ازيكم من سودان الاحباطات الى الان!

اه السودان..ما حسيت بذللك التغير الى الان سوى في عدد المطاعم الذي زاد في نمرة اتنين....مشهد اول: مطار الخرطوم ضلام، الارض مليئة بالمياه، الحمامات مدتدتها الافتراضية انتهت...وساخة ما عادية...المطار يجيب الكئابة....مشهد تاني: الشوارع ضلام و حفر..مشهد تالت:التكاسي وساخة و حديدة بقت و مليئة بالدود...


مشهد اخير و هو الاهم بالنسبة لي..الشغل كان ما عنمدك واسطة مستحيل تشتغل او تدرب انا في ثواني لقيت تدريب بس من التلفون....الموية كمان قاطعة اغلب الوقت و مرات كتيرة وسخانة جدا....الناس..ناس فوق فوق فوق و ناس تحت شديد و ناس بسيطين في الوسط

اهم حاجة و انت جاي السودان يكون عندك شوالات قروش و تصرف من غير عد..و يكون عندك عربية و بيت مريح...

الى الان ما قادرة احس بالاحاسيس الكنت محضراها لمن اجي السودان...

يمكن انا لسى ما فهمت الحاصل شنو

بس بلدنا كعبة جدا جدا...الا اذا لقيت ليك وضع مريح هنا

المواصلات سيئة جدا..الشوارع كمان ...

ما عارفة الكلام الكتبتوا فوق ما مرتب لانو انا في نت كافيه مع انو في العمارات بس قمة في الحر

المهم دي ملاحظاتي الى الان

لغاية ما الاقيكم تاني

مشتاقة ليكم كلكم

الرائعة انسانة
لك الود

حقيقة عنوانك دة كان ممكن يكون مناسب فى اى يوم الا اليوم

يوم تم فيها تحقيق انتصار كاسح على الجبهة الاسلامية بفرعيها (وطنى وشعبى) والمتحالفين معهم من الانقسامين فى الامة والاتحادى فى جامعة الخرطوم

Quote: اه السودان..ما حسيت بذللك التغير الى الان سوى في عدد المطاعم الذي زاد في نمرة اتنين....مشهد اول: مطار الخرطوم ضلام، الارض مليئة بالمياه، الحمامات مدتدتها الافتراضية انتهت...وساخة ما عادية...المطار يجيب الكئابة....مشهد تاني: الشوارع ضلام و حفر..مشهد تالت:التكاسي وساخة و حديدة بقت و مليئة بالدود

حقيقة وصفك رائع وانا مشتاق جدا لتك المناظر وفى شوق كبير لها

نحن فى انتظار مزيد من انطباعات عن الوطن

ensana
حمد الله علي السلامة

اياهو دة السودان-بس عاد بلدنا نسوي شنو

التغيير داير وقت وأول شي نبدأ بتغيير الإنسان( لايغير الله ما بقوم إلا

أن يغيروا ما بأنفسهم) و

والحصل ليهو ما شوية


الموازين كلها إتقلبت بهناك-لكن بتنعدل كان النفوس إتطايبت والناس

إتعاونت-

متين؟ دة السؤال المستنين إجابته كلنا

عندي أخت مشت السودان قريب بتشتكي من نفس الشئ وأكتر شئ تغيير النفوس

استمتعي بإجازتك-لقاء الأهل ما ساهل
شكلك كدة جارتنا مما زكرتي

تحياتي

الاخت انسانة

اولا حمد لله علي سلامتك

ثانيا ياستي المشاهد النقلتيها دي هي حقيقة الوضع هناك و يا له من وطن مقلق بالعودة اليه

لكن اسمعي نصيحة مجرب قبلك..لا تبحثي عن النظافة والنظام ( ولا حتي النظام العام ) لانك لن تجديها اتركي التفكير في العمارات وفي الاضاءة وفي الشوارع النظيفة وفي السيارات وفي كل هذه الاشياء فهو حلم برجوازي لن نصل اليه قريبا

