Post: #1
Title: ا ستقالات بالجملة
Author: الشرغوف
Date: 06-24-2003, 08:13 PM
ما عندى شغلة بالبقعد ولا البمشى زى ما انا حر فى حاجاتى
اول شغل قدمت منو استقالة كان فى السودان ... ناس السودان ما طيبين ,,هاك يا تحانيس ياخى انت مالك ؟ داير شنو نحن نسوى ليك ؟ هوى يا ناس ! ما داير اى حاجة بس ادونا خاتركم .. وشتتت منهم
بعد داك ركبت فى راسى قلت كدى اطلع برة اشوف الجو كيف ... وجيت برة ولميت ليك فى ناس زى الورد واخر احترام ... عديت سنتين ونص معاهم وفجاءة , قلت ليهم ... يا هوى انا ما داير شغل ... لا وما معقول . ومشكلتك شنو ؟؟ وعييك ... صهينت منهم
بعدهم باسبوعين لقيت لى ناس ما خلوا لى حاجة ما سووها لى .. ياخى ديل كان ودونى مامورية لاى مكان ما بنزلونى الا فى فندق نوع شيراتون وطالع لى فوق , حتى الفرد اصحابى لمن دعيتهم مرة لزيارتى فى الفندق عملوا فيها عبيد كبار وهاك يا خلفة رجل وانجعاصة .... ديل زاتم ما خليتم ليك اتلفتو !!! كيف ؟
لى يومين قافلة معاى للطيش .. الليلة الصباح مشيت استلم عربية جديدة منهم , لمن مشيت لقيتا ليك موديل الفين واتنين ... الفين واتنين دى لى انا ؟ انتو ناس وهم ولا شنو ؟ داير عربية موديل السنة دى ولا ما داير ...رايكم شنو ؟ دخلتهم ليك فى اضافرينم . يا ود الناس امسك دى وبعد شوية بنجيب ليك واحدة جديدة ... لا .. هسع واحدة جديدة وبعد شوية واحدة اجد منها ...السودانيين الشغالين معاى يشيلوا ويرضوا فينى .. ياخى امسكا وبعدين طالب .. هوى يا شباب برا المسكنة دى مافى شى مضيعكم ... ودى استقالتى والله معاكم ما تقدونا وتمرضونا بحركاتكم دى
فالداير يتعلم الاستقالات يجينا جاى وحريقة تحرق المخدة
والى اللقاء فى استقالة قادمة
الشرغوف الحقاااااااااااار
|
Post: #2
Title: Re: ا ستقالات بالجملة
Author: WAD ELGAALI#4
Date: 06-24-2003, 08:34 PM
Parent: #1
عفيت منك آجنا تنقد الرهيفه انشاء الله ما تتلتق
|
Post: #3
Title: Re: ا ستقالات بالجملة
Author: Elkhawad
Date: 06-25-2003, 01:10 AM
Parent: #2
شرغرغ
العشره دي حقتك وسجلناها
لكن الطربيزه دي ما بدق معاك فيها حريق
|
Post: #4
Title: Re: ا ستقالات بالجملة
Author: نادر
Date: 06-25-2003, 09:23 AM
Parent: #1
كبرت كراعي من الفرح
نص في الأرض
ونص في التراب
حبيبنا الشرغوف
مدام بديت هاك دي
يا ناس البورد
الزول الجاهو في الفندق ده أنا معترف لأني زول بوليتاريا ساي ماشفته فنادق 5 نجوم وهمبريب ذي داك بس خلوهو يعترف بي إنو جبااااااااان جبان شديد أوريكم ليه
في نفس يوم زيارتي ليهو في الفندق بعد ما أخدنا ونستنا عاينت من شباك غرفة الفندق لقيتو ليك عالي شديد قلت ليهو يا مان مع موجة التفجيرات الضاربة البلد دي اليومين ديل ما بعيد فندق كبير وعوير ذي ده يكون مستهدف الزول جنو قام وقال لي أنا لسه ما عرسته يا أبو النا ما بجازف وأخش في ضيق ذي ده خلينا نمشي نبيت سوا في البيت معاك بعدين الجو مليان بي هواجس ذي دي عساكر ماشة وجاية ودوريات وناس داخلة وطالعة ومضيفات الخطوط الجوية الهاي كلاس يتحاومن وشكلن كده شكل موت
بالمناسبة أنا جاي الليلة بي قطر 6 مسا يعني بصل عندك الساعة 10تعال لي في السكة حديد بي موديل 2002 بتاعتك دي وبطل مهرجان استقالاتك وحركاتك النص كم دي قال موديل 2003يا أخوانا والله أنا أكتر زول بعرف الزول ده أصلو الواحد لما النعمة تقع عليهو فجأة كده ما بيقدر يستوعب النقلة النوعية دي وتبعاتها وبيقعد يناطح جاي وجاي
|
Post: #5
Title: Re: ا ستقالات بالجملة
Author: نادر
Date: 06-25-2003, 12:09 PM
Parent: #1
الشرغوف الشرغوف الشرغوف
بسرعة حصل والله في بوست كده بتاع كيزان عندهم هظار وحركات
حاول أديها فرة على البوستات ولما تلقاها حتعرفو وتذكرني على طول بالأمارة فيهو صاحبك وصاحبي البنعرفو داك
بس ما تموت لينا من الضحك وتاني ما نقدر نخش الفنادق الخمسة نجوم
|
Post: #6
Title: Re: ا ستقالات بالجملة
Author: قرشـــو
Date: 06-25-2003, 12:14 PM
Parent: #5
الشرغوف
اول حاجة انت كنت وين مسجل غياب طويل جدا جدا ؟؟
ثانى حاجة العربية يا صاحبى لازم تكون موديل 2004 لانها نزلت
اوع تخليهم يضحكوا عليك بموديل 2002 ليه انت هين ولا مقطوع لين
مسخرة والله
|
Post: #7
Title: Re: ا ستقالات بالجملة
Author: الشرغوف
Date: 06-25-2003, 08:15 PM
Parent: #6
حبايبنا
ود الجعلى ..خواض الباشا.. نادر كاشف نومتى ..قرشو
الما مصدقنا الليسأل الشجرة الواقفة جنب بيتنا .... وقريب حتقولوا الزول ده جن
ونتلاقى هناك
الشرغوف
|
|