واحد يعرس لينا روضة و يريحنا..ما قادرين نكتب في البورد

خلال مشيتي الاخيرة للسودان لاحظت انو بتاعين الحركه لابتين في كل ملف و هاك يا مخالفات فورية...فعلقت علي المسألة و استبشرت بها خيرا لما قد توفره من امن و سلامة لمرتادي الطريق...و لعل تعليقي اثار حفيظة احد الاقارب الذين يمتهنون الامجاد فصاحبنا قال لي : وين انت..ما حضرت ايام سارة الضارة...ضحكت و قلتو ليهو دي حكايتها شنو...قال لي دي كانت من الواطة تصبح تلقاها في اي ملف و اخر مخالفات و مافي اي طريقة تزوغ منها...زولة فقرية ربنا ريحنا منها خربت شغلنا...و سالتو كيفن ربنا ريحكم منها..قال لي : جاها عريس و من يومها ما شفناها في الشارع

لوووووووووووووول
ودي يلاقو ليها زول انتحاري وين؟؟؟

يعني يا هوبلس انا تعبت من قراية مشاكل الناس مع روضة...في البداية و مع ظهورها قلت يا مان دي فلتة و ح تسخن البورد شويتين و تعيد ايام نقاشات سودان.نت الحاده و الحارة...دلوقت اصبحنا ما قادرين نركز في بقية مواضيع البورد لانو الواحد لو ما حصل الموضوع سريع ما بلم فيهو تاني...تجي تلقي روضة تقارع ابن القيم حول مسألة الجدل الفرضي لوجود الحور العين...و اتضح لي انو موضوعها مع ابن القيم طلع موضوع شخصي و تصفية حسابات قديمة من زمن الحبوبة الخمسة و خمسين...بس سكتت عنو كل الوقت الفات لحدت ما لقت ليها فرصة في بكري ابو بكر و لحست ليك راسو بشوية حاجات كده بتعرفها هي براها...نخلص من روضة يجيك مارد من هناك فاتح موضوع عن روضه...تقوم روضه تشكرو علي الثقة و تذكرنا لي تاني بموضوع ابن القيم...و انا خلاص اصبحت مؤمن تماما انو موضوعها مع ابن القيم اصبح اكتر من شخصي و المسألة حارقاها و لازم تنق فيها

قبل ما البورد يهدا رمانة تفتح ليها هجوم علي روضه...روضه تولع النار من جديد و تنفي تماما انها حاولت احتلال البورد و كل ما في الموضوع انها حاولت تحرير العقول..بالضبط زي كلام بوش و توني بلير في الاذاعات...يا ربي روضة برضو خريجة هارفارد؟

انا ما قادر اكتر من كده يعني من بداية صفحة المنبر الحر لي نهايتها روضة روضة روووووضة ووب وووب وووووب....نعمل شنو يا ناس اهدونا

هوبليس المشاكس ابعد شوية احسن الصيطان اسا تصلك

ياريت تكــــونوا موضــــوعيين شــــوية ،وصراحــــة مافى اى معنـــى للبوست ده.

لييييييييييييه يا ترهاقا

انت شايف الموضوعيه في شنو طيب

في موضوع الحور العين

ولا الخفاض

ولا الجنس

ولا الحور

وهل الحريه معناها الحديث في الكلام ده وبس

ولا الموضوعيه كيف واحــد لا يســاوي واحــد

في مثل بيقول ... كان اتكلمنا اتقلمنا

تحياتي ...ناصر البطل

الاخ/ مهدى
تحياتى
بالله انت ماشايف موضوع واحد يعرس لينا روضة و يريحنا دى ما مهضومة شوية لانو ممكن تكون فيها تفسيرات كثيرة ما مقبولة اقلها يمكن ان تقوم ليك ناس الجندر
الا اذا كنت ما جادى فى البوست ده