ابحثي عن حضن جدتك وجدك ابحثي عن جلسه جميله مع افراد العائله والصديقات اذا كان هناك زمن ابحثي وزوري الجيران تكتحي بتراب الشارع ( وانا اعرف يمكن ان يحدث لك ذلك بدون مجهود ) اذهبي لزيارة الخالات والاعمام والخيلان عافري ودافري في المواصلات وارشي ورشي ومشي امورك ..احضري حفله وشاهدي الذين حولك كانهم من كوكب اخر من النظافة والترتيب وكانهم لا ينتمون لهذا الواقع..ابحثي في وجوه الناس التائه ابحثي عن كل المتناقضات ...وعودي من اجازتك سالمة ..اخدي دش في ونومي علي هذه الذكريات ..ورغم عنك ستفكرين بالعودة مرة اخري الي السودان لانه بكل بساطه هذا هو السودان وحتي الان ....


ولك الود وانت في حضن الوطن المقلق

تنقو

العزيزة انسانة
كيفك
والله بما انه انا في السودان من اسبوع
فبالفعل وصفك تمااام والله
ودي عينا فعلا الشافت السودان بالظبط والله

وللاسف بر ضو
تحياتي وتسلمي

بس بلدنا كعبة جدا جداما عارفة الكلام الكتبتوا ما مرتب مع انو انا في نت كافيه في العماراتغايتوا0000000

انسانه حمدا لله على سلامة الوصول
ان السودان لا يشجع على الاستقرار اذا
كنتى لا تملكين المال فقط تزودى
بطيبة اهل السودان فهذا الشئ الذى قد تجدينه
مازال متوفر كل الامانى لك بالتوفيق
والسداد
لك ودى

خافي الله يا انسانه
انتي بتتكلمي عن ياتو بلد ؟؟؟؟؟؟
اتقي الله وكوني امينه فيما تنقليه
مالك لقيتي زي بعض اصحابنا هنا في البورد
لا حولة ولا قوة الا بالله

بخاف

تحياتي

ما داير اتصدر لي كلامك ولكن ياريت لو تقوم تورينا شنو الما قالتو
صاح في كلامهابالنسبة للوصف دا... علي الاقل امكن تكون في حاجات نحنا ما شفناها

ولك الود


تنقو

طيب ياحبيب اوجز لك سريع
1/ زياده المطاعم : افتكر ده مؤشر كويس انه هناك قوة شرائيه جيده
يعني الناس يملكون المال للاكل في المطاعم والا لما وجدت كل هذه المطاعم .
المواصلات:
والله متوفرة حتي منتصف الليله او اكثر وبكثرة كمان من تاكسي - حافلات - امجاد - بصات - ركشات.
وكمان لو ربنا اداك شويه قريشات ممكن تشتري عربيه ولو ما عندك ممكن تشتريها بالتقسيط كمان وكان ده كلوا ما عندك في ايجار
واذا ده كلوا مااافي المواصلات موجوده. لو نظرت للعربات الموجوده بالخرطوم لوجدتها كلها اخر موديل ومن جميع انواع العربات.
2/المطار + الشوارع مليئه بالحفر
دي امكانيات البلد يامان مع ملاحظه ان الاخت انسانه بتقارن بين مطار الخرطوم ودبي (محل اقامة الاخت).
امكن الشارع الوحيد المضي اضاءة جيده هو شارع المطار وشارع عبيد ختم الذي يوازي المطار من جهة الراض والمنشيه
المطار مستحيل يكون مضلم ؟؟؟؟
الحفر : كدي اقعدي يومين كده وشوفي كشيح البلاعات الفي الشوارع كيف
شغل الواسطه : دي حاجه موجوده في اي مكان وليست مقتصرة علي السودان .
الكهرباء + الماء
شوف الفرق انا اسكن أحد احياء امدرمان القديمه والاخت علي حسب ما فهمت في العمارات او منطقه قريبه منها
طيله فترة وجودي لم تقطع المياه ابدا ابدا اما الكهرباء فاذا قطعت فلم بتعدي القطع الساعتبن بومبا.
شوف كنا وين وبقينا وين من قطع بالساعت الطويله الي ساعتين فقط.
الحمد لله انك قلتي انه الناس اما فوووق فووق (ربنا يزيدهم ) أو تحت شديييييد ( ربنا ياخد بايدهم ) أو وسط ( الحمد لله ربنا يزيدها نعمه )
وده شي طبيعي شنو الغريب في كده ؟ انتو دايرين السودانيين كلهم فوووووووووق ولا شنو ... ده مخالف لطبيعه الكون زاتو

