|
Re: أها ياناس نيويورك كهربتكم جات ولا نجر ليكم سلك من هنا (Re: shiry)
|
لووووووووووووووول بت حلتنا سلام
نحن على بالطلاق السلام بالرجالة بالحسنه بنعرف كيف نجيبو .. لكن هم كمان مايعملوا لينا فيها رجال .. على بالطلاق كان للرجالة دي نحن كملناها عرس سااااكت ودي كمان عليها لوووووووووووووووول
((الظاهر الكهرباء عندها مشكله عالميه وانا بكتب في الرد دا وفي النقطه دي بالزات انخفضت الكهرباء هنا وطفت الأنوار ماعدا الكطمبيوتر ظل قرابه الدقيقه صامد لحين عودة التيار كاملاً سالماً
المهم يا هتروشه بلاش من الشماته في الناس ديل ديل مفروض نحن نقدم ليهم المساعدات ونمدهم بالخبرات حقتنا في الحالات دي واهو كدا لقينا لينا شغلانيات لكمية خبراء القطوعات العندنا
والله كمان لو وريناهم طريقه الترشيد وبرنامج اطفئ لمبه ينخفض سعر الخضار نكون ماقصرنا معاهم تب
-- أولاد الذين يا الأمريكان ضوقوا الانقراض حقنا دا
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: shiry)
|
الأخت شيري
المشكلة ما إنو كهربتهم قطعت ولا جاءات المشكلة إنو حتكون سابقة للوزراء عندنا في السودان
وزير الكهرباء ولا مدير الكهرباء حيقول للناس يا خوانا الكهرباء في أمريكا قطعت ما تقطع عندكم في السودان
وإنت عارفه إنو آخر مرة قطعت فيها الكهرباء متين في أمريكا ؟؟؟ كان الكلام ده سنة 1965 المعلومة دي سمعتها من الأخبار
وده كلام ساكت
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: shiry)
|
شيري العزيزة ازيييييكم كتيرة كهربا من كهربا بتفرق يعني نحن خلقة قاطعة عندنا وزي ما بيقولوا العشب السوداني طوالي في حالة فرح الكهرباء تجي فرحان والموية تجي برضو فرحان الكتوف اتلاحقت وين يا عزيزتي ، هم قطع الكهرباء بتعتهم بتفك لكن كعب نحن البيفك لينا الكارثة العندنا منو تسلمي يا ستي
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: shiry)
|
سلام مربع هوبلـيس وانت برضو كمان يا اخوي هوبلـيس بلاش الدعاء عليهم دعاء ، الناس ديل طلعوا حلفاؤنا عديل كده . الا تري كمية الامدادات التي بعثناها اليهم .. وشوف كمان اللوترات التي اتطاقشت هناك .. غايتوا ما عارفه ، لكن قربوا يحصلونا .. بـس فضل ليهم تجيهم الملاريا بـس ، ويعرفوا الدرب الى حبوب الكينا والعرديــب ، القرين فروت . والله نحن قرين فروت وعرديــب سااااكت نغني منهم .. هههاههاهاهاههااها ، ؛ حلوة حكاية العرديب والقرين فروت دي هاههاههاهااه
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: sympatico)
|
symapico سلام مربع
من القال ليك الحكاية دي صعبة عارف حتة فني صغير لا راح ولاجي من كهرباء ولاية الخرطوم ممكن يقوم بالمهمة دي وفي يومين تلاث بـس يجر ليك سلك زي السلام عليكم من محطة بري الحرارية الكحيانة دي لحدي حلة الدناقلة موش برضو في بروكلين حلة اسمها حلة الدناقلة اكيد في .. بس كدي انت تسال لازم تلاقي اقول ليك حاجة اكيد في الكلاكلة صنقعت المهم لحدي حلة الكلاكلة صنقعت في منهاتن بلاش حلة الدناقلة يمكن تكون بعيدة شوية اهو الكلاكلة اللفة اقرب منها شوية وانت ماشي على منهاتن قبل كشك الليمون .. ماشفتي لكن من دربي ماشه عشان اكفر ليه
