يا جماعة الخير فتحي البحيري اشتغل ولا شنو

الليلة الصفحة الاولي ما فيهاالكوتة بتاعة فتحي البحيري
يكون اشتغل ولا لاسمح الله متحسس شوية
غايتو بس حقت الله قلنا نسأل عليهو
كان عيان ونبارك ليهو كان اشتغل

فعلا .... هو وين الزول ده

اظهر يا رجل وعليك الامان ..... وما تخاف من صراصير الانقاذ

تعرف تعبير صراصير دي من حيث انها تعبير جديدة علي
!!!!

اساسي الما اساسي


كدي اول نسألك انت عايز تسأل عن المناضل

؟فتحي البحيري ولا عايز تتريق عليه

وبعداك نشوف ردنا عليك


ابونور

يا اساسي
كيفك
وصل بالسلامة والحمد لله..

شكرا بشير
شكرا كوف
شكرا ابو نور
وشكرا زيدون
في الحقيقة شغلتني الشواغل قليلا عنكم
وانا طبعا اشعر بغبطة الحر
انني اجمع بين اثنتين
انني مرزوق في هذه البلد التي يريك بعض أهلها حرصا على ان لا يرزق الله احد
وانني لا اتمتع بضمانات وظيفة حكومية
ولا اتمتع بذلها
لهذا اجد اغلب الوقت والظن بالله الحسن
وقتا لاداء هذا (الشغل)الذي اعتبر نفسي عاطلا يوم ان ازوغ منه مختارا
ولا عدمت محبتكم

حمد لله علي السلامة اخ فتحي
طبعا دا شكر كافي جدا كونك تدخل البوست
وترد علي بقية الشباب الحلوين
بس الحمد لله طمنتنا عليك
واذدانت الصفحة الاولي كالعادة بالكوتة

حمد لله علي السلامة اخ فتحي

شكرا لك يا دكتور
وكما ترى
تنوع (السهام)الذي تفوق تنوع ثقافات بلادي
وأنا سعيد به على كل حال
بس انشاء الله يكون أجر
وحقيقة أصبح لزاما علي ان أمارس دخولا مستداما ويوميا لهذا البورد
والا انتلقت امثال هذه الاراجيف
وفي مرة سابقة غبت انهالت على رسائل فزعة من الحادبين مشككة في ...ـ
لذا
يجب علي ان ادخل يوما
ولعمري
هو الواجب الحق
الذي ما ألذ
وتسلم دكتور
ملحوظة
طبعا انا عادي شغال
وانا عادي عيان
عشان كدا
اذا في يوم ما دخلت اعرفوا انه الحكومة انقلبت
او انقلبت علي

تسلم ياود البحيري (في علاقة مع مامون بحيري)الساكن في نمرة 2 سؤال فقط ‏

أهلا فتحي

وننتظر بوستاتك وتحليلاتك
فهنيئا لك أن طرفي الصراع يفتقدونك

شكرا ابراهيم : لا علاقة قرابة ، فالبحيري جدي الخامس (!!)بالف ولام وليس بحيري وتشكر
وتشكر يا نادوس
والله مشكلة ان الطرفين يفتقدوني

فتحى ايافتحى
هكذا كماتوقعنا تاتيك بعض السهام الرخية تبتغى منك
مقصدا لعمرى انك وبدخولك المنبر تكف الناس عن السؤال
عما ال اليه الحال وانك لتربطنا باخبار الوطن ربطا
متواصلا فيه الخبر اليومى بدقته وبفردك للمظان حتى تترك
القارى لحنكته او لاشرعة الانتظار الذي هو في بعضه
انتظار لك

يا سلااااام
شكرا ياسر
وانشاء الله ربنا يقدرنا نكون قريب
من هذا الظن الحسن

الاخ الانسان الشاعر المرهف فتحى البحيرى
اليك منى الحب والسلام والتحية
لاقدام نتيش عين الضلام بالضوء

شكرا دكتور طارق
(وعسى أن تكرهوا شئا وهو خير لكم)
وما رأيت شيئا ناقضت نتائجه دوافعه
كهذا البوست المبارك النتائج
المظنون الدوافع