ياناس هييييييي انا مغترب زيكم وبلدنا اسمح منها مااااااااااافي
والبلد ماشه لقدام.

ياعزيزي بخاف نقل الحقائق او الانطباع بكل امانه لا يعني اننا تجردنا من الوطنية ..ولعل اكبر مشكلة تواجه السودان الان هي اننا لا نريد ان نري الحقائق ...
1/ عزيزي بخاف يا مغترب ... دي نظرية اقتصادية جديده ..( كترة المطاعم مؤشر ان هناك قوه شرائية جيدة) ...وقلت لي الناس يملكون المال للاكل في المطاعم ..كدي نسالك بالراحة كدا ..تعرف راتب الدكتور كم ؟ وراتب الاستاذ مربي الاجيال كم ؟ وراتب موظف عادي من اي درجة وظيفية كم ؟ وراتب العامل باليومية كم ؟ اتحداك ان ترتب لي المصروفات الشهريه لاي واحد من هؤلا بافتراض ان عنده طفلين فقط واثبت لي ان هناك فائض للشراء من المطاعم او حتي من سوق الخضار .

2/ قلت لي شراء عربية وايجار عربية ...كدي اعمل الحسبة في النقطه الفوق دي وكان فضلت معاك حاجة حاول تدخلها في نقطه شراء عربية او ايجار عربية ....اما لو كنت مغترب امشي خلص ضرايبك وزكاتك ..ورسومك والالزامية ..وفضائيه....ورسوم ترع ومجاري ..ودمغة شهيد ودفع كشف في عرس الشهيد زاتو ..... وأخري ( واخري دي دائما بتعمل لي نفسيات ) ورسوم مغادرة ..دي اعملها في الاول ولو عندك التزامات خلصها وبعد داك كان بتقدر تشتري عربية او تستأجر عربية وريني انت مغترب وين وشوف لي معاك طريقة اجي عندكم ...

3/ قلت لي ( الشارع الوحيد المضاء اضاءة جيدة هو شارع المطار ) هل تعتقد ان السودان هو شارع المطار فقط ؟؟ يعني كل السودانيين ديل يجو يسكنو في شارع المطار ولا شنو ؟ وبعدين كدي اتصل اسة بالسودان واسالهم عن قطوعات الكهرباء ... في الصيف النيل انحسر والاستهلاك كبير عشان كدا بتقطع ..وفي الخريف الطمي سد الطوربينات عشان كدا بتقطع وفي الشتاء ما عارف شنو .( الحمد لله ربيع زاتو ما عندنا ) السنة دي قالو عشان محطة بري ومحطة امدرمان اتحرقت ( ارجع لي بوست نايل ) ..حجوه ام ضبيبنة دي بنسمع بيها من ما قمنا . كدي وريني الجده فيها شنو اسة يعني تقلصت ساعات القطع الي ساعتين فقط ببركة المشروع الحضاري ؟ ..والله دا برضو مؤشر ..لكن مؤشر انو نحنا زي ما احنا والدنيا كلها تجاوزت التفكير في البديهيات والاساسيات دي ونحن لسة بنتكلم عن مويه قطعت وكهرباء جات .

4/ ما قلنا مافي زول يكون غنيان ولا مافي زول يكون فقير لكن علي الاقل هناك حقوق للمواطن يجب ان يتساوي فيها الجميع ..الامن ... والصحة ..والتعليم .. كدي انظر لهذه الاشياء نظرة متانية كدا وشوف ياتو واحدة متوفره فيهم والناس متساوية فيها ؟.... والطبقة المتوسطه اسة كلها بره السودان ودي طبقة المثقفين والنيرين والنقابيين المفروض يخلو البلد تمشي لي قدام لكن ناس المله عمر ديل قالو : ( يا معانا يا مع الخيانة ) وارجع لي خطابات البشير سابقا ..

