دعوة لمقاطعة بوستات العضو شلامنجو

هو لسه ما اتسجل
لكن حيتسجل وحيكتب كلام ما حيعجبنا،خلونا من هسى نتغدى بى قبل ما يتعشى بينا،دى مقاطعة مسبقة الدفع
نعمل شنو؟ده الماشى فى سوق البورد الأيام دى
تنتش حتة من لحم بوست ، تفتح بيها محل أقصد بوست ويلا علينا جاى

تحياتى
ودعزة

الرائع وعزة

حقيقة دعوة الاخ حبيب الكل لمقاطعة رودا كانت دعوة غريبة ... وانا شخصيا كنت اريد عن ارد عليه لكن عملا بدعوته قررت مقاطعة بوستات حبيب الكل ... لكن لفترة محدودة الا حين ان يختفيه ما كتبه من الصفحة الرئيسة ..

لكن دعوتك جميلة

قرقرقرقرقرقرقر
وخلاص قطعناه يا حبيب
ودمت

الهنوف 56
عفوا عزيزى ليس فقط حبيب الكل من نادى بالمقاطعة فكثير من مثل هذه الدعوات جرت هنا،لكن أنا عملت البوست ده كسرا للرتابة لأن جو الصفحة الأولى خانق شوية ، البوست ده بالنسبة لى كرسى طلعتو بره بيت النقة وقعدت فى المسطبة
تحياتى
ودعزة

سلام ود عزة

ده من باب الوقاية خير من العلاج!!

يلا يا شباب اترسو البحر..شلامنجو ..قادم

الأخ ود عزة
والإخوة الذين وافقوه الرأي
لا أجد في دعوةالمقاطعة ضررا. وقد كتبت مرة في بوست الأخ خضر مؤيدا دعوته لتجاهل ومقاطعة الكتابات المستفزة والكتاب المستفزين، الذين يكتبون من البداية بغرض نرفزة خلق الله وافتعال المعارك الجانبية
ولأن أمزجة أعضاء البورد مختلفة ومتنوعة وكذلك انتماءاتهم الفكرية والسياسية، وطريقة تفكيرهم ودرجات تحملهم للرأي الآخر فخيار المقاطعة هو الأفضل لانه يريح كل الاطراف. فهو لا يتعارض مع حرية الكتابة التي اؤمن بها وادافع عنها. ويتيح لكل عضو أن يكتب ما يريده دون أن يتعرض لدعوات رفع البوست والتكفير والملاحقة والاساءات
فإذا لم تعجبك كتابات احد الأعضاء ..لا تطالب برفع البوست او شنق الكاتب ...فقط قاطع ما يكتب ..وإذا أحببت ان تدعو الآخرين للمقاطعة فأفعل ذلك
هل أكشف سرا إذا قلت إنني أطبق ذلك فعلا منذ شهور..وإنني أريح اعصابي وعقلي بعدم قراءة بوستات ثلاثة أشخاص ...حتى الآن
فيصل محمد صالح

عزيزى مانج
لك التقديرى
عزيزى فيصل
كده اطمأنيت انى ما من الثلاثة المبشرين بعدم القراءة ودى براها سعادة كبيرة لى، احترم وجهة نظرك فى انه الواحد يحدد لنفسو يقرا لمين ويخلى مين، لكن قصدى ما يدعو لمقاطعة نيابة عن الجميع

تحياتى
ودعزة

مثلك أفعل عزيزي فيصل.. وكان عندي ثلاثة ما بعاين حتى في عناوين بوستاتهم ولكنهم اصبحوا اربعة الآن.. واتمنى ألا يزيدو، ويبقى يا دوب الواحد بيتصفح ويتجاوب مع زول واحد او اتنين في البورد
عموما سياسة "التطفيش" التي يعتمدها البعض في البورد ناجحة للغاية.. فلماذا لا نعمل دعوة مضادة ونعمل لم للشمل ونرتقي من السفاسف لأن في النهاية البورد ده اختيار وليس اجبار وهو اختيارنا جميعا للراحة وتهدأة النفوس التي تباينت همومها

---
العزيز ود عزة
يا راجل ما تهزر، بكرة يجي زول اسمو شلامنجو..