Post: #1
Title: مرحب بيكم فى بيتكم
Author: بكرى ابوبكر
Date: 07-01-2003, 07:29 AM
اخى الكريم و اختى الكريمة
مرحب بيكم مرة اخرى فى بيتكم بعد اقفل طوال هذا اليوم لاجراء بعض الصيانة به و نسبة للصيانة التى قمت فقد فقداننا بعض البوستات و الشكر موصول الى كل من اتصل بى تلفونيا او عبر البريد مستفسرا عن البورد
بكرى ابوبكر
|
Post: #2
Title: Re: مرحب بيكم فى بيتكم
Author: ايهاب
Date: 07-01-2003, 07:32 AM
Parent: #1
تسلم يا زعيم
تاعبنك معانا
من امبارح بايتين في الشارع
loOoOOoOoOoOooOLZ
ربنا يديك العافيه
كل الشكر والتقدير
لكل ما تبذله من جهد
|
Post: #3
Title: Re: مرحب بيكم فى بيتكم
Author: 3mk-Tango
Date: 07-01-2003, 09:50 PM
Parent: #1
....
تسلم عزيزنا بكري ربنا يديك العافية
والله الواحد مر عليهو يوم راسو مقطوع..والنت بقي غريب جدا بدون سودانيز اونلاين
لك الود
تنقو
|
Post: #4
Title: Re: مرحب بيكم فى بيتكم
Author: مشتاق
Date: 07-01-2003, 10:19 PM
Parent: #1
سلام يازعيم
تسلم ودمت لنا نبراسا
|
Post: #5
Title: Re: مرحب بيكم فى بيتكم
Author: abuguta
Date: 07-01-2003, 10:59 PM
Parent: #4
الله اديك العافية
وتسلم ياريس
|
Post: #6
Title: Re: مرحب بيكم فى بيتكم
Author: zumrawi
Date: 07-02-2003, 02:50 AM
Parent: #1
تسلم يازعيم ودمت لنا فخرا
|
Post: #7
Title: Re: مرحب بيكم فى بيتكم
Author: mustafa mudathir
Date: 07-02-2003, 03:03 AM
Parent: #1
!حم دلله عالسلامة يابكري و مبروك الفرش الجديد
ياخي انا كتبت شوية بوست اسمه وداعا يحيى فضل الله
.ماتشوفو لي وقع وين والله ما عندي وقت قريب دا
اخوك مصطفى مدثر
|
Post: #8
Title: Re: مرحب بيكم فى بيتكم
Author: HOPELESS
Date: 07-02-2003, 03:20 AM
Parent: #7
وانا كمان عندي بوست كل ما اكتبو البورد تجيهو الحاله المتأخره دي ويروح في غضب الله بعنوان ايها المناضلون هل ستحكموننا بهذا الحقد
دا اتمسح مرتين
وتاني واحد بعنوان حكايه
و14 مداخله في بوست عن الحزب الجمهوري
والله يا ريس انا مضرر رقم واحد في الحكاية دي كدي فتش يمين يسار ممكن تلاقي حاجه مرميه ولا مدسوسه
يازول برضو ربنا يوفقكم ما قصرتوا
|
Post: #9
Title: Re: مرحب بيكم فى بيتكم
Author: ود الشيخ
Date: 07-02-2003, 03:44 AM
Parent: #1
الاخ بكري
لا فض فوك وشكراً على التوضيح لاني من امس وأنا اشعر
بشئ من الكآبة نتيجة فقدان بوست بداته بالامس ولاقى
استحساناً افرحني ولكن فقدانه اذهب تلك النشوة ولكن
الآن عاودني الفرح بعد أن علمت السبب ودي فرصة عشان
الناس التابعو الحلقتين يحنسوني عشان ارجع اكتب دي
مرضه يا اخوي ، لك نقديرنا وشكرنا يا ود القبائل
وانتهز هذه الفرصة لاسألك كيف نكبر ونلون الخط في هذا
المنتدى واقترح بأن يكون هناك خانة للأسئلة المتكررة
بالتعامل مع المنتدى والاجابة عليها
ود الشيخ
|
Post: #10
Title: بالله نتلحلح شوية وكل زول فينا ينسي انو في جيبو عقرب
Author: Dr. NassurEldeen
Date: 07-02-2003, 05:38 AM
Parent: #1
يا بكري يا حنين
و
الحبان في كل مكان
برضو رغم بعدي برسل سلااااااااااااااامي
حمد الله علي السلامة والله
طبعا الصيانة مطلوبة منك
واللحلحة مطلوبة وبي الحاح مننا
يعني قدر ما راقبت الامنيات والدعوات الصالحات
بس ما شفت اي نتيجة يهني كلكم فاهمني