5/ ( بلدنا اسمح منها مافي ) من ناحية طيبة وحنية وحنين اتفق معك ....لكن كان سماحة المنظر والشكل ..ما تشكر لي الراكوبه في عز الخريف .. انت قلت امدرماني ابدا من اي مكان ووريني وين السماحة من( الصالحة... والي.... مبروكه )
( واقصد المنظر ) اللاقاك هناك ..وبعد ما توريني وصف لي غرب الحارات معاك بالمرة . رغم انو دي ما بلدنا كلها لانها بلد تمتد من واو والي حلفا .

وبعد القلناهو دا كلو ياها بلدنا وبنحبها ..كلامنا دا من منطلق حب وليست من منطلق نقد فقط ..اول واحدة من ادوات الاصلاح ان تري الامور بمنظار حقيقي ومتجرد وتعترف ان هناك مشكلة ..اما ان تمارس نظريه النعامة والرمل ..مع نفسك و تريدنا ان نصدقها سيكون هذا هو حالنا الي يوم الدين . وكل ما واحد يقول دا غلط ودا ما جميل الناس تجي ناطة ليهو في حلقو ...........
قال البلد ماشة لي قدام قال ..والله قدام دا الا كان بقي حركة ورا ونحن ما عندنا خبر....
... .ويا بخاف خاف الله علي عقولنا .


تنقو

بخاف انت ليك كم من السودان اتفق 10000000000000000 فى المليون مع كلام الاخت مازلنا نشتاق للعودة لكن بدون مكابرة هذا هو السودان وانت الظاهر عليك ليك سنين ما مشيت اجازة ولوانت فى السودان الظاهر عليك مكابر بدون زعل

إنسانة .. أعملى حسابك !!! لأنه! دعوات التكفير مالية البلد الأيام دى

إنتى ليه زعلانة من حكم دولة التوجه الحضارى وماقاد الناس والبلد إليه !!؟؟ مرة تانية أعملى حسابك .. كله إلاّ ده.. لأنه الحكم ده باسم الله والوطن .. أمبارح صادروا بعض الصحف الموالية ليهم ذاتها

شفتى كيف ؟

انسانه وصلت البلد
حمدالله على السلامه

شويه شويه بتتعودى على الوضع
وتلقى روحك فى وسط ابو جنزير تتكلمى مع الكمسارى فى الباقى
وتشرب عصير ليمون من اولاد الزبير
انت ما تردى اسعى ولو قاعده كتير رد فى يومك المسافر
السودان جميل
والخير راقد
ودعقاب

i got depressed when i started to read this post,God bless you Ensana,i don't know when we are supposed to get good and motivating news from home,i duuuuunoooo!!!,
God bless you all

ازييك يا انسانه
حبوبة اولادي متفقه معاك تماما
وقالت لي اكتر من كده وهي انسانه بسيطه ساكنه الصحافه
كويس انك بتقولي الكلام للناس الماعارفين ايه الحصل اقتصاديا لانساننا البسيط وكيف اغني البعض علي حساب معيشته ولا زال هنالك من يدافع
واسوداناه

الاخت انسانه

هذا هو واقع السودان طيلة الاربعة عشر عام سرقوا ونهبوا جميع خيراتة وهاهم الشرفاء يواصلون نضالاتهم من اجل حياة حره للمواطن البسيط وفوز طلاب جامعة الخرطوم بداية للانتفاضة القادمة

