ياجماعة .... الحقارة وعرفناها ... لكن ده تسموه شنو !!!!!!......

قبل أن أسترسل ليعلم الجميع بأنني فد إنضممتَ لهذه المدرسة الكريمة والتي قام بتأسيسها أخ عزيز لدينا جميعاً لأنهل من علم ذلك الجمع الغفير من الأساتذة الأجلاء ( البعض منكم في مرتبة الوالد/الأم والآخر في مرتبة الأخ /الأخت والبقية الإبن أو التلميذ) ، ومشاركتكم فيما تطرحون من قضايا متنوعة سواءً كانت مشاركة غير فاعلة أو فاعلة، سلبية أو إيجابية (القراءة فقط / الكتابة).
لم يكن ولن يكون هدفي هو لفت الأنظار من أجل الإطراء أو الذم، فهدفي الأرتباط بذلك الوطن وعدم الإنسلاخ عن الجذور بعكس ما فعل البعض منا وهم كثر. وأنني أعتبر هذه المدرسة هي المخرج الوحيد لي لتحقيق ذلك الهدف .
ولكن ساءني ما رأيته من خلافات ومشاحنات وأتهامات تقذف هنا وهناك دون وعي أو بوعي كامل من مصادرها وقد تعدت في مجملها حدوداً ماكان لها أن تتعداها. وقد وجدت فيما قرأت أن هناك قصوراً واضحاً وفاضحاً لبعض العقليات (ولا أدعي بذلك بأني كامل العقل ، فالكمال لله وحده ولا أنكر أن لي لهفوات وقصور في بعض النواحي) . ففي رأي الشخصي أعتبرها عقول مريضة مصابة بداء العنجهية والحقد والحسد ويحاولون توظيف وتلوين الكلم لخدمة أهدافهم التي لايعلمها سوى المولى عز وجل. ومعظمهم ينظرون لما يطرح من قاضيا أو من مواضيع بمنظور شخصي مما يدفعهم لإرتكاب المزيد من الحماقات والوقوع في فخ الهفوات وهم لا يعلمون بأن ما يسوقونه من إتهامات أو قذف يعود عليهم ليفضحهم علنا.
لا أود أن أطيل عليكم ولكني أدعو الجميع لقراءة ما يقرؤون بروية وتعمق والبعد عن السطحية والفرضيات الوهمية وتزيين الكلمات بالورود السامة حتى تخرج المشاركة أو المناقشة في ثوب بهي جميل وتعم الفائدة أيً كانت وتعود على الجميع..

أنتهي البيان


ويا أخوي بكري ... إنت ما قالو ليك الحيطان ليها اضنين ... إحتمال كبير إنك ما تكون قاصدني لكن بيني وبينك قلت لي رقبتي إني المقصود عشان أرفع من معنوياتي شوية ... ومهما أقول عنك برضي مقصر في حقك وما بزيد على كلام الأخوان كلهم ويكفيك اننا سبنا المدارس ديك كلها وجينا على حقتك دي ..
بس بيني وبينك ... في شوية كراسي وأدراج مكسرة ... صلحوها بالله وكان استبدلتوها يكون أحسن.

وبالمناسبة يا أخوان بالي طوييييييييييييييييل وروحي سلبة لا بزعل ولا بتضايق والإنقليز مايجو جمبي حاجة.
طبزط الموضوع الفوق... مش كدة . ... وبرضي أطرش ما ببرد ليكم مويتكم وخليكم تغلو كدة لحد ما تتبخرو ... والجايات أكتر....

اها اسيبكم ... عندي كم موضوع كدة إتزحلقو خلوني امشي افتشهم طارو وين ..

وبجيكم ..

الحنين زيدون

تحية واحترامات

طيب يا اخوي بيانك ده مالو فيهو تخرمات كدي عجيبة هههههههههه شيء باليمين وشيء بالشمال غايتو .... وبحالتو قلته لي ما تطول علينا .... طول ياخوي وخد راحتك

ومعني كلامك عايز تضرب طناش كمان ... طيب النشوف

منتظرين البيان رقم اتنين

كدي قول بسم الله
واله بورد الروض عن أشواكه
وانس العقارب ان رأيت الأنجما

بوش ياحنين

ده لوزوم التوضيح بس ... لآنو ناس اليمن والشمال كتار بي جاي وما شفت جماعة النص
والطناش ... لزوم الألتزام بالقوانين الجديدة.

إن شاء الله ما أكون طولت عليك

------------

الأستاذ فتحي البحيري

لقد أثلجت صدري بمروركم الكريم
وهذا ما عهدناه فيك ... رغما عن إنوف الحاقدين

لك التحية والإحترام