Post: #1
Title: **محمد البدري ** أرتيقا دقنه البيجاوي ادروب ودالخطيب البيجاوي أستاذه اشراقه
Author: tmbis
Date: 07-16-2003, 08:23 AM
|
Post: #2
Title: Re: **محمد البدري ** أرتيقا دقنه البيجاوي ادروب ودالخطيب البيجاوي أستاذه اش
Author: THE RAIN
Date: 07-16-2003, 09:46 AM
Parent: #1
tmbis
والله وبلا أدنى مبالغة، اقول لك أن صوت محمد البدرى هو أعذب وأحلى صوت طربت له فى حياتى، وكم تمنيت لو أنى أعرف لغة أهلنا وأحبابنا البجة، لكان قد إكتمل الطرب والفرح معا، وقد لا تصدق أنى أحاول تجميع كل أعمال محمد البدرى بمثل ما كنت افعل سابقا مع الشجى الآخر آدم شاش والذى انقطع خبره وطربه عنا منذ أمد
محمد البدرى صوت غير عادى ابدا، كما أن الألحان وميلودية الأداء عنده، لا تضاهى ولا تطال
كنت دائما اقول للأصدقاء أن أكثر لغات ولهجات العالم كله التى تصلح حقا للأداء الغنائى وما تأت به من طرب، هى ثلاث لغات لا رابع لها
الأسبانية
النوبية فى شمال السودان
والبجاوية
وذلك قد يكون سببه نوعية الحروف الصوتية المستخدمة وطريقة الأداء الصوتى فى الارتفاع والانخفاض أو الترنيم
Intonation
قد أكون مخطئا أو إنطباعيا فى هذا الحكم، ولكنى قطعا ليس مخطئا فى أن محمد البدرى صوت وأداء وطرب لا شبيه لهابدا
بالله المرة الجاية لمنا مع الأحباب الهديت ليهم ديل، واعتبرنا بجاويين بالتجنس، ولا اقول ليك، بالمحبة احسن
شكرا حد الفرح
|
Post: #3
Title: Re: **محمد البدري ** أرتيقا دقنه البيجاوي ادروب ودالخطيب البيجاوي أستاذه اش
Author: tmbis
Date: 07-17-2003, 08:02 AM
Parent: #2
المطر
تحياتي
وبرجع ليك
|
Post: #4
Title: Re: **محمد البدري ** أرتيقا دقنه البيجاوي ادروب ودالخطيب البيجاوي أستاذه اش
Author: tmbis
Date: 07-17-2003, 10:17 AM
Parent: #3
المطر
اتفق معك بحواسي السته .. والحاسه الاخيرة أدخلني فيها ..شافع بيجاوي صغير عمرو في حدود ثمانية سنوات في سوق بورتسودان الكبير ..قبل 7 سنوات لحظة قدم تابلوه جميل جدا بمصاحبة السيف علي أنغام محمد البدرى ..أندهشت يا جماعة ده منو البيغني ده ..اندهشت لعدة اسباب حرفنة الشافع المصلط ده وتعاملو مع الايقاع والتعبير الجسدي وايصال فكرة محمد البدري اللحنية والايقاعية ..اندهشت تاني لصوت محمد البدري الفريد جدا ونادرو وين في خارطة الغناء السوداني ..عقدته مقارنة بينو وبين نفس الفابريتو المتوفر بكثافة عالية عند الهادي حامد ود الجبل هناك مقارنة أخري بين صوت وديع الصافي ونجوي كرم وايضا بين أنغام الساكسفون بأنواعه التينور والالطو في اثيوبيا وتفرد النغمات الصادره واختلافه من مناطق اخري حول العالم " هل لطبيعة المنطقة الجبلية علاقة في تشكيل وتمييز الصوت ..؟؟ سؤال محيرني.
