غايتــو جنـس كراهة عليــك !!!

أول الحكــي
مشبوه يجتاح المراة ويجلس
هادئ كعاصفة تستريح
مغرور كمن له سلطان
يشير ويامر .. .يحكم ويوقع المراسيم
يقول الازرق فينتابني الازرق
وتبكي بقية اثوابي
وتضحك رفيقاتي من سر الازرق الذي يتكرر
يقول الازرق ، فيلاحقني البحر وتتوزع الامواج وقتي
وتستقيل سائر الالوان
_____حارس السراب __________



ها انت أيها الكريه ببرودة اعصاب تجلس هناك على نثار الثلج ، واتشظى انا على كومة من قش القلق المضجر ..
ها انت تنحاز بالضد الى قلة صبري وتدخلني للمرة الثانية في اضابير اللهفة ، وتحزمني شرائطا من الهواجس ، تغتال هدوئي واستكانتي .. واهرب الى النافذه كل لحظة واخراها علني المح سيارتك او اراك راجلا تثبت ناظريك الى قدميك كأنما تخاف ان تفقدها ..
ثم يحدفني امل هرب من قبضة الهواجس فاهرول الى الصالة اتحايل على رتاج الباب يزرعني قبالته امل اكثر تفتيحه من مخاوفي ، فيوصل الى رهافة سمعي رتل خطواتك على درج السلم ، فالـــوذ من شدة لهفتي الى عين الباب السحرية عساني المحك ، تحمل الى جيتك ..
واي من ذلك لم يحدث ، فلا لهفتي عليك حملتك الىّ مع توقيت جيتك الزائفه
ولا تحانيس دقات قلبي بللت هواجسي بالطمأنينه ..
يا انت .. يا ايها المتسرب الى انتباهتي من بين تلافيف اللهفه
توقف عن زراعة تحاريض بذرة الانتظار على انسجتي وممشاها ، لم يعد للهلفه فيها يابسة تتخير معها مواقع خطوها ..
فكلي ممطورة ..
انا وانسجتي وشرايني ومع ذلك مازلت اخاف ان تبللني امطار مفاجاءتك ..
يا انت يا ايها المستريح على بؤرة العين تشيع فيني ملازات للدفء ومع ذلك تخرب طمأنينتي وتحيلها الى ازقة يكمن لي فيها الخوف عند كل نظرة ابعثرها من نافذتي _ التي تخلت عن الصبر _ على مارة لا يعرفون مدى خوف تسلط على سكينة امرأة تلاعب بها موعد تلاشي مع عجالة عقارب الوقت ..
أنت ايها السنيح !!
كيف امكنك انت تغرسني على نافذه الانتظار الضجره وتسرب الى دمي المؤكسد مع كل ثانية تعاند طلتك ، فيتصاعد الى اوردة الراس دم كسيح لا يعرف حتى كيف يحبو برأسي الى بهو السلام

ها انت تفعلها مرة اخرى وتحرض كوابيس الوهم القلقة لتتجاذبني بين اسوأ الهواجس توقعا واسوأها تشاؤما

