Post: #1
Title: مقابل ماذا يقبض السياسيين أجورهم ...؟
Author: nasiradin
Date: 08-09-2003, 10:42 PM
تصادفت قبل فتره باحد المدعويين أو الملقبين بالساسه
الرجل أخر قيافه
عربيه لاندكروزر اخر موديل +حاشيه من التبع بضم التاء + عربيه مرسيدس + ... + ... الخ
تسائلت في نفسي ولم أجد اجابه فكتبت هذا البوست عسي ان يدلني احدكم
... ماذا يعمل هذا الرجل ؟
فالسياسيين في كل بقاع الارض لهم مهن يعرفهم الناس بها ...الا في بلد الطيبيب هذا
السياسي ليس له مهنه غير السياسه
من اين يأكل هولاء عيشهم...؟
وممن يقبضون اجورهم...؟
و ماذا يفعلون مقابل هذا الاجر...؟
و ما هي مهامهم الوظيفيه...؟
و علي اي اساس تحدد اجورهم...؟
وماذا اذا اخفقوا في واجباتهم...؟
و متي ينزلون المعاش...؟
لدينا في الحي وزير سابق أحد بقايا الاحزاب الباليه يجلس طوال اليوم
علي كرسيه امام المنزل
و تظهر عليه علامات العيش الرغد
وعندمل يتسائل أهل الحي ماذا يعمل هذا الرجل
يجيب البعض بانه معارضه
و يجيب الاخرين بأنه وزير سابق
وان كنا نقبض اجرا مقابل معارضتنا فهذا بيع للقضيه .. فالمبادئ لا نؤجر عليها
و في الحالتين ما زال السؤال قائما
واذا كانت المعارضه بهذا المستوي من الرفاهيه فليعلم الجميع من هذه اللحظه
بأني معارض للحكومات السابقه و الحاليه والقادمه ان شاء الله
و الان أعرف مأذق الكلمات أعرف ورطة اللغة المحاله
أرجوكم قودوني الي النور
تحياتي ... ناصر البطل
|
Post: #2
Title: Re: مقابل ماذا يقبض السياسيين أجورهم ...؟
Author: DEEK_ALJIN
Date: 08-10-2003, 10:17 AM
Parent: #1
ناصر تحياتى
يقبضون اجورهم من عكننتنا ... وتشريدنا .. وباسمنا
يقبضون اجورهم كما حليب الام من بين دمانا
الان هنا فى السعوديه مثلا هناك لجان لحزب الامه والاتحادى
تجمع الاشتراكات والدعم من انصار الحزبين ... ليتجدع بها كبار
الساسه ويرغدون
وده غير الشحده من الحكومات الخليجيه باسم الشعب السودلنى
ديكو
|
Post: #3
Title: Re: مقابل ماذا يقبض السياسيين أجورهم ...؟
Author: nasiradin
Date: 08-10-2003, 08:11 PM
Parent: #2
تسلم يا ديكو
تصدق انو لما القي واحد كوز راكب ليهو عربيه بوكس دبل كبينه مظلله ما بستغرب عارف لييه ؟
لأنو انا وهو و المجتمع ... كلنا عارفين انو حرامي
بس حرامي حرييف بياكله و هي طايره
بس تقول شنو في واحد يكون الوصف المهني بتاعو معارض
انا عايز أعرف يعني بيعمل شنو
وهل لما أقول الحق المفروض اقبض عليهو قروش
وهل انا بقول الحق و أكون منتظر يدوني عليهو قروش
وده منو ده الوطنيتو أزيد مني... بكسر الميم و النون ... عشان يديني قروش بالمقابل
ولا يكون عنده مصلحه تانيه عشان كده بيديني قروش
بالجد والله انا بقيت محتار
رايك شنو في واحد يكون كل المناصب الاشتغله يا وزير يا رئيس مجلس وزراء يا معارض
عليك الله ده حيحس بالسوداني البسيط البركب مواصلات و شغال شغلانه هامشيه
و بياكل وجبه و بيفط التانيه ... كيييف
وتاااااااني يقولو لينا اتحزبوا ...نتحزب عشان نعمل شنو تاني
قالوا ... كان اتكلمنا اتقلمنا
تحياتي ...ناصر البطل
|
|