حفظ القرآن مهر لمن يريد الزواج

حفظ القرآن مهر لمن يريد الزواج

الكاتب: الشيخ إبراهيم النعمة

يحرص الشباب الآن في دولة ( سيراليون) الإفريقية على حفظ القرآن الكريم. وقد أعلنت بعض الأسر الإسلامية: أن مهر بناتهم هو حفظ القرآن الكريم، وأدي ذلك على إقبال الشباب على إتمام حفظ كتاب الله الكريم!

لقد أفرحني هذا الأمر، إذ يبلغ حب القرآن والإسلام عند إخواننا المسلمين هناك حد أن تطلب أسر كريمة مهر بناتها حفظ القرآن الكريم ممن يتقدم لخطبتهن..وذكرني هذا بالصحابي الذي أراد الزواج من امرأة على عهد رسول الله صلى الله عليه وسلم فلم يجد ما يقدمه مهراً لها، فقال له الرسول الكريم: « التمس ولو خاتماً من حديد »

فالتمس فلم يجد شيئاً، فقال له النبي صلى الله عليه وسلم « هل معك من القرآن شيء؟ »
قال: نعم، سورة كذا وسورة كذا- لسور يسميها-
فقال له النبي صلى الله عليه وسلم: « اذهب فقد ملكتكها بما معك من القرآن »

وذكرني هذا بالصحابية الجليلة ( أم سليم) رضي الله عنها، إذ يروي خبرها سيدنا أنس رضي الله عنه فيقول: إن أبا طلحة خطب أم سليم، فقالت


" والله ما مثلك يرد، ولكنك كافر وأنا مسلمة، ولا يحل لي أن أتزوجك: فإن تسلم فذلك مهري، ولا أسألك غيره، فكان ذلك مهرها "

وأحزنني أن أرى الآباء والأمهات عندنا يزنون الخاطبين بما يملكون من مال، وما يقتنون من سيارات، وما يشيدون من قصور... وإن من الآباء والأمهات من يردّ الخاطب ذا الدين، ويصونه بأنه معقدّ متعصب

منقول

No comments!


وفى أمان الله

لا اله الا الله

الأخت الفاضله
بن الاحفاد

بارك الله فيك وجزاك الله عنا كل خير .. وانتي تتحفينا بهذه الروائع المفيده
تسلمي اختي علي هذا النقل المفيد واسأل الله ان تكون حسناته في ميزان اعمالك


***

همسه في اذن زميل لنا في هذا البورد ... توجه فوراً الي اقرب خلوه لتحفيظ القرآن لان الأمر واضح وسوف نكتفي منك بحفظ خمسة عشر جزء

..
.
سلام
اختى الفاضلة
ما اجملها من نعمة
وسعيد من يجدها وسعيدة من تحظى بحافظ قرآن
فى هذا الزمان
لكن
والله العظيم دا مهر من الصعوبة بمكان
واعتقد ان الشيلة والدكان والمهر
وذنب النادى واحضار الفنان
اسهل بكثير من حفظ القرآن
لقد تغير الزمن وواقع الحال
وتسارعت عجلة الزمن والسعى وراء الدنيا
بحيث لا نجد الزمن لقراءة المصحف الا ايام الجمع والعطلات
نسأل الله الهداية والرشاد وحفظ القرآن

على العموم لو فى واحدة راضية
بالبقرة ويسن وجزء عم
نحن حاضرون وذلك اضعف الايمان

تحياتى

Thankz 4 sharin sis.

الأخ الكريم هوبلس

جزاك الله كل خير..قل لى بربك أيهما أفضل حفنه دولارات والذهب والملابس التى تأتى ضمن الشيله أم حفظ كتاب الله الكريم؟ وأى زواج ستعمه البركه وتحفه الملائكه..أننى أشهدك وأشهدكم جميعا أننى مستعده للتنازل عن الشيله وخلافه مقابل أن يكون مهرى حفظ القرآن الكريم كاملا..ومستعده لأقنع أهلى رغم صعوبه زللك والثبات على رأيى

******************

( أها يا زول عندك تانى مشكله؟ عندك سنه كامله لحدى ما أخلص دراستى بأزن الله يعنى وقت كافى لحفظ القرآن أن أجتهدت) منتظرين ردك


