يا زولة هوي .... أنا شفتك

صباحك نيلين
بأسمي وبسم الشوق المابختاك خشيتك شوف

يازولة هوي انا شفتك
شفتك وهو
/

هو أنا في مقام الخلق

شفتك وهو ملامس حسك
مخاصر صوتك
وفايت بيمين همسوا علي جواك
راسم بالون التالي مداخل ريدك
عينو عليك
وعينيك في الدهشة تماهي الغيم
او تمازجي بين نبضاته ورعشاتك

يازولة هوي انا شفتك

شفتك وهو
هو انا في مقام الشهقة
شفتك وهو بيلمك من بين الصفقات
الصفقة الاولي : صفقة البن الحاشدة مزاجك رذاذ الالفة
الصفقة التانية : في عرس البت الرابعة عند ام التيمان
وبيناتن
طقوس العشق اليوماتي في حضراتك

يا زولة هوى انا شفتك
هو انا في مقام العشق
شفتك وهو راصد صلواتك معراج للضو
وأنت تلمي الضيق من تيه الخلق
قايس مساحتك بين لالوبتو وإيمانك
فاتح الفيك هتاف للحلم
هازك ليهو
اقصي جزعك
شرق مكان النخلة
هيأت لك .. هيات ليه
هيهات لي
السورة الطالعة من مغلق أبوابك منافذ غيره
وهو شادي مراتبك ولاية سير
شاري أورادو في آذانك
أسمك ... حرفك ... لونك ... دمك ... او واطاتك
سباق الباقي ما بتحصل لا بي غيب الفي
أو ضو الجب

يا زولة هوي ان شفتك
شفتك وهو
هو انا في مقام الطين
شفتك وهو سايق جواتك علي الضفة الجاية
فارد شوفينك مجداف
موسد راسك قلبو
تسمعي مسار الدم غنية
تراقصي زفاف الحنة جواني
الضفة التانية في نشوة زغاريد
الزغرودة الاولي طلعت عرديب
عرديب يسقي جذو المدعوين والبتاوق من الحيطة / رقصاتك صبحيتك وانت عروس
في اخر موجة كانت متواطئة مع البومه
مرقولك عساكر الموية
الفنان يا من دينا يا نطفيها
طو ... طوفويوت ... طفوها

واخر شوفك قبال ود العين ما يكمل
شفتك وهو
هو بيبقي انا في مقام الماخوف
والجاي من شوفاتك
اصرارك
أصر
أصري
أصريني
أى ... أصريني

في سانحة أخيرة من شوفك
جاني الدودو
قاتل ضيفوا
قال انت حبيبتو
وانا مفروض أتضاري
قلت شنو ؟
أتضاري
سمح ارجاني
أتضاروت

شفتك وين يا كحيل العين؟؟

الماس : شفتك في المسافة الانت بتحددا
شكرا

زوربا
اشهد انك مبدع

كولا :
جدا جدا أشكرك

ويا زوربا انا شفتك ..
شفتك فى كلامك وفى كتابتك
وفى خضرة جروفك
وفى شرفات قيوفك
فى المياه الجاريه من بستان حروفك
شايله من لون السماء
وخاطفة من لون المساء
وشاربة من طين البحر
من حنان دافر كسر
من غيوم رويانه بى موية المطر
وبينى بينك سكه عابرة وكم مرر
وبرضو شفتك
..
تسلم يا ضل الشدر..

تمنعت نواظري عفة
عن شوف صدر الخيانه الكاشف وشو
وكاشر

ابي الاحساس يخون ويعترف بواقع خيانه
مثبت بمحاضر الحقيقه فقط
لانك اكبر من الحقيقه
والحقيقه ممكن
تحاول تسرع خطاها
وتلحقك
بس وقوفك مستحيل
يا اكبر احتمال
مابيقبل احتمالين
اكبر من كلمة واقع
وارفع من كلمة حقيقه
ممكن انا غلطان
غلطوت
ممكن خيالات
خيولوت
ممكن اوهام
وهموت
بس
انا
انسان
ومتحدي بيك الزمن
وردءات الاحتمال
شرق غرب برضو بيرجع للوسط
كل الفكر
يلفي باقي العمر
الانهدر
هدروت
وليه لا
ما حقيقه
وتستاهل
فعل الخرافه
خروفوت

...
دا شنو هسي؟؟
والله جات كدا وما بمسحه تاني
اتقبله مشاركه يا زوربا الرائع
واسف للخربشه علي جدران قصوركم الجميله

تفحيط

الجميل هوبلس
نيلينك والابنوس والشوق الجاري عليك
يا سيدي كل المساحات مشرعة لحضورك الجميل
كن دوما بهذا البهاء
والريد نيلين

زوربا

تمر موسيقى أحرفك على أطراف ثوب الفجر
لتفاجئنا بنغم هادى يبدو كحلم عابر
ولوحه نعلقها فى وجه الفجر
يباركها سجود الطل
فى ممالك ضايعه فى جسد الزمن

غدى

غدي
نيلينك والابنوس والشوق الجاري عليك
كان الفجر لا بيدو بلونه الاعتيادي سوي في المتن الجمال النهائي الخارج منك
واكانت كل عنواوين الشوف عينيكم
والريد نيلين

الأستاذة سومة
من غبرة الزمن المرمد بالمافي من الشوف يبقي الحرف الدليل
يبقي اللون مقتاج الضو الجاي
أشكرك لشوفتك ولو ممكن نتقاسم الشوف الطوالي
والريد نيلين

الشوف عندك والله

الشوف نيلين
والكلمة هبوبها بحر
ذي نسمة في حر الغربة
تطفي فينا عطشنا للوطن
وحرقة الم البعاد

حرفك صعب
والكلمة مبدعة في سطورك
ولك القدرة على لفها وتحريرها وتحريكها
في كل الاتجاهات
وفي كل جهة اجمل من معنى
سلمت لهذا الابداع
وماشاء الله عليك
وزادك
تقبل تحياتي

هزوي السمحة حروفا
نيلينك والابنوس والشوق الجاري عليك
الشوف جواني
مدار الشمس جواني
دو العين جواني
ةباقي الممكن يتقال ختفوا الاحساس
بيقي كل القول احساس
وكل الاحساس
غنواي

تسلمي يا جميلة
والريد نيلين

وتاني الشوف
من القبلة الرافعة سروجها منافذ سير او منافذ دم
من الحايم علي واطتك يترنم بمرايا الذاكرة الجاية
كنت شفتك
انا وناس الزمن الرفقة
وقنا علي مدخل زمانك
شدينا صمتك علي صوتنا وليك قلنا
تبقي انت القمرا ونحنا ولادك
أنت القمرا ونحنا ولادك

بواقي الشوف
النابض منك فاتح ريد الدم مشوار
انا كنت الشوف في مقام الريح
سارقني البهتف نماتك
اكان مابينك
مابيني
والحلم الطاف اسوارك
راجيك منافذ شهيق
جدع الليل عنواني
شريت الشوف
سلمتك نبض الكل مليان
نبضك
نابضي
نابض الشوف
والمقام الاخر من الرؤيا
أحشده في جزيل الامنيات وأترقب
أترقب
ترقبيني