نورهان : كما سمعتم زوربا أسمعوني

الأخوان والأخوات في
sudaneseonline
المنبر الحر
السلام عليكم
أتمني أن أكون ضيفة خفيفة عليكم أريد أن اشترك معكم لكني لم أجد مدخل الأشتراك
في البداية أعرفكم علي نفسي أنا نورهان زميلة زوربا الغير سودانيه التي تحدث لكم عنها في مقالة البت الساكاني وانا راجي التانيه القمرا الذي إستفزني جدا وقررت أن أرد علية رغم اني لم أفهم معظمه وأظن أن زوربا كتب باللهجة السودانية حتي لا أفهم فهو يعرف أني أتصفح صفحتكم بإنتظام لذالك أرجوكم أن توضحوا لي ما كتبه وخصوصا الكلمات التالية "
((( أكتوبك أن شاء الله في جناح غرابة تطير تفكك في خرابة
في سري حلاتك دي بتخلع الما بتخلع
الريد الببدا بالحكير في الشارع
اني مخلوط بريحة الدعاش
مزروع في نيمة جيرانا
مرسوم بالموية المتدافقة من زير الشارع
مكتوب بين الهجير الكتاحة وستات الشاي في سور الجامعة
ويا ناس هوووووووووووووووووووي
انا مقتول في حوش السودان الجاي )))
علي كل حال
أسمحوا لي ان اتحدث بحريه
لن أخجل أن أقول أني أحب زوربا أو السوداني مثل ما نسميه في الجامعة
أحبه جدا .
وهو مسؤول مثلي تماما عن هذا الحب ... لماذا ؟؟
أتيت الي بلدي بعد 18 عام غربة جئت لادرس الجامعة
وفي الجامعة عرفت زوربا الشاب السوداني الطويل الأسمر في إحتفال أستقبال الطلاب الجدد .. فهو رئيس أتحاد الطلبة
ورئيس الأمانة الثقافية
ورئيس تحرير مجلة الجامعة
وكابتن فريق السلة
وعازف جيتار ماهر
وشاعر رائع
وشيك جدا ...
كل هذا بهرني . وتعرفت عليه اكثر ... وجدته لطيف وحساس جدا
تعاطف معي لاني كنت غريبه في وطني بعد سنين الغربه ... وتبرع بوقته وكان يشرح لي و زملائي ما لانفهم في المحاضرات وخصوصا أوقات الامتحانات
هذا جعلنا نقترب منه أكثر ... شخصيته قوية لدرجة انه الطالب الوحيد الذي يرفض أوامر الإدارة عندما تكون ظالمه لنا ... وهو أيضا الذي جمع الطلاب لركن نقاش كل خميس للتكلم عن مواضيع مختلفه
حتي الذين لايحبونه في الجامعة يحترمونه و يخافون منه
وبعد ذلك أهتم بي شخصيا فأنا رسامة أقنعني للاشتراك في اكثر من معرض بل وباع لي لوحاتي
وحدثني عن كل شيء ..وعرفت منه الكثير .. واقتنعت بكل أفكاره الثقافية والسياسية
وتعلمت منه ان لابد من أن يكون لى راي في الدنيا .. حتي الصوفية أعتنقتها بسببه والان مسبحتي لا تفارق رقبتي مثله
صرت لا اكترث للماديات مثلة تماما فهو يقول لي دائما انه اذا جاء الي الجامعة ومعه مايكفي لان يعزم كل الزملاء أو ليس معه ثمن النسكافيه لا يشكل هذا فرقا
بل اذكر اننا كنا في دعوة عيد ميلاد لزميلتنا أعطيتها انا الهدية وقال لها وهو يضحك : أنا في حالة فلس هذة الايام في عيد ميلادك القادم ساحضر لك هديتان
أتحدي اي شاب من وطني أن يفعل مثل هذا
تعلمت حتي الكلمات السودانية مثل كداري وشتت و عليك الله
و لن تصدقوا إذا قلت لكم ان أفضل أغنية لي : عذرا حبيبي
و مهما هم تأخروا و أهل الفرحة وكثير من الأغاني السودانية
وعندما زرت السودان في الآجازة الماضية لزواج اخته زرت معه فرقة عقد الجلاد التي أحبها جدا و معي كل أسطواناتهم
لدرجه أني عندما رجعت الي عائلتي في الأجازة بعد عودتي من السودان أمي كانت تعلق اني صرت سودانية
أيضا عندما جاءت والدتي واختي الكبيرة وبنتها لزيارتي اخذهم الي منزلهم وعرفهم علي عائلته وبعد يومين فقط صار صديقا لعائلتي رغم ان امي من الطراز القديم وعاداتنا ليست مثلكم في السودان والأن أمي حين تتصل بي تسالني عنه قبل سوالي عن احوالي .. وبنت اختي الصغيرة عمرها خمس سنوات كانت تبكي حتي تنام عندما يذهب .
أصابتني حتي عدوي جنونه ... فأنا امشي في المطر مثله ...اجري عندما ارغب في الجري دون ان اخاف من تعليق الناس وارقص عنما احزن
لم يحدث لي طوال حياتي أن تأثرت بأحد مثل تأثري بزوربا
قال لي انه يحلم بقصة حب مختلفة وأنا ايضا كنت أحلم بقصة حب مثل قصص الحب العادية هنا لكنه كان أجمل من حلمي
الحديث كثير جدا لكن اكتفي بهذا القدر وأسالكم
الم يكن هو مسؤل عن تعلقي به ؟
وهل هناك فتاة لاتحب شابا مثل زوربا ؟
اختكم التي تتمني لو انها كانت سودانية
نورهان
ملحوظة : هو من علمني أن أحب وطني رغم غيابي الطويل عنه

