## يا سودان معليش حكموك ناس الجيش ##

فديتك

محجوب شريف

بقيت يا وطني زي منفاي

مطارد ومستباحة دماي

عساكر من دروب تايهات مداي

قدامي خطاي ووراي

وذنبي هواي ليك يا موطني ومناي

وذنبي ولاي وإنك سيدي ومولاي

تعيش يا ذنبي طول ما عشت معاي

لا عنك بحيد لا جاي بفوت ولا جاي

فديتك يا مديد القامة

يا شعباً سديد الرأي

وقلبي عليك يا حجراً حنين دفاي

أقبل وين أفوتك وفى حماك حماي

أسيب عزاي أسيبه وكيفن ألقى عزاي

فى وحشتي وسلواي عيونه وبحة الغناي

نخيلك ثمرة ضو صباي

ونيلك فى جواي هامد هميم جرّاي

وقبضة إيدي مسكة رمحك الرماي

أطالع فى صحارى الليل

مطالع صبحك الضواي

فديتك لو بقيت منفاي

فديتك لو بقيت مرساي