البشير يائسا....لتذهب الايقاد فى ستين داهية

إطبـــع هــذه الصفحــة

البشير: لتذهب «إيقاد» في ستين داهية


لندن: عيدروس عبد العزيز وحسن ساتي الخرطوم: «الشرق الأوسط»
دخلت مفاوضات السلام السودانية مرحلة ضبابية بعد اطلاق الوسطاء في منظمة «الايقاد» الراعية للمفاوضات، مقترحات جديدة للحل النهائي رفضتها الخرطوم ووجدت ترحيبا من الحركة الشعبية بقيادة جون قرنق. وتواصلت حرب التصريحات في اوساط الحكومة والحركة الشعبية، وشن الرئيس السوداني عمر البشير امس هجوما هو الاقسى من نوعه على منظمة «الايقاد» وشركائها قائلا في لقاء جماهيري ان حكومته لن تساوم في تطبيق الشريعة الاسلامية. وقال وهو يشير الى الوثيقة «لن نقبلها، واذا جاملناهم سنعتبرها لم تطرح اصلا» واضاف «عليهم ان يأتوا ببديل معقول والا عليهم ان يمصوها (اذابتها في ماء) ويشربوا مويتها (ماءها)، وعلى «الايقاد» ومن معها ان يذهبوا في ستين داهية». ومن جهتها ردت الحركة الشعبية بأنها لن تتنازل عن الوثيقة، وأوضح الناطق باسم الحركة ياسر عرمان لـ«الشرق الأوسط» ان أي محاولة من الحكومة للمطالبة بوثيقة جديدة تعني التخلي عن مجهودات عام كامل مع «الايقاد» والتنصل والتراجع عن بروتوكول ماشاكوس الأول. ولمحت الحركة الى انها لن تمدد هدنة وقف النار التي تنتهي في نهاية سبتمبر (ايلول)، اذا استمر الموقف على حاله، وقال عرمان «الحركة الشعبية لن تقبل بحالة اللاسلم واللاحرب الى ما لا نهاية». وطلبت الحكومة السودانية امس من جامعة الدول العربية ومصر التدخل لدى الحركة الشعبية و«ايقاد» لسحب اقتراحاتهم. وتحصلت «الشرق الأوسط» امس على مزيد من التفاصيل حول وثيقة «الايقاد» المثيرة للجدل، وكشفت مصادر ان 6 نقاط خلافية جاءت في الوثيقة هي التي فجرت المفاوضات، من بينها مؤسسة الرئاسة التي تتكون من رئيس من المؤتمر الوطني الحاكم ونائب وحيد من الحركة الشعبية، و50 في المائة من مراكز السلطة للمؤتمر الوطني و25 في المائة للحركة و16 في المائة للقوى الشمالية و7 للقوى الجنوبية. كما نصت على عاصمة قومية تشمل اجزاء من امدرمان تتساوى فيها كل الاديان. (تفاصيل في الداخل)

الاخ الكيك.

من المؤكد أن الذي سوف يروح في ستين داهية هو البشير ونظامه المتهالك

دينق.

عافي منك يا البشير
بس الكلام ده يكون جد ما بكرة تجي تلحس كلامك

نعم فليأتو بمبادرة معقولة او فليذهبوا الى الجحيم

وبعدين لاحظ لهجة التهديد في كلام ياسر عرمان"لن نمدد وقف اطلاق النار" يعني شنو!!؟ ..الحرب؟ فلتكن هي الحرب لحد ما ينقرض آخر جنوبي.

مافي اي داعي لتعنت الطرف الجنوبي... كلها ست سنوات و بعهدها ان لم يرق لهم الحال فليذهب كل طرف في حال سبيله وكان الله يحب المحسنيين.

لوووووووووول لكن
قرب يقول النجيب عكازى واجيكم
طبعا من الرئيس يطلع من النص بيضرب الدلجة
تذكرو نميرى لما دفر الخطاب المكتوب
وما خلا لينا صفحة نتكى عليها
طوالى يعد شهرين ضرب الدلجة

الاخ مانج
تحية طيبة

اول حاجة المتعــــنت ما هـــو الطــرف الجـــنوبى ، إنما الحركـــة وافقت على مقترحــات الإيقاد ، فيبقى ما فى اى تعنت من الحركة.
ثانيا : للجنوبيــين الحق فى ان يعيشوا فى السودان زيهم زى اى واحد ، وكمان ما تطبق عليهم شريعة غير شريعتهم،

ارجو ان تضع نفسك فى محلهم وطبقت عليك قوانين مسيحية او يهودية ،كنت حتقبل ؟ عشان كدة لازم الدين ما يكون طرف فى ظروف زى دى ،إلا لو كانت الدولة كلها مسلمة ،

