Post: #1
Title: خلو الكمبيوتر البقالكم اهل واقعدو افتحو خشومكم احرسوهو
Author: WAD ELGAALI#4
Date: 06-19-2003, 11:54 PM
خلو النت دا الابقى ليكم اهل والله ياجماعه الشكية لغير الله مذله لكن نسوى شنو الواحد بقى حارس الكمبيوتر ليل نهار ما فضلينا الا نعقد عليه دى حاجه تفور الدم
الواحد قال يشيل الصيف افف لكن التوبة لى علوبه
ماشى بلغاريا بعد اسبوع وداير زول ينصحنى ما امشى
بس يدينى اى سبب مقنع لكن والله بعد اجى راجع
القى الحال كما هو عليه يالسودان جاك زول والزارعه الله
فوق الحجر بتقوم ولالوبنا ولا تمر الناس
ما تقولو الزول دا اتوهم لكن دا حالكم كلكم لكن يا
خايفين ياخجلانين الا زى ما بقولو الشقى يعترنلو نعلاتو
لكم الياسمين ولى وسامة كمان
|
Post: #2
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: Elkhawad
Date: 06-20-2003, 00:59 AM
Parent: #1
الجعلي يا اخوي .. ها جني .. ما تركز .. الجرسه شنو عليك ..بتدور تدور علينا وجع الضروس مالك
مشتاقين يا حبيب ..وطولنا طولا .. لا حولاااااااااااااااا
علا تمر الناس اخيرلك هسه روق ساي ..روق 
|
Post: #3
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: WAD ELGAALI#4
Date: 06-20-2003, 04:00 PM
Parent: #2
الحبيب الشفيف نزار تحياتى والاشواق
والله اريتا جرست العدو يا فرده لك تحياتى والتقدير
اها يا جنا انتا بدور تصافح متين والله اظنو الصفاح هو
المخرج الوحيد تعرف مره جانى قريبى فى المكتب فى
شارع السبد عبدالرحمن اها بعد ما اتقهوج تب خلف كراع
فوق كراع وقالى أجنا بدور تصافح من بنات الخرتوم ديل
قلتلو مالن قالى ديل ازول حايمات بى قمصانن ساكت اها
مشينا لى د. حامدالنعيم جنب كلية الصيدلة عشان ناخد اختى
ونمشى البيت لقى ليك مجلة فيها هالى برى شايلا ليها كلب
مات من الضحك قلت ليهو مالك آزول بتضحك قالى والله
عجبتنى البنية دى ساكت ولمن مرقنا بره اسمعو ليك يقول
سبحان الله ناس حاضنا كلاب وناس حاضنا عذاب
والله لم وصلنا البيت بنضحك
لك اسمى ايات المودة اخى الخواد
|
Post: #4
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: PLAYER
Date: 06-20-2003, 04:06 PM
Parent: #3
Quote: ماشى بلغاريا بعد اسبوع وداير زول ينصحنى ما امشى
بس يدينى اى سبب مقنع |
ما تمشى بدون سبب
|
Post: #5
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: WAD ELGAALI#4
Date: 06-20-2003, 04:23 PM
Parent: #4
العزيز بلير والله ما عارف قلبى مابيها ليشنو السفره دى اول حاجة ما عندى اى حاجة موديانى لكن فى نفس الوكت ما عندى حاجة مقعدانى تعرف اصل القصة كنت بفتش لى
فى تذكرة فى برايس لاين لى بوستن فى حنه حقت واحد
صاحبنا هناك اها جاتنى ناطه دعاية اين تقضى هذا الصيف
دخلتا لقيت ليك ناس بلغريا وهنقاريا التذكرة ماشى وجاى300 دولار واسبوع فندق وعربيه ميتين دولار طولاى
حجزتا اها هسى بقت لى حارة لكن القروش نون ريفندبل
عشان كدا لازم امشى والله القى سبب وجيه ما امشى عندك
سبب وجيه والله تدينا عرض اكتافك
قال شاكوش قال لوووووووووووول
لك تحياتى وكل الاشواق
|
