Post: #1
Title: ***كـورال ***
Author: tmbis
Date: 07-26-2003, 09:55 AM
Parent: #0
|
Post: #2
Title: Re: ***كـورال ***
Author: Elmosley
Date: 07-26-2003, 10:46 AM
Parent: #1
الله يطراهو بالخير
عازف الكمان الرائع المناضل عبد الرحمن عبد الله والذي لحن معظم هذه الاعمال الرائعه
ورحم الله مصطفي سيد احمد الذي وقف يساعده وبهمه
|
Post: #5
Title: Re: ***كـورال ***
Author: tmbis
Date: 07-26-2003, 11:08 AM
Parent: #2
استاذ يوسف
سلامات ..ومفتقدين حضورك
الله يطرا الجميع ..المشردين في كل مكان ..وياريت ترجع ايام جميلة زي دي وتتلم الناس تاني زي اول
ربنا يرحم الاستاذ مصطفي..ويرد غربة الماس الفضلت
عميق تحياتي يا استاذ
تمبس
|
Post: #8
Title: Re: ***كـورال ***
Author: Elmosley
Date: 07-27-2003, 05:20 PM
Parent: #5
نشكر ذوقك الرفيع يا تمبس
|
Post: #3
Title: Re: ***كـورال ***
Author: سمندلاوى
Date: 07-26-2003, 10:48 AM
Parent: #1
اوووووووك تمبوسة
وينك ياراجل
ياخى ذكرتى ايام لاتنسى , ايام الديموقراطية , العمل دا بالذات
بتذكرو فى الموردة قمنا بتنفيذه بعد بروفات مكثفة فى بيت فى الموردة
واذكر الحضور آنذاك : بكرى احمد مصطفى , عمر منصور , عبدالرحمن عبدالله كمان , عباس عمر وهو المؤلف فيما اعتقد , اقصد اللحن
الاستاذ محجوب شريف , المرحوم مصطفى سيداحمد , اميرة الجزولى , مريم محجوب شريف , الاستاذ هاشم صديق وافراد اخر لم يحضرنى شخصهم
الطريف فى الامر اول تنفيذ للعمل دا كان فى جامعة الخرطوم وكان هناك ايضا
الاستاذ ابوعركى البخيت , وفى اثناء الاداء وتقديم العرض هجم علينا كمية من رجال الامن
للقبض علينا ولكن كفاءة الاخوة الزملاء بالجامعة استطاعو تخبئتنا من هؤلاء الاشرار
ياااااااااا دى نكتها من وين
تسلم ياحلو
|
Post: #4
Title: Re: ***كـورال ***
Author: tmbis
Date: 07-26-2003, 11:00 AM
Parent: #3
بكور
سلامات يا بركة وماظاهر مالك
ذاكرتك ماشاء الله يا بكور
طبعا البيت البتقصدوا محل البروفات بيت ناس عبد الرحمن ضيف الله الكادر النشط في الحزب الشيوعي السوداني ..وطبعا كان البيت مفتوح زمن الديمقراطية كدار لإتحاد الشباب السوداني ..لجنة المورده غرب ..
ومن ضمن المجموعة برضو علي ما اذكر استاذ ازهري عبد القادر اكورديون .والتورزيع بتاع العمل ده علي ما اعتقد لي الصادق شيخ الدين ..وايضا امال النور ..ومجموعة جميلة من الناس ديل
والبروفات طبعا ما كنا بنفوت فيها شي
وبالمناسبة يا بكري الشريط ده النسخة الاصلية الاكرامية الخاصه بي عمر منصور
انا محتفظ بيها من الزمن داك .. لما لونه بهت
داير تسمع اي عمل تاني ؟؟انا تحت الخدمة علي الاقل نرجع بيك لي البلد
تعال بالدرب العديل يا بركة
راجيك
علاء
|
Post: #6
Title: Re: ***كـورال ***
Author: الفاتح يسن
Date: 07-27-2003, 06:10 AM
Parent: #1
شكرا ياتمبس ياظريف والتحية للاستاذ المناضل الموسيقار عبدالرحمن عبدالله رمز الفنان الملتزم وللكوكبة الموسيقيين والكورال وكم هو جميل تنفيذ الاعمال الملتزم بكورال ملتزم وبعض مجموعات الكوراك هذه الايام اصابتنا بوجع الاضنين ليك التحيه
|
Post: #7
Title: Re: ***كـورال ***
Author: tmbis
Date: 07-27-2003, 05:17 PM
Parent: #6
التحية لجميع رموزنا الفنية ..في اي مكان بالعالم ..وللاعمال الفنية الخالدة في ذاكرة الفن السوداني
وبالجد الكواريك ليها فترة في ذياده فياريت تعود الايام الجميلة ..ونشوف بي عيونا ونسمع اعمال تعوضنا زخم كل الضجيج الحاصل فينا ده
سعيد بي طلتك يا استاذ
|
Post: #9
Title: Re: ***كـورال ***
Author: zumrawi
Date: 07-28-2003, 01:24 AM
Parent: #1
تمبس ماشغالة عندى وماعرفت كيف انزل الريال بلايير
لكان لو نزلتها بالطريقة الانزل بيها استاذ الموصلى اغنية عبداللطيف وردى بقدر اسمعها
تشكر مقدما ولماذا لااراك فى المسنجر
|
Post: #11
Title: Re: ***كـورال ***
Author: sheba
Date: 07-28-2003, 04:52 PM
Parent: #1
شفافية الراحل المقيم مصطفى سيد احمد الحادة قادته إلى أن شيئاً ما سيحدث غداً 30 يونيو وكان ذلك بشهادة رفيق دربه الأستاذ عبدالله محمد عبد الله وفي ليلة 29 يونيو 1989م طلب مصطفى من مجموعة من عازفيه أن يذهبوا لتسجيل بعض الأغاني وقام بغناء رائعة محجوب شريف (عشرة مقاطع للحياة) وغنى لمحمد الحسن سالم حميد (قاسم أمين) وغنى الكثير وطلب أن يُحفظ ذلك للأجيال القادمة وبعدها بسويعات أطل طائر الشؤم ونعق البوم قبل شروق شمس 30 يونيو 1989 .