هانذي انسحب من عقارب الوقت ملدوغة بالف ثانية وثانية تسسم دمي ولا اعرف كيف غافلتني دموعي وانسربت الى شراييني تغسل بملوحتها ما افسدته ..
انسحب الى مقعدي قرب النافذة ولا اعرف كيف التزمه ولهفتي عليك تشعل زناد الخوف فتسلمني كل لحظة والاخرى الى اتون حجيم من الانتظار يشعل ردهات القلب ومع ذلك يعود ليغرقني انا في ظلمة بعد ان يمزق شرائح الامل ..
اعود الى ماسنجري الذي اعتصم بالصمت ولاذ ببروده الكريه .. حتى يخيل لي ان استطعت ان اهز هذا الجهاز ربما تطلع الى كرزاز عطر تحرر من قارورته ليصالحني ولهفتي عليك
..
ها انت ايها الكريه السنيح .. تتلاعب بقلقي وتقدح زناد الضجر وتطرحني وهواجسي الى حدود غرفتي الضيقة محلقة مابين الهاتف وماسنجري ونافذة لم تعد تمطرني الا بمزيد من الدموع ، كلما نقرت عقارب الساعة على عصب العين ،تعلن ان الليل قد انتصف
..
ترى ما الذي اخرك حتى سقف التسعين دقيقة ، تعرف سلفا ان قلقي عليك سيقتلني قبل بلوغي اياها بمساحات شاسعة
...
اتراك حنيت الى رؤيتي وقلبي وعيناي نتشارك بحيرة من البكاء
تتساقط علينا فيها زخات ادمعي
لم اترك صورتك الجالسة في محازاة شاشة كومبيوتري ولا التي تناظرني من فوق مسجلي تشاركني حيرتي وقلقي ولهفتي عليك
ولا شاشة موبايلي توصلت الى مكانك بضغطة منك على زر يعرف بالالفة كيف يوصل الى صوتك .
ها هما ماسنجرك ، وموبايلك انضما الى قافلة الاشياء التي يميتني غموضها ..
ايها السادي الواهم .. كفاك ضغطا على مخارج الائلام
لست حمل كل هذه المخاوف والهواجس ، ذاهبة انا الى محارة حنيني اتداري من عاديات الايام
وهناك سوف الجأ الى الله في عاطفتي اسأله اللطف ..
اسأله ان يهبني هدهد سليمان مطمئنا لي يربت بحنو على كل هذا القلق
واحرك راسي ثانية والاخرى ممتصة شهيقي
محدثة نفسي في غيظ تام : غايتو جنس كراهة عليك ....
هيا يا اخواتي ، الليلة الود الفقر دا ما اداني السهر
يكونوا ياربي مسكوهو ناس المرور ؟؟؟
الله يقــــدك .. إتصل ، بان وعلـ...... ..
..

شيري
صراحة قلقتينا معاك. يعني بتخيلك ماشة و جاية تعايني للساعة و لشاشة الموبايل و الماسنجر و التلفون.
يا ربي الناس زمان وكت يقلقوا كدة ، و ما كان عندهم أي وسيلة إتصال : كانوا كيف بيقنعوا نفسهم ؟ أظنهم كان عندهم كمية صبر كبيرة. أو القلق ما كان دخل في موروثاتهم الجينية.
غايتو إن شاء الله التأخير سبب خير يا شيري.
لو بقت حكاية مرور ، ما تخافي ، أصحابي كلهم من ضباط المرور. المهم يا زولة ما تقلقي.
أرقدي عافية

سلام مربع

ابو جهينه

انا نفسي (خيلتني) مثلما تقول المصاروه
تمنيت امس ، لو انني ان العالم كله
شبكة اتصالات ولو انني
املك قمر تجسس مثل الذي
تراقبنا به امريكا
تمنيت لو انني امسك سماعة الهاتف
واهاتف جورج بوش الابن ، مع انني اعرف انه لن يفهم قولي
حتى ولو استدعيت نصف شغالتنا لتشاركني افهامه
ليس لحاجز اللغة دخل فيما اقول
لكنه المخ الذي يحمله
يا خرابي انا من مخه الزنخ

الا ترى كيف خاطب شعبه عشية سقوط بغداد
اليوم يحق للشعب الامريكي ان يفرح
بعد ان ازحنا عن كاهله الحاكم المتسلط
للوهلة الاولى اعتقدني جاهلة في الجغرافيا
والسياسة
وسالت ياربي امريكا والعراق
بقت دولة واحده
وصدام دا كان حاكمها ولا شنو؟؟

المهم ..نبطل هترشه شوية
ودعني العن القلق ، والهواجس
عساها في راس عدوينك يارب
وسلمت ياسيدي للمساعدة
وما عدمناك
ا

الزولة جدا شيري

نيلينك والابنوس والشوق الجاري عليك
كان الانتظار دوما يحملنا ما لا طاقة انا به
ومنا دوما نحتقل بمقدرتنا الفائقة علي التهاوي جذلا في حواشي الترقب
ادمناه
ادمانا

والريد نيلين

سلام مربع

زوربا السوداني

لشد ما اكره ان تدمغني
حواشي الساعة
الى محطات الانتظار
يا ويلي
وانا اتحايل على الوقت
بانشغالي مع المغنين
ومع ذلك يهرب الزمن
قصاصات القلق
فيضجرني الوقت
سلمت ياسيدي للطله

أخبارك أيه حبيبي طمني عليك
غايتو جنس جرسه يا شيري
ماقلتوا لو شتت عادي؟
ليه الوله .. ممكن عرف ست شاي قعد يقرطع عندها كبايه ولما تخلص يشتت منها ويجي عليكم خلي عينك في العين السحريه
والله يجمع

