Post: #1
Title: أفضل لك أن تموت واقفا على أن تموت راكعا
Author: الفاتح يسن
Date: 06-22-2003, 01:55 PM
دعوة للبورداب لتناول رموز الحرية والديمقراطية في سوداننا الحبيب الذين ثبتوا على مبادئهم وماباعوها وماتوا في سبيلها مرفوعي القامةوبعض الذين تاجروا بقضية الوطن مدعين ومنادين بنفس الشعارات وهرولوا وارتموا في احضان حكومات القهر والظلم من المهدية وحتى يومنا هذا للتوثيق والتاريخ فهيا نبدأ بالتوثيق لكل المختصين والمهتمين بتاريخنا
|
Post: #2
Title: Re: أفضل لك أن تموت واقفا على أن تموت راكعا
Author: فتحي البحيري
Date: 06-22-2003, 02:07 PM
Parent: #1
شكرا يا استاذ الفاتح
والليلة ماشا الله عيني باردة 3 بوستات في يوم واحد
الظاهر نجاح الجنا اداك فيتامينات معنوية
واعمل حسابك في ناس هنا حيطلعوا ليك كرت برتقالي اس دي
خصوصا بعد ما ابتديت تخش في الجد الجميل
وابدا ليك من ورا كان سمحتا لي
انا طبعا من ناس أبريل
وبعد أبريل كان في دكتور طبيب كنا نعتبرو واحد من رموز الانتفاضة
وحبيناك من قلوبنا
واخترناك يا حلو
المهم لفت الايام
وجات الانقاذ
وركب في مركبة الغرقانة
ويوم ورا يوم
نستنا
قنا يمكن تكون حالة غباش عارضة وانخداع لحظي
مصسيرا تنتهي
ويرجع لي مهنتوا الما قصرت معاهو
او للمعسكر الديمقراطي الدخله التاريخ وقلوب الملايين
تعرف يا ابوالفتوح
اليومين ديل بسمعه ليك في الرادي يتكلم عن البقولوا عليها شريعة دي وهم عارفين روحم كضابين
بتألم ألم
معقولة الدنيا دي فيها ناس بالبشاعة دي
وبالزيف دا
وبالكضب دا
وبالاستعداد المستمر لالغاء عقولا وعقول الاخرين للدرجة الفظيعة دي
والله
وما طالبني حليفة
قدر ما احترمت الشخص دا قدر الان ما بحتقروا
وقدر ما حبيته قدر ما بكرهه
عرفتو منو؟؟؟؟
|
Post: #3
Title: Re: أفضل لك أن تموت واقفا على أن تموت راكعا
Author: فتحي البحيري
Date: 06-22-2003, 02:32 PM
Parent: #2
فوق
|
Post: #4
Title: Re: أفضل لك أن تموت واقفا على أن تموت راكعا
Author: الفاتح يسن
Date: 06-26-2003, 01:58 AM
Parent: #1
عزيزي البحيري يبدو ان هذا البوست ماحيجيبش دخل ومرد ذلك انو السودانيين يتحاشون تعرية الذين ينصبونهم حريتهم واموالهم وماشابه ذلك يحتال الوزير يتم نقله من وزارة التجارة الى وزارة النباتات والثروة القومية وهناك يمارس الاحتيال بشراسة وهكذا يرجع ذلك لايه مش عارف وزير في دولة اوربية ذهب لمؤتمر خارح بلاده وتم كشف المنصرفات على هذه الزيارة طلعت زيادة بسيطة على المقرر فاذا بالصحف تقوم وتقعد وصاحبنا يستقيل اين نحن من هؤلاء وعليه أقول لسع المشوار طويل وان لم ينكشف المستور فان المسافة ستطول
|
Post: #5
Title: Re: أفضل لك أن تموت واقفا على أن تموت راكعا
Author: فتحي البحيري
Date: 06-26-2003, 07:18 AM
Parent: #4
الجرح أنكى من ذلك فيما أعتقد
ولكن يا أستاذي لا بأس من أن نرفع كل بوست فيهو شيء من هذا العبير النبيل
|
|