وتبقي فضيحة يا للعار يا دكتور نصر الدين ام اقول يا فراس

الشجاعة ان تقول ما تريد ولا تخاف في الحق لومة لائم
الشجاعة ان تستطيع مواجهة الكل ان كنت تري نفسك علي حق
ومن الجبن والخسة ان تتداري خلف الاسماء لتلسع وتقرص مثل العقرب
وتختبي وراء الجحور
في بوست بعنوان
بعض اعضاء البورد جبنهم يثسر الاشمئزاز
كنت قد نوهت لان هناك من يكتب باكثر من اسم
واشرت مباشرة للعضو فراس
اليوم ولسؤ الحظ اكتشفت ان دكتور نصر الدين البرنس
ولن اعرفه اكثر من هذا او اقول مدي علاقته بالادارة وبالاخ بكري لكي
لا تهتز صورة البعض هو من يكتب باسم فراس فقد دقس لسؤ الحظ في الرد علي الاخ هوب لس هنا بعد ان كانت المداخلة تخص دكتور نصر الدين ورد باسم فراس بالرغم من عدم اشارة هوبلس له اطلاقا مما لا يعطي مجالا للشك في انه اي دكتور نصر الدين هو فراس للاسف كنت اظن ان الاخ دكتور نصر الدين اكبر من هذا وبالرغم من ان الاسم يسبقه لقب علمي يحسد عليه ولكن يظل مثلنا السوداني هو الاصل
ومثلما قال المثل القلم ما بزيل بلم
وهذا هو البوست الفضيحة
بالله نتلحلح شوية وكل زول فينا ينسي انو في جيبو في عقرب
بالرغم من النية الطيبة للبوست ولكن غلطة الشاطر بعشرة وما كنت اريد افساد ذلك البوست ولكن الشفافية تستدعي ان نكون علي قدر المسؤلية




هذه مشاركات العضو فراس
<a href="http://www.sudaneseonline.com/cgi-bin/sdb/2bb.cgi?seq=search&str=&usr=fras&board=2" target="_blank">http://www.sudaneseonline.com/cgi-bin/sdb/2bb.cgi?seq=s...tr=&usr=fras&board=2

اشرحو لينا الحاصل يا ناس

يا اساسي

هو انت بتنقدر بي واحد

شرطي البورد اليقظ اساسي

صاحبك لبد وما علق... يبدوا انوا هول المفاجاءة اخرسته
و زي ما قالوا حبل الكضب قصير