يا سلام والله يا فتحي انا بفتخر بالبوست دا ايما افتخار واملي ان تفهم يوما الدوافع فما زلنا سودانين ولم تتغير اخلاقنا ولا يظللنا حقدا ولا ضغينة لا حد خاصة ان لم يكن معروف الا فينا فانت الاخ الكريم الذي يسال منه( وان كنت عاتبا لك في تبني مقاطعة الرد علي ) ولا اري بي حاجة لسرد قصة الرسول الكريم الذي نقتدي ان شاء الله مع جاره وهي قصة معروفة للكل ولا اري شبها لها هنا فانت اخ كريم ورجل له اهدافه التي قد نختلف ونتفق معه فيها ولكن نظل ابناء السودان الذي يتسع صدره لكلينا وان لم يتسع لنا الان فهل حين تعم الحرية يوما ما سيتسع والبغضاء اخلاقنا

أساسي
انا لا أكن لك ودا ولا حقدا ولا ضغينة
ولكنك أسرفت في الدفاع عن ناس أسأوا لنا ولايزالون يسئون لنا جميعا اساءة بالغة جدا
وتاريخهم معنا هو الغدر والخيانة والاجرام
ربما كنت تنظر للأمور من زوايا مختلفة
أو وفق منهج يختلف
ولكن ضع نفسك مكاني

الاخ فتحى

برغم مشغوليات الحياه اليوميه وجودك فى الصفحه اليوميه مهم لمعرفة الاخبار وتعرية النظام
ونتمتى لك دوام الصحه والعافيه

شكرا يا شريف
بحاول
قدر المستطاع
وبين وبينك بقيت مدمن
وانشاء الله ما نتحرم منكم
ومن هذا البورد
بمافيه
ومن فيه
حتى أساسي ذاتو

السلام عليكم، ومنكم السلام. الأخوين الكريمين فتحي وأساسي، أنتما تعيدان في هذا الخيط -البوست- للسودان وجهه الحقيقي. أرجو أن يكون ما بينكما هو الود الدائم، بعد أن يدرك أساسي أنه يرى حكومةالجبهة من زاوية الشخص الغيور على دينه، في حين خرجت الجبهة من الدين كما يخرج السهم من الرمية. وفي نفس الحين يرى فتحي أنك يا أساسي تدافع عن باطل يطحنه ويطحن القيم السودانية، التي تتمثلانها الأن هنا، يومياً، وهو يعيش هذا الطحن في اليوم الواحد مئة مرة، ولا يقبل أن ينطحن.

كلاكما سوداني أصيل في الجوهر، كما تقول يا أساسي. ولذلك فقد طربت أيما طرب لعبارتك:فما زلنا سودانين ولم تتغير اخلاقنا ولا يظللنا حقد ولا ضغينة....فانت الاخ الكريم الذي يسال منه

وإني لأرجو صادقاً أن نختلف أو نتفق بود ما دمنا نتأدب بقيمنا في حسن الخطاب كقيمة "أساسية" لإدارة الخلاف. دمتما، ودامت بكما قيمناالسودانية الفاضلة.

تسلم اخي دكتور حيدر
وجيدا جيت
وانشاء الله ربنا يكضب كل شينة

الاخ حيدر
والله كلامك عجبني اصلوا الزول احيان كتيرة بيكون محتاج لإطراء يعيده لخانة الانسانية ويرفع من روحه المعنوية التي ساهم احباط الهجرة والم الغربة وديناصورات السياسة حكومتها ومعارضيها في تقهقرها الي ادني مستوياتهاتسلم للإطراء

الاخ فتحي
اتدري الشئ الذي استعصي عليك فهمه حتي الان اني اري الحكومة والمعارضة في خانة واحدة ولكنك مصر ان هذا دفاع عن الحكومة
وربنا يكضب الشينة زي ما قلت لانها منكورة

معليش يا أساسي
سبق وان نعتني باني نكرة بلهجة واضح انها كنت موجوعة جدا
وانا ما زعلتني انك تقول لي علي نكرة لانني أحب ذلك
لكن كان واضح (لي على الأقل)ان هذه الوجعة تنحاز للضفة الكريهة لاتزال بقلبي
وصراحة كدا في البوست دا بتهدر اهم (كرامة لي)وتتهمني باني عاطل وما شغال ضمنا
وما القضية شغال ولا ما شغال
والكلام فيه شجون كثيرة جدا اقلها ان (قيمة العمل)في حد ذاتها عندي جد ثمينة
والان تجي وبكل بساطة تتهمني بالغباء
أنا ياسيدي خبير في سوئي وسوءك وسوء السودانييين جميعا بتنظيماتهم وبي فوضاهم
ودا السوء الذي بموجبه نحن الان فيما نحن فيه
لكن اطلاقا لاتسوية ولا مقارنة بين النظام الحالي
وبين اي حزب آخر
لا مقارنة اطلاقا بين مجرم بالمعنى القانوني والاخلاقي للكلمة بكل حذافيره
وبين من هو دون ذلك