انسانة

السودان ليس كهرباء قاطعة ولا بترول ومطاعم فخمة وصالات ديسكو وازاهير
السودان ناس وطبيعة بسيطة وشوف من نواحى اعمق . بلدنا يا ستى بلد بيتنفس الشعر وريحة الطين. بلدنا انين وغنية ولون فرح محزون مورم بالحكاوى وهج . بلدنا ياستى وسوق الناقة والدافورى وجلسة الصحبة والونسة فى ضل الضحى والرحمتات الحارة والونسة فى بيت البكاء . كدى يا ستى شوفى التجاعيد البتقابلك فى الحافلة من السوق العربى لشارع النص دى فى اوسم منها . شوفى البنيات اللابسات الطرح ديل وشوفى الحاجة المشلخة كيف ؟ وست الشاى القاعدة فى الشارع والناس القاعدين لابسين طواقيهم دى شوفيهم بتعمق بتلقيهم احلى سلطان للنفس . وأقوى ناس فى الدنيا حمالين قسية وريد
ولو كنتى رومانسية امشى البيدش فى برىء وشوفى الحلاوة الفى النيل والنسام بيلفح خدودك ويديك سماحة ونورة افضل من مساحيق الدنيا وريحة البرسيم احلى من العطور الباريسية
ولو أمك داعية ليك تزورى امبدة والفتيحاب وتشوف بيوت الجالوص والعروش البلدية وتاكلى ام جنقر فى السوق الشعبى وتشفعيها بكباية قضيم باااااارد


اها رايك شنو ؟

hozy


بلد كاااااامل بهذه الجغرافية وهذا الارث والتباين

تحكمى عليه فى سبوع بس ؟؟؟

معقولة دى


وارقُد فى ضواحى السُوق

وأحلَم والعمر مشنوق

تجينى بلاد

أبيع فيها الفَضَل من شوق

تطوفْنى بلاد

أغيِّر فيها شكل القُفَهْ

والأسياد


الله يرحمك يا الدوش

والله يا انسانه ضحكتني والله نحن بقينا كان ماعضتنا باعوضه يجينا وجع راس .وتقولي لي سخانه وكمان حالتك نازله في العمارات بالله كان جيتي زرتينا في امدرمان تقولي شنو واجمل حاجه نسوقك امبده كرور ونعزمك كوارع في واحد من مطاعمنا عشان تشوفي المطاعم الوساخنه البتتكلمي عنها دي

والله امبارح نحن اتعشينا بوش في مطعم في الشهداء والله المويه طين
عديل كدا وعينتك دي لو شافتا بتطرش
وتقولي شنو وتقولي منو قالت السودان كعب

وبتتكلم عن نمره اتنين والعمارات والمطار والله نحن وقت نمشي هناك بنعيش احساس انو نحن بره السودان

يديك العافيه يا انسانه ونتمني انو تستمعي بالسودان لانو مهما كان دا السودان ونحن بنحبه

يا اخوانا ازيكم


والله خوفنه عديل من السودان دا

لانى راجع بعد اسبوع بعد 6 سنين برة مع انها ما كتيرة لكن كتيرة

الشىء المهم يا ناس انتو ما عارفنة وانا شايل ليه هم من ما فكرتة انزل اجازة

وهو الشىء الاسمو الجمرة الخبيثة دا يعنى زمان الكهرباء بتقطع واى حاجة والناس بتكون

مشغلة البيت كله لكن هسه الواحد يعمل حسابوا شديد مع انه الكهرباء بي القروش

دي اكبر مشكلة والله

ازيكم


دايرة ارد عليكم واحد واحد

بس ادوني زمن كدا افهم الحاصل شنو


لكن لاحظتى معظم الردود هنا عاطفية

و انا لمن كنت في الامارات كنت بقولها

بس الواقع مختلف


و بجيكم

سلام

وين انت يا انسانه مالك ماظاهره ما يكون كشوك ناس النظام العام

عاطفية ؟

قبل ما تجى راجعة


عاطفية يعنى شنو ؟

إرتفاع سعر البرميل الى «5» آلاف جنيه

إنقطاع المياه يربك الحياة في عدد من أحياء العاصمة

الخرطوم: الرأي العام

تواصل انقطاع امداد المياه عن اجزاء واسعة بالخرطوم حتى يوم أمس الجمعة، وتحولت حياة السكان في عدد من الاحياء الى معاناة حقيقية واشتكى المواطنون باحياء امدرمان وبحري من عجز هيئة المياه من ايجاد اية معالجات لانقطاع المياه الذي ضرب احياء كثيرة اعتباراً من أمس الأول وارتفع سعر برميل الماء بالدروشاب الى «5» آلاف جنيه للبرميل، بينما بلغ سعر جركانة الماء «500» جنيه في بعض احياء امدرمان، حي ابوسعد على سبيل المثال.