زوربا الاخ العزيز

رائع من الدرجة الاولى
بشهادة اختنا العزيزة نورهان

نتشرف ان تكوني سودانية معنا
وانتي كذلك باحساسك بنا
ووطننا قلبه كبير كاهله
وطيب كترابه ونيله

سعدت صراحة جدا بكلامك عن زوربا

واستمتعت بشعورك الجميل

وانشاء الله


بيت مال وعيال

ترجم يازوربا


اما بالمناسبة ما كتب زوربا ولم تفهميه
انا ذاتي ذيك شي فهمته واتنين لا
والله يعينك
تسلمي

Quote: ((( أكتوبك أن شاء الله في جناح غرابة تطير تفكك في خرابة في سري حلاتك دي بتخلع الما بتخلع الريد الببدا بالحكير في الشارع اني مخلوط بريحة الدعاش مزروع في نيمة جيرانا مرسوم بالموية المتدافقة من زير الشارع مكتوب بين الهجير الكتاحة وستات الشاي في سور الجامعة ويا ناس هوووووووووووووووووووي انا مقتول في حوش السودان الجاي

حاحاول اترجم ليك بعض الاشياء

معليش يازوربا غايتو انا معاها

1/ تخلع : يعني تخض (بالمصري كان بقيتي مصرية )
2/ الريد طبعا الحب
3/ الحكير هي القعدة الماكنة ومعاها استرخاء وانشراح
وما عارفة شنو تاني ياخوانا ساعدوني
4/ ريحة الدعاش : دي ريحة بتهب نسايمها بعد انتهاء هطول المطر
وده عندنا بس اتخيلي لي تاني مافي في اي بلد
ما تسأليني ليه؟ لووول

5/ نيمة دي ياستي شجر كبير وبتلقيه بكثرة في السودان
بكثرة وغايتو ليه ظليل بس
6/ موية = ماء اكيد عارفه
زير = زير واضحة دي
7/ الهجير = الحر الشديد والشمس ساطعة
الكتاحة ياستي هي عاصفة ترابية تزور بلادنا باستمرار
في الحقيقة هي ساكنة معانا طوالي
8/ ستات الشاي = ستات جمع ست مش 6 لا نسوان
يقمن بعمل كافتيرات مكفرتة من الشاي في الضهاري
لووووول
جاتني فكرة اصعبها شوية
9/ مقتول = ميت من حب السودان
في حوش السودان تقال في حوش فلان يعني بيته
وهو استعارها ليعبر عن السودان كانه بيت واحد وله حوش
حوش = فناء

طيب

اها تاني في كلام

اوعك تشاكلني يازوربا
تحياتي

مرحب زوربا
مرحب نورهان
مرحب هوزي

اختي نورهان والله ليكي حق تتكسري فيه(ترجم يا زوربا)لووووول
ساقول لكي شيئا فخزيه بجديه
البوم الذي سوف تفهمين فيه ما يكتبه صديقنا زوربا هو اليوم الذي سوف تصبحين فيه سودانيه

اما عن انه بتصرفاته دفعكي لحبه... ففي رايي انه فقط عرفكي باهل السودان وليس بنفسه فقط

اما عن التوضيح فاظن ان الاخت هوزي قامت بالمهمه علي اتم وجه

اما انت عزيزي فشكراً لك
ولنا لقاء عزيزي

نورهان

حظـــــــــــــــــــــــــــــــــــــك









ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ
البلاد التى ضيعت خاتما، البلاد التى دائما
ستظل محنية، فوق الجثث
ونحن سنبقى هنا، هناك، سوف نعلو
بالذنوب الخفيفة فوق هذا العبث

أريتو حالي يازوربا
قرأت لك قبل ايام نصاًً تقول في ما معناه لهذا الرائعة انها ما بتفع معاك ، او انك لا تتفع لها .
فكها لي ، أنا أخوك الكبير ، وربما عمك ، واستاذك كما تدعي انت بنفسك . ولكن اكتفي بادهاشها ، بل بقبولها كذلك .
فكر في هذا الطلب ، وقل ان ترد عليه بالايجاب ، ارجو ان تعيد نشر ذلك النص في نفس هذا البوست حتى يسهل علينا ربط الموضوع برمته ، ويفهم أعضاء المنتدى مشروعية طلبي هذا .
طبعاً لا يمكن لأخر من أعضاء البورد مشاركتي هذا الطلب فأنا أعيش في نفس البلد والمدينة التي يعيش فيها زوربا . وزوجتي جندرية ، والجندر في بعض مذاهبة يقبل بمثل هذا النوع من التعدد .