يا اساسي ياعزيزي

ان بعض الظن اثم

وحتي لا يشطح بك الخيال

وتذهب بك الظنون احب ان اقول

لك انني انسان معروف لديك وبيننا

بعض مودة وسبق ان تراشقنا حلو الكلم

اما فراس وليس فارس فهو شقيقي الاصغر

الطالب في كلية الطب هنا ويسكن معي

وانا لا ادري ما الذي بينك وبينه لكنني

كنت اتمني عليك ان تدلي بدلوك في هذا

الموضوع الهام والنبيل وان تترفع عن الصغائر

لان البوست مفصل لغرض كبير وليس لتبادل

مر القول والتجني انا وهو نكتب باسمائنا الحقيقية

يا اساسي فليس لدينا ما نخجل منه او نخفيه

اما النك نيم الذي عرفتني به هناك فهو

لا

ابيييييييييييييييييييييييييييت

يا اساسي

الطلبو قاسي

لك المودات كلها

وارجو ان اسمع رايك وكريم دعمك للمنبر

وان نترفع عن سقط القول وسفاسفه فما احوجنا

لنثر الفرح والمحبة والعمل سويا لغد افضل

لقد جانبت الحقيقة وظلمتني والموضوع لا يستحق

كل هذا الضجيج فهو لم يلعن احد ولم

يتجن علي احد حتي تعتبر فضيحة وعار

انت واثرت ان تفتح موضوعا لا علاقة له

بندائي وكانك لست معنيا او مهتما

بالموضوع اصل الحوار وكانه لا يعنيك

حقو تتلحلح شوية وتقول لي انت ح تعمل شنو

ولا جيبك فيهو كوبرا يا حنين

الله يسامحك ويعدل ليك سبيلك

ولك محبتي ومودتي

يا مانج يا اخو

معقول حتي انت بقيت معاهم

الله يسامحك برضو

ولك سلامي واحترامي

رفقا بالباندوث يا دكتور

نحن ما عميانين

كبسيبة
مانج
معليش ما تابعت الردود مباشر شوية مشغول كنت
يا دكتور برنس
حريف لكن ...صدقتك
الغريبة وقت بتنصح كدا اخوك الصغير (اذا صح كلامك )ما تنصحوا فاكيهو فينا من بوست لي بوست متلحنا الزول دا من ما سجل كاتب ليهو حوالي عشرين بوست فيهم طاشر بوست بس واقف لي في حلقي عليك الله اذا طلع اخوك اتعب نفسك شوية في تربيته وما تفكوا للمجتمع بصورته دي وخاصة زي ما قلت انه طبيب غايتو كان دي اخلاق طبيب زولك دا بعد يتخرج اشك انه حتفتحوا ليهو سلخانة بدل العيادة انا ما عارف كلية الطب دي بقت لامة كدا ليه كانت حقت الصفوة زمان غايتو زمن
علي العموم الانا مستغرب ليهو يا برنس انه انت لو فراس بالجد تكون مصيبة ولو ما فراس ودا املي ما تدقس ورد باسمك لانه النت حبله قصير عموما انا ما مصدق لسع يا برنس بس بجاريك
وبعدين زي ما قال ليك كبسيبة كبر نضارتك وصغر الخط شوية بس رأفة بالباندوث ولا داير تحلل قروشك الحولتهم لبكري

عالم جبانات يامان
قال اخوي قال
وانتا ياسمين براحه
ماتعصر الزوول شديد كده
ههههههههههههه يكة

يا دكتور

ممكن نصدق ان عندك اخ بيستعمل نفس الجهاز زي ما صدقنا الزميل خالد عويس من قبل... لكن ما يصعب تصديقه هو ان يكون الاسلوب وحجم الخط واحد مع تغير اللون... مرة احمر و مرة اخدر

انت الملام في ما حصل
كان ممكن تعرفنا باخوك من الاول حتى لا يلتبس علينا الامر

عموما اذا كان الحال كما ذكرت نرجوا منك السماح
واذا كان الحال كما ذكر اساسي احنا ممكن نسامح

بامانج يا حنين

رغم بعدي برسل سلامي

ياخوي الموضوع ما بستحق الضجيج ده كلو

لانو اصلا ما في شي حصل يا ذوق

يعني لم يك هناك ما يكلف لكل هذا

وياخي ليه ما حصل الحصل

ليه ناس في منبر واحد ما يكونوا

اكتر من اهل ويشيلوا بعض وشنو اصلو الهدف

من المنابر اهي لجمع الناس ولا تشتتهم

والله انا من الله خلقني ما دخلت في مهاترات

مع بشر لانو نحنا ناس بنعيش حياتنا بالنية السليمة

وبعدين بحر الجدال البيزنطي واسع ما ليهو قرار

بس نحنا المفروض اكبر من كده

والحمدلله الواحد لسه بتعامل مع الجانب الخير

من الناس لانه ارضائهم غاية لا تدرك


واسلم

وكتر خيرك

وسلاااااااااااااااام كتيررررر

فعلاً دكتور نصر الدين .. وفراس .. هما شخص واحد. لم يخالجني أي شك في ذلك. لكن ما المشكلة إن كانا شخصاً واحداً؟ فالأخ دكتور نصر الدين/فراس لم يسيء الى أي أحد!!!!ما آخذه على الاخ دكتور نصر الدين هو إنكار كونه فراس .. لأن هذا الإنكار لا سند له