الأخ الكريم تبلدينا


أعلم أنه ليس بالشئ السهل ولكن الا ترى كيف يقضى الرجل السنين ليجمع متطلبات الزواج ويعجز أخرون عن زللك, اليس الأجدى لهم أن يسعوا لحفظ القران وطلب العلم..ولكن قبل يجب عليهم أن يبحثوا عن من ترضى بالقرآن مهرا وما أعظمه من شرف

وأسأل الله أن يرزقك بمن ترضى بالقرآن مهرا لها وما تكون طماعه وتكتفى بالسور التى زكرتها..أنه سميع مجيب الدعاء


وفى أمان الله

لا اله الا الله

شكراً بت الاحفاد

حفظك الله ورعاك

فــــلان

الكلام ليك يالمنطط عينيك

تحياتي

الاخت بت الاحفاد
جزاك الله خير
اتحفتينا
وشد حيلك ياهوبلس

بس نحن كدى شوفى لينا البرضن بالاخلاص دى ما سورة صغيرة وظريفة
وتشكرى

Tabaldi salam,
I do agree tabaldi now; when do u will come for the test
i have a freind her mehr was chapter 1-5
it was nice to say alares wa besamih
after he finished they did aged
most of the ladeis were laughing

ســـلام
أنا عرضي أحسن من هوبلس وتبلدينا.....أيه رأيك في تلت القرآن؟؟؟؟أنا حافظ...قل هو الله أحد

Quote: وعن أبي سعيد الخدري رضي الله عنه أن رسول الله صلى الله عليه وسلم قال في قل هو الله أحد والذي نفسي بيده إنها لتعدل ثلث القرآن وفي رواية أن رسول الله صلى الله عليه وسلم قال لأصحابه أيعجز أحدكم أن يقرأ بثلث القرآن في ليلة فشق ذلك عليهم وقالوا أينا يطيق ذلك يا رسول الله فقال قل هو الله أحد الله الصمد ثلث القرآن رواه البخاري

بس في مشكله واحده..وعشان نكون على نور من هسع..أنا طبعا من عجائز البورد ومتزوج وعندي 4 أولاد وبنيه أموره جدا..ومن ذوى الدخل المحدود..يعني الجاي مرات كتيره جدا ما بكون قدر الرايح..يعني بالعربي مديون لي الحلقوم...وما عندي بيت..ولا رصيد في البنك...لكن تلت القرآن عندي وبنص الحديث أعلاه...طبعا المفسرين قالوا تعدل تلت القرآن في الأجر لأنه القرآن فيه تلاته..التوحيد..والأحكام..والتذكيـــر...وهي فيها التوحيد...مش ياها التلت بالضبط؟؟؟؟؟؟...دي بتدخلنا المنافسه وللا لا؟؟؟؟؟

كلامك حكم يا نايل
ينظر و يفاد بعد أكتوبر
ستو اخبار السودان ايه
؟

خطيبتي بنت الاحفاد

لا تعليق
ولكني كنت قبل مقابلتك أطمح في منقبة حافظة للقرآن
رغم عدم حفظي له بعد
ولكن عندما قابلتك تنازلت عن هذا الشرط
وجزاكم الله خيرا

الاخت بنت الاحفاد
اهتم كثيرا بما تطرحينه من مواضيع جاده وهادفة بالنسبة لموضوع حفظ القرأن الكريم ومع ما فيه الاجر والثواب نجد ان المسلمين يولونه عناية تفوق اشياء اولى بمثل هذا الجهد فالمعروف ان الله لم يطالب المسلمين بحفظ القرآن لانه سبحانه وتعالى تكفل بحفظه( إنا نحن نزلنا الذكر وانا له لحافظون ) وكل الايات تحث المسلمين على اعمال العقل والتدبر والتفكر في آياته (افلا يعقلون ، لقوم يتفقهون، ) ولا نجد آية واحده تحث على الحفظ بل نجد القرآن يذم اولئك الذين يحفظونه دون فهم مثل الذين حملوا التوراة ثم لم يحملوها ( كالحمار يحمل اسفارا) او فيما معناه اقولها بكل صراحة انا ضد النمط السائد من التكيز على حفظ القران لانه اصلا غير مطلوب وهو سببب كثير من مآسي المسلمين لانه يخرج اشرطة كاسيت وما اكثرها وما نحتاج اليه عقول تخرج الدرر من بين السور والايات وذلك عبر احياء الفريضة الغائبة ( التفكير ) فما اكثر الحفظة للكتاب الكريم وما اقل الذين يتدبرونه ويفهمونه

