الكلام ده قالوا وليد قبل كده لكن اتكرر معاي تاني

بسم الله الرحمن الرحيم


عليك الله شوف لينا بوردك ده ياخي


كل مرة ادخل فيها يدخل اقول موضوع جديد يرسل الموضوع وبعدين يطلع

ونفس الشي بتكررلما ارد على موضوع

الـسـفـيـرة ســـــــــلام و إحـتـرام


كـيـفـك و ويـنـك عـمـلـتـيـها و شـردتـي


أسمعي عليك الله كلامك دا إنتي فاهماهو

و حاتك أنا ما فاهم إنتي بتقصدي شـنـو


بالله أشـرحي لينا

و تسلمي

يعني انا بخش باسم السفير


بخش معاي



بعدين برد على موضوع



بعد الرد بقول ويلكم جيست




بعدين انا بخش وبكتب اليسر نيم تاااااااااااني والباسويرد تاااااااااااااااني حتى يخش تااااااااااني

ابو حسين


السفير كلامو صحيح يقصد أنه الموضوع بعد ما تقوم بكتابته وارساله . حينما تقوم بمراجعة ما كتبته على البورد لا تجد الموضوع او المداخلة . وقد تكرر هذا الامر أو أمر مشابه له مع الاخ تمبس



السفير لا زم تدفع لى حق التفسير وتكلفة رفع البوست بتاعك
هذا بالاضافة التى قيمة تعريفى لك بثلاثة اعضاء معنا فى البورد


ليك تحية يا غالى

ودالعجمي تحياتي

يا اخوي الحق اتغداء .. السفير دي بنت ما ولد
لوووول .. اكلنا المقلب قدامك


السفير تحياتي
جربي تدخلي من جهاز تاني وورينا النتيجه

تحياتي

حدثت معي المشكلة نفسها حين استخدمت ويندوز 98
حيث تطالب بتسجيل الدخول في كل خطوة تخطوها
تسجل وتجد نفسك ضيفا حبن تذهب للصفحة الرئسية
تريد ان ترد او تكتب موضوعا تطالب بتسجيل الدخول
ترسل البوست تطالب بتسجيل الدخول

وهكذا

الاخ هوبليس
اعتقد ان السفير ولد لأنه كاتب البوست التالي

http://www.sudaneseonline.com/cgi-bin/sdb/2bb.cgi?
seq=msg&board=2&msg=1055948126&func=flatview

Quote: اوضتنا يا اولاد ممنوع دخول البنات او النساء بسم الله مش النسوان عندهم اوضه نحن ليي ما يكون عندنا اوضه اها انا حامشي اجيب البيتزا من المطعم وجاي اصلو مافي اعتماد عى المره نوريها انو الحياه من دونها ممكنه 31-05-2003, 03:23 PM السفير

جربت لكن برضو حصل نفس الشي





انا بنت

يا هوبلس


السفير دا الذ زول


لكن يا سفير ما تمقلبنا انت ولد ولا بت ؟؟


معليش لو احرجناك يا صديقى



قال بت قال
بت قضيم ؟

ودالعجمي
اقرأ
User Profile



User Profile for السفير
Nickname: السفير
Status: .


Posts: 210
Registration Date: 07-08-2002
Location:
Email Address: ################
Homepage:
Date of Birth:
Education:
Gender: Female
I'm currently:
Interests and hobbies:
No.of Kids:
Paltalk name:
Phone: 012298937
Place of birth in Sudan is:
Your Occupation:
اكلات مفضلة: الخضره والقراصه بالعسل والمكرونه الاسباجتي بالجبنه الشاورمه البيتزا الهامبيرجر
العنوان الدائم: بريدك يمه من قلبي

ولانك شمعة في دربي

بيريدك يوم تردي معاي

تقولي هناي تقول هداي
الفنان المفضل: عمرو دياب ونوال الزغبي
اللون السياسى: لا شان لي بالسياسه لكني احب السودان
شاعرك المفضل: نزار قباني
معلومات اضافية: يعرف من اسي عشره سنوات والعايز يعرف
Image:


قال ولد قال
ولد البلد

Quote: اوضتنا يا اولاد ممنوع دخول البنات او النساء

بسم الله

مش النسوان عندهم اوضه نحن ليي ما يكون عندنا اوضه اها

انا حامشي اجيب البيتزا من المطعم وجاي اصلو مافي اعتماد عى المره

نوريها انو الحياه من دونها ممكنه

31-05-2003, 03:23 PM

السفير

-----------------------------
هوبلس

ما دا الكلام البيجنن بوبى

قال بت قال
بت بتى ؟
انت اظنو يدك مكسورة يا هوبلس

السفير
مشكلتك انك بتستخدم عنوان البورد القديم
بكرى دا رحل الحلة لمكان جديد
ترجع للاميل بتاعو الرسلو تلقى اللنك الجديد
تدخل فى امانة الله

البياض مليون جنيه