محجوب شريف فيتارة الوطن

محجوب شريف الشاعر الانسان
قلبه لا يتسع فقط لي انسانه فقط ...ولكنه يستوعب
هموم الفقراء الزينا من اجلهم سيق الي السجن ,
انه الحب القضيه
فلنحي الشاعر الشعب محجوب شريف

وا حلالي القبلي شال
شبال لمع برق المهيره
قيره قيره يا مطيره
يا رزار الدم حبابك
لما يبقي الجرح عرضه
ولما نمشي الحزن سيره
من دمانا الارض شربت مويه عزبه
كل زره رمله شربت حبه حبه
مويه احمر لونه غاني
فتقت ورد الاغاني
**************************************

نسأل الله ان يمتعة بالصحة والعافية



بحب الناس ...

وبعشق زهرة الاحساس...

وكت ما تشيل وتتفتح ..

تموع والنسمة فوق أعطافها تترنح ...

وترقص فى صدور الناس ...

فرح أنواره تشهق ماس ...

ونسمة رقيقة تسرح حلوة الأنفاس ...

بحب الناس ...

ودنيا الناس ...

وناس الناس ...

مساجينك ...........مساجينك
تغرد في زنازينك
عصافيرا مجرحه بي سكاكينك
نغني ونحنا في اسرك
وترجف وانتا في قصرك
سماواتك دخاخينك
مساجينك
برغمك نحنا ما زلنا
بنكبر بزلازنا
بنعشق في سلاسلنا
مساجينك
حكايات الهوي الاول بنحكيها
بداية الغني الطول ...نغنيها
حقيقه وليس تتاول حنهرب من عنواينك
حتجهل في عنواينك
مساجينك
بالسودان مواقفنا
وللسودان عواطفنا
ولما تهب عواطفنا ما حيلة قوانينك
مساجينك