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: maia)
|
سلام مربع
مايا
بنشحدوا من السعودية ولا ايران واذا ابوا يدونا البنك الدولي راقد ولا المجنون بتاع ليبيا نديهو ليك غشه باسم الخرابيط التي في رأسه وبعد داك بنجر ليهم السلك عارفه هو يوم بـس نوصل ليهم فيه الكهرباء من محطة بري الحرارية الى محطة الكلالكة اللفة بنيويورك وبعد داك الحكاية براها ح تجيب لينا كهربتهم عارفه ليه لانو عرفت انو الكلاكلة اللفة بتاعة منهاتن عاليــــــة وبـــري واطيـة
الم تدرسي جغرافية المياه والسدود والكهرباء انو الانحدار سبب اساسي في الاتصال بين نقطتين بعيدتين شفتي كيف الواحد ممكن يشغل مخه لمن يجي ينصب على خلق الله اهو عمنا الريس نصب علينا كده عاصمة روكة وعاصمة علمانية وعاصمة خالية من العنصرية وعاصمة شالوا دينها بره وعاصمة ادوها الدين بتاعها
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: shiry)
|
سلام مربع
كلام ساكــت
ثمانية وثلاثون سنة كهربتهم ماقطعت اييييييييك يا قوة الله تمانية وثلاتين سنة يا مفترين كهربتكم ماقطعت وزعلانين عشان شوية ساعات قطعت فيها كهربتكم يا بختكم لا عندكم مسلسل متابعنو يفوتكم ولا مذاكرة بتفوت علي واحد فيكم ولا عملية جراحية تحتاجوا انكم تستعملوا فيها الرتينة واللمبة ام جاز دا افترا وحات نظري منكم نحن كهربتنا والله اظنها ستين سنة ما انتظمت وما اتعرفت بتين تجي وبتين بتقطع ماشه على حل شعرها على قولة عادل امام تجي وقت ماتجي وتقطع وقت ماتقطع الا رحم الله دلالها وغنجها
بس عارف اكتر شي يخوفني ، يقوم الوزراء يصدقوا الحكاية دي بتاعة انو امريكا بقت زي السودان ويعلنوا الانتخابــات الولائية وانتخابات الرئاسة على شهر ديسمبر الجاي واصلــي انا لسعة مااستعديت عشان الانتخابات الرئاسية والمشكلة ماشايفه لي زول واحد مستعد عشان الانتخابات دي اقصد عشان منصــب رئيــس الجمهوريــــــــــة وعاشــت وحدة شعوب ماوراء البحار ونهر تنسي واوهايو ونهر النيل والقاش ، ونهر عطبرة
وبرضو دا كلام ساااكت
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: maia)
|
نحن لما الكهربا تقطع بنشرب من الزير ونمرق العناقريب فى الضل...ونرش موية النقاط والواطة بتبرد ونلفح توبنا نمشى الجيران
البيزنيس ما بتأثر ، لانو الشمار دة اصلو ما بنقص ولا بزيد فى سوق العملة
وزى ما اقترح مصطفى احمد الخليفة انو المهندسين فى السودان مفروض يعملوا تلاجة زبالة تشتغل بالحطب ومكوة اسمنت تشتغل بالجاز و حلة برسيتو تشتفل بالزبيرتو وتلفون يشتغل بالشعيرية...