كتبت فى بوستك
(الحرب؟ فلتكن هي الحرب لحد ما ينقرض آخر جنوبي)
ياليتك تدرى ويلات الحرب ، والناس بتحارب من سنة 1955 هل المشكلة إتحلت؟
وكمان جملة لحد ما ينقرض آخر جنوبى دى ما جملة ظريفة منك،ديل سودانيين مثلى مثلك ولا نتمنى إنو أى سودانى ينقرض.
مع تحياتى لك

سلام تهراقا

هل هناك تعنت اكثر من المطالبة بدولة علمانية و نصيب الاسد من الثروة و كمان معاها مناصب سياسية و وزارتي دفاع و جيشين...الخ

حل يحق للاقلية فرض رأيها على الاغلبية؟...هل يحق لمسلمي الصين ان يطالبوا بعاصمة اسلامية؟....الا يطالب قرنق بالديمقراطية و المساواة؟؟... اذا فليطرح موضوع العاصمة للاستفتاء العام ونحن على استعداد لقبول النتيجة مهما كانت...اما ان يفرض علينا هذا الامر فرضا فهو التعنت بعينه.

لا احد انكر عليهم حق العيش في وطنهم..اما الشريعة فهي قانون لحفظ الامن في المجتمع مثلها مثل القوانين الوضعية, الفرق انها من عند الله و لكن في النهاية الهدف واحد. اما مسئلة تطبيقها على غير المسلمين فلا استطيع ان افتي فيها... ولكنها في النهاية قانون يفيد المجتمع.

نحن كلنا مكانهم فنحن نحكم بقوانين وضعية و ضعها الغرب المسيحي. ومن اراد من المسيحين الا يحكم بقوانين اسلامية فالامر بسيط جدا....لا تسرق لا تزني لا تجاهر بشرب الخمر لا تقطع الطريق...الخ
وهذا لا يجب ان يغضب عاقل.

اما عن الحرب فكما يقال (ما متنا لكن شقينا المقابر) خيار الحرب في هذه الحالة ليس خيارنا و ليس لاحد فينا رغبة فيها... وهم - الجنوبيين- ادرى باهوال الحرب.. فهم اكثر من اسطلى بنارها... ولكن من يصر على وضع هكذا عقبات لا يترك لنا مناص غير الحرب...التي ستكون نتيجتها ضياع ارواح الطرفين و سيكون الجنوبيين هم الخاسر الاكبر.

كلامي هذا ليس حبا في الحرب و ليس بغضا لاخواننا الجنوبيين بقدر ما هو بغض لشروطهم التعجيزية.

تحياتي

المضحك ..... المبكى

وشر البلية ما يضحك

يا جماعة .. وين الحكمة ... والحنكة السياسية في السودان

يبدوا أننا جميعاً سنعود لما قبل المربع الأول .. ولا يهم من يموت ومن يحيا فينا

وكلنا قد تطلعنا لأماني جميلة بوقف هذا النزيف البشري

ولا أدري إن كانت هذى مناورات سياسية أم حقيقة .. وعلي كل فإني أحس بغياب العقل

وتغليب العواطف في موضوع الحرب والسلام

وأنا أجلس خلف هذة الشاشة والتكييف المركزي يرطب عليّ المكان

بالي علي من يفترش الأرض ويلتحف السماء من كافة السودانيين من قاتل ومقتول

ولا أحسب أن هناك بديلاً للوطن غير الوطن الواحد فلا الشمال يساوي شيئاً من غير الجنوب

ولا الجنوب يساوي شيئاً من غير الشمال .. وتحديد الإتجاهات الجغرافية من شمال وجنوب .. شرق وغرب يمكن أن تنشأ في أي حييز جغرافي بتفاصيلها الغير محبذة

وعلي الرئيس أن يكون رئيس بالقول والفعل في أي موقع يكون وبأي كيفية جاء بها والعبرة بالخواتم

بحيراوي

عمر البشير

عسكري غريب الاطوار

تصريحاته مثل:

السلطة أخذناها بالسلاح والعايز يجي يشيلها بالسلاح

علي المعارضة أن تتضوء وتغتسل في البحر الأحمر

ولتذهب الإيقاد في ستين داهية

وثيقة الإيقاد يموصوها ويشربوا مويتها


هل يعي هذا البشير ما يقول أم أنها خطرفات ديكتاتور أتقطعت علاقته بما هو واقعي

نعم فلتذهب الإيقاد والإنقاذ والحركة الشعبية في ستين ألف ألف داهية

البشير لا يخطرف
بل انه يعنى تماما ما يقول
هل نسيتم لماذا قام بالانقلاب اصلا؟
الم تقم الجبهة الاسلامية بانقلابها لوقف عملية السام حينها
انما ما يحدث الآن من تصريحات بشيرية رغم تفاهتها انما هو امر متوقع
و يبقى المواطن السودانى البسيط بسيطا و فقيرا و مكلوما
الى متى هذا السخف و الى متى حتى تغور الجبهة ببشيرها .