ورصدت «الرأي العام» لجوء الناس في بعض الاحياء الى استخدام مياه آبار السيفونات تحت التشييد لاغراض الغسيل. وذكرت بعض الاسر انها تصرف «12» آلف جنيه يومياً لمقابلة احتياجاتها من المياه ، فيما لجأ المواطنون الذين يمتلكون سيارات الى احضار المياه من النيل مباشرة مما يعرضهم للخطر.

ensana

The Rest
اعذروني للمداخله لما يبدو لي بانكم كلكم معارف ولكن الموضوع اخذ منحي جميل ودعوني أدلو بدلوي


أولا انا أويد كلام الاخ بخاف عن السودان وذلك للاتي:

نحن الرجال لا يجب ان تكون نظرتنا للسودان بعيون النساء بمعنى ان المراه بطبعها كائن حساس ومنعم ولا يحب البهدله

ولننظر الى السودان برؤية اخرى وهي
هل هناك تحسن في الخدمات ؟ نعم بدليل ان قطوعات الكهرباء لم تصبح كالسايبق وانا بقول الكلام دا لاني جاي من السودان قبل اسبوعين

النهضه العمرانية ماشه تمام وفعلا الكلام دا ما ح يحسو بيهو ناس العمارات ونمرة 2 لانو هم اصلا ما عندهم توسع عمراني بحكم انها مناطق مكتملة النمو وعندها شوارع زلط من سنة يك

الاتصالات فوق الممتازة


المواصلات احسن من دول كتيره ومتوفره بكثره اشكال والوان


فرص العمل للمؤهلين زادت بنسبة عالية


كلام زيادة المطاعم لزيادة الطلب كلام في محلو


الناس الان تعيش استقرار نسبي والهجرة قلت وزادت الهجرة العكسية

كثير وكثير

بس علينا فعل شئ واحد الا وهو التفاؤل وترك عملية التشنيف والتشاؤم

ولي قدام ياناس بلدي

تمنياتي لك بقضاء إجازه سعيده بين الأهل دون احباطات

الحبيبة انسانة
ألف حمد الله على السلامة.. وبالطبع لأن عيونك تعودت على بلد ما نضيييييف وفيهو الحاجات مترتبة وناس نضيفة ومبتسمة حتكوني صدمتي في بلدنا العزيز.. ولكن عزاءنا نحن على الأقل اننا عشنا في السودان أيام مجده وجماله وبهاءه.. وزي ما قاعدين اهل السودان زاتهم بيقولو انو السودان بقى ناس بس، يعني اهلك واصحابك وديل يستحقوا ان نستحمل الحفر وقطع الموية والكهرباء.. الخ

