sudanese girl hand in hand with a white guy (2)

آآآآي والهي،هي هي زااتة ونفس الملامح والشبه،ما اتغير منها حاجة،والخواجة هو زاتو ،بس المرة دي معاهم شافعة صغيرونة كدي حليوة طالعة لي امها،بس المرة دي انا كنت براي،صاحبي داك ما معاي،
نزلت من محطة القطار متوجه الي الكومبلكس،فاذا بي اسمع ذاك الصوت الحنين الذي عرفته علي الرغم من مرور سنة كااملة من سماعه(يا شاب!)اتلفت فاذا بي امام هذه البنت السودانية الجميلة تجر طفلتها في العربة،سلمت عليها ،وبعد السلامات الكتيرة ديك،راحت مدت لي يدها:ستيورت ماي هسبند،طبعا هو اسلم!،ودي ماهي بتي،ازكرتني،مسحت راسي وبي دغالة كدة قلت ليها،آآي كيف ياخي ما عرفتك،من قبل سنة تغريبا،ووو.طبعا من قبل سنة تغريبا اتقابلنا،ناظرنا بعضنا ،كانت مع نفس الخواجة،لكين ما سلمنا علي بعض،وتاني نجي وبعد سنة تغريبا نتقابل في الجزيرة الهادئة دي ،نفس الجزيرة،
المرة دي جلسنا وتبادلنا الحديث،مرة بالعربي،ومرة بالانجليزي،عشان الخواجة يفهم،تزوجته في الغربة وبارك الاهل هذا الزوج،هي سودانية وهو استرالي من اصل اسكوتلندي،ولكن دوما ما يغضون اجازتهم في هذه الجزيرة الاسيوية،بنانغ،
تبادلنا السلام وافترقنا،ولكن ما اكضب عليكم حسيت وانا ماشي بشعور غريب،شعور واحد بمثل دور مااا دورو،ولا رايكم شنو،هل نحن مجتمع منغلق علي نفسه؟
ادونا رايكم يا شابات ويا شباب

الصورة دى دحين ما ناقصالا خلفية كدى؟؟؟


وين الراجل السودانى الماسك زوجتو او حبيبتو البيضا وما شين؟؟؟

ما خلفوا فيك اى ذكرى حلوة او مرة؟؟؟


مجرد تساؤل

الأخ مانوبيا
واين القضية فى كون واحدة سودانية متزوجة ليها خواجة استرالى ؟
لماذا هو حلال على رجالنا حرام على نساؤنا طالماان الرجل قد اسلم ؟
ياأخوانا بلاش عقد

الموضوع إنسانى وعادى ولاغبار عليه طالما إنه تمّ بالطرق الصحيحة والرضا والإحترام المتبادل .. المشاعر الإنسانية لاتتجزأ، ولاتعرف الحدود إن تمت بصدق وصفاء


الله الله الله ياداك الإنسان *** على زين فيك

الاخوة والاخوات،علي الردود،ولو انو في تسرع في الردود،انا لم اطرح هذا الموضوع عن عقد او أي شئ من هذا القبيل يا اخ قلقو(انت خلاص قدمتا واتسنيرتا وبقيت توجه اسآت للناس)،طرحي للموضوع كان من اجل الدلو في هذه الظاهرة ،ماهيتها وجوانب تاثيرها علي المجتمع موجبها وسالبها،نعم هي ظاهرة،لانها جديدة علي المجتمع السوداني التقليدي،وددت لو كان الطرح اكثر موسوعية،وعلمية،هذا فضلا عن انني لست ضد هذه الظاهرة