قصيده جديده للرائع محمد عبيد الفاضلابي

علنــــــــــــــي

علني قلعوك من ضل الشجر العالي غريب
من فلذة كبد النيل
ومن الشهر القبطي
ومن النجمه حبيب
علني قلعوك
وبكوا عينيك الخجوله
بعد ماعلمتني البوس علي خد الطفوله
كساني بعادك حزن وشيب
وانا صحيت الطين
فتح علي باب الغيب
صحيتو عشان اسال عنك
قال لي كان بظهر مره
لكن طول ما شفته معانا قريب
يمكن في النور او في المحلب
او في بستان في طرحة بت عينيه سرحن
او بين خاطر في نعومة الروح بجمع تيمان
او في فنان
في غنيه ايقاعها دليب
في كل ماخمن وعد الطين
فتشته عليك
في كل ما اتضمن واتشكل
والمرقت منه الروح مشتعله واتبدل
فتشته عليك علني قلعوك
ولسه ماعرفتك وين

اااااااااااااااااااااااااااااااااخ من الوجع ياصفوان
تسلم

الا ستاذ الموصلي تحيات بحجم مياه النيل ولك مني كل الود