انسانة.. ده في الخرطوم بس، ماذا كنت ستقولين لو ذهبت إلى أي من مدن السودان الأخرى؟ مدني؟ لقد ماتت بعد موت مشروع الجزيرة وأصبح شارعها الرئيسي "النيل" حزينا يصلح ان يعود شعرائها وكتابها لوصفها لنا لأن حالها يستحق الوصف.. شندي؟ وهل عادت مدينة؟ لقد رأيت قرى اكثر تحضرا منها.. عطبرة؟ الدامر؟ وما ادرانا بالأبيض وكوستي فحقيقة لم أذهب في تلك الاتجاهات ولكن من أعرفهم من الأهل والصحاب غادروها ليأتو للخرطوم بعد ان اصبحت اماكن طاردة لا عيش فيها.. ويكفى ان الخرطوم اصبحت قرية كبيرة وتخلفت ولا يمكن تصنيفها بأي من المصنفات كعاصمة لدولة كبيرة كالسودان...
وبعد ده اتعجب من التمسك بأن تكون قومية التشريع او تطيق عليها قوانين الشريعة ؟؟ في هذه الحالة ارى الطرفين يصفون رفاهية لا طاقة لنا بها..
نريد مدينة وصفت في السابق انها اجمل مدينة في الليل من الجو.. نريد خدمات طوال الـ 24 ساعة، لماذا لا نجد ما نحتاجه من الدواء؟ وحتى الكافتريات التي شاهدتها بنفسي وقد زاد عددها لا جديد فيها وخدمتها دون المستوى .. والسيارات الحديثة الموديل التي تحدث عنها العزيز بخاف لا علاقة لها بالبلد، فكيف يمكن ان تكون سيارتك نيسان باترول او ماكسيما او سوني في بلد دواءه ناقص، وخدماته متواضعة، ومدارسه بائسة وإناسه محبطون.. هذا هو الترف
----
بخاف
يكفي ان ام درمان اصبحت مدينة للأشباح.. رجاء التجول في ودنوباوي جنب الخور وبالقرب من جامع الشيخ قريب الله.. حقيقي شعرت ان ام درمان تستغيث بنا نحن ابناءها لتجديدها واعادتها للشكل الذي احتضنتها خلاله ونحن صغار، فمتى كان آخر عهد بترميم الشوارع او البيوت؟ لم تعد الأعياد مناسبة للتجيير وتلوين بيوتنا.. فكل شئ اصبح رفاهية لا نستطيعها

وللاوطان في دم كل حر

يد سلفت ودين مستحق


فمتى يا انسانة يوفأ الدين

فقد استحق سداده


اجل للوطن دين علينا

وبدلا من ان نوفيه دينه

اراكم تسخطون منه

وتتاففون

وتنعتونه بالالقاب
(الاحباطات)

لا يااختي العزيزة

لا والف لا ان تتحقق نهضة

بدون كوادر بشرية

مؤهلة مسؤولة

وطنية مخلصة

ولا نتوقع ابدا ان تستيقظ يوما

او نعود من بلد الاغتراب

لقضاء اجازة سنوية

ان نجد السودان تصبح

دولة حديثة عمرانيا

وادبيا وعلميا

فليس هناك عصى موسى

ولكن كل هذا الابداع ياتي

بجهد ابناء الوطن

ومنهم انت وانا

الذين اصبح همهم الاوحد

هو الاغتراب والهروب

فكيف سينهض الوطن؟

قد يقول قائل

هي الظروف السياسية !!!

!!

الشماعة الاولى بعد شماعة الامكانيات

لا ياخي فكم من بلاد نهضت ونمت

وبها انظمة فاسدة

وليس جيراننا عنا ببعيدين




بلادي وان جارت عليي عزيزة
واهلي وان ضنوا عليي كرام
وياعجبي

اخي خال فاطنة لقد كان ردك هو الابلغ والاقرب الي حقيقة الاشياء. عشرون عاما قضيتها خارج السودان طفت فيها بلاد وبلاد من مشرق العروبة الي مغرب الفرنجة من سموم الخليج الي جليد ميرلاند و(بفولو) غير ان الوطن يظل بكل ترهاته شئيا خاصا الحديث عنه لايكون مقارنة بما لدي الاخرين بل تميزا عنهم ..الذين اغتربوا ثم عادوا ليبخسوا كل مافي الوطن أناس مبهورون بما راوا متنكرين لما كانوا عليه او لما هو عليه الوطن الان.. .العائدون من مغترب الخليج هم ليسو سواحا علينا في السودان وعليهم تاليا ان لايتحدثوا بتلك اللغة السياحية وكأنهم قد كشفوا المجهول للاخرين .. تلك هي حقائق الاشياء في السودان منذ ان كان ومحاولة التغير لن تكون بالاستهزاء والتنكر والتطاول ...