اما مايخص اهلنا البجا ..واللهجه البيجاوية اتمنيت كتير جدا لو اعرف حتي مفردات محمد البدري واقدر اردد معاهو او سيدي دوشكا ..وبالمناسبة الكاسيت اهداء من صديق درب بيجاوي ومستعد ارسل ليك المواد الفيهو علي الايميل الخاص بيك اذا ما عندك مانع واكون ساهمت معاك سمعيا لي محمد البدري ..
شكرا اكتر فرحا يا مطر
|
Post: #5
Title: Re: **محمد البدري ** أرتيقا دقنه البيجاوي ادروب ودالخطيب البيجاوي أستاذه اش
Author: degna
Date: 07-17-2003, 11:08 AM
Parent: #4
الاخ الحبيب تامبس ,دبايوا لبابيوا
انت دوما سباق تحمل معك الفرح الشرقي لنا
اخجلتنا بهدايك الجميلة المفرحة دوما ومحمد البدري فنانا
عملاق ومبدع بارع وهو من اميز واروع اصوات الشرق ودون منازع او منافس ودوما تقلب لنا المواجع والزكريات الخميلة في ربوع شرقنا الحبيب وخصوصا عروس
البحر بورتسودان ,مدينتي الخيالية التي اذوب في حبها وعشقها ,
واللغة البجاوية نحن ساعون لكتابتها لانه لغة نفيثة وقديمة جدا وهي لغة متكاملة وغنية
لي عودة
الف مليون شكر عزيزي تامبيس
degna
|
Post: #6
Title: Re: **محمد البدري ** أرتيقا دقنه البيجاوي ادروب ودالخطيب البيجاوي أستاذه اش
Author: tmbis
Date: 07-17-2003, 11:30 AM
Parent: #5
العزيز دقنة
شكرا لكلماتك الرقيقة
وبمناسبة اللهجه البيجاوية
في كتيب صدر قبل فترة عن اللهجة البيجاويةومفرداته وحركة النطق اسمو بيداويت علي ما اعتقد أو بيجاويت
هل ممكن الواحد يستفيد منو ؟؟اذا عندك فكرة عن الكتاب ده ؟؟
|
Post: #7
Title: Re: **محمد البدري ** أرتيقا دقنه البيجاوي ادروب ودالخطيب البيجاوي أستاذه اش
Author: degna
Date: 07-17-2003, 11:54 AM
Parent: #6
تحياتي عزيزي تامبيس
علي فكره هي لغة وليس لهجة
كتاب التبداويت هو واحد من سلسلة كتيبات تصدر عن الجمعية الدولية للثقافة البجاوية وانا واحدا من اعضاء هذه الجمعية وهي كتب قيمة جدا وتستطيع ان تخرج
منها بفائدة وهناك قاموسا به كلمات ومفردات كثيرة جدا
ويمكنك مناقشه مع صديقك البجاوي او حتي شخصي لكي تستطيع ان تعرف نطق االكلمات صحيحة وهي لغة ليست صعبة ومعقدة
لك اروع التحايا البجاوية ,لبابي
degna
|
Post: #9
Title: Re: **محمد البدري ** أرتيقا دقنه البيجاوي ادروب ودالخطيب البيجاوي أستاذه اش
Author: Adrob wad Elkhatib
Date: 07-18-2003, 07:09 AM
Parent: #7
تحياتي عزيزي تامبيس
شكراًشكراً
|
Post: #8
Title: Re: **محمد البدري ** أرتيقا دقنه البيجاوي ادروب ودالخطيب البيجاوي أستاذه اش
Author: artiga
Date: 07-18-2003, 01:59 AM
Parent: #1
الجميل / تمبس
لك كل التقدير على هداياك
التى تتحفنا بها دوماً
وليتنى املك الالمام بفنيات
هذه التقنيه حتى اقدم لك المزيد
وشكرا مره اخرى على هذا الاحساس الذى
غمرتنا به
رين
شكراً على هذا الدفق من مشاعر
الحب الذى نحمله للجميع
نيابة عن اهلى اقول لك بأنك واحد
منا بما تحمله لنا من حب
وبدون تجنس
ليكم القومه
|
|