء
| |
|
|
|
|
|
|
|
|
|
Re: حلاة البيت .. بــرا .. مــره (Re: Teeta)
|
الأخ كلام ساكت
تحياتي
هذه المقولة أظنها ترجمة سودانية لفترة الراحة التي يأخذها الزوجان بعيدا عن بعضهما البعض ، و عندما يعودان ، فإنهما يعودان بزخم جديد و حيوية متجددة. و لا أظنها كما يعتقد البعض أنها تعني أنه إنعتاق من المرأة.
تباعد الزوجين عن بعضهما لفترة وجيزة ضرورية ، فلا شك أنه سيفتقدها و تفتقده ، و عندما يلتقيان بعد غيبة و لو قصيرة ، فإنه إستمرار لعجلة الحياة .
تسلم
| |
|
|
|
|
|
|
|
|
|
Re: حلاة البيت .. بــرا .. مــره (Re: ابو جهينة)
|
يا اخونا
كلام ساكت
انا هسي عندي زي عشرة كتب من بينهم كتاب منصور خالد
لي شهرين اتاوق في العناوين وما لاقي طريقة اقرأ حرف
يوم تطعيم البت ويوم
’Mother Care
ويوم نمشي نبارك لي ناس فلانة ديك ونشيل ليهم هدية جونا قبل كدة
والهدية التفكير فيها عايز ليه ساعة وجيبتها عايزا ليها تلاتة ساعات ووصيلتها ساعة وقديمنا راجعين جنب خشم الباب ساعة
وجونا ضيوف دي كل يوم وحفلة وداع فلان والاشياء الاجتماعية البتجيبك راجع تعاين لي الساعة زي الحكم
هسي منتظر البت وامها يسافروا وامسك كتبي دي اقراها واحد واحد
وغدا وعشا ما عايزهم
فما يغشوك بلاي
| |
|
|
|
|
|
|
|
|
|
Re: حلاة البيت .. بــرا .. مــره (Re: اساسي)
|
اقوليك حاجة
برضو المرة بترتاح لما يكون الراجل
مسافر خاصة لو سودانى
لانها حترتاح حبة من العزومات وعمل الشاى
والراجل السودانى
نحمده ونشكره اكثر راجل حوام
يجى يعمل يو تيرن فى البيت
و يركب الظلط تانى
المرأة من طبعها بتقدم التنازلات
لكن انتو برى منكم
دايرين تعرسو وتكونو ما معرسين برضو
تاخدو فوائد الاتنين
الخدمات ويترفع وضعك الاجتماعى و على بالطلاق بتاعتك تكون عندها وزن
بعداك ما بتخلو اللفيف والضهب
والشلة
نصائح ليك
املص اصحابك العزابة وصاحب متزوجين قدركم زيارات
جماعية
اياك والصمت فى بيتك
الراجل السودانى كان الشلة ما اجتمعت ما بيتونس
بعدين اظبط موجتك عليها
لما تكون حزينة كون حزين ولما تفرح افرح
لانه لما تكون زعلانة وانت فرحان دى حقارة
طبعا الرجال بعد كم سنة بيكونو مناعة من يسمعو زوجاتهم بيقولو شنو بيكونو بس شايفين الفم متحرك وما سامعين
حاجة دى بترميك فى مشاكل لانها ممكن تديك خبر مهم وانت
ما تسمعو وتقع فى مشاكل
بعدين الراجل السودانى بيستلم الشكلات
تكون هى زعلانة و تبدأ الشكلة
تلقى صاحبنا استلم الشكلة طوالى
وبقى سيدها
وعمل هو المحاربها
اها اتجنب هذه الثقالات ما بيكون حلات البيت بلا مرة
| |
|
|
|
|
|
|
|
|
|
Re: حلاة البيت .. بــرا .. مــره (Re: nazar hussien)
|
العزيز / نزار حسين
المحترم
تحية وتقدير
والله نوع كلامك ده بخوف عديل أنا أي حاجة بتحمله إلا عدم القراءة والإطلاع لو بفارقة فراق الطريفي برجع خطوة لى وراء من الفكرة من أساسها
لكن كلام ده إنت بتقولو بعد أن مريت بقصة حب طويلة ولا قصيرة أظن إنو في فرق علي حسب كلام الحبيبين
مع هجرك وصدك ما زلت أريدك
يا نعيم الدنيا
أبو داؤود
| |
|
|
|
|
|
|
|
|
|
Re: حلاة البيت .. بــرا .. مــره (Re: Teeta)
|
أم ألاء - المحترمة
تحية طيبة
نوع ناس عمك ديل بخوفونا لكن الزول إقول ده جيل ونحن جيل
وشكرا غايتو علي التشجيع ومزيد من الدفع عشان لازم نبني البيت
عشه صغيرة كفاية علينا
كلام ساكت
| |
|
|
|
|
|
|
|
|
|
Re: حلاة البيت .. بــرا .. مــره (Re: AlRa7mabi)
|
الأخ العزيز / الرحمابي
المحترم
الجنيدهين الكلام البحر إقطعوا كيف
ونحن لمن شاورنكم قلنا تمسكون الدرب ومتخلونا نطش
لكنك عملت بالمثل البقول
أهديك من الخفة والرايحة ما توصــفــه
مع أجمل التحايا
كلام ساكت
| |
|
|
|
|
|
|
|
|
|
Re: حلاة البيت .. بــرا .. مــره (Re: KalamSakit)
|
انا اتخيلى المشكلة كلها فى لصيق السراير
جمع سرير
لكن الفرحة دى مؤقتة و سرعان ما يبدأ الحنين و يكون الزول عايز ناسو يرجعو حتى لو اصاب الرجوع دا ملل
و ح نترتر لا متين
و دا برضو كلام ساكــت
| |
|
|
|
|
|
|
|
|
|
Re: حلاة البيت .. بــرا .. مــره (Re: KalamSakit)
|
الاخ الرائع كلام ساكت
عندنا زمااااااان في حلتنا مساعد طبي في مركز طبي
او بما تسمي شفخانة في تلك الايام البعيدة ولا اذكر الآن اصوله
وهو قطعا لم يكن من المنطقة
فهذا المساعد كان قاشر علينا قشرة غريبة وسماعتو وبالطوه الابيض معاه حتي في الصلاة
نايم وحايم وقايم بي بالطوه وعندو علي الدوام في جيبو سلفة
واسبرين
تقول عندي اي شي قدام الناس طوالي يطلع ليك السلفة
ويكتب ليك روشتة وكمان الاوراق الفاضية والقلم حاضرات في جيبو
ولكن اذا مشيت ليه في الشفخانة
يوريك الويل تتصور تكون انت قاعد براك يقول ليك امشي اقيف في الصف
وان قلت ليه مافي صف يقول ليك يا ولد امشي اقيف في الصف الدكتور مشغول هسي لامن يجي دورك
بعد وقوف كتير في الصف اب نفرا واحد ده يجي بره يقول ليك اها انت عندك شنو
والله جننتونا زاتو
لكن مرضك ده نحن ما ادونا ليه كدي امشي وتعال
وانا هسع يا ولدي ما عندي ليك غير سلفة
وهي زاتها بعد ده بتكمل وتريحنا من خلقكم دي
لذلك فانا اذا غيرت ليك كلامي الفوق ده الا اديك سلفة
| |
|
|
|
|
|
|
| |
Tumadir
Yassir7anna
بدرالدين شنا
ابو جهينة
nazar hussien
bayan
AlRa7mabi
اسامة الخاتم
فيس بوك
تويتر
انستقرام
يوتيوب
بنتيريست