Post: #6
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: PLAYER
Date: 06-20-2003, 04:31 PM
Parent: #5
يا اخوى
غير وامشى الامارات...عندي ليك وصية توصلها...طبعآ انت عارف لمنو
نصيحتى امشى الحنة واتحنن
لو داير تعال لي زيارة في
Salt Lake City /Utah
بعدين نمشى زيارة لبكرى فى ايرزونا
|
Post: #7
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: WAD ELGAALI#4
Date: 06-20-2003, 04:52 PM
Parent: #6
سولت ليك سيتى والله جينا الاولمبيات مالقينا حتا ننوم فيها رجعنا فى يومنا لكن من مدينة حلوة والله بختك
لكن الامارات الا امشى الاقى الشيخ زايد والله زولا 123
لكن الجماعه فى البلد يا حبه عشان كده المرض حاصل
تدخل النت خمسه دقايق يقولك فلانة مى نوت رسيف زس
مسج بيكوز شى اور هى ابيرتو بى اوفلاين تضرب تلفون
تقولك الكهرباء قطعت مش لى حق امشى الواغ الواغ
لك تحياتى
|
Post: #8
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: bint algazeira
Date: 06-20-2003, 05:20 PM
Parent: #7
ود الجعلي#4
سلامات يااخوي
سلامتك والف عزيز كرامتك
اليومين دي عندك حمي
شوف ليك دكتور يعالجك
والتذكره دي مامشكله رسلها لي امشي بيها انا
لانه مااعتقد السفر حل لمثل حالتك
اسمع نصيحتي دي ياودالجعلي4
لك تحياتي
|
Post: #9
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: الجندرية
Date: 06-21-2003, 07:06 AM
Parent: #1
ود الجعلي
مالك ياوليدي ؟
استهدى بالله وصلي على النبي
|
Post: #10
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: WAD ELGAALI#4
Date: 06-21-2003, 05:47 PM
Parent: #9
اختى الكبيرة بت الجزيرة شوقنا بحر والله ما لك قاطعه الخبر سمعتيهو والله جابو ليك وقولى لى صاحبتك بجى الخريف واللوارى بتقيف وبالمناسبة دكتور نازك لسه فى
البلد والله رجعت السودان اذا فى بالله مغرود شديد فى تلفونا
وعليك الله اظهرى وطمنينى عليك
تحياتى وكل الشوق
|
Post: #11
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: WAD ELGAALI#4
Date: 06-21-2003, 05:53 PM
Parent: #10
الخالة الغالية جدا الجندرية والله كلو سويناهو لكن ما نفع الظاهر ياخاله الحاله مستعصية شوية لك تحياتى وسلامى للاسرة الكريمه
|
Post: #12
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: tariq
Date: 06-21-2003, 06:06 PM
Parent: #1
WAD ELGAALI#4
انت مسافر وداير ليك سبب ما تسافر بيه نحن معذبنا مالك بالاغنية ؟
|
Post: #13
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: bint algazeira
Date: 06-24-2003, 08:36 AM
Parent: #12
ودالجعلي#4
اخوي السغيروني
كيفنك
معليش ماقدرت رديت عليك البوستات طبعا بقت بتمشي مشي شدييد
اتمني انك تكون تماام والزهجه فكت خلاص
|
Post: #14
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: انور عمر
Date: 06-24-2003, 08:51 AM
Parent: #13
عافي منك و راضيه عنك سو رضايا
ما بيخيب الرضا والدتو يا جنايا
إنت من يا دوب سغير من زمان دايماً معايا
إنت ديما أمامي ساير ما بخليك بي قفايا
