Post: #1
Title: اي شئ اعجبك فيها
Author: 3omda4
Date: 07-07-2003, 02:19 PM
تعالو نتامل هذه القصيده
ثم نختار بيت شعر اعجبنا فيها ونوضح لماذا اعجبنا
ولكم مني كل الود
عمده
القــمـــــــــر بـــــــــوبـــــــــــــــا
............
بوبا عليك تقيل ....يا القمر بوبا عليك تقيل
***
الجزير بحر حمي....فيك روحي وحبي النما
ما بسيبها ان بقي في السما....ما بخلي الناس تظلما
روحي في دربك هائمه....ياغرق يا جيت حازما
القمر بوبــــــــــا
***
الصغيرون الماكبير...الرقيبه قزازة عصير
السنون براقن يشير...العيون متل الفناجيل
ما بتحش قشه تناقيل....مابتشيل جردل علي الزير
الزراق فوقها تقول حرير....شتتي الشبال يا ام ضمير
خلي قلوب الصبيان تطير
انت ريحتك دمور فرير....ولا بنت السودان اصيل
القمر بوبا عليك تقيل
***
القديمه قديم الحمام...الوزيزين في موجه عام
ياما رايقه قليله كلام...واحلاته تقول السلام
ياقمر بوبا عليك تقيل
***
الديوان الديمه مقشوش....بالزهور والورد معروش
بالحرير الاصلي مفروش...ريحته مايقوما بلا رتوش
كان دا وصفه ماهو مغشوش...قدر الساكننه في الحوش
القمر بوبا عليك تقيل
***
بحر الضميره العب ونزل...مرة يسقي الفل والنخل
فيه عام وزينا وقدل...ياني انا البيك عقلي انشغل
بعت روحي عشان ليك اصل...انت ابعد لي من زحل
ياقمر بوبا عليك تقيل
***
الغزال الفوق في السلم...المحبه تزيدي الالم
كل يوم اصبح لي في هم..خيزران عودك منظم
شمعدان نفسك يام خذم...البرتكان نهدك مدردم
القمر بوبا عليك تقيل
***
المبارك شيخ الظهر ...العليك ساسكت وفتر
قلي جنيت ولا دستر....أي انا المرضان مكندر
جابو لي حكيم خير وشر...قال لي يازول مرضك كتر
سببك ام شلاخاً خدر...يا قمر بوبا عليك تقيل
***
الصغيرون ام الجنا...يا كريم ربي تسلما
تبعد الشر من حلتا...جننت الام الولدتا
الفي جبل عرفات وضعتا...تسلم البطن الجابتا
دي تربايه حبوبتا....التميره الفي صبيتتا
الصفار سابق خضرتا....معزوره امها كان دستا
واهلاكي الناس شافتا...معزباني انا ود حلتا
القمر بوبا
***
الدفيفيق الدابوني ...البسيمتو بتكويني كي
اهله ضنو عليه وعلي ...حبك النساني والــــــدي
ما بخليك ان بقيت حي...يا قصيبت السكر الني
نهدك المارضع جني...ووب علي امك ووبين عليّ
ياقمر بوبا عليك تقيل
|
Post: #2
Title: Re: اي شئ اعجبك فيها
Author: almulaomar
Date: 07-07-2003, 03:11 PM
Parent: #1
3omda4
كلها على بعضها حلوة ولا يمكن تجزئتها بل ولا يمكن قراءتها فقط بل الإستماع إليها بذات اللحن وذات الصوت ، متع الله الرائع العملاق محمد وردي بالصحة والعافية
|
Post: #3
Title: Re: اي شئ اعجبك فيها
Author: nazar hussien
Date: 07-07-2003, 05:35 PM
Parent: #2
يا عمدة
طول بالك علي شوية
وحات عينيك ما تزعل
القهيوة الفوق في التراب
وقعدة البنوت العجاب
جانا شاويش بي جيشو خاب
كايس الكشات ام شباب
اتلفت لقيتو في الباب
وانطلقت بلا دفع الحساب
يا قمر بوبا عليك تقيل
الاستاد الديمة منقوش
بالنجوم الحمراء في الحوش
فوق ضليلو محلي مرشوش
اشرب الجبنة مع رتوش
ويوم بقيت لابد مكشوش
شفت كيف جري الوحوش
يا قمر بوبا
علي حساب
|
Post: #4
Title: Re: اي شئ اعجبك فيها
Author: 3omda4
Date: 07-07-2003, 06:45 PM
Parent: #1
الملا عمر
سلامات
والله زي ما قلت كلها حلوه بس عايزين قرايتكم لبعض الابيات
اما العذيذ نزار
ولا يهمك عذيذي
بس الناس الما تابعو الموضوع ح يتجهجهو ما حيعرفو انت بتتكلم عن شنو
وتعال هنا انت المواهب دي داسيها وين؟؟؟
يا احفت وطلع من تحت العنقريب
سلامات
|
|