Post: #1
Title: أغـسـطـس الـمـنـتـظـر هـل بـتـتـوقـعـوا نـهـايـة مـشـكـلة الجـنـوب فـيـه؟؟
Author: ABUHUSSEIN
Date: 07-24-2003, 01:35 AM
مـشـكـلة الجـنوب طــال إنتظار الحـل كـثرت التصريحات المتفائلة و المتشائمة
كثيرين هللوا بي شهر أغسطس و زي كأنهم متأكدين من إنو نهاية مشكلة الجنوب حا تكون
فيه . الحكومة كانت متفائلة و حددت موعد قبل أغسطس أكثر من مرة و لكن بعد مذكرة
الإيقاد الأخيرة تغيرت لهجة ناس الحكومة من متفائلة لي متشائمة و حتى وصلت لي تمشى
الإيقاد في ستين داهية و إموصوها و إشربوا مويتها و مذكرة الإيقاد ما مقدسة.
الحركة الشعبية كانوا شبه متفائلين قبل المذكرة و بعد المذكرة نسوا أي شئ
و كنكشوا في المذكرة زي الوقعت ليهم في جرح .
دانفورث قال أغسطس و قال بوش قال ليهو أغسطس دا تكون نهاية مشكلة الجنوب
ناس الحكومة بعد مذكرة الإيقاد جروا لي المصريين و المصريين لبوا النداء بسرعة
و جاء رئيس الوزراء المصري.
أمريكا و بريطانيا لعنة العراق هددت الحكومتين و موقفهم بقى زي الزفت داخل بلادهم
شعبية بوش و بلير في الحضيض و محتاجين لي نصر علشان إرفع الشعبية و إسكت الكونقرس
الأمريكي والبرلمان البريطاني يعني الشغلانية مشربكة شديد بالنسبة لي أمريكا
و بريطانيا أو بالأصح بوش و بلير يعني إحتمال إدوروا على مخرج لي أزماتهم في
جنوب السودان ممكن . يعني لو قدروا عملوا شئ في جنوب السودان حا إقلل عليهم الضغط
الحاصل ليهم بس لو صحت دي معنى كـدا حا تكون في ضغوط كبيرة على الحكومة
السودانية و الحركة الشعبية و في هذه الحالة لا أستبعد إرسال وزير خارجية أمريكا
اللي برسلوهو في الأزمات الكبيرة السيد توني بلير . و في الحالة دي أفتكر
مذكرة الإيقاد الأخير دي هي الحـل الأخير لأنو بعد المذكرة مباشرة وصل دانفورث
و قال التصريحات اللي بدأها من القاهرة .
و إذا صح التحليل الأخير أفتكر الأمريكان حا إكونوا كافؤا البشير بي بقاءه
في السلطة و كافؤا جون قرنق بي قسمة عائدات النفط و نائب رئيس بالتمام و الكمال
يعني ما ناقصة أي شئ.
لكن فلان داك حا إمشى وين ؟؟؟؟؟ سـؤال محتاج لي إجابة
يا جماعة عليكم الله التحليل دا معقول و لا أنا مسطول
|
Post: #2
Title: Re: أغـسـطـس الـمـنـتـظـر هـل بـتـتـوقـعـوا نـهـايـة مـشـكـلة الجـنـوب فـيـ
Author: abuguta
Date: 07-24-2003, 03:04 AM
Parent: #1
فلان داك يلحق شيخو
يامسطول
ما معقول
قدرة فول
ومعاها بنبول
وين سيول
دا صداع
داير بندول
قال بوش
قال بلير
قال باول
كله دا
دافورى
وكمان فاول
مافى تفاوول
داك ما داير
داك ما حاول
وناس بتجادل
وحديث بداول
وين الفاول
واحد عاوز
يحكم ساوس
وكمان النائب
الاول
ورئيس فى كل
ساحة برقص
وداخل الهول
ياكيزان حكمكم
طول
سنين تدول
سودان يتحول
ياحليل العام
الاول
ايام كان حاكمنا
جد لبلير
ما فى تسؤل
|
Post: #3
Title: Re: أغـسـطـس الـمـنـتـظـر هـل بـتـتـوقـعـوا نـهـايـة مـشـكـلة الجـنـوب فـيـ
Author: ABUHUSSEIN
Date: 07-24-2003, 11:43 AM
Parent: #2
الأخ أبو قوته ســـلام و إحترام
يا خوي إنتي جبهة و لا شنو ؟؟؟؟ أقول ليك مشكلة الجنوب تجيب لي قدرة الفول
و البندول يا خي قبل كـدا قلت ليك ما توهني أنا زول فهمي ضيق أسلوب ناس
الجبهة دا ما بقدر عليهو يا خوي. و آخـر شـئ طلعتني مسطول أنا قلت تشد من أزري
و تديني كلمتين تلاته حلوات كدا ترفع بيها من روحي المعنوية المحبطة ديك لكن معليش
يا أبو قوته الأيام بيناتنا.