سلام مربع

هوبلــيس

ياشماته العدويين
وستات الشاي فيك
ياشيري

الله يلزمني الصبر

لما يوشوش صوت الريح في الباب
يسبقنا الشوق قبل العينين
ونعاين الشارع نلقاهو عايم في دموع المغلوين
______
ما قلتوا نوبة والحاجات دي ما بتهمكم

سلام يا شيرى
لكن ما شرة عدوك
ذكرتينى اغنيةكدا لشادية سمعتها قبل عشرات السنوات
تحكى عن ذات الشرة
ما عاش من يشر شيرى

سلام مربع

خالتو بيان

هي نان شره براه وبس

ياريتها على كده
انقري ما كرهتو
ليك اليوم الفكر
يعرفني فيهو
صااح
.؟
مفروض ماتعدي ساكت الشره دي
؟؟؟

شيري هوني على نفسك
فالغايب عذره معاه

سلام مربع

حبيب بلدو

سلمت ياسيدي للطله
البهية
وسلمت اكثر
لهذا ا لدعم والمسانده
انشاء الله ماعدمناك

وجاااااياك في الحكي

سلام مربع

ابو احمد

ما من شوية
الناس اللي
انشوا
بجمر
الانتظار


سلمت ياسيدي للطله

شيري بنيتي
لك التحية
حتما طال ليلنا وسهادنا ، وهو بالفعل ليل حالك السواد
لكن ( الولد حا يجي ) سيهب شعبنا هبة عنيفة كعادته وسيقلب ليل الظلم على رؤوس الظالمين ، وسينعم الوطن بصباحات زاهيات
وإشراقات دائمات
وستنطلق كتابات شيري وكأنها أغاريد العصافير بدلا عن البكائيات داخل الغرف المسدودة النوافذ
يرونه بعيدا ونراه قريبا
وفقك الله وعافاك وأراك الوطن كما تتمنين

سلام مربع

ود قاسم

كيف امكنك ان تنسرب
الى
انسجة الراس
مجتازا كل الحراس
وتنسل من مجمع
افكاري
قصاصات الاحلام
ايه ياقلبي
!!!!

فاجاتك الامنيات
فاسقط في يدك
بقايا من نكهتك

سلمت ياسيدي لهذا الدعم


وت

شيرى حلاوة الكلام


قالوا متاخر شويه
يااخى بعد الشر عليهو

دور نقاس

سلام مربع


الله يستر عليك
ويديك الفي في مرادك

سلمت ياسيدي للطله

بسم الله الرحمن الرحيم

العفيفة شيري
سلاااااام بقدر ثواني الإنتظار

أصبري يابت أمي .. ما ظهر ولا جاكم منو زول؟؟؟
كم تمنيت أن أكونه
يعجبني مخزونك والمساحات الشاسعة
لك الود والإخضرار وأنتي تغازلين الحرف وبيوتات الدفء

سلام مربع


بدر الدين الحلو

سلمت ياسيدي لكونك جيت
تعزيني
وانشاء الله ما نجيكم
في يوم حنبكتكم
الله يجازيها المراسيل
ما جابت منو خبر

اعمل شنو ، اتامرت علي كل اجهزة الاتصالات
؟
سلمت ياسيدي لهذه الطله
الحلوه

الاخت / شيري
مسكاقمي

يطرشني لو فهمت حاجة
يا اخوي يا حبيب بلده انت فاهم حاجة

كرضم

سلام مربع

حمزاوي

يعني بعد الجرسه دي
كلها
وتاني عايز تفهم شنو
؟

سلمت ياسيدي للطله

افيق يا من تناجى
يا كريه

تاكيت الباب
واستنيتك
صيفين وشتا
ورشه مطره


هى ممطوره
وما خايفه البلل
يا كريه ما تظهر

قاومت الرهبه
وناديتك
يا مطمنه
فى قلبى الخوف
جواى بتعتمرى وبتحجى

يا كريه ما تقول كدى من الصباح
يعنى الا يشففوكم

سلام مربع

استاذي حمزه
الفنان

الم اقل لك ان
ذائقتي ابدا
لم تخونني
فيما تشجونني
به
ها انت تفعل
وتطربني كعادتك بالمبهج الشجي
سلمت للطله البهية