مرحى بالعودة يامهدي .. أفتقدنا في غيابك الإنسان .. الشاعر .. والذواقة .. ننتظر منك الكثير .. أم عن روضة .. فياك التلب اللزوم .. أخو الأخوان .. و أفهما براك

اخـــوى نصرالدين

الشكر الكتير على الرد

لكن كونو الناس تفتح موضوع عن روضة قالت ورضة سوت ، ياخى ده ما منطق كلو كلو ، وبعدين يا اخى اليس من حق روضة ان تتحدث عن رأيها ؟
لو فى زول عايز يناقشها ،فلتقارع الحجة بالحجة ، وفى المنبر ده كل الناس من كل الاديان والاعراق عندها حق تتناول اى موضوع وبالطريقة اللى هم شايفنها، كلمة يا إما معى يا ضدى ، افتكر عهدو ولى ،
وكمان طريقة الرد لى روضة ، والله انا شايفها طريقة ما حضارية ،هى ابدا ما حاولت تسيىء لى شخص بى عينه، وبتتكلم بى صورة عامة جدا،لكن من الناس تشوف روضة عملت بوست ،يجهزوا كل السكاكين .
العزيز نصر
انا احترم كل البوستات اللى بتنزل هنا بصرف النظر عن إقتناعى بها اولا ،وافتكر دى هى الطريقة اللى مفروض نتعامل بيها فى البورد ده،
وما تنسى إنو روضة اخت زى إخواتنا ليها كل الإحترام والتقدير .ويكفى إنهابتقول رأيها بصراحة ،وكم واحدة ساكتة كانو عايزين يقولوا كلامها ده .

الاخ الفاضل ترهاقا
تشرفت بمعرفتك ولك الود

أخي لا أحب الرد علي تلك البوستات ولكن طفح الكيل و ان كانت الحرية هي ان تقول ما تشاء

فمن حق أي فرد أن يرد عليك كيفما يشاء والا فلنعد خطوه للوراء ونقيم فهمنا للحرية

عزيزي هنايه دي كما يحلو لي مناداتها دائما تنتقد الاسلام فما هي ديانتها حتي نري الكمال

الذي تتحدث عنه ولنناقشها فيه اما انضممنا لها أو جاءت لنا ولا يصح الا الصحيح

أخي اذا رأيتم ايات الله يستهزأ بها فلا تقعدوا معهم حتي يخوضوا في حديث غيره صدق الله

العظيم ... اظنني اتفقت معك

يا غالي لتفهمني اكثر راجع ردودي الاتية

ويسميها الاخ بكري سامحه الله المفكره رودا

ويسميها بكري - سامحه الله - المفكرة رودا

عجبي في البورد يتم تنصيب الصحابيات و الرسل و تنال المقصلة الاخت رودا

عجبى ! فى البورد يتم تنصيب الصحابيات والرسل وتطال المقصلة رودا

واحد لا يساوي واحد

واحــــد لا يســاوي واحــــد

مع تحياتي ...ناصر البطل

مكسب
سلامات و عساك طيب

و شكرا علي ترحيبك و الموضوع للعرض

اخونا ترهاقا
تحياتنا يك و بخصوص الموضوعيه و عدمها فالواحد يكون صريح معاك انو الموضوع مجرد مزحه علي غرار ساره الضارة...أما روضه فلتكتب ما تكتب فهناك من انبري لها بالرد.... و البورد ده و الحمد لله فيهو حرية كافيه تخلي الواحد يرد عن نفسه اكان بي حجه او بدون حجه...

ابو عرفه
تحباتي ليك
و الله ما عارف اقول ليك شنو لو ناس الجندر دايرين يشنو حمله حبابهم عشره لكن خليهم الاحسن يشوفو ليهم سكة حمله يذكرهم فيها التاريخ....و قصدنا واضح و ما مدسوس ورا الكلمات

يا مهدي........عليك الله انا برضو شوفو لي عروس