المهم حاجات محلية لانو مافى داعى الواحد يملا البيت بالمصنوعات والاجهزة الكهربائية ...ومافى كهربائية
ناس نيويورك ...بتقفلوا فى الاسانسيرات...وبتوكحوا فى المتروات..وتحت الارض ...ومكنات البنوك...ما تسحب قروش والثانية عندها قيمة والسنت عنده قيمة
المهم انا ما مزعلنى عدم جية العمدة لى ناس امبدة فى التلفزيون محيرنى بتاع نيويورك دة
كان يلقوا ليهم تلفزيون وين؟؟؟
الغريبة الكهربا قاطعة لغاية اسبرنق فيلد ماسيتوستشس
يعنى عشرة دقايق من بيتنا...ونحن...ربنا شافنا...عارفنا ضايقين قطع الكهربا
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: Tumadir)
|
تماضر : حبيبة البي سلام مربع ههاههاهااه ، اوووبس يا عيوني .. كتليتني ضحكا .. يعني الهناي الخرب الكهرباء بتاعة امريكا ، جلى شوية كده من اميتكم .؟؟ اكيد اميتكم عرفت ان حب الناس ليكم ح يمد سلك من جدة او حتى امبدة اذا قصــر السلك او سخن من الحرارة اصلي حلتكم في امريكا قالو شفعكم ما قعدوا يرشو بالموية قدام خشم بيوتهم عشان كده ممكن السخانه تقطع السلك او حتى اذا تعذر النقل عبر البحار من امبدة او الثورة ، فاكيد ناس سودانيز اون لاين ح يمدو ليكم سلك فيه شوية كهرباء .. وليزعل بكري او حتى يقوم يسحب الباندوث اقصد يسحب حاجة كده اسمها التامين ولا العداد ماعارفه سلمت ياغالية للطله الحلوه وحمد الله على كهربتكم الجاملتكم ومااتلومت معاكم
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: maia)
|
سلام مربع
مايا حبيبة البي
يا كترتهم الفكيات ودي جمع فكي جلي واحد اكيد ح نلقي لينا فكي بس على قولك خلينا في سلك الكلالة اللفة حلة منهاتن يحل لينا مشكلة كبيرة
واذ تعذر ايضا عن الحل اهو تصدير العرديب والقرين فروت يحل لينا مشكلة العملة الصعبة سلمت ياستي لمشاركتك اياي الهترشه
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: maia)
|
سلام مربع
هوبليــس
لحدي علمي .المهندسين والفنيين بتاعين كهرباء الخرطوم ماوصلوا وعلى حد علمي برضو انو المطارات لسعة قاطعة موية ونور محتارين كيفن ينزلوهم لكن شايفه مفكاتهم على اضنيهم ايذانا ببدء حل مشكلة كهربة امريكا
مايا
ياحبيبة البي اصلا كل نجوم السياسة والحكومة عندنا سوبر استار لكن حقيقي انا برشح ليك غازي سليمان المحامي عايز يكون سوبر استار بالرجالة ماهو ملحم زين السوداني هاهههاهاهااه
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: shiry)
|
شيرى وحات الطاحونة كتلتينى بالضحك الله يجعل ايامك كلها افراح
هو الحاصل شنو الايام دى للخواجات كلهم ؟ قبل يوم بس السخانة مرقت مننا كتلت 215 شخص فى اوربا وشردت 17 قرية فى اسبانيا من الحرائق والخواجات بقو زى القعونج كلهم كبار وصغار جوة الموية لا خلو نوافير لا شواطئ لا برك ولا ترع الكل جوة الموية .... امس كمان نشوف ليك الامريكان بقو زى الفيران .... الغريبة كهربتهم مازى حقت السودان زى ما قالت تماضر .... الكهرباء هنا كل شئ القطارات والموبايل والانفاق والمناجم وناطحات السحاب وكل الحاجات فى السودان فى ناس لحدى هسع ما شافوها زاتو شغالين بأجدادنا القدماء ... كان مرضوا العلاج زى الفيلة كى و موس وقرض وحاجات كدة اجارك الله بس .... بالليل ماشين مع الدبايب سوا ... تقولى لى الكهرباء قطعت كمان ؟
