Post: #1
Title: فشلي في الحياة
Author: ensana
Date: 06-19-2003, 01:23 PM
كل ما خلاص امسك حلم في يدي و اقول اتحقق...القاه لسه حلم...فشل فشل كلها حياتي..احباطات مستمرة كل يوم
ما عارفة اعمل شنو
جد ما عارفة اعمل شنو
مافي زول يقول لي الصبر و الكلام دا
زاتو ما تردوا على انا محبطة بس
حاسة اني المحبطة و الفاشلة الوحيدة في العالم الان
|
Post: #2
Title: Re: فشلي في الحياة
Author: ايهاب
Date: 06-19-2003, 01:40 PM
Parent: #1
انسانه
اول حاجه اذكري الله
بتروقي
تاني حاجه شوفي الحاجات اللى اله اداك ليها و فقك فيها
اكيد حا تلقيها كتيره
يا ستي كلو زول بيجيهو الشعور دا
احنا كشعب سوداني اساسا فاشلين في كل شي
الا غربه والشتات دي ناجحين فيها جدا
تالت حاجه شوفي الغرض الاساسي في الحياه شنو
و احكمي بعد داك على مدى فشلك او نجاحك
يا ستي هوني على نفسك
هسه ححا تشوفي حاجات في البوست دا
تحيرك
قالو البشوف مصائب غيرو
بتهون عليهو حاجاتو
و يا ستي انشاء الله لسه الحياه ممتده و طويله
فحرام تحكمي على نفسك بانك فشلتي وانت لسه في بدايه الطريق
بطلي جرسه و شدي حيلك
و احلمي بغد اجمل انشاء الله
|
Post: #8
Title: Re: فشلي في الحياة
Author: abuguta
Date: 06-19-2003, 02:15 PM
Parent: #2
اختى انسانة
تحياتى
اذكر مرة طلعنا البر نحن عذابة وكدا
وجنبنا اسر كتيرة ,فبعض الشباب صارو يلعبو كرة مع اطفال الاسر وكلهم غير سودانين
ونحن قاعدين مع الشية والصاج وهب الفحم
جاءنا واحد من الاطفال وهو فرحان وقال لينا وى وى هزمناكم فواحد معنا قال ليهم مانحن طوالى مهزومين وقتها كانت فرقنا الكبيرة ملطشة واحد تلو الاخر.
يابت برا فشل معاك انت البورد دا كله بحبك حتى النك نيم حقك ما بوحى
عن الفشل فكيف تقولى انك فاشلة,بس الحياة فيه حلو ومر ونجاح وفشل
بس الانسان القوى هو الذى يحمد لله عند النجاح ويرجع الى الله عند الفشل
اناشخصيا بتفاءل لما ارى شخصيات فى البورد موجودة وانت منهم فكيف تكونى فاشلة,يابت قولى وداع للفشل ومرحب بالنجاح
|
Post: #3
Title: Re: فشلي في الحياة
Author: lana mahdi
Date: 06-19-2003, 01:53 PM
Parent: #1
الحبيبة انسانة
قولى انك مررت بفشل فى الحياة
ولا تقولى انك فشلت فى حياتك
حياتك لا تزال ممتدة امامك
اليوم ضيق و كدر
و غدا امل و فرح
تبيت نار تصبح رماد
كونى قوية
قودى الظروف و لا تسمحى للظروف بقيادتك
و انظرى لمشاكلك كانها لانسان اخر و قيميها من هذا المنطلق
ستصلى لبر الامان
|
Post: #5
Title: Re: فشلي في الحياة
Author: ايهاب
Date: 06-19-2003, 02:10 PM
Parent: #3
قالو ليك واحد صعيدي ماسك تلجه
قال اموت واعرف بتنقط من فين
واحد صعيدي سافر امريكا
عطش لقى ليهو ماسوره اتوماتيك فتحا ما عرف يقفلا
ركب اول طياره و رجع مصر
لما وصل اصحابو قالو ليهو
اها امريكا كيف
قال ليهم
زمانها غرقت يا بووووووووووووي
اه وكمان قالو الصعايده احتجو وفاتو لي حسني مبارك قالو ليهو ياخي كل النكت علينا
قال ليهم خلاص انا بسالكم سوالين لو جاوبتو عليهم صاح بنشيل منكم تهمه الغبءا دي
السوال الاول
اول معركه في الاسلام كانت بين مين و مين
و مين الانتصر فيها
قالو ليهو بين الكفار والمسلمين و انتصر فيها المسلمين
قال ليهم جميل
السوال التاني
كاس الدوري السنه الفاتت كان بين مين و مين
و انتصر منو في المباراه
قالو ليهو بين الاهلي والزمالك
و انتصر فيها الزمالك
اها قام واحد نطا وقال
على كدا الزمالك والكفار حا يلعبو على التالت
lOoOOoOoOooOoOlz
اها عايزين نشوف ابتسامه عرسضه حتى لو كانت بايخه
|
Post: #