ما بتغيب من عيني لحظه ولا حصل سبتك ورايا
لامن الله يشيل أمانتو أنا ببقي خاصاك بالرعايه
ليّ يرعاك البيرعي ليّ بيك يبرد حشايا
أصلك إنت هديه منو والله بيك أجزل عطايا
جيتني واحد مالو تاني رحمه في آخر صبايا
قبل ما أفقد قدرتي و قبل ما تنهار قوايا
جيتني زي بدراً منور و فجأه طليت في سمايا
أسا لما خلاص كبرت دار تسيبني أعيش برايا
دار تفارقني و تهاجر و الحزن يصبح جزايا
كيف يهونلك تحزن أُمك شان تحقق ليك غايه
كان مهاجر شان علاجي بلقي في شوفتك دوايا
كان عشان تسقينا مالك نحن بي حنك روايا
كان عشان كرعينا راحل نحن بي بعدك حفايا
كان مسافر شان تعرس خير أبوك مالي التكايا
خيرو وافر أبوك يحمدو مراحو مليان بالسعايه
و بالقروش الجيب مجكن و لسه برضو الجايه جايا
برضي منك ما بقصر بحفر أديك المعايا
كان ده كلو شوي بتلقي في دهبي الكفايا
أصلي من سويتو ناذرا يبقى لي أيام قسايا
داخره للزمن البعاند و لي سعادتك يا عشايا
إنت من شبيت سغير راسي ما بتحتاج وصايا
ماحصل خيبت ظني ولا فشل فيك زين غنايا
لا تسيب أُمك تهاجر يمه محتاجه الحمايه
لا تسيبني وراك ترحل إنت ياك ضلي و ضرايا
إنت فوق الحوبة مقنع إنت للمكشوف غتايا
دايره منك تبقي جمبي جمبي في فرحي و بلايا
دايره كان قحيت أتبنك أرفع أقسملك غتايا
إنت ساعت تبقي جمبي بتبقي ضلي وتوب قفايا
و ما بخاف ظلم الليالي و إنت ياك عكاز عمايا
دايره أقضي عميري جمبك أصلو قارب للنهايه
خايفه كان سافرت ترجع تلقي فاضي البيت بلايا
حينا ما بتنفع قروشك و ما بتجيبلك أُم سوايا
ماني عارفه سبب رحيلك يا وليدي شنو الحكايه
إلا تبقي براك شايف في فراق الوالده غايه
ما بعاتبك و ما بلومك لو رحلت و بلقي في الامثال عزايا
علي حجر دايماً قليبك و قلبي كلو عليك جنايا
عافي منك و راضيه عنك سو رضايا
و ما بيخيب الرضا والدتو يا جنايا
الاخ الجعلي بدون جرس عشان في ناس كتثره بتجرس معاك استخير الله واليجي من الله يكون في هو الخير
|
Post: #15
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: WAD ELGAALI#4
Date: 06-24-2003, 07:24 PM
Parent: #14
الاخ الحبيب طارق انت يا حبة خليك من الغنية هسع وقوم شوفلنا طريقة سماية للقمورة سامرين على النعمه نجى طايرين السماية جرى ماتقول كندا فركة
كراع من هنا
بعدين ياخوى اوعا ناس كندا يكون زى ناسنا هنا
سمايتن بعد شهرين
لك تحياتى وكل الحب للصغيرة
اختى بت الجزيرة لك حبى وتقديرى والحمد لله الزهجة
فكت
اخى العزيز انور كلو سويناه بس دعواتك يا بركه
|
Post: #16
Title: Re: خلو الكمبيوتر البقالكم اهل واقعدو افتحو خشومكم احرسوهو
Author: Shinteer
Date: 06-25-2003, 03:51 AM
Parent: #1
بلـــغــاريا؟؟؟ أها دي وين الخرابة دي؟ إن بقيتن حلةً بعيدة ما تمشي ليها .. علا ان بقيتن قريبة أدها قدة لا عندها وجيب لنا خبرها. لكن زي السمعت كدي بقولوا حلال الترك ديل ماهن سمحات. أضرب الخلا .. اضرب الخلا بس .. الخلا زيو مافي اسعلني منّو .. عليك أمان الله وكت الهوا الصاااافي يمرق فرق اضنيك كدي تاني ماك ساعل في برنطانيا زاتها .. خلي بنغاريا دي .. وللا هي بلغاريا السايبة
|
|