العزيزة شيري
ما أصعب الانتظار .. وما أحلاه بعد الصبر.
من القبلةلاح لي برقالمع...والصيف في الغمايم يا ناس اجتمع
قوموا يا أحبه نسترق السمع ..
....
النسيم عودني أقوم من نومي مشغول فكري حائر ..
يا نسيم بالله تجيب رد الخطاب ...
سامرت الكواكب لما الفجر لاح منادي الفجر نادى ةوقال با أهل الصلاح صلوا الوقت حاضر قاموا أهل الصلاح
شيري ساهرات عيونا وما بيات الضجيع ..تلك جزء من كلمات أغنية البلابل وأنا ما حافظها ..
إن شاء الله يكون التأخير كل خير وربنا يطمئنك يا شيري

شيري بت الواطة أختي ... سلام

صلاة الموج عليك .. بت أحزانا قطنية
الله معاك .. التي صرتي فينا رمزاً

متابعنك بشغف ..

تحيات عذبة

اروع مما قرأت هو ما تكتبين يا اختي شيري...
انت تنسربين مش في البطين بل في كل شعيرة من شعيرات الشعور والاحساس الادمي بالوجود من عدمه ، تترسمين خطى نبضات القلوب الولوفة المتلهفة للقاء بما فيه عذابات و مسرات ..انه واقع روائي تحكينه في حنكة ودربه ... و لا اخاله خيالا وان كان في سبكه وتسطيره ما يدهش ويبهج اعتى من ملك ناصية الكلم... سلمتي دوما...

ايتها الرائعة ذات المنطق الملئ بعناصر الشوق والتشويق

ودمتي يا اختاه

ابوساره بابكر حسن صالح

*******************************************************************
مكتوب لك الدهب المجمر تتحرق بالنار دوام

سلام مربع

فيصل النعيمه
ساهرات عيوني ومابيات الضجيع
سلمت ياسيدي لهذه الاغنيات العذبات
سلمت ياسيدي وانت تشجيني بها
ربنا لا يحرمنا من دعواتكم ياسيدي

ابو القنفد
وانت على الدوام ترسم على هذا الراس المدوقس
الف قامة من الزهو ، حروفك ولوفه
تمتعني انا ايضا ،
سلمت ياسيدي للطله العذبة والاطراء المنعش للذاكره

ابو سـاره

وهل انا ارقي ؟؟
لا تدري حقيقة ما فعله فيني اطراءك
جعلني اغادر مقعدي ، واتحيل باغراض كثيره ارغبها
لكني لا اعرف ماهي .. ورجعت لاقرأك ..
ونقبت في جراب معجمي وخرجت منه فارغة الوفاض
يا ويلي ، ماذا يمكنني اكتب اليك ...
هل تنفع ان اقول لك سلمت والتزم الاختراس
؟ سامحني ان قلت لك ، حقيقة انني لا ارقي
سلمت للطله

شيري

جد...

بستمخخخخخ ...لحكيك

الاخت شيري

هذا تواضع منك هو موضع اعزاز وتقديري لامثالك

ودمتي

اخوكم/ ابوساره بابكر حسن صالح

*********************************************************
مكتوب لك الدهب المجمر تتحرق بالنار دوام

غايتو نتفائل

الزولة الرائعة .. شيري
لكم التحية وخالص المودة

مخزون دفيء يضيء ظلمة ليل بهيم .. يضيء كل دواخل غفلت عن تحسس جنباتها التي اهترأت طائعة مختارة بفعل التقادم .. طول السنين .. سقوط جزء من أحاسيس جراء تراكمات أخر.
عبر أخونا بدر الدين بصدق حينما قال (ليتني أكونه) أو كما قال، أظنك قرأتيه كما قرأته جرني لاحساس عظيم يتراءى ويذوب بحسب خلو الدواخل من الشواغل والمشاغل .. إحساس معطر باشراقات إنسان وكفى .. يحس بما نحس ويحزن لما نحزن ..
قرأتك بصدق (إن صدق إحساسي) وأرى في جوارحك صدق مفعم بالود مخضب بتراكمات انسانية نحو شخص عزيز .. كم جميل هو إحساسنا الثر تجاه الآخرين وكم رائع هو قلقنا عليهم أينما كان وبأي شكل يكون.