صباحاتكم بلون
اشراق دواخلكم

يا زوربا غايتو
انا شايف انكم الاتثنين
حاجة ماتخلص

هاي ... نيلينكم والابنوس والشوق الجاري عليكم
الأعزاء جدا : خضر حسين
عمدة
شرير والبرتقالة
وحيات أمي البت دي يا غبيانة يا قاصدا ليها زول تاني
غايتو بكل الأحوال الوصفتو دا ما انا
مليون شكرا لكم
هوزي : بااااااااااااااااالغت دا حالتك ترجمتي
عموما انا أتأكدت من الاشاعة الطاقة في البورد انك حنكوشة
الف الف شكرا
أستاذي تراث :
اوعي تكون الجندرية قرت الكلام دا ... يعني تاني الواحد ما يجي يحصل الغدا معاكم ولا شنو ؟؟؟؟
أستاذي : أن الحزن لا يتخير الدمع ثيابا كي يسمي بالقواميس بكاء
عموما لو سمحت لنا الجندرية ارجوا ان تتعرف عليها فهي بالمناسبة تشكيلية موهوبة جدا
والريد نيلين

لكن برضوا وحات أمي البت دي غبياااااااااااااااانه

الأخ زوربا
يااخوي عاين كويس

انت هترشت شيري دي هترشت بيك

انا هوزي اول شي

لكن مادام فيها اشاعات بتاعت حنكشة !!!!!!!!!!! كمان
خليني شيري بالحنكشة دي انا مادايراها
البقت لي موضوع في البورد كمان

تحياتي

الجندرية التي أعرفها لا يمكن إلا أن تهش بمثل هذا التعرف الذي نتمناه مع الرائعة نورهان . ليتك تأتي منزلنا في المرة القادمة وانتما برفقة بعضكما البعض . رغم أني افضل اعلامنا سابقاً حتى نستعد للاحتفاء اكثر بمثل هذه الجميلة المبدعة ، ونُكرمها بعضاً من الكرم الذي تستحق . وعفوا اذا سألتها في ذلك اليوم عن كيف تراك شيكاً جداً وانا دائما اراك مبشتن ، يبدو ان مفاهيم الشياكة مختلفة كثيراً بين جيلناوجيلكما ، وربما يكون هذا الاختلاف هو السببًً في فشل محاولاتي المستمرة لكسب محبة الصيايا من جيلكم هذا . سأتبشتن عاجلاً ، فأستعدوا لمنافس خطير .
تذكرت نكتة لصديق حميم من جيلنا كان يردد دائماً : بأنه ومهما إمتد به العمر فلن يتزوج الا بنت في مرحلة الثانوي العام ، (وهي المرحلة التي سميت لاحقاً الوسطى ، وتسمي في كثير من البلدان العربية الاعدادية) . وعندما جاء نظام البشير ودمج مرحلتي الابتدائية والمتوسطة في مرحلة واحدة تسمى الأساس ، احتار هذا الصديق جداً ، وظل يردد طيب انا حااتزوج من وين يعني ؟

هوزي :
نيلينك والابنوس والشوق الجاري عليك
ليك العتبا وما ترضي
يمكن في الخاطر الباقي من هترشات الصباح الكتيرة

إستاذي تراث :
ما قلته عن الجندرية لم يكن اكثر من هترشة وأنا أعلم أنها لما تملك سوي كل الكرم للجميع
قريبا أن شاء الله تزوركم الغبيااااااانه نورهان بس نخلص من زنقة الإمتحانات الايام دي
إستاذي : ناس البورد ديل شيالين حال هسة هم مغشوشين وقاليني ود حنكوش تقول ليهم مبشتن
والريد نيلين

ٍسلام مربع

زروبا
الشفيف


حقيقي والله ومن غير مجاملة
انت تستاهل قولا اكتر من كده
ربنا يخليكما لبعض

زوربا في
لووووووووووووووووول

نسيتها عشان الموضوع يتعرف هزار

ولا كمان تقوم شيري تزعل لينا بعدين

ولا شنو ياشيري؟؟
اوووووووووووووووعك

نيلينك والأبنوس والشوق الجاري عليك
الزولة جدا شيري
تسلمي يا عزيزة
هوزي ( أختي ) السمحة حروفا
ماااااااالك يا داير تجيبي لي لينا الكلام والله انا قايل كان شيري دي أتفتحت فيني يحلني الحة برناديت من الانترنت
والريد نيلين