اما الكهرباء الشوية زايدنها موية فى الخرطوم دى بتشتغل فى مناطق القصر الجمهورى وبيوتهم السمحة ديك .... واكان جات قوية كمان تضرب ليك حاجات الناس كلها .... كهرباء ما موزونة وناس ما موزونين والطيارة ما عندها مواعيد وغايتو جنس مرض خلى بس الله يكون فى عونا
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: امبدويات)
|
سلام مربع
الفاتح اهو انت جيت من الاخر ،وقلت ليهم انو ابو القدح بعرف محل مابعضي اخوه يعني كهربتنا دي جنها دا نحن بنعرفوا برانا اتخيل القصر الجمهوري بتاعنا وبجلالة قدره كهربتو ما قعد تقعد فيهو كتير.. والله كان مااخاف الكضب شوف عيني مرة شفت ليك البشير في الاخبار .العرق دا نازل ليك منو ششششووووور التقول كان واقف بكابس في المواصلات نصة نهار في ميدان ابوجنزير لكن لست متاكدة تماما اذا النازل منو داك كان من الحر وغياب الكونديشن متاثرا بانقطاع التيار الكهربائي ولا ديك كانت زنقة وخنقة من اعمامنا الامريكان غايتو احسن نخليها مستورة . نحن كهربتنا دي لو قعدت اكتر من عشر ساعات في اليوم بتعمل خسائر بملاييين الدينارات للاسر المتوسطة بس .. عارف ليه ؟؟ لانو حتما ناس الادارة حا يفتروا على الناس ويجيبوا ليهم فاتورة قدر دا اخر الشهر ..تقد الجيب الاصلا هو مخروم سلمت ياسيدي وربنا يجعل كل ايامك افراح
امبدويــات انت عارف اكثر شيء جاب لي اخلاقي هنا من القصة دي كلها ؟؟ انو الناس عندكم في كندا وامريكا ماعاوزين الكهرباء تجي وبس شغلة وخلصنا منها .. ديل عايزين لازما وحتما انو يعرفوا الكهرباء دي مالها قطعت يعني سبب واحد يخليها تقطع مافي عجائب والله !! انا التي هي تاكدت انه لابد من السعي الحثيث وراء تنصيب خبراء كهرباء ولاية الخرطوم كمسئولين عن خطوط الصيانة بتاعة كهرباء امريكا وتيم تاني مسئول عن السلك المجرور من منهاتن لتورنتو عشان يبطل الشعب الامريكي تاني يسأل ، ويتعلموا يحترموا النعمة وبلاش اسئلة دلع كهرباء اكتر من ثلاثين سنة ما تقطع وبعد دا ماعاجبهم الحال حكمة ربك ونعمة صحيح الكهرباء لية قطعت ؟؟ وقول لي منعم شيري قالت ليك كفارة مادرناها ليكم والجاتكم في كهربتكم سامحتكم ، احسن ماكان تقع ليكم في الشوارع تضطروا تمشوا في الدقداق وبشروا وبشر ناس امريكا ان مشروعنا بتاع جر السلك من امبدة لي منهاتن جاري على قدم وساق هي كلها مية سنة والكهرباء بتاعتكم تصلح وتبقى قوية وعالية الضغط زي حقتنا
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: shiry)
|
سلام شيرى
الحقيقة إنو الكهرباء آخر مرة قطعت فى نيويورك كان فى عام 1978 فى زمن الرئيس كارتر, وإنقطعت لمدة 10 ساعات بلغت تكلفة الخسائر التى خلفتها 6 مليار دولار, و كنا قد درسنا ذلك فى كورس دكتوراه كامل عن أثر قطوعات الكهرباء على النشاط الإقتصادى فى بداية التسعينات, وأذكر إنه زارنا رئيس اللجنة التى كلفتها حكومة كارتر بالتحقيق فى ذلك الحادث وحاضرنا لمدة 4 ساعات وقال إن التحقيق النهائى جاء فى 16 ألف صفحة وأخذت مدة سنتين لكن أهو الكهرباء قطعت ثانية
