يا رجال رايكم شنو نشيل عنكم المسؤولية؟؟

في ولاية ميجالايا في أقصى الشمال الشرقي من الهند

ففي هذه المنطقة حيث قبيلتي خاسي وجينتيا ترث البنات كل ممتلكات الأسرة.

ومعظم الثروة تذهب إلى الابنة الصغرى التي تكون محل الاهتمام الرئيسي.

وفي ولاية ميجالايا تدير المرأة تجارة الأسرة وتسيطر على المنزل وهي صاحبة القرارات الرئيسية في العائلة.

وتقول جوليا ليندو، وهي ربة منزل:"لا شئ يحدث في الأسرة لا نريده نحن النساء".


أسعد نساء الارضوتضيف قائلة:"إن زوجي يترك كل الأمور لي وكذلك حال كل الأزواج في أنحاء الولاية".

ووفقا للإحصائيات فان ولاية ميجالايا هي اقل الولايات التي يريد فيها الآباء إنجاب ابنا ذكرا.. ففي هذه المنطقة لا يحصل الذكور على شئ.

وفي هذه الولاية بدأ الرجال الذين سافروا إلى أنحاء الهند ورأوا

هيمنة الرجل يراجعون الموقف في ولايتهم


اها رايكم شنو يا رجال

و هل انت كسيدة ترضين بتحمل كل المسؤليات من منطق المساواة مع الرجل؟؟؟؟

انسانة سلام يا حنينة
كلامك سمح بالحيل
بس الاسرة البتدى الورثة للبت الصغرى دى
احتمال فى بعض الاحيان ما يكون عندهم بنت
بيعملوا شنو ؟

بعدين انا من جانبى كان عرستا
طوالى المرأة خليها تشيل عنى
المسئولية
اهو دة الكلام يا بلاش
سنة يا انا ما خلاص
ضمنت الراحة من هسى

جـــــــــــــــــــــــــــــدا

العزيزة انسانة

الموضوع كبير و اثير على نفسى
لكنى للاسف لا يمكننى تناوله بالاستفاضة التى يستحقها و اكتفى بأشارات لسبب عائد لشدهات ازمن الطاحنة

الاصل فى الامر فى قناعاتى ان تدار شئون الاسرة بأفضل ما يتاح بعيداً عن من الذى ينهض بالقسد الاوفر من الواجب و جرب الجنس البشرى بعد خروجه من الحتمية الفطرية التى تقسم الواجبات حسب الاستعدادات الفطرية و الحدسية المترتبة على التركيبة الجسدية و النفسية- اقول- جرب تراتيب مختلفة فى توزيع الاسهامات فى اطار الواجبات الحياتية و استقر الامر على الشكل الغالب فى النمط الحياتى للمجموعات الانسانية للحد الذى جعلك ترين غرابة فى استثنائية القبيلة الهندية التى ذكرت

امل فى التمكن من العودة الى الموضوع بتناول تاريخى فيه الطرافى و الغرابة و ةالموضوعية

مع التحية

انسانة
ونحن لاقين ؟

نصار يا عريس
وين يا زول
شكلك كدا بقيت تدخل المطبخ كتير
looooool

بس خلونا نصل مرحلة نصار دي
اقصد العرس
الله يجيب بت الحلال
قولوا آمين يا الزي كدا

كيفك يا انسانه
لما تختلف الثقافه
ويختلف الدين
اكيد الممارسه بتختلف
والعادات والتقاليد
تحياتى

اخ الفاتح

قال ليك التقرير:

"يصلي الآباء في معظم أنحاء الهند من أجل أن يرزقوا بمولود ذكر حيث ينظر إلى الأنثى باعتبار أنها عبء وتتعرض الأجنة الإناث للقتل على نطاق واسع.
"

لانه البنت في الهند بتدفع المهر هي للعريس و بتقوم بكل شي...عشان كدا الناس بهناك ما بتريد و لادة البنات..مرة فرات في مكان انو بعض الناس بقت تعمل فحص لجنس الوليد و اذا بنت بتخلصوا منو!!...تصور التخلف

ما عارفة يا اخي العزيز..لكن اتخيل لي المسؤلية شىء بنبحث عنه كبشر كما نود الهروب منه احيانا..لانو و دي وجهة نظري اذا انا كنت انسانة مسؤولة دا سيعزز حاجات و معاني كتيرة جواي رغم تعب المسؤولية

و شكرا ليك شديد

*******************

خضر العريس سلام

انت بتقول جدااااا

شوف رجال ولاية ميجالايا عملوا شنو:

الرجال غاضبون

ويقول إينوش خارخونجور، وهو صاحب متجر بسيلونج عاصمة الولاية:"إن الرجال في هذه الولاية ليس لهم أي دور باستثناء رعاية الأطفال".

ومنذ ست سنوات، قام الرجال الغاضبون في ميجالايا بتشكيل حركة لتحرير الرجل.

وكان ألبمان سوير يقود الحركة حتى توفي قبل عامين.

وتطالب هذه الحركة بالمساواة بين الجنسين في الميراث وبدور أكبر للرجل في الأسرة.

ويقول جون ليندو،الذي يقود الحركة حاليا:"إن إحساس الرجال بالتهميش في هذه الولاية يدفعهم إلى إدمان المخدرات والكحوليات".

اها رايك شنو

شكرا شديد ليك

**************************

اخ نصار

فعلا المشاركة مهمة و عدم حصر مسؤليات معينة في طرف واحد
فليس عيبا ابدا ان يقف الرجل في المطبخ..او ينضف البيت ..
و بالتالي تقوم المرأة بتحمل بعض الاعباء خارج المنزل....الحكاية تفاهم و تفهم

شكرا و منتظرى باقي ردك
************************
*******************



sympatico اخ

لكن شوف العنف دا:

"تزايد العنف

وتقول أنجيلا رانجاد،وهي من منظمة غير حكومية في المنطقة:
"إن الولاية تشهد تمردا متزايدا ضد نفوذ المرأة تمثل في تزايد حالات العنف المنزلي والاغتصاب والانتهاكات التي تتعرض لها النساء".

ويقول سكان الولاية إن طابع المجتمع الامومي يواجه العديد من التحديات حاليا.

ويشير السكان إلى التأثير المتزايد للثقافة الهندية والأفلام القادمة من "بولييوود".

وتقول روشان واجري، وهي عضو سابق في برلمان الولاية:
"إن الأفلام الهندية التي تعرض نساء يتعرضن للضرب والانتهاك تهدد الاوضاع في ولايتنا".

ومن الأسباب الرئيسية لطلب تغيير قوانين الوراثة والملكية في ميجالايا أن العديد من نسائها تزوجن رجالا من خارج المنطقة.

ويقول أحد سكان الولاية:
"إن ثرواتنا ستذهب لأناس من الخارج وهو أمر لا يمكننا قبوله".
"




امييين..الله يديك بت الحلال

********************

وردة كيفك تمام

نعم انا معاك الدين و العادات ليها دور طبعا

شكرا ليك شديد



**********************

مصدر الموضوع:http://news.bbc.co.uk/hi/arabic/news/newsid_3017000/3017472.stm

يا انسانه
في الهند النساء هن اللواتي يكرسن الحجاره من الجبار و يحمانها على رؤسهن ليبناء الطرق
كل عمال البناء ن النساء يحملن على رؤسهن السمنت واقداح الطين و عشرات الطوب الى اعلى الطوابق
يبنين الكباري
ينظفن الشوارع
يعملن كل الاعمال الشاقه
كل ما يمكن ان تتخيلي وما لا تستطيعبن تصوره كذلك
واذا مات زوجها او انفصل عنها فهي تفضل الموت
لان المجتمع لا يحترمها بدونه
لذلك يتحملن اي شي وكل شي على ان يفقدن ازواجهن
و عاده الرجال لا يعملون كثيرا و يعتمودن على دخل الزوجه من هذه الاعمال الشاقه
خادمتي كانت تعمل في سته بيوت في اليوم الواحد لتشتري الطعام و تدفع نفقات دراسه ابنائها
ورغم ذلك كان زوجها و اهله يضربونها لاقل الاسباب واتفهها
و يجعلونها تمشي على الزجاج المكسور
و يقتلع نقودها ليسكر بها كل يوم
رغم انهم مسلمون
هذا بعض ما رايت في ست سنوات
و ما خفي كان اعظم وابشع
مثال اخر كثير منن يحرقن بالنار و يعذبن لان اهلها لم يدفعو ما يجب عليهم من مهر
فالعمليه معكوسه هناك
و الانتحار اكثر من عادي

اها رايك شنو
يعد دا
اليس نسائنا في الف نعمه
قولو الحمد لله

الاخت انسانة

تحياتى
كلام ايهاب صاح
والله الدلع اللاقياه المراة السودانية مالاقانى فى اى بلد تانى
مهما ادعو من حضارة وتقدم ورقى وانا اصر اقول السودانيات فقط

اما عن المراة الهندية اضافة لماقاله ايهاب هى البتدفع المهر وانت قايلاه مهر نصاح والله يخلى ابو البت يوفر ليه من يوم ولدوها الى يوم العرس
انا عندى جارى عنه بنتين عمرهن اربعة وسنتين بوفر من راتبه 200 روبية شهريا قال دا عشان مهر البنات لما يكبرن
وجارى التانى عنده 3 بنات واحدة كانت بتدرس معانا وصارت معلمة والاثنين الاخريات واحدة فى الجامعة والتانية فى العالى ديل ابوهن نقيب فى الشرطة ما عنده غير الراتب ’ المهم يوم من الايام طلع يفتش لعريس للبت الكبيرة واهل العريس قالو عايزين 60 الف وهو ما عنده غير 30 الف حق التحويشة عموما رجع بخفى حنين, وجاء راجع بالليل متخفى عشان البنات ما يشعرن بالخيبة, عموما البنات نون نية تريح ابوهن من هموم الدنيا , خرجن البنات يوم الاحد ولبسن ابيض وحملن معاهن زهور عشان يشاركن صاحبتهن فى يوم زفافها على حد قولهن ومشن المحطة وانتظرن القطر قبل دخول المحطة ومدن رووسهن وماتن البنات عشان يريحن ابوهن من عذاب الدنيا وما تركن له غير طفل صغير,وكان يوم ماساوى وشيعناهن الى المحرقة دى رواية حاضرها عديل كدا يانسانة
مش كضب ولا حاجة وعلى الطلاق شعر واحد من البنات ديل ممكن يكفى 10 سودانيات , وقال احد الحضورمن الجعلين لو نحن عارفنهن بعملن كدا على الطلاق كان عرستهن الثلاثة... عوافى عليه
ودا غيض من فيض

ايهاب
ابو قوتة

ما عندي حاجة اقولها بعد كلامكم دا..و فعلا واقع اليم..و كل مجتمع ليهو مشاكلو و همو

بس

يا انسانه الإنسانه

تحياتي

هم لسه حيشيلوها؟؟ ما شالوها من زماااااان
يشيلو أكتر من كده شنو تاني ؟!!

انسانه
دحين ما تقيله عليكن

انسانه
كيف عامله
فى الكنغو فى افريقاعند بعض القبائل يورث العرش الى ابن البنت الكبرى للملك
وذالك خوفا من ان تكون زوج الملك قد احدست امرا
وكل ناس عندهم فهم مختلف
ودعقاب