و برضو تسلم
|
Post: #4
Title: Re: أغـسـطـس الـمـنـتـظـر هـل بـتـتـوقـعـوا نـهـايـة مـشـكـلة الجـنـوب فـيـ
Author: abuguta
Date: 07-24-2003, 08:20 PM
Parent: #3
يامبدع يابوحسين
جيت من فين
طلعت بوين
ياخوى انت السمح
وانا الشين
قال انا كوز
باكل موز
وكمان تركين
ساكن المنشية
وما بلف الصينية
والناس الباقية
فى ستين
عندى مصانع
وعامل مانع
وزول الدين
ساكن فوق
ولابس ذوق
وسيارة موديل
الفين
اقاربى كتار
ساكنين معمار
مافيهم واحد
كمان مسكين
ما بعرفو وقوف فى صفوف
كل حاجة تجيهم برفوف
وما عندهم ازمة
بنزين
قروشنا كلها فى سويسرا
وانت خليك فى حويفرا
والشعب معاك تعبانين
انت ما مشيت بيوت الاشباح
عشان نفسحك وكمان ترتاح
وتلقى الفيها جعانين
يابوحسين يابوحسين
وين الدين
وين الناس الجعانين
وين الفقدوا اولادهم
فى تلك الحرب
اللعين
احلف يمين
وكمان يمين
مافى حاكم همو
الشعب حتى لو
صار الناس ميتين
مافى واحد همو البلد
وهو يقول فى ستين
يتبع
|
Post: #5
Title: Re: أغـسـطـس الـمـنـتـظـر هـل بـتـتـوقـعـوا نـهـايـة مـشـكـلة الجـنـوب فـيـ
Author: aba
Date: 07-25-2003, 00:19 AM
Parent: #4
أبو حسين يا راجل يا زين
ماتزعل يا أخي الكلمة الحلوة أهي جاتك مني والله كلامك معقول وتحليلك وجيه
أخونا أب قوته الله يجازي محنك والله ضحكت من قلبي
|
Post: #6
Title: Re: أغـسـطـس الـمـنـتـظـر هـل بـتـتـوقـعـوا نـهـايـة مـشـكـلة الجـنـوب فـيـ
Author: abuguta
Date: 07-25-2003, 00:57 AM
Parent: #5
الاخ ابا
مشكور
طبعا البيت محروس وسته تكوس
ابوحسين ماموجود
هو زعل منى
وهو صاحبى شديد جدا وبراسلنى على الماسنجر
بس هو قال لى انت كوز
عليك الله يابا دا مش
نبز الواحد يطعن فيه عديل كدا
بس انا عافى لابو حسين لان
الشريف وايهاب وساين ومهاجر وشباب الهند عارفنى
انا كنت بكتب شعر ضد الكيزان, ابونواس فى الخمر ما كتبه
ما مشكلة هم اخوانا بس يخلو البلد ويسلمونا الحكم
ونحاسبهم وكل زول نرجعه لاصله الكان زمان فيه, بعدين يبقى ناس الارواح لو عايزين يعفو جزاهم عند الله, بس يابا عليك الله ما تنسى لى الخضر السمان الكانو بنهروكم فى بيوت الاشباح عشان نحاسبهم برضهم
وتسلم
ياعزيز
|
Post: #7
Title: Re: أغـسـطـس الـمـنـتـظـر هـل بـتـتـوقـعـوا نـهـايـة مـشـكـلة الجـنـوب فـيـ
Author: ABUHUSSEIN
Date: 07-25-2003, 00:57 AM
Parent: #1
الأخ أبا ســـلام و إحترام
كتر خيرك و بارك الله فيك ما قصرت و أبو قوته دا أصلوا قاعد لي كـدا
تسلم عليهو إكتب ليك معلقة. دائما محبطني لكن ما بنساها ليهو.
و تسلم يا سيدي
|
Post: #8
Title: Re: أغـسـطـس الـمـنـتـظـر هـل بـتـتـوقـعـوا نـهـايـة مـشـكـلة الجـنـوب فـيـ
Author: degna
Date: 07-25-2003, 09:12 AM
Parent: #7
الاخ العزيز ابو الحسن
تحياتي
نأمل ان يزول هذه النظام عن ارض السودان قبل اغسطس
او الليلة دي
وثوارنا علي اهبة الاستعداد لقلب كافة الموازين وتحريك
الجو الجامد وجعل الرمال تتحرك بركاننا وثورة من تحت
ارجل الكيزان وهتيفتهم هنا في البورد
لك كل الود
degna
|
Post: #9
Title: Re: أغـسـطـس الـمـنـتـظـر هـل بـتـتـوقـعـوا نـهـايـة مـشـكـلة الجـنـوب فـيـ
Author: ABUHUSSEIN
Date: 07-25-2003, 06:54 PM
Parent: #1
الأحباب ســلام و إحــتـرام
شــكــرا للمـشـاركـة و شــكرا للأراء و أمنياتي زي أمنياتكم بس دعواتكم
و يا أبو قـوته كلمتك و أنا قلت ليك جبهة علشان ناس الجبهة بختاروا ليهم
كلمات تتوه الناس زي حكاية التوالي .
و برضوا جزاك الله خير أمس ساهرت بي و الكنا راجينو ظهر لكن لفترة محدودة
يعني دقيقتين بس شكلنا ما محظوظين .
و تسلموا .
|
|