اميركا تعتذر ضمنيا للسودان بسبب حادث الطائرة الأخير

بوينج ترفع حظر تصدير قطع الغيار الى السودان

رحبت شركة الخطوط الجوية السودانية - سودانير - بقرار شركة بوينج الأمريكية القاضي برفع حظر تصدير قطع غيار الطائرات الى السودان ، عقب كارثة تحطم طائرة ركاب فوق بورتسودان

وقال مدير ادارة العمليات الجوية في سودانير الكابتن عمر علي ان قرار شركة بوينج ايجابي و سيمكن الشركة من الحصول على قطع الغيار مباشرة من بوينج دون وسطاء واعتبر أن القرار سيساعد على انهاء حالة العجز الحاد في عدد الطائرات المملوكة للشركة

وسيمكنها من شراء طائرتي بوينج 737 من شركة الخطوط الجوية التونسية كانت واشنطن أوقفت عملية تأجيرهما أو بيعهما للسودان

وكانت السفارة الأمريكية في الخرطوم سلمت أمس الأول نسخة من قرار شركة بوينج الأمريكية للحكومة السودانيه

نشكر أميريكا على اللفتة الانسانيه
وهذا عهدنا بها دوما

اوبي ... يعني الوزير طلع صادق في كلامو؟؟

لأ
أكيد كاذب ، لأنو في جماعه قالو أنو كاذب في اتهام أميريكا
بل حتى ان الوالد اتصل بأحد الأشخاص ليعرف ما حدث ، وأخبره الشخص أنه ولا في حظر ولا في حاجه
عموما ما زلنا نتساءل هل هي نفس الطائرة التي قاربت السقوط قبل ثلاثة أسابيع ؟ وأيضا حدث العطل بعد ثلاث دقائق فقط من الطيران

نجدد الشكر مرة أخرى للحكومة الأمريكية ، التي يسطع معدنها الانساني كل ما ضاقت بنا السبل ومرت الأيام
في زول عندو شك بعد دا ؟

طائرة البوينج 737 بقت مسحوبة من اساطيل شركات الخطوط الجوية فى العالم لإنتهاء العمر الإفتراضى ، وديل ماشين يشتروا طيارات بوينج وكمان من تونس؟

أخي ترهاقا
إنت نسيت إنو في حاجة اسمها عمولة!!! علشان كده ما مهم الطائرة عمرها الإفتراضى انتهى ولا لا المهم العمولة !!

سلام جميعا
هل سنركب التونسية ولا زمن

ابوهبــة
امجد

حقوا نفتح لينا محل طائرات مستعملة على غرار عربات مستعملة نجيب طيارات من تشاد نيجيريا تونس خردة ونعمرها ،ويلا يالناس الارواحكم ما بتسوى نتلة ، جدة خرطوم ، والوزن مجانى ،
كنت بتكلم مع مهندس طيران سودانى خبير وأكد لى بما لا مجال للشك فى إنو طائرات 737 لم تعد تصلح إلا يغيروا فيها كل حاجة ، ودى طبعا بتجيب ليهم طيارة جديدة تانية. - فى امريكا بتستعملها شركة (ساوس وست)فى رحلات داخلية صغيرة ولكن صيانة اول بأول .

يعني بالعربي كده دايرين يركبونا التونسية هههههههههه يكه


زاتوووووو

ياخواننا لا مسحوبه من الخطوط العالميه لا حاجه
قبل أكثر من اسبوعين كنت في رحلة داخلية في ماليزيا ، وكان تاني يوم على ذاك المشؤوم ، وسبحان الله كانت برضو بوينج 737 ، وضباط الجوازات والعاملين في المطار شايفننا سودانيين ، فشغالين تعليقات و ضحك أننا حنركب نفس نوع الطياره الوقعت في بورتسودان

أما التوانسه ديل فربنا يكفينا شرهم و شر طياراتهم
وزي ما قلتو ان شاء الله ما نركب التونسيه
أكيد حنان بلوبلو حتطلع فيها غنيه كان اشتروها
انتو المرا دي لسع بتغني وللا فترت