أما موضوع الاخ خالد عويس الذي ذكره الأخ مانج .. فأنا مازلت لا أفهمه!!! لقد ثقل فهمي أيها السادة

الاخ شانتير
هلا قرات البوستات التي تم انزالها باسم فراس ؟
ارجو ان تعمل بحث باسم فراس وستجد اللهجة المختلفة والحدة بدون سبب والتجني احيانا
بس اذدواج الشخصية لزومه شنو او انفصامها
الشي الاخر هو وطن سايبيري والثقة بالكاد موجودة
اشياء مثل هذه تفقد الثقة بين الاعضاء
وعندما تفقد الثقة بين الجميع
فعلي البورد السلام

لم اقم ببحث عن بوستات فراس .. ولا أظنني سأقوم بذلك. أنا مقتنع بأن نصر الدين هو فراس .. وعلى الذين قرأوا بوستات فراس الحادة اللغة أن يتعاملوا مع هذا الموضوع بما يستحق

Shinteer

يا شنتير مخك ما يروح بعيد
القصة وما فيها انو الاخ خالد عويس كتب رد غي احد البوستات
ولم ينتبه الى ان هناك من سبقه للدخول في البورد ولم يعمل "ساين آوت" ...فكانت النتيجة ان نزل الوست يحمل كلمات خالد عويس و لكن تحت اسم من سبقه على الجهاز... وقد اوضح لنا خالد ذلك انتهى الموضوع.

الاعزاء مانج وشانتير

السلام علي من اتبع الهدي

انا لم ار في حياتي مانشيتا صارخا كهذا

في موضوع هايف ولا يستحق حتي الرد عليه

ولا يسوي حتي الحبر الذي خط به

لقد اوضحت الموقف كما هو احتراما

لمن سال وازالة لما علق من لبس في

ذهن طيب الذكر اخونا اساسي

وهنا لا علاقة للشجاعة والانفصام وسيبيريا

في المسالة برمتها ومن اساسها

يا عزيزي لا انا ولا شقيقي اسأنا الادب ولا تطاولنا

علي احد ونحن متربيين ونعرف حدود ومعايير

التعامل مع بني البشر وادبياته

انا كتبت وهو علق ردا علي احد وفعلا اتيت

انا مرهقا بعد عناء يوم طويل ولم انتبه وكتبت

وفي كلا الحالين كان الرد مهذبا وليس فيه ما يعيب

وكان من المنطق المعيب الانكار لو ان هناك فعلا

منكرا حقا ولكن لا ليس هناك اي شي

فلماذا التخفي من اصله يا رجل

اخونا اساسي راي ما راي وانا اوضحت له

وانت اتيت لتثبت هكذا انني وشقيقي شي

واحد وهذا شرف لي طالما انه لم يجرح احد

وانا لا ارجو خير احد ولا اخشو شر احد

مما يستدعي كل هذا الاخذ والعطاء والفراغ

انما الايضاح فقط الاحترام حتي لاناس يتخاطبون من

وراء قناع ولا احد يدري من هم ولا اين هم بالضبط

اما انا فيكفيني انني اكتب باسمي الحقيقي الواضح

المعروف ويعرفني معظم الحبان هنا بل بيني

وبينهم من العلائق الشخصية والتواصل

ما يستدعي الفخر والاعتزاز ويؤكد ان المنبر

اهدافه اسمي من ا ن نلوثها ببعض هراءاتنا

ففي الحياة الكثير من المباهج و الجمال

اما انت يا اساسي فسامحك الله وكانك تود

ان تثني الناس عن هدف البوست الانساني

وكانك مسلط لا تود ان تعمل ويسيئك ان

يعمل الناس فسامحك الله بقدر تجريحك اياي دون سبب

اما اذا كان بينك وبين فراس اي مناكفات سابقة فلا تذر

وازرة وزر اخري وانا لا ذنب لي

والسلام عليك وعلي صحابك

ودمتم


سلااااااااااااااااااام كتيررررر