وللاوطان في دم كل حر
يد سلفت ودين مستحق


تســــــلم يا خال فاطمة
ويسلم فمك يا مو

بس دة حالنا , السودانى عنده مشاكل
بس ما عنده حل


انسانة , حمد لله على سلامتك واجازة سعيدة


ازيك يا بامسيكا يا (كوز), سائلة عنك

..

الاخ mo


قد تكون سنينك العشرون اغتراب

هي التي دلتك واوصلتك الى هذه القناعات

وانا كذلك

لذلك دعنا نوصلها للاخرين

حتى لا يحتاجوا لعشون عاما هم ايضا

حتى يفهموا هذه الحقائق

لانه ثمن باهظ جدا يااخي

حتى نعمل سويا للنهوض بهذا العملاق

الذي كان يوما

علما في كل شيء

والسباق في مختلف الميادين

ليعود من جديد

وليس بشيء سوى بنا نحن

انا وانت وانسانة وجميع السودانيون

ولا اعتقد ان انسانة الانسانة

ارادت الاساءة للوطن

ولكن دة شعور بنت مغتربة

ماعرفت لسع وجع العشرون عاما

خال فاطنة العزيز..الحق يقال بأن تلك اللغة هي ليست خاصة بانسانة وقد تكون كما ذكرت في مقتبل عمرها ولربما كانت تزور السودان للمرة الاولي وقد نعذرها وهم القادمون من الخليج المصنوع في كل شئي مناخا وبذخا..غير ان هنالك كتاب ومبدعون عادوا بعد غياب عدد من السنين ثم عادوا يكتبوا عن السودان كتبا كالمغامرات والشئ الذي حقيقة يثير فينا الحفيظة .. نحب السودان بكل مافيه من كتاحة وقطوعات كهرباء وانعدام ماء وصحن بوش في موية الجبنة وموية متلجة في السوق الشعبي .. احب غباشة اهلي وكفاحهم .. ليس لانهم فرجة سياحية بل لانها هي اصولنا الاولي وطبيعتنا ا لتي جبلنا عليها وماعداها طفح في الذاكرة مربوط لدي الكثيرين باقامة مؤقته اوبتأشيرة خروج وعودة ... ذلك هو السودان الذي عرفناه وعشناه مدافرة في المواصلات وانتظارا في صفوف العيش والبنزين .. هو وطننا الذي بمعاناتنا الطويلة فيه عشقناه ونعشقه حتي الثمالة لانه رسخ فينا فضيلة الصبر علي المكاره والي حد ما الي الديكتاتوريات ايضا ... السودان ليس كله سجم في رماد بل ادب واخلاق قومة للكبير في المواصلات عندما كان الحصول علي كرسي للجلوس سباق مع الزمن .. حليفة طلاق للمبيت والعشاء وعدد الرغيفات مظبوط علي سكان المنزل... صينية غداء محمولة لصيوان العزاء ... وافطار رمضان في السهلة انتظار لقادم حردان ...هذا هو السودان الذي نعرفه ونحبه ونموت في حبه .. وان كان الناس يموتون فيه من الحر وقطوعات الكهرباء وعطلة المكيفات عليهم ان يعودوا الي تلك المدن المصنوعة المكيفة ولكنهم لن يجدوا انسانا كالسوداني ولا وطنا كالسودان ... نحبه ونكره من يشمت فينا وهم يقارنوه بغابات الاسمنت المصنوعة ...

البلد ماشة الى الاحسن وهنالك نهضة عمرانية بصورة عالية جدا
من كافة النواحى بطلو دجل وكلام كتير يا جماعة اليوم بلدنا بتختلف عن الامس من كل النواحى .. نسيتو ايام السوق الاسود والعيش بالصف والجاز بالدس ... اسع الجماعة يقولو بامسيكا كوز

الاخت امدر

شكرا على الكمات الجميلة

الاخ مو

لو ماجيت من زي ديل
وا اسفاي وازلي


الاخ بامسيكا

دة كلام صحيح
البلد فيها نهضة عمرانية
بس من يعمر من الشعب؟!