والغريب أن السبب يكاد يكون واحد فى الحالتين إذ فى الحالة الأولى حصل حمولة زايدة وإجهاد حاد على خطوط التحميل مما حدا بمهندسى السلامة لفصلها من محطات نياجرا أما بالنسبة للحادث الحالى فزى ما بيقولوا نتيجة حريق فى محطة التحكم مما أدى لخروج 21 محطة عن الخدمة بينها 4 محطات تعمل بالطاقة النووية
وجايز نلقا أنفسنا ممرمطين فى دراسة وتحليل هذه البهدلة أذ يا دوبنا خلصنا من دراسة وتحليل كوارث كهرباء كاليفورنيا ومصايب إنرون التى حدثت قبل أكثر من سنتين وكلفت ولاية كاليفورنيا وحدها أكثر من 10 مليار دولار, لكن يبدو أن الجايات أكثر
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: WadalBalad)
|
رائعتي
شيري
واسمحي لي ان استعير تلك الصفة بشيء من الانانية ولو لبعض حين لانك فعلا رائعة الكل
ومواضيعك بتعرفي تنتقيها وبتحولي الخبر الي رحيق
فلك مني دوما اخلص التقدير والتحية
الدكتور ود البلد
يا اخي ما ترجعو تدرسولنا اسباب عدم وجود كهربتنا مش انقطاعها وتعودنا علي اشعال اللمبة ام سويط واثر ذلك علي ثقب الاوزون
وعلي وجودنا تحت سطح الارض؟؟؟؟؟؟؟؟؟؟؟؟؟
والشجر اقلام جميع والنيل مداد والكراريس راااااااااااااااقدة
بس انتو تعالو اكتبوا
كان تلقوا لينا حل بعد خمسين سنة
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: Habib_bldo)
|
العزيزة شـيرى وباقى الأخوان الكـرام انا ما عارف الأندهاش فى شـنو.بأختصار انه كل تلك المناطق التى انقطعت عنها الكهرباء فى امريكا وكندا عندهم عدادات الدفع المقدم (الجمرة الخبيثة)وبأختصار اكتر انه كل تلك الجموع الكادحة مادفعت القروش العليهم وبالتالى انقطعت منهم الكهرباء فأين المشكلة انا ماعارف انه الشعوب المتخلفة دى ما بتعمل حسابا ليه وتشترى الكهربا اول بأول؟اتعلموا ياأخوانا من الشعب السودانى العظيم.
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: قلقو)
|
سلام مربع حبيب بلدو
لا ياسيدي انت مافهمت الشغلانه بتاعتنا نحن قصدنا ننصب على الناس ديل الم تقرأ في كتب الجغرافيا ان المكان العالي تتدحرج منه الماء للمكان الواطي وانا اكتشفت انو بري واطية ومنهاتن عالية فاول ما نوصل السلك من محطتهم في منهاتن لي محطتنا في بري طوالي تقوم تشفط ليك باقي كهربتهم كلها وهنا عندنا ناس الله لا وراك تحايلهم على الكهرباء كيف سلمت ياسيدي للطله
قلقو سلم مربع
على ذكر الجمره الخبيثه .. هل تدري انهم في السودان توصلوا الى حلول جذرية معاها والله بتكلم جد حاجة تحير تعرف لمن ظهرت الجمرة الخبيثة على اياميها كنت في السودان ووحدت الخوف ، والاسباب المنطقية ، لكون الناس لعدم استيعابهم لزيادة اعباءهم الشرائية انو الواحده تقوم الصباح شايلها قفتها وماشه الجزر عليك الله اديني نص كيلو لحمه وكيلو خيار /بطاطس /خضرا وفجاة كده اديني اثنين كيلو كهرباء ؟؟ اتخيل؟؟ وتعاطفت معاهم وكنت اول من بدأ بالدعاء عليى ناس الكهرباء شكيتهم على الله ناس الكهرباء وفي زيارتي قبل اربعة اشهر للسودان لقيت ليك الناس مبسوطه انهم لقوا ليك حل جدري مع الجمرة الخبيثة عايز تعرفها ولا لع ؟؟