انا ما برطن وقاعد اقول كلام واعي ومفهوم
بكري يا ناس بصفق براه وانا والله يحز
في نفسي ان نقف هكذا مكتوفي الايدي سلبيين ومتفرجين
وبكري يصارع الجهات الاربعة ويحارب الكون وحيدا
عشان نحن نتونس ونحدق ونتفنن وكمان نتواصل مع الحبان
وراسنا ما ينقطع وما نبيت بره البيت وهلم جرا
طيب ولي متين ما ياخي قبل سنتين كده كان في بوست
وقبل سنة وستة شهور كان في واحد تاني وحسي قبال حفنة ايام
برضو واحد تالت يعني شنو طيب بس مرجلة ومشاعر كضابة
يعني لي ما نكون عمليين ونساهم بما تيسر لدعم المنبر الحر
الكلنا بنريدوا وما بنحمل بلاهو وما بنصبر دقيقة كان قفل
طيب شنو المشكلة يعني غير قادرين ما اظن لانو ما تيسر معناها
الناس حاكماها ظروفها وكلو زول قدر قدرتو بس فالحين في الكلام
المعسل الما بودي ولا يجيب وبكري يصارع من اجل ان نسعد ليه بس
لا رحمة ولا شفقة لا تعاون ولا نخوة ولا امتنان لعمل كبير
كلنا محتاجين ليهو وما بنقدر نسيبو خاصة نحنا ناس المنافي
يا جماعة كل الجاليات بتشد ازر بعضها البعض وبتساعد وبتقدر
الاعمال الكبيرة البسووها الناس الكبار الا نحن طيب شنو المشكلة؟
عدم لا فاقة ابدا لا حوجة مميتة الف لا ولا
طيب شنو ياخي قول
عارفين شنو
برود
انانية
عدم تقدير
ودي حاجات والله ما بتشبهنا ولا حقتنا
المهم يا ناس الليلة صيانة واتجرسنا واتجرستو
طيب بالله ولو ثانية نتخيل بكري ده يا زهج من حمل السنين
يا انشغل بي شي تاني يستفيد منو راجل رب اسرة ومحمول جوا
ح نعمل شنو نحن يعني نقبل وين الناس الادمنا المنبر ده
غايتو انا بي رجولة ومسئولية ادعوكم للمرة المليار تبطلوا
برود وكلو زول يدخل يدو في جيبو وينسي انو فيهو عقرب
ويساهم دوريا بي الفيهو النصيب لانو ان الاوان نتحمل قسط
لا يذكر من المسئولية وبكري يكفيه فخرا انو كان مقدام
تجاسر وربنا عالم ضحي بي مالو ووقتو وبيتو واطفالو عشان
نحنا نعرف ونتعرف نعلم ونتعلم من بيت السودان الجميل الاحتوانا
بي كل المتناقضات ولمانا في زي سودان مصغر جميل جمال بلدنا
الحنين لما كان زمان الناس بحسو بي بعض وبتشايلو عشان المسيرة
بكري ماح يشتري عمارة ولا ح يغني من حفنة فليسات لكن علي الاقل
الخدمة تستمر وتتطور وتصان دون توقف وتحمي من الهاكرز لانو
للماعارفين المنبر ده زي نادي كبير في حي راقي مجهز ومكندش
وبي موكيتو وعفشوعليهو ايجار ومصاريف وفيهو بوفية وفراش وكلو
بي تمنو طيب بكري ده يتقطع يعني بس ببساطة يسوي شنو ويجيب من
وين لو ما نحنا اتحملنا قسطنا من المسئولية الاخلاقية والانسانية
انا غايتو ما اخلق اعذار من دربي ده ح امشي ويسترن يويناين
احول لي المنبر الفيها النصيب ما عشان خاتر زول بس عشان خاتر
ضميري يرتاح والخدمة تستمر واتواصل انا مع ناسي وهواياتي
وكمان احس اني اديت واجبي واني انا الانسان
و
سامحونااااااااااااااااا
و
سلاااااااااااااااااااااااك كتيييييييييير
|
Post: #12
Title: Re: بالله نتلحلح شوية وكل زول فينا ينسي انو في جيبو عقرب
Author: almostkeen
Date: 07-02-2003, 08:44 AM
Parent: #10
بكري جهدكم مقدر اما الدكتور فكلامه سخن فاذا تعثر البورد ماديا فبامكان بكري طلب مقابل اشتراك سنوي يعطي بموجبه المشترك امتياز علي الزائر
|
Post: #11
Title: Re: مرحب بيكم فى بيتكم
Author: الفاتح يسن
Date: 07-02-2003, 06:00 AM
Parent: #1
الاستاذ بكري حمدله ألف على السلامة
|
|