الأخ الكريمsingawi

جزاك الله كل خير

الأخ الكريم abuguta

جزاك الله كل خير ولكن الشخص المعنى ليس الأخ الكريم هوبلس, والله يرزقك ببنت الحلال التى تقبل بالأخلاص مهرا لها

الأخت الغاليه sudania2000

أنا كمان موافقه يلا العقد حيكون متين أنشاء الله؟ بس ماتنسى أنا حأكون أول المعزومين طبعا, فضل لى أيام قليله قبل مغادرتى السودان, أتمنى أن اسمع منكى قبل أن أسافر, تحياتى

الأخ الكريم nile1

سودانيه عندها عرضين الأن خليها تفكر وترجع ليك والخيره فيما أختاره الله

obay_uk

عشان مساختك ده انا سحبت الأوفر..وشيلتى ما حتكون اقل من أتناشر اتناشر..وعايذه كرسى جابر واحفظ ماللك, و12 غويشه من النوع التقيل, وطقمين دهب و12 ثوب من محلات الاناقه فى لندن, والزواج لاذم يكون فى الهيلتون, ولاذم تجيب أتناشر فرقه بتاعه مديح, والمهر لاذم يكون أتناشر الف جنيه أسترلينى وهديتى لاذم تكون BMW حمراء يا كده يا بلاش


وفى أمان الله

لا اله الا الله

my great fiancee
ما حأقول أظهري و باني ، ولكني أقول
لو كانت قيمتك بما تشتريه أوراق النقود من السوق ، لقلت ليس كثيرا عليك ، ولكن الحمدلله لم أختر من النوعية التي تقدر قيمتها بما يأتي به الرجل ، وأيضا لا تقدر قيمة الرجل بكم جمع في البنك وأحمد الله والا ما كان دخلت بيتكم الكريم أصلا

أما عن تنازلك عن الشيله واقناع أهلك ، فأنا أقول لك أقنعيهم أولا ثم أخبريني حتى أحفظ بعد ذلك الكونفيرميشن الكتابي هيهيهي
ولكني حتى أكون واقعيا وأيضا بنظري لمقدرتي فأنا أعرض تفسير القرآن بثلاث أو أربع تفسيرات بدل الحفظ ، فما رأيك ؟
أم تنتظرين أن نتدارسه سويا يوما بيوم بعد زواجنا باذن القادر القوي ؟

hopeless الأخ
قلتلي خمستاشر ؟ يازول أنا بشتغل خمستاشر ساعه عشان ألملم المطلوب للزواج ، تتخيل باقي لي كم ساعه أسوي فيها باقي الأمور ؟

الأخ tabaldina
والله كان دخلت أي جامع بنية صادقه وقدمت عرضك بعد الصلاه ، حتلاقي الزول الحيجيك يسألك عن نفسك
أسمعها مني

الأخ سنجاوي
لاكين المشكله مع البورد استحاله تحفظ حاجه في وكت الفراغ
الا بارادة قوية وتوفيق الله

الأخ abuguta
فتح عينيك انت ونايل

الأخ نايل
الكلام لمنو ؟ وبالمناسبه أسأل الله أنو يدخل مرتك البورد


الأخ napta_king
شكرا على اهتمامك
بس لازم تعرف أن الحفظه لهم مكان خاص في الجنة ، وليس الفهمه
ثانيا في الحديث الشريف ووالله نسيته ، لكني أعرف منه أن الصحابة كانوا يبدؤون بالحفظ
ثم الفهم ثم العمل
عشرا عشرا