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: WadalBalad)
|
سلام مربع
ود البلد
عارف يا دكتور ، اذا تحدثت بهذه الطريقة الى شخص مثلي ، عاش على الاقل كثير عمره في منطقة الخليج على اعتبارها من دول العالم الثالث وشوية كدة من عمرة في السودان يعني ماعارفه السودان من دول العالم الثالث ولا لسعة ما لقوا ليهو تصنيف اقول اذا تحدثت الى شخص مثلي بتلك المعطيات والاحصائيات عن مشكلة بالنسبة الى شخص مثلي كل الذي يفعله انه سيفغر خشمه مساحة تلاثة امتار واذا كان عراضة خشمه مثل هذا البوز الذي احمله فقول يا معوض على الموجودات التي امامه ثم يحك راسه طويلة طولا وعرضا حتى ينحت كل شعره ثم تنزل منه دمعة زي الحجر ، هي واحدة تتدحرج من عينه حتى تفلق رجله ثم يجري ويجري لا يلوي على شيء شيئا كده لا هو جنون ولا هو بلاهة شيء كده اقرب الى العواره لسبب بسيط وهو ان كل مشاكل السودان منذ الاستقلال بما فيها مشكلة الجنوب ومشكلة الغرب ومشكلة جبال النوبة والمناطق المهمشه مع انني مافاهمه ماذا تعني مهمشة دي ماهو كل السودان مهمش ومشاكل مياه النيل ومشكلة حلايب لن تجد كل البحوث والدراسات التي كتبت عن هذه المشاكل تجي ليها في ستمائة صفحة ناهيك عن ستة عشر الف صفحة يا الهي .. ستة عشر الف صفحة في كهرباء قطعة لمدة عشرة ساعاااات ومحاضرة لمدة اربعة ساعات وتكليف رسمي من رئيس الولايات المتحده بس دا كلوا عشان يعرفوا السبب يا قوة الله .. انا متاكدة انو في معظم المشاكل التي ذكرتها اصلا لم تجد من يكتب عنها ناهيك عمن يكتب تقارير عنها يا قوة الله .. ستة عشر الف صفحة لحتة اوفر لود صنغتوتي لا راح ولا جاء ؟؟؟؟ يادكتور ما تعمل فينا معروف وتكلم لينا ناس اللجنة ديل يجي يحكموا لينا السودان انا باين لي اتهبلت
الزول الرائع : نزار حسين
ياسيدي دا كلو من زوقك الحلو وربنا يغدرنا بجد جد على رد جمايلكم يا نزار يا خوي انا طلبت من الدكتور يحنس اللجنة العملت تقرير من ستة عشر الف صفحة يتنازلوا شوية ويجي يحكموا لينا السودان تعال حنسوا معاي يقوم بالمهمة دي
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: shiry)
|
سلام شيرى
والله ضحكتينى أضحك الله سنك
التحقيق الذى تم حول إنقطاع الكهرباء من القطاع الشمالى الشرقى من أمريكا عام 1978 تزامن مع مشروع الرئيس كارتر حول برنامج الطاقة لأمريكا والذى كان من المفترض أن يقوم به الرئيس نيكسون عطفاً على أزمة الطاقة لعام 1973 وتصاعدها بعد حرب أكتوبر 1974 والمقاطعة البترولية لأمريكا وهولندا التى أمر بها الملك فيصل, لكن نيكسون إتلحس بفضيحة ووترقيت وخلفه نائبه الرئيس فورد لإتمام المدة المتبقية إتلحس بعدها فى إنتخابات 1976 التى فاز بها كارتر
