بابا قال لي خلي البورد ده

اها باختصار كدة ومن دون مقدمات
ودعتكم الله والرسول
وتحياتي وتهاني القلبية لكل من اعرفه وصادف له مناسبة شخصية سعيدة
وسعيدة بالتواصل مع من اعرفهم منكم عبر الماسنجر
لاكن للبورد اقول باي باي

ملاحظة
اذا حصلت حملة تطهير ونظافة مكثفة للبورد
احتمال اقدم طلب اقنع الوالد يخليني ارجع بوردكم

الى ذالك الحين
تحياتي
ونصيحة بعد الخروج من البورد عليكم بغسل اليد سبع مرات اولاهن بالتراب


اختكم وابنتكم
زولة123

زولا123 الرائعه


فى كل مجتمع هنالك الصالح ... و الطالح
اذا اردنا ان نحيا فى هذه الدنيا لابد من التسليم بان الصراع اليومى بين الخير و الشر سيستمر الى ان يرث الله الارض و من عليها
تلك سنة الله فى الارض
علينا بالصبر و التعايش مع الاحداث وفق مبادئنا
على ان لا نعتزل الناس لوجود بعض السيئين وسطهم

حقيقى اتمنى مواصلتك لانك اضافة وجدانيه لهذا البورد

عسـى ان يكون اخر الغيث
خسـارة حقيقة

تحياتى زولة
يعنى المفارق عينه قوية والله ايه كأحد رواد البورد ارى ان تضعى النقط فى الحروف لانو البورد والله ديمقراطى واستاد بكرى والله شايل مقصة وما مقصر واصلو اى زول بنسى او يسهى وعلى ورواد البورد ابلاغ ادارة البورد بالاسباب التى كما قلته تستدعى التطهير او النظافة حسب ما قلتيه وان كنته اختلف معاك فى الكلمتين ولكن من منطلق الاختلاف لايفسد للود قضية ممكن نغير كلمة تطهير بتجاوز وكلمة نظافة بمراعاة
وفى الختام سلملى على باب
وكم يصعب علينا فارق عضو وان كانت ظروف مقبولة لكن بالشكل ده ما بقول مرفوضة لكن ادى نفسك فرصة فى مراجعة الامر
ويا استادنا بكرى كما يقولون لكل مقال مقام
مع تحياتى يا زولة
@@@@@@@@@@@

كم لظلمة الليل من بهاء
ولكن كثيرون حولها الى ارتكاب المصائب

الأخـت زولا تحية طيبة


و الله رأي بابا طبعا ليهو إحترامو و أكـيـد ما جاء من فراغ

و ليه الحـق في إنـو أطـلـب منك و تنفذي طالما إنو بفتكر إنو

القرار دا لي مصلحتك .


و لـكـن نتمنى لو أمكن توضحي الأسباب علشان نستفيد كـلـنا

و ليك تحياتي و تحياتي للوالد.

العزيزة دكتوره زولا لم اكن يوما احسبك بهذه الانهزامية اختى الغاليه واكاد اجزم لك بلسان معظم البورداب اننا نحبك حبا اخويا لا تشوبه اى شايبه صحى ما بقدر اضمن انه
كلو اخوى لانو فى ناس حقيقى مكسريييييييين وانا برضو
بعزروم لانك اختى الفاضله توثرين كل من يعرفك سواءا
بمعاملتك الراقية او باسلوبك الرايع والذى تزينه راجحة
عقل يحسدك عليها كل اقرانك
اختى الكريمه اننى لا اريد ان استجديك للرجوع الى البورد
فانت ادرى منى وابوك بالتاكيد اعلم ما اذا كان بقائك اهم
اولا لكن ما احب أأكدهو لك وللعزيز الوالد ان مكانك فى
البورد وفى قلوبنا نحن كاخوة لك سيظل فارغا ولا يمتلى الا
برضاء الوالد العزيز والسماح لاختنا بالرجوع وفورا
عزيزتى زولا اسالك لطفا وليس امرا ارجعى لانك
لاتستطيعين البقاء بعيدا عن البورد كما ان البورد سيفتقد
نكهة هامة صحى نكهة حنكشة لكن برضو بنحبها جدا
اعلم تماما ان قلبك ابيضا صافيا لا مكان فية للحقد فمالى
الان لا ارى فيه مكان للتسامح
اعرف ان الوالد العزيز لا يرفض لك طلبا ولعل ذلك ناتج
من الثقة الكبيره والحب الاصيل بنكما فله الفخر بابنة مثلك
ولنا المعزة والكبرياء بان تكونى بيننا اختى الكريمه فهلا
تكرمتى بقبول التماسنا
ولك المودة والاحترام والتبجيل للوالد الكريم
اخوك ود الجعلى

Quote: يا اظرف واحلى دكتورة ده كلام شنو ارجعى بيتك و قولى الى ابوك باننا لن نترك البورد الى الماجورين بتدنيس البورد و توجيه البورد الى الجهه التى تخدم اهدافهم و هى نقاش القضايا الانصرافية وترك نقاش قضايا اهلنا البسطاء وقضايانا فى الشتات ولن نترك لهم البورد كما تركنا و طننا و ادارتنا لن تطردهم و تخذف بوستاتهم حتى يتعلموا منا و باننا سوف نتجاهلها و نقاطعهم كانهم غير موجودين فى بيتنا