الكريمة المكرمة بنت الأحفاد
طيب أنا اضافة لنفسي ، مقدم المهر والشيله والاضافات التانيه ، أو حتى حفظ وتفسير القرآن
انتي مقدمه شنو؟
يا زولا ما تخافي قدمي العفو والعافيه والرضا عنا
وبعد الزواج حسن العشره وكفاكي
ودي برضو ان شاء الله أقدمها ليكي

استغفرتك يا مالك أمري

الاخ الكريم اوبي يو كي

يا زول بطل جرسه

بما انك قدمت اعزار لا بأس بها من عدم تمكنك لجمع المهر المطلوب والبالغ حفظ خمسة عشر جزءً من الرآن الكريم .. وبما انو اختنا الفاضله بنت الاحفاد بنت عينه مليانه وما بيهمها غير راجل فاهم اصول دينو وبيعمل بيها .. وبما انك تنطبق عليك هذه الشروط تمااااماً

دعني اقول لك راجعنا بكره

ممكن ظروفنا تسمح
هيهيهيهي

الأخObay UK

Quote: الأخ نايل الكلام لمنو ؟ وبالمناسبه أسأل الله أنو يدخل مرتك البورد

عليك الله دي دعوة دي..يا خي ما تدعي لينا بالبركه...عموما المدام مقدده البورد قديد وبتقراه بوست بوست...وهسع ياها دي جنبي..وطبعا خاته في بطنها بطيخه صيفي...قالت زولا عجوز ومفلس ومبشتن ما منه خوف..وكمان يتقول لك الضرب في الميت حرام..هي طبعا عضوه في البورد..لكن ما دايره ترد عليك باسمها لأسباب أمنيه....تحياتي

انا مقدمه شنو؟

جاياك بنت الاحفاد بطولها وعايذ معاها حاجه تانيه؟
أما انت طماع بشكل

وفى امان الله

لا اله الا الله

الاخ الكريم Napta king

جزاك الله كل خير, ولكن حفظ القران مع التدبر والعمل به اجره عظيم..ونحن لا نطالب بالحفظ فقط بل بالفهم والتدبر والعمل به, وبارك الله فيك


وفى أمان الله

لا اله الا الله

الاحد و التنكيش في حوش بكري
الله يديهو العافية
البت الحديقة دي غطست كدا في السودان تكون عرست من وراي
دعواتي لك بحياة سعيدة يا طاهرة القلب و اللسان
و
مشتاقة ليكس عسولتي

Nile1 الأخ
أسباب أمنيه ؟ ماعرفنا الخواف منو يا عجوز يا مفلس يا مبشتن
يعني قدرت تقنعها بأنك التلاته ديل ؟
أكان كدا أخير ليها تمرق البتيخه الصيفي دي من بطنها


bint_alahfad الكريمة المكرمه
قلتي لي جايياني بطولك ، داير شنو أكتر من كدا ؟
داير عرضك

لا شكرا ، مكتفين والحمدلله ، مليتي عيني
بس لسه مصر أنك تقنعي أهلك في الأول بأنو يعفوني من الشيله والوليمه والأمور دي ، ويدوني تعهد كتابي موقع ، ثم بعد ذلك أبدأ أحفظ القرآن بنية مزدوجه
غير كدا مافي طريقه وماتحاولي تكسبي العصافير كلها والكلام دا ما بتخم بيهو
بطلي طمع

sudania2000 الأخت
نكشت البوست دا من وين ؟ عموما بت الأحفاد حترجع تكتب باكر ان شاء الله
الا لوالضيوف كانو كتار
والعرس لسه بس دعواتك، انتي ما شايفه بقى فيها مقايضات ؟

Quote: انا مقدمه شنو؟ جاياك بنت الاحفاد بطولها وعايذ معاها حاجه تانيه؟ أما انت طماع بشكل

تقولي شنو يا اختي مع الناس الطماعه دي؟

الاكرم ابي
سلامتك وكل الهنا ديل كرامتك
الحمد لله ستو بخير
والله البت دي بحبها للـــــــــــــه
ما ترسل ليها تذكرة علي هنا وليك علي اجيب ليك الاتفاقية موقعة
مش ذي مشاكوس
التنكيش اسبابو كتيرة
دبرسة احد
والقراية الغالباني
وبس
دعواتك
وتسلم