احبتي:قادة البلد السياسيون والفكريون والفنيون والصحفيون يتابعون هذا البورد

سلام
كما توقعت من البداية ، فان البورد الانيق اجتذب يوما بعد يوم المتصفحين من الذين يهمهم أمر البلاد
وصار فتحي البحيري وهوبلس ودنق وشيري وغيرهم وغيرهم معروفين للخاص والعام
فكم من رسائل اتى بها الايميل
وكم من ناس التقيهم في الشارع او في الاماكن العام
صدفة او بترتيب
ويقولوا لي شايفنك هناك
ويناقشون معي بعض البوستات بالتفصيل
وفلان قال كدا وعلان قال كدا
والمسألة دي ماكدا كدا
وياخي عليكم الله اطرحوا كدا وخلوا كدا
واكثر من هذا كله
اعلم الان ان اسماء كبيرة جدا
وفاعلة ومؤثرة
تتابع البورد بشكل يومي
فهل نكون على قدر المسئولية
لقد طلبت من الاخ الرئيس بكري ذات مرة ان يكون بيننا ممثل رسمي للنظام أو للمؤتمر الوطني
والرجل لم يمانع
نتمنى ان يبعث اهل النظام
ان كانوا يدعون
فعلا صدق التوجه نحو الديمقراطية
ممثلا رسميا لهم
ويعفوننا من هذه الاساليب والاذيال التي لن تنفع النظام بقدر ما ستسيء إليه
ودمتم

العزيز فتحي

تحياتي
ولك الشكر وبوستاتك شريان يربطنا بالداخل، بس
حكاية إنو الجماعة ديل يسمو ليك ممثل رسمي دي، ما بقدروا عليها
فأنت تراهم هنا يدافعون وبضراوة، وينكرون إنتماءهم
وأنا خايف لو جبت الرئيس أو نائبه سينكر أنه كوز، ولا يدافع عن الحكومة
عملا بحكمة أهلنا الشينة منكورة
أو يأتيك آخر ليقول ليك هم الأمريكان ديل أحسن من الإنقاذ في شنو

ودمت

شكرا يانادوس
القوة والروعة كامنتان في هذا البورد
وفي مرتاديه وقرائه
والله يدي العافية

البحيري أخوي
أعرف أنك تبذل جهدا يحتاج أن تبذله منظمة
شد حيلك والله معاك..صديقنا نادوس قال
اننا نحتاجك وانا والله لكذلك

اخي فتحي

تأكد تماما ان النظام متواجد هنا وبكثره
بس ما بشكل رسمي ودونك هوبلس
وكان الله في عوننا جميعا

لك كل التحايا لك كل الود

ابونور

شكرا لكم جميعا
ولكم الود أجزله

فتحى

هل بالامكان ان نبدأ فعليا من الان وضع لبنات السودان الجديد فى تناسى لوجود هنابيل الانقاذ؟؟؟

السؤال غامض بقدر قناعتى على وهج الضوء الذى ينبعث عليه من فكرك و وجدانك