و الله يا باشمهندس لكن كــلام كبير


ممكن نطلب التوضيح و لا ما ممكن ؟؟؟؟


شـكلـو كـدا الكـلام ما ساهـل

وليه بابا قال كده يا دكتوره
ليه ما دافعتى عننا أصابع يدك مازى بعض ولا ماكده
والله ماهقيتها منك يا زوله
أرجعى يا بتنا وقولى لبابا خلى روحك رياضيه
بعدين أنا شايفه أننا ناس كبار بنقدر نفرق بين الصاح والغلط ولا شنو
صدقينى فى بوستات ما بقرب منها خالص مالصا لآنى عارفاها ما حتضيف لى حاجه أولا نها فارغه بكل ما تحمل تلك الكلمه من معان
عزيزتى عودى لبيتك ومطرحك
نحن أسره واحده لا نسمح أن يتركنا أحدهم الا لما يعرس وبعد ما يأخد إجازه شهر العسل يجينا راجع
هو ونصفه الآخر ووليداته مفهوم ولا لا
وما تنسى جيبى معاك بابا وماما

الاخت زولة
لطيف تحياتى
رغبتنا ان تكونى معانا فى الحوش الكبير دا
وانا ليس مع
لا أرى
لااسمع
لاأتكلم
لالالالالالالالالالالالالالالالالالالالالالالالالالا للمغادرة
دمتى

بسم الله الرحمن الرحيم

الغالية زولا123
سلام وإحترام

بابا قال ليك خلي البورد دا

خلاص أنا حا أكلم عمو بكري يكتب جواب لي عمو 123 ويقول ليهو خلي زولا الجميلة تواصل معانا كويس
والله يا زولا أنا شخضصياً من المعجبين بي مداخلاتك وبوستاتك لأنو في فيها كوميديا حلوة وسخرية لطيفة
أتمنى أن لا تتركينا

الزولة ... نيلينك والأبنوس
لم اري ما يستعدي التطهير فثقافتنا السوادنيو الحميمة جدا ترفض وبقوة ثقافة الاقصاء الدخيلة علينا بفعل من لوثوا كل شيء في الوطن
كلما أسمع أحد هذه الأيام يريد الرحيل ينتابني أحساس غرسب بالذنب فانا جديد علي البورد واتخيل ان قدمي كانت شؤم عليكم
أرجوا ان توضحي لي علي الأقل ما يستعدي التطهير
د/ لو قررنا هجر أوطاننا لان فيها بعض مما لا يعجبنا لما بقي احد يغني لعازة
وهذا البورد وطن لنا في هجير الغربة
أرجوك أن تقنعي الوالد العزيز انه لم يحن بعد السفر
وفائق الود والاحترام

تحياتى يا دكتورة
والله نحن الرجال بقينا نخاف من البورد
ودخولنا صار اطلاله فقط اتمنا كما يتمنا الجميع ان
يكون هنالك تطهير شامل كامل

زووووووووووووووووووووووووووووووووووله 123

وين ماشه؟؟؟
يعني نحن عشان ماعندنا بابا يقول لينا خلوا البورد دا نقعد برانا
اي نعم البورد بقي بخلي كل الباباهوات يقولوا لبناتهم خلوهو
لكن برضو مابنقدر نخليه
بقي لينا بيتنا العامر
اي نعم مرة مرة بيعمر بشكله ولا كلام غريب
لكن برضو ياهو بيتنا الكبير
وعشان مانفقد بيتنا الكبير زي مافقدنا سودانا العزيز
لازم نقعد ونتحكر جواهو ونحارب من الداخل
ماممكن نكون دائما سلبيين وكل البنعملوا نهرب
انا لسه زعلانه من هروبي من بلدي
عشان كده ماعائزه اكررها مرة تانيه
وارجوك واكرر رجائي ماتمشي مننا يازولتنا العسل

لكي تحياتي

الدكتورة العزيزة زوله 123

لاول مرة اقرأ هذا البوست رغم انه منذ ثلاثة ايام وعدم وجود رد منك يعنى انك التزمت بتعليمات الوالد ..

من يعرف منا مصلحتك اكثر من والدك ؟؟؟

لن أزيد

لعلمى انك لن تأتى ولن تردى

الى ذالك الحين
تحياتي
ونصيحة بعد الخروج من البورد عليكم بغسل اليد سبع مرات اولاهن بالتراب


اختكم وابنتكم
زولة123


بابا ما قرأ الكلام دا ولا شنو ؟؟؟؟؟

برضو نحنا بنستاهل كدا ؟ ؟ عيب والله

الاخت العزيزة

زولة 123

عودي

يانا اخوانك

واركزي وقولي رايك بوضوح

وعندما يعلم السيد الوالد برايك لن يمنعك

فهو يريد موقفك الواضح من مهازل المنبر

وسيظل يخاف عليك ما دمتي لم تبلغيه برايك الصريح

تطهير المنبر اختاه ليس بالتخلي عنه بل بمنافحة الفكرة بالفكرة


ودمتي مشاركة رائعة في ساحات المنبر

دكتورتنا العلاج ليس بالهروب
وهناك محاولات كثيرة تسخر من وضع البورد
وشوفى الرابط ده وهو نقد ساخر لما ال اليه البورد

بالدقداق........بالدقداق