Post: #1
Title: سوف أقوم بتسليف اسمي للاخ شتات نرجو الترحيب به
Author: Ridhaa
Date: 06-26-2003, 08:34 AM
Salam ya shatat ...
مرحبا بالأخ الفاضل شتات
انحنا مش نديك اسم الدخول انحنا نديك روحنا زاتها
انه اضافة حقيقية ومكسب للبورد
Ridhaa
|
Post: #2
Title: Re: سوف أقوم بتسليف اسمي للاخ شتات نرجو الترحيب به
Author: shiry
Date: 06-26-2003, 08:40 AM
Parent: #1
سلام مربع
ازيك ياشتات
عساك طيب
زمن مختفي ، انشاء الله كل شيء تمام التمامين
على العموم انا رضا
ممكن اسلفو اسمي
لو ينفع يعني
|
Post: #3
Title: Re: سوف أقوم بتسليف اسمي للاخ شتات نرجو الترحيب به
Author: THE RAIN
Date: 06-26-2003, 08:55 AM
Parent: #1
شتات
يا زمان الوصل الأحباب
فعلا مشتاقين والوحشة مخيمة والله
وانحناءة كبيرة قدر قوس قزح للعزيز رضا الجابك لينا
أخوكم أبوذر / أبو آمنة
|
Post: #4
Title: Re: سوف أقوم بتسليف اسمي للاخ شتات نرجو الترحيب به
Author: rummana
Date: 06-26-2003, 09:12 AM
Parent: #3
سلام رضا
واااااااااااااو!!؟
شتات وبناديها في ذات اليوم؟
أبو آمنة
ده ايه الهنا اللي نحنا فيه ده؟
|
Post: #5
Title: Re: سوف أقوم بتسليف اسمي للاخ شتات نرجو الترحيب به
Author: Elsadiq
Date: 06-26-2003, 09:14 AM
Parent: #4
مرحب بشتات بعد طول غياب ونورت الدار بعد طول غياب , وتشكر يا رضا علي الاخبار الحلوة دي وليك البشارة برضو
وتحيات خالصة للاخ ابو ابو امنة
|
Post: #6
Title: Re: سوف أقوم بتسليف اسمي للاخ شتات نرجو الترحيب به
Author: ولياب
Date: 06-26-2003, 09:20 AM
Parent: #1
أهلا بيك يا شتات
وياريت لو حاولت معاي في إقناع مام
شكرا رضا ،، دايما سباق
لكم التحية
|
Post: #7
Title: Re: سوف أقوم بتسليف اسمي للاخ شتات نرجو الترحيب به
Author: الفاتح يسن
Date: 06-26-2003, 09:22 AM
Parent: #1
اهلا بيك شتات في تجمع المشتتين في الارض
|
Post: #8
Title: Re: سوف أقوم بتسليف اسمي للاخ شتات نرجو الترحيب به
Author: elsharief
Date: 06-26-2003, 09:38 AM
Parent: #1
مرحب بالاخ شتات فى منبر الشتات
|
Post: #9
Title: Re: سوف أقوم بتسليف اسمي للاخ شتات نرجو الترحيب به
Author: قرشـــو
Date: 06-26-2003, 09:49 AM
Parent: #8
شتات هنا
ما بصدق
معقول شتات ما لاقى ليه باس وورد
يا جماعة منطقيا كده شتات ده راجل علم وهو خير من يثرى المنتديات ولذا انا اتنازل له عن النك نيم الباسوورد بتاعى طائعا مختارا
وذلك لانه من علمنى الدخول الى عالم المنتديات
تفضل سيدى بس ميلك ما بستقبل كنت ارسل ليك كله
وبعدين تغير النك نيم وتمشى زى الورد
لك حبى
|
Post: #10
Title: Re: سوف أقوم بتسليف اسمي للاخ شتات نرجو الترحيب به
Author: 3bdo
Date: 06-26-2003, 02:40 PM