تكثفت سحابات الحزن أمامنا وكأن أعيننا رغم أنها مفتوحة تماماً يبدو أنها أُصيبت بنوع من الخدر وربما نتوهم أن الظلاميين أعداء الفرح تمكنوا حتى من إصابة أعيننا من الرؤية وهي تسبح في ماء الذكريات لتجتر شيئاً من الماضي . ويبدو أن الوهم قد تحول إلى حقيقة فبغياب مصطفى انطفى ذلك الكوكب المشع ونزل ذلك برداً وسلاماً على الظلاميين أصحاب (التوجه الحضاري) أعداء الوطن ، إلا أن فرحتهم بغياب مصطفى لن تطول لأن الكنوز التي خلفها الراحل المقيم ستظل باقية أينما وجدت وستبث فينا الأمل أينما كنا لما فيها من قيم فنية وإنسانية حقه .
مصطفى .. مصطفى .. مصطفى أحقاً فقدناك ؟ وهل تفتقدنا ؟ كم المسافة بيننا لماذا حضرت في هذه الزيارة القصيرة لتذهب إلى الزيارة الطويلة ؟
قاسم امين
محمد الحسن حميد
********
سميت المدن النايمة
المدن التصحى فى حين
تترجى خطى العمال
اصوات الفلاحين
*********
النفس الطالع نازل
فى صدور المسحوقين
أسميت السفن التمخر؟؟
فى نص البحر الطين؟؟
***********
الناس ام عرقا يجهر
السرها يوما حيبين
الناس التنضح سكر
تتجرع مر وطين ؟؟؟
التبنى قصور للقيصر
والتسكن حوش الطين
يا موج البحرالاحمر
سميتكم قاسم امين..
************
كتلوك الناس القصر
الناس المأفونين
الناس البالة مغطى
والساسة المبيوعين
كتلوك خدم الراسمال
يا زول يا عاتى يا زين
الفرحو الامريكان
والربحو تجار الدين
كتلوك وكان قاصدين
فى ذاتك ناس تانين
الناس ام عرقا يجهر
السرها يوم حيبين
يا عادى كما العمال
والريح الحينا بحين
يا صاحى كما الآمال
فى عيون المحرومين
ماشين فى السكة نمد
من سيرتك للجايين
شايفنك ماشى تسد
وردية يا قاسم امين
وردية يا قاسم امين
وردية يا قاسم امين
|
Post: #12
Title: Re: ***كـورال ***
Author: tmbis
Date: 07-30-2003, 08:05 AM
Parent: #11
شكرا عميقا أخي شيبه
للنص المصاحب ..وكنت فعلا ناوي اطلبوا منك
ورحم الله مصطفي سيد احمد وباق في قلوبنا ماحيينا
شكرا مليون مرة
|
Post: #13
Title: Re: ***كـورال ***
Author: شدو
Date: 07-30-2003, 09:26 AM
Parent: #12
ها انت تمارس هوايتك
المفضلة بزرع البهجة فى قلوب فارقتها الفرح
الحاجات دى ياتمبس لم تكن موجودة الا فى خيالنا فى خواطرنا فى ماضينا، انت توقظ الحنين من سباتها
هذه الاغانى تجعلنا نسترجع الماضى لنعيش بخيالنا مع احباب لم نراهم
منذ سنين
واحييك على الذوق الرفيع
وعودا حميدا
وتحياتى
ولى قدام
شدو
|
Post: #14
Title: Re: ***كـورال ***
Author: tmbis
Date: 07-31-2003, 08:31 AM
Parent: #13
الأخ الحبيب
شدو
وماذا تبقي لنا ..منهم ...غير الماضي ،،وغير ذكراهم فينا ؟؟؟
دعـــنا نستنشقهم بقوة ..علنا نلامسهم
وشكرا ياشدو ..لحضورك الجميل داخلي
انا دايما اجدك
يكفيني فقط ..وعيناك مغمضه
|
|