خطة كارتر للطاقة كانت خطة محكمة صمدت أمام الكارثة البترولية الثانية عام 1979 بعد قيام الثورة الإيرانية, والتى وصل خلالها أسعار النفط إلى 40 دولاراً للبرميل, المهم التطور الذى شهدته تكنلوجيا الطاقات البديلة مثل الطاقة الشمسية وطاقة الرياح يعود الفضل فيه إلى تلك الخطة التى ما زالت تحكم برنامج الطاقة فى أمريكا إلى أن جاء هذا المخلوق ببرنامج سوقى لمليونيرات النفط لم يجد طريقه للآن فى الكونقرس ومحكوم عليه بالفشل مسبقاً
لكل ذلك جاء التحقيق فى إنقطاع الكهرباء فى ذلك الوقت فانصرفت كل اللجان العاملة, وعددها 73, لوضع الخطة القومية للكهرباء قادت إلى نتائج مذهلة بحيث زاد إنتاج الكهرباء عن الطلب فتم قفل العديد من المحطات النووية العملاقة لعدم الحاجة أليها ولم يدخلوها الخدمة إلا خلال السنوات القليلة الماضية, يعنى لو دايرين نجر سلك للسودان محطة نووية واحدة تكفينا من حلفا لنمولى ونمد بعدها أسلاك إلى يوغندا وتشاد وأفريقيا الوسطى وهلم جرا, أصلو المحطة الواحدة منها متوسط قوتها 1000 ميقاواط وكل كهربتنا المنتجة الآن فى السودان يادوب تحصل ليها 500 ميقاواط, شفتى الفرق
وبعدين حكاية ناس من هنا يحكمونا دى خليها سايت, خلى ناس الجبهة ديل يروحوا بالأول ومعاهم المهندس الوزير (أصلك شميتيهو) والبجى بعدهم من الله كله بيكون كويس, أما إذا كان لابد من أمريكى أمريكى هل ينفع جوازى؟؟ ما قالوا جناً بتعرفو أخير من جناً ما بتعرفو
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: WadalBalad)
|
ٍسلام مربع
شماسي
رواكيب في ناطحات السحاب يا مفتري وكمان ازيار انت عايز نقيط الازيار دي يرميها ياخي انت مخرب بعدين تعال هنا الرواكيب دي الناس تطلع ليها وهي الكهرباء قاطعة انا معاك لو عملنا رواكيب على طول نهر تنسي واوهايو وطالما اننا ضغطنا على امريكا وحصلنا منهاعلى ان نكون الدولة التي تعامل على مستوي تجاري متفرد زي مابقول اهل الجمارك ولا ماعارفه شنو؟ المهم نفرش في الرواكيب ديك قنقليسنا وعرديبنا وقرين فرتنا وكمان الدوم حاجة تمام عشان نحارب بيها الارهاب ايه رايك في المشروع دا نحن مالنا ومال مشكلة الكهرباء دي خلينا لي دكتور ود البلد
دكتور ودالبلد
طيب يا دكتور يعني كهرباء قطعت لمدة عشرة ساعات اتكونت لجنة من 73 خبير وكتبت هذه اللجان ستة عشر الف صفحة عن نفسي وانا بهذا الدماغ الذي فرطقته معلوماتك المزهلة والقيمة التي كتبتها هنا فعن نفسي لن اتخيل ماذا يحدث وكيف تكون ارقام الاحصائيات التي تطلعون بها لانو اتخيل لي كده عايزين ليكم عشرة الف مصنع للورق وكل مصانع اليابان عشان الليزر ريبون حق البرنتر بس دي تقارير ساكت قيل ان احد احبائنا من اهل العوض ساقته الاقدار لزيارة الخرطوم وعلى سوء حظه شاف برج البركة بميدان ابو جنزير فما ان شافه حتى وقف مزهولا يسال اخيه الداهية دا بكون كلف كم ؟ قال ليهو شرطا كلف ليهو مليوووووون جنيه فان سالتني في كم صفحة سيطلع تقرير هذه اللجنة ربما ساجازف واقول ليك شرطا مليون صفحة واكتر من كده ليس لخيال مدى بعدها عن نفسي وانا دخلوني واخدوا راي في مسالة الشان السوداني مثلما يقول عمنا الصادق المهدي هذا شان عويص ، اتخيل نحل اول مشكلة كهرباء سد مروي وبعدين ان الله ادي في العمر نشوف مشكلة الانقاذ والجبهة الاجرامية والوزير العوير النحس داك شكيتو على الله اما بالنسبة اليك .. انا موافقة بس انا مصره انا تجيب معاك تلك اللجنة سلمت ياسيدي لهذه المعلومات القيمة ربنا يزيدك علما يارب
