شمارات مجالس الخرطوم

ليه شمارات علشان ما تقولوا الكلا م ده مصدره وين بس فكرة الموضوع تناول اراء الشارع السودانى وعكسها للجميع لكن برضو فى النهاية الشمار حتى الفى الفول بديه طعم ونكهه علشان المساحة يلا ندخل فى الموضوع
شمارات امبارح فى الجلسات المسائية والمناسبات وقعدة المواصلات كتيرطبعا لكن فى بعضه متفق عليه . سياسيا مشكلة الطائرة الروسية المحجوزه وترفهيانكتة الخطوط الجويه السودانية وودينيا حديث هيئةعلماء الانقاذ واخرالشمار بس بحاله كبوه مادقوه.
نبدأ بالطائرة الروسية بقى الكلام كتر اراء بتقول انه جابت اسلحة لمجوعة دارفور واخر جايين يحملوا جرحى وثالث قالوا ده فكرة مصطفى اسماعيل وزير الخارجيه اصلو طول ما سافر حجز الطائرة علشان يعمل ليه موضوع مباحثات فى روسيا . ونكتة سودانير بأجماع كل المجالس بتقول انو فى مواطن ضرب تلفون الى المطار بيستفسر عن سفرية بورتسودان الموظف المناوب ردعليه مواعيد الاقلاع الساعة الثامنه والنصف صباحا ومواعيد الدفن فى نشرة الاذاعة العاشرة صباحا .اما موضوع علماء الانقاذ اتفق راى المجالس انو دكتور ابوصالح ده داير يعمل ترابى موديل 2003 وطبعا الجبهجيه الكلام ده ما عجبهم بس واحد منهم ظريف قال الظاهر ابوصالح ده مركب مكنة مؤتمر شعبى بدعوته بأقامةمؤتمر عالمى اسلامى بالخرطوم والشمار البطوله قالوا امبارح المساء فى مجموعة من الشرطة كانت فى طوف عمل فجأة شاهدوا عدد من الناس ملموه فى حاجة ولمن اتحركوا نحوهم الجماعة جروا بس تعرفوا لمن افراد الشرطة وصلوا لقوا حمار بسلخوا فيه طبعا الجماعة قبضوهم لكن المنطقة وين كل زول بحكى رواية
@@@@@@@
كم فى ظلمة الليل من بهاء
ولكن كثيرون حولها الى ارتكاب المصائب

الاخ / بلدى

طريقة تفكيكك للخبر نفسو بتديهو نكهة الشمار ذاتو! , وتبعد عنه صفة الرسميات والتجهم فى الصياغة الخبريه , اقترح عليك تثبيت البوست لينقل لنا نحو ذلك بين فترة واخرى .. قلت لى موظف المطار قال الدفن بتين ؟! دى شديده خالص

تسلم