بكره حيمشى يفتش لى وساطة وتحنيس عشان يرجع للمفاوضات،ماقال قبال كده الراجل يجى يقلعها بالقوة زى ما اخدناها بالقوة،ده زول هراش ساكت ماعافين البشير ده رئيس دوله واللا رئيس عصابة؟طبعا ظاهر من كلامو هو شنو؟؟

ياجماعة دى خطة الإنقاذ الثعلبية للإنفصال ، ودى خطة واضحة عشان فى النهاية المسألة تبقى إنفصال ، حقو نوعى للمسالة دى ،من الاول هم ما مقتنعين بى مفاوضات ولا اى حاجة ،الحصل ده كان تحصيل حاصل،

وما تفتكروا إنو الترابى بعيد من الخطة ،أجزم إنو هو المدبر الاساسى ، زى ما دبر الإنقلاب ودخل السجن وكان ضحك على الذقون ،الموضوع ده هو داخل فيهو بى تقلو ،لانو سبع البرمبة اللى إسمو عمر البشير براهو ما بقدر يتصرف ،

فيا إخوة لابد من الوقوف ضد مخططات الجبهة ،فى النهاية دايرين يقسمو البلد ويقعدوا ،وما مهم يقولوا الجنوبيين ديل اصلهم مسيحيين وحيلخبتوا لينا الشغلانة ، خلوهم كدى اللى ينفصلوا ونحن نورى ناسنا الهنا ديل النجوم نصت نهار.

Manj.
أريدك أن تعلم بأن أخر جنوبي لن يموت قبل أن يحقق حلم أهل الجنوب , والزمن سوف يثبت لك ما أعنيه.

Deng.

تـمـثـيـلـيـة لا أكـثـر و لا أقـــــــل


الإتـفـاق جــاهــز و البـشـيـر مـواااااااااااااااااااافق عليهو

لـكـن الـزول خـــائـف و قـلـبـو مقـطـوع مـن ناســو

علشان كـدا حبكوها تمثيلية مع جـون قـرنـق و الأمريكان

يعني السـودان خــلاص إتباع و إنتهى

و اللي بتقولوا فيهو دا كـلـو تنظير في تنظير

الحكومة و الحركة متفقين لكن الأمريكان نصيبهم أكبر منهم الإتنين


يــعــنـــي الــســـــــــــودان إتــبـــاع و إنتهى


و إنتوا قاعدين و كلامكم دا لا بقدم و لا بأخــر


و المعارضــة قـاعـدة زي طالب أولى إبتدائي الغبي

الحصة الأولى ما فاهم حاجة

الحصة التانية ما فاهم حاجة

الحصة التالتة ما فاهم حاجة

و لم الطلبة إمشوا البيوت هـو ما عارف إمشى وين لأنو بيتو إتباع.

Quote: نعم فلتذهب الإيقاد والإنقاذ والحركة الشعبية في ستين ألف ألف داهية

وضيف عليها معارضة اللهو ونضال افلام الكرتون

Quote: و المعارضــة قـاعـدة زي طالب أولى إبتدائي الغبي الحصة الأولى ما فاهم حاجة الحصة التانية ما فاهم حاجة الحصة التالتة ما فاهم حاجة و لم الطلبة إمشوا البيوت هـو ما عارف إمشى وين لأنو بيتو إتباع.

ومافي أمل تفهم
عشان كدا فتحنا الروضه النموذجيه البهناك دييييك

B]خطاب البشـير ده ليست موجه للعالم بل لقاعــدة الطلبة التابعة للتنظيم الظلامــي ..الأخوان الذين يقولون يمت آخــر جنوبي ألا يعلمون أن المت في ســبيل الأهـــداف النبيلة فخــرا لا يناله الا الشــرفاء فتحــية لكل شــهداء الحــركة الشــعبية ,فهم أصحاب الأرض والمدافعــين عنكم يا أيها الذين تقاتلون عــبر المنابر ..فالرجاء أيقاف هــذه النبرة العنصــرية البغيضــة ..ولتعلمون أن المقاتلين فـي الحركة الشعبية ليست كلهم جنوبيين فمنهم الأنقسنا والنوبـة والبجــة والجعليين

عاش السودان الجــديد

الموت والعار لهتيفة النظام البائد

وعاش السودان الجديد

degna

Deng

ما هو هذا الحلم؟

NEWSUDANI

ما هي هذه الاهداف النبيلة؟

up