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: maia)
|
مايا سلام مربع
يا مايا انت لسع ما اتعلمت من الكلام دا قالوا ليك قولي ليه كهربتنا قطعت يعني منهاتن ولا نيويورك احســن من ولاية الخرطوم ولا احسن منها قالوا اذا طلبت من المجد فاطلب عشان كده اتمسكي بي حقي وارفع دعوة في شركة الكهرباء قولي ان قطع الكهرباء بدون سابق انذار ادي الى تعطيل تلاجتكم والى انهيار اقتصاد بيتكم لانكم تعتمدون على التلاجة والكهرباء وطالبي بي تعويض اصلي ما تتنازلي عنه والمحامي مني نحن نعمل ليهم كده وحات نظري محاكم ساكت وتعويضات ناس البشير والزول الشين داك يسيبوها لينا ويشتتوا وبعد داك نقوم ننادي ناس اللجنة بتاعت الريس كارتر اللي عملت تقرير من ستة عشر الف صفحة ايه رايك ؟؟
| |
|
|
|
|
|
|
Re: أها ياناس نيويورك كهربتكم جات ولا نجر ليكم سلك من هنا (Re: benyya)
|
سلام مربع
منعم 2002 عارف وانت بتحكي لي عن تورنتو ، والظلام والشفع بتجاروا مافيش كهرباء .. وصف البنزين فكرت قلت الناس ديل عوره ، ليه ماجوا استشارونا عشان كنا ح نرسل ليهم الركشات والكاروهات عشان تجيب ليكم المويه كيف تعيش مدينة بها اعلي برج في العالم من دون كهرباء وموية مالازم يكون في حل .. الحل في كاروهات الموية تقدل جنبا الى جنب مع السيارات الفارهة وفي الشوارع التي تشوف وشك فيها يعني اتخيل برج تورنتو البتقول فيها دي ، مويتو ، كملت وكهرباء ذاتها يشوفوا بيها مافي لازم ينادوا لي بتاع الكارو عشان يجي يكب ليهم برميل ثلاث براميل كده عشان لزوم تمشية الحال .. وطبعا اصحاب الحمير مابقصروا يوقفوا ليك (لحام) مع الركشات و تحت البرج الماخمج وطبعا الركشة لانو بستخدم شمومه من البنزين ..فانتم كذلك تحتاجونها
امبدويات
طبعا ، المشعليب انا بعرفه .. اكيد اصلي بت تفتيحه . والمشلعيب دا بالذات ، عشان انت فكرت فيها ، على الفكره بـس ، انا ح اديك عليها كوميشن لانو كندا ومع الجو الجميل البتحكوا عنه دا ، سوف يستغنوا نهائيا عن التلاجات بتاعات الجاز او الغاز لانو صاحب كل بناية حي يعمل ليهو مشلعيب كبير خالص في مدخل العمارة ، ويقسموا الى مشلعيبات صغيرة صغيرة زي ما بخصصوا لكل شقة (بيت الجوابات) .لازم يخصصوا لكل شقة مشلعيب ، يضعوا فيه كل ما يمكن ان يبوظ والمطابق ، والجزلانات ، من دربي دا خلاص ح امشي اتفق عليها والناس ديل مايدقسوكم انت ود امبدة زي ما قلت ، الكهرباء دي تاني ح تقطع ، لانو ناسكم ديل لسعة مع عرفوا السبب ..فمشروعنا قائم .. استيراد الركشات وكاروهات المويه
بنيه الفنجريه الف الف مبروك على عودة الكهرباء ، وانشاء الله بس تكونوا زغردتوا ليها مع اني حاسه انها تاني ح تقطع سلمت ياستي للطله الحلوه
| |
|
|
|
|
|
|
|