Parent: #9
شتااات زاتووو
الف الف الف مرحب بيك من تاني
بس اذا اعرف انتو بتغطسوا وين ؟
الحبيب ولياب
تشكر اخي الكريم علي محاولاتك واتصالاتك الدؤوبة لاسترجاع هذه الاقلام الراقية الي البورد
شتات + بناديها + فرانكلي
خلال تلاته أيام
عقبال باقي الحلوين
|
Post: #11
Title: Re: سوف أقوم بتسليف اسمي للاخ شتات نرجو الترحيب به
Author: Ridhaa
Date: 06-26-2003, 02:43 PM
Parent: #1
سلام ياشباب
ولازلنا في انتظار مشاركة الاخ شتات
علما بأنني هاتفته صباح اليوم
ربما تكون هنالك أشياء فنية حالت دون دخوله
Ridhaa
|
Post: #12
Title: Re: سوف أقوم بتسليف اسمي للاخ شتات نرجو الترحيب به
Author: singawi
Date: 06-26-2003, 03:11 PM
Parent: #1
نداء للأخ بكري
الاخ شتات ليس ضيفاً بل يعتبر من المشتركين الأوائل في سودانيز أون لاين
في الأيام الأولى لسودانيز أون لاين قام الأخ بناديها مشكوراً بتسجيلنا نحن مجموعة المنتدى سابقاً بسودان نت حيث قام بتسجيل كل من مام وولياب وشتات وشخصي الضعيف .. حادثني الحبيب شتات قبل فترة برغبته في تجديد نشاطه هنا في دارك العامرة ودردشت مع الأخ قرشو بهذا الخصوص ولكن بوست التسجيل الذي نشرته قبل أيام ألقمني حجراً .. الآن انتبهت إلى أن الأخ شتات هو عضو بالفعل في سودانيز أون لاين وليس مشتركاً جديداً .. أتمنى أخي بكري أن تجدد اشتراكه فهو كما تلاحظ من ترحيب الأخوة عارفي فضله أعلاه من الذين تميزوا بالأسلوب الراقي ومشاركاته الثرة وأدبه الجم فهلا استجبت أخي الكريم
تحياتي
|
Post: #13
Title: Re: سوف أقوم بتسليف اسمي للاخ شتات نرجو الترحيب به
Author: Ridhaa
Date: 06-26-2003, 06:04 PM
Parent: #1
وف مره طار بينا الخيال
بعد الغياب الطال جرح
شوفنا البخور في الليل عبق
والليل شرب عطر الطلح
والقمره نامت في الرمال
والطين شرب نديان صبح
وحدا الصريف قام الخدار
حاضن صفيقات القمح
والوادي فرهد بالخريف
الشر بي قشه السمح
الفين سلام ..........
...................هاشمنا
RIDHAA...العزيز
ضيوفا دقو بابي ..معذره للتاخير
تاني حاجه ..اخوك كأنو داخل امتحان ..اول مره
ادخل هنا ..ارجف ساكت ..جايب معاي استيكه ومسطره
وكباية شاي ..وســجارات
لك تقديري وكل احترامي ..وشكرا علي السلفيه
التي ارجو ان اكون اهلا لها ..وشكرا على الثقه
الغاليه ..راجيا ان اكون عند حسن ظنك والجميع
اعجابي الشديد بهذا الموقع وتقديري لمؤسسه ..ولكل
المشاركين فيه ولاطروحاتهم القيمه ..دا الخلاني
استلف ...وربنا يقدرني علي رد الجميل ..يا ود الناس
المشكورين
................
حسب الظهور ..وكده
SHIRY
THE RAIN..ابوآمنه
RUMMANA
ELSADIG
وليــاب
الفاتح يسن
ELSHARIEF
قرشـــو
3BDO
الاعزاء الكرام ..باقات محبه وعناقيد اخاء وكل الود
القومه ليكم ..
