عطبرة ميناء بديل لبورتسودان

في زيارة مدرسية لمتحف في ولاية ألينوي الأمريكية دهشت لكون مجرى مائيا ضخما يشق أرضا شاسعة ويربط بين نهرين ـ هذا المجري ليس طبيعيا وانما هو من حفر الانسان وقد حفر بالات جد بدائية مقارنة بآلات العصر الحاضر ويطول الحديث عن ماذا أحدث شق ذلك القنال من نهضة وتقدم وحياة علي جانبيه يسوقني ذلك للحديث عن هل يمكن شق قناة مماثلة بين سواكن وعطبرة ـقد يكون الموضوع حلم وقد يتبادر للذهن أن مشاكل كثيرة ستتعرصه ليس أقلها المباه المالحة ولكن دعونا نحلم فكل المشاريع الكبيرة بدأت بأحلام فما رأيكم دام فضلكم

كان طلعت العقبة
كان دقيت صاجة في أوجرين
كان شربت الجبنة في دورديب
كان شفت جبل الصقر
كان مشيت من الدجاية لي ظلط
ما كان بتنوم عشان تحلم

يا باب اللـه القلب حار لكين المروة مافي ـ ياخي سودانيين شنو البيحفروا قناة، عندك هيلمانة كنانة والرهد الناس للآن ما عرفت ليها بصارة ــ تصريف صحي نحن ما قادرين عليهو ، ولا حتي مجاري الخريف ما قادرين نحفرها ــ بس القناة القلتها دي ممكن نجيب الصينيين واللا الكوريين يشقوها لينا ـ ما نحن لازم نجيب ناس يجوا يشتغلوا لينا !!!! ــ باللـه ما تعتبر كلامي دا تحبيط وتثبيط ـ لكن للأسف نحن للآن بنتماوت في (ننحكم كيف) و مرحلة نبادر بالنهوض دي بقت صعبة ـ ألا يجي غريب يمسك رسنا ـ واللا نحن نهاجر ليهو ـ ما شايف السودانيين في الخارج تحت امرة الغير بيشتغلوا زي الـ... حصين كيف ؟؟ ــ