سلام مربع

صلاح درار

مر كثير من الوقت ، لم نرى حرفك
الجميل يتالق هنا
على صفحات البورد
عودا حميدا

لقد قرأتني بشفافيه ،
رغم ان مايداخلني ، كان يخبرني غير ذلك
ان حروفي غامضة بعض الشيء
ولن تسرب نكهتي
القلقه المتهوجسه
ومع ذلك استطعتم كلكم الا اياي
ربما هو نوع اخر من نرجسيه حروفي
امنتها ثقتي ، لكنها
انحازت اكثر الى احاسيسي
ووشت بشفيف مشاعري
قد نفعل كلنا ذلك نفس الشيء
حينما يتبادرنا منمنمات
ترسمنا على لحاء الورق
استعاضة عن الصلصال
القمئ
سلمت ياسيدي لانك قرأتني
كنت احتاج لمثل هذا التنبيه
حتى اعرف ان الغتاته
بعيدة عن ملمس احرفي
ومشاعري
سلمت تاني للطله البهيه
وعودا حميدا

ٍسلام مربع

قرجه

وانا كمان ياعمو
سلمت ياسيدي للاطراء
اللذيذ

ابو ساره
الله يخليك ياسيدي
وتسلم من كل شر

هوبليــس

انشاء الله مانجيكم في شينه
وربنا يحلي كل ايامك
يا اصيل
سلمت تاااااني
ويوم شكرك انشاء الله مايجي
كيف الدعوة دي معاااااك ؟؟؟

شيري .. مشكوره علي الدعوات الصادقه .. وقلوبنا معااااك

سلام مربع

هوبليس

وانت كمان
لك
امنيات عافية الجسد

اول الكلام

والتني الهموم
جافني محبوب

النعام ادم

اول الكلام تاني

قبال معيدنا بساعتين
ابتو انا واباني البين
اغالط نفسي بإصرار
وأقول امكن انا الماجيت

حبيبي الجميل خليل اسماعيل

بت أمي
أختي
صاحبتي
وجع مصاريني
وكتييييييييير
شيري الزمن الجميل
التحيات النواضر
معصور بيك
بتلفت علي علي نفسي بين الناس
بسيل بدفق
اتوه في مجرى اساك
يا قلق

ظلي لا يعرفني

جاني نداك
صوتك المليان أسى وحنين والفة
ولقيت يدي بتمرق مني عشان تربت عليك

صرختك
مرقت من جواي الوجع الفيك
ندأهتك
شيرييييييييييييييييي......
صوتي اصبح فلم هندي
آخ

ملعون ... الكريه محل ماقبل
.. مايشوف غير صورتك الوضاحة
ومايسمع غير هترشتك ... مليان الكلام الفيك
يارتني لو لاقيتك او لقيتك
كانت بلقيس غارت من الشوق الفيني اتجاهك
يا ما غلط

خزنت كلامك في واجهتي

بقيتي
وشي
اشوف العالم من خلالك
سكني الوجع الفيك
جنك
هترشتك
المك
وجع الانتظار..... الغائب

لبستك
فارقني الشارع
ارصفتو
دليل الطريق
كلامك نداك
بحول زمانك لهفة
420 فولت
كريه السجم سنيح السواد
الوسيم
الجميل
الحنين

فيني في جواي حنينك
كلامك صداك
برغم الالم
ذي النغم

المابعرف صفاك
مايعكر
جمال
اللفيك
يدوب كلامنا
يولع حريق

ونعلن نقول
البرشك باللبن نرشو بالدم

وجعك يسد الطرق
كلامك بيفتح مضيق
ينادي البعيد
يشل الصديق
تكب الدموع
تقيد الشموع
واعلن حداد
وانكس علم
الكريه
الجميل
الوسيم
الالم

بت الخالة
فيني منك
بكاك
شهقتك من زعل

فيني منك
الشمس والليل
والعمق البحر
سمكة مدار شباكا الكلام
وانتظار شبوك البصيد
الحياة
فيني منك يقين
السلام البوصل حقيقة

اجيك من وين
من الفيني منك
ولا الجواي وماقدر يحدد مدى
الجواك
بكل الفيه
شبعان
بالغناء
لكن النداء
آه الندى
البرافق كلامك
ويدي الورد الفراش
ويعرف يلقح معاني اللغة

اختنا
منديل بيمسح
حزن الزمن
ويفتح سنين الكلام
ويقتل قلب الكريه
نجيك لو قلتي
ياااااا ابو مرووة
اوسكتي
مانطقتي
ماسرحتي في الكلام
ولا حكيتي وجع ضهرك

بحت صوتك
اسى
جواك مسافة الشوق
طقطقت الاصبايع فرقعت
مسكونة جواي
مكتملة لوحة قلقك فيني

وماعرفت اربت عليك
لكن قلقتا

اخر الكلام

الفيني من وجع مدني سبب لي ديسك واظن قضرووف
الله يكفيني شر الجاي منك

واخر الكلام تاني

من يخسروطنه لا يكسب العالم
والدمع التي تفارق العين لا تعود للعين مرة اخرى

للشاعر العراقي منعم الفقير

تاني
اول الكلام
مافي سكة
غير السكة الفبك
مافي درب الا بوصل ليك
ياكربهه با سنيح يا حلو

بت ام ماذن

من وين نجي ومن وين بتجي الكتاحة
وكيف شكلو الوجع
ومن وين التفاصيل الحميمة بتجيب خيوط نسيج البينا
والالفة
ما العنكبوت لمن عرف نفسو نساج بيوت
خجل
لكن بيتنا مرسوم في النجم

صرختك
مرقت منك وصلت لي جواي
لابسة توب جارات
متحننة
ومدخنة بالانتظار واللهفة
تعرفي
ميرفت
بلعت لسان صاحبي ومشت
وغطت باقي الكلام
بنضارتها السوداء

عرفت انك ممكونة
لكن شعاعو الفيك
مرق يتاوق علينا
ويسخر من لهقتنا
عليه
الكريهه
السنيح
السمح

شربت
من وجع الكلام
وطلعت
مني فوق جبل الهموم
ولقيتك متمحنى
ايديك
تحت حنكك
زي شٍعبة
وانا اتسندتا في وجعنا
القاك صبيتي كلام

يحلني الحلا بله

وبلة
يجري مايحلق خلاص

وخلاص الفيك هدت على الجته
واتمحن جسد فيني
واتغلب حسد في الآخر
برغم الحاصل
هو انا

فتح سكر مجال طعموا
ضاغوا الجهال شربات
وما تابو

تاني
منو الدقة الباب
كو
كو
كو
افتحي
ياهو الكريهه
السنيح
ياهو
اللذيذ
الحلو

صرختك
جواي ثعابين النهار والليل
صرختك
جواي
مرقتني من نفسي
وما قدرت اعاين ليٍّ
لبست الهم
جريت عليك
وفجاة
انتبهت لي نعلاتي
كل فردة من بلد


صحت الحق الحق
يا ولد

اتفرجخت
في نص الدرب
ندأ هتة
الحنانة
والفنانة
والمجنون
ومرقت منك
عليك

ودقيت باب
صدري
فتحتي انتٍ الضلع الغاب مني

وشك
ولا وشك
عرفت عديت النجوم
لمن صغر في نظري السماء
وما عرفت عديتك

جنك مسرط
ضد الرضاعة وشكل الشطر
كيف اكتبك

قلقك غريب
تشنجات
وعصاب
شكلة وضرب
الله يسترو
الكريهه
السنيح
الوفي

الحلم عندك يغظة
منو البشد شعرة معاوية او يرخيها
عشان يحافظ علي نفسو من الهوى
او يحافظ الهوى عليه

جبارتك بي
حنين جواك
جواي

صوت الزين لمن يموت
في حوش زووول
صرختك

قلقك
كيف عرف الطريق فيني
وختيتي
مسامي في نفسك
جليت نفسي من الوقعة
لكن الوقعة فيك قومة
اتعكزتك
ركزت عليك
وما اتفاديت نفسي منك
امرق من وين
انا الداخل عليك متوكل
مشرق مغرب
وغايب
في انينك
افتحيني
اتساقطي
جواي
زي مطر
خلي الرزاز الفيك
يكلكلك جواي
ونضحك
علي وعليك
وعلى الاصحاب
طظ
وطيط
وتاني
طييييط
يسقط بيعيد
مننا الزمن العبيط

شيري
جواي
با قييك
امرق مني ولا امرق من الفيك
بجيك استنيني عندو
الكريهه السمح اب تلا لييش

أصبرى لى عليهو

..ممسوخ....أرهابى....شيراوى.... لهفنجى.....متسرب.......أستكاناتى.....دقاق قلب...بؤرجى
تظهر ولا أزيدك؟

لكن ياشيرى ماقلتو.....شنو مابعرف

الله يجيبه الجميل المنتظر

تحيات والله قويات

سلام مربع


هدهــد
رسول سليمان الذي فاصح اعظم ملك عرفته البشريه كلها
...

هل يكفيني ان ارد مثلا
سلمت للطله
المزركشه
الراقيه
البازخه

واخترس؟؟

لست ادري ، تعوزني كثيرا من المعاجم
وكثير الكثير من الدبلوماسيه
لاعرف كيف نتوازي انا وانت
سوية مع هذا الزخم الشفيف
ومع ذلك احساسي يدلني نحو التلقائية التي هي من طبعي
ان اتمسك بها
فلم يحدث ان خزلني يوما احساس تخيرته
بيد انه مازالت تعوزني الكثير
من حسن الكياسه
وباقااات كثيرات من شتلات الزوق
حتى وان كانت بنفسجة
علي قول المثقفاتيه
يمكنها ان تحررني قليلا من هذه
الشبكه ..
او تعرفني
انك فعلا فاصحتني
مثلما ماتقول حبوبتي
حينما تهريها اسئلتي
يابتي ما تفاصحيني

ومع ذلك كله ووفق ما سبق
ساعترف انني ماوفيتك حقك
سلمت لكل هذه الاحساسيس المسانده الشفيفه
العزيزة علي انا ايضا
سلمت ياسيدي الف مره

بــشري سليمان

تشكرات كميات
لهذا الدعم الاخوي
العنيــف
وانشاء الله مانجيلك في ضيقه تاني
وسلمت يا عشا البايتات
وانشاء الله يارب تسلم من كل شر
ولسه كراهته لم تنزل لي من زور
مثلما ما تقول المصاروه
سلمت ياسيدي للطله والدعم

سؤال لمن نكتب ؟

جواب نكتب لكل من لا يزال يجزم بأن للكتابة ضرورة وبأن الشمس تعني أكثر من وهجها وبأن الريح تمشي أكثر من خطواتها وبأن الواقع ما لم نستطع تغييره بعد

تحياتى شيرى صاحبة اليراع السامى

فوق ...عشان فاقدنك

غايتو جنس كراهة عليك

ياحمزة...نعمل شنو

عشان نجيب شيرى...راجعة لشرايينا؟؟؟


شيرى... تعالى

غايتو.أنا بتألم جنس ألم لما يغيب شخص عزيز..أو يظلم حد. او يقهر بضم الياء....أو يكثر مد الظلام.أو تهيج رياح امشير.أو يلقى شجر النيم ورقه الأصفر على الطرقات..أو تفشل غيمة مزنة من إلقاء حمولتها على الغابرة أو الغبراء. أو تهيج الأعاصير التي تسبق الخريف بلا خريف
الحمد لله على عودة المبدعة شيري
صديق منصوري

شيري

يا
شيـــــــــــــــــرى

يا تماضر
ح نكرطع الشاى وما ح نشتت

سلام مربع
صحبة الورد
وخوة الصفا
الاعزاء جدا

بامسيـــكا : المفردة الانيقه
تماضر : بطعم الفواكه الاستوائية
هاله قوته : بقعة الوصل الناصعة
حمزه سليمان : ذائقــتي الى الفن
سودانبس : نكهة السودان
ود رمليه : صديق الحرف
لا تكفيني كلماتي ان اكتبكم امتناني اليكم

شيري..........والله .....حمد الله على السلامة.....

سلام مربع

سجيمان

الله يسلمك ياراقي
وتسلم ياسيدي

شيرى
عظمة يا ناس الكلام الجميل ده ما بقدر اعلق عليه حسه بس داير اقراه مرة ومره لكن بس ممكن اعبر عن حلاوته لك التحايا
@@@@@@@

سلام مربع


بلدي ياحبوب

والله احاسيسك هي العسل
ياسيدي
سلمت للطله
وسلمت اكثر للاطراء

حبيبتنا

حبيبة الكل
شيرى

عودا احمد

ومزيدا من الابداع

ومزيدا من المعجبين و والمحبين الحقيقين لاسلوبك وابداع المتواصل

بس يا شيرى تانى ما تهظرى كدة

ازعلى وخلى البورد يوم يومين بس من غير اعلان بالمقاطعة ... اصلا الاسلوب دة ما بشبهك

ولكى كل الود

شيري يا حنينه

يا فاكهه المنبر

في زمنا ماسخ

و

اللقياء عاد ما اجملا

والله من يوم الرحيل

لا شوفتك السمحه اتلقت

ولا ضقنا من بعدك حنان

و

سلاااااااااااااااام كتيررررر


الامير الشغل الضمير