شكري وتقديري على ترحيبكم الحار ..وحروفكم الانيقه
التي حملت بين طياتها مافي دواخلكم الاصيله..ونفوسكم
الطيبه ..طيبة السودان الحبيب واهلو السمحين
اتمنى لكم ما اتمناه لنفسي واكتر
واتمنى ان اكون عند حسن ظنـكم
واتمنى ان اكون بقدر حروفكم النديه
لكم حبي الاخوي الصادق
فتكم بعافيه
..............
سوف ارد عليكم جميعا ..بقدر ماتسمح به
السلفيه ..وكمية الشاي
كدي اقرا الكلام الكتبتو ..واشوف عندي كم من
الغلطاط ..هئ هئ
.................اخوكم ..شتات
|
Post: #15
Title: Re: سوف أقوم بتسليف اسمي للاخ شتات نرجو الترحيب به
Author: rummana
Date: 06-26-2003, 06:46 PM
Parent: #13
أخونا شتات
أسعدنا حضورك البهي وخنقنا دخان السجارات
وكان عشمنا انك استمعت لنصيحة كبيرنا مام ونفذتها
لكن ما مشكلة
بكري صرف لينا أقنعة واقية وكمامات
نرجو أن يزيد ألق هذا المنتدى بوجودك فيه
مع تحياتي
|
Post: #14
Title: Re: سوف أقوم بتسليف اسمي للاخ شتات نرجو الترحيب به
Author: Ridhaa
Date: 06-26-2003, 06:44 PM
Parent: #1
مدخل ....
وينك انتي الطال غيابك
العيون تسالني عنك
والقليب بيقول حبابك
والخطاوي الباكيه تسال
كل يوم واقفات في بابك
للموصلي ...
.................
ٌ
RIDHAA...الاخ العزيز
شكري وتقديري مره اخرى ..ولكل الذين كتبوا باعلاه
حروفي عاجزه امام حروفكم ...فاعذروني ..وارجو ان
تكون مشاركاتي القادمه ..عند اكتمال العضويه بمستوى
هذا الموقع ..والى ذلك الحين ..سوف اقوم الان باعادة
السلفيه لعزيزي رضا ..ومعاها باقات محبه ..راجيا ان
لا اكون قد خالفت قواعد هذا الموقع ..باستغلالي لاريحية
الاخ رضا ..لكم كل الود
.....................
الخطوه بتخنق في الايقاع
والحزن الغامض
لسه بناهد جوه القاع
والحلوه الكانت شمس ايامنا
صحينا لقينا ضياها خداع
والليل اتحكر وشتت توبو
وخلف احزانو كراع في كراع
لمتين نتنقل ونطوي الدنيا
ونسرح متل الشين الذاع
.........................هاشمنا
رضا .شيري .ابوآمنه .رمانه .الصادق .ولياب .الفاتح يسن
الشريف .قرشو .عبدو
تقديرى الاكيد
...........شتات
|
Post: #16
Title: Re: سوف أقوم بتسليف اسمي للاخ شتات نرجو الترحيب به
Author: zumrawi
Date: 06-26-2003, 06:53 PM
Parent: #1
ديشششششك شتات
انت وين ياراجل من زمن ماباين ياحليلك وحليل ايامك
كيف حالك واحوالك ومرحبتين بيك فى البورد
ياسر زمراوى كلتش
|
Post: #17
Title: Re: سوف أقوم بتسليف اسمي للاخ شتات نرجو الترحيب به
Author: Ridhaa
Date: 06-26-2003, 07:39 PM
Parent: #1
SINGAWI...الاخ العزيز
اعتذاري للخطأ الغير مقصود ..
سنجاوي اب كلاما يداوي ..علي قول مام ..التمام
شكرا علي ترحيبك الجميل ونداءك ..الذي اخجل تواضعنا
شكرا علي ماورد فى مداخلتك ..وارجو ان اكون اهلا لهذه
الثقه ..وتلك الحروف ...
اعذرني عشان ماكتبتك فوق ..ما قلت ليك ..جديد
كل التقدير ..وتسلم
...............
RUMMANA...الاخت العزيزه
شكرا مره اخرى ..ومرات اخر
نفذت وصية العزيز مام ..لمدة سنه وزياده
ورجعت حابس ادمعي ..للتدخين ..وعد اخر سجاره
بس ما تكلمي مام
الالق في وجود امثالك ..تقديري وتسلمي
.................
ZUMRAWI...الاخ العزيز
لك مني الف تحيه ..وكل الاشواق
شكري وتقديري لترحيبك الجميل وحلو كلامك
وارجو من الله ان تكون مشاركاتي القادمه بقدر
كلماتكم الرقيقه ..لك التحيه
وتسلم
.....................
الاعزاء ..جميعكم.. ارجو المعذره ..فانا اشعر بان كلماتي
ليست بمستوى حروفكم ..واشعر باني لم اوفي بالرد
عليكم جميعا ..فالايام بيننا وحتما نلتقي
...........
|
Post: #18
Title: Re: سوف أقوم بتسليف اسمي للاخ شتات نرجو الترحيب به
Author: MaxaB
Date: 06-26-2003, 08:24 PM
Parent: #1
و الله يا طير الرهو.. ما كت مصدق اني بلقاك يا رهو
.. أشكو ليك من جور زماني .. كيف رماني ..
شوف وراك شوف الزمن كيفن بسو .. حتى باقي الزاد كمل و الليل طويل..
طولا غريب مافيهو ضو
و الريح تنوح فوق الدروب .. وا خوفي من صوت الرياح ..
وقتين تنوح وتسوي أو
زيك غريب و الغربة طالت .. يا مسيكين متلي يا طير الرهو
التراب ملينا عيشتو .. أريتنا زيك كل يوم يحضني جو
في بحور الشوق نسافر و المراكب كاسحة مادام ريحنا تنو
نمشي لي ارض الحبايب يا حلاتهم بالعصير و الدنياضو
حمدلله على السلامة ياشتات .. والله ليك وحشة يا راجل
.
.
.
|
Post: #19
Title: Re: سوف أقوم بتسليف اسمي للاخ شتات نرجو الترحيب به
Author: bayan
Date: 06-27-2003, 00:40 AM
Parent: #1
شتوتى هنا
يا سلام الف مرحب بيك حبيبنا
عن رابطة المسنات المعجبات بشتات
بيان
|
Post: #20
Title: Re: سوف أقوم بتسليف اسمي للاخ شتات نرجو الترحيب به
Author: Ridhaa
Date: 06-27-2003, 06:28 PM
Parent: #1
MaxaB...الاخ العزيز
الفين سلام وعاطر التحايا
ان شاء الله ما تشوف وحشه يا اصيل
شكري وتقدير على هذا الترحيب ..والقصيده الجميله
جمال حروفك ..حتما نلتقي ..تسلم يا غالي
...............
BAYAN...العزيزه وغاليه
بعد غيبه طويله نلتقي بك وبالاحبه امثالك
حمد لله هناك وجوه كثيره وعزيزه غابت عن المنتدى
والمعذره ..وجدتها هنا ..والحمد لله
اسعدتني حروفك وترحيبك نيابة عن عزيزات الرابطه
لك ولهم كل مودتي واحترامي ..وتسلمي يا غاليه
..........
فتكم بعافيه
|
Post: #21
Title: Re: سوف أقوم بتسليف اسمي للاخ شتات نرجو الترحيب به
Author: 3bdo
Date: 06-28-2003, 02:49 PM
Parent: #20
شتاااااااات
حمد لله علي السلااامة
نور بيتنا وبيت جيراننا كمان
اتمني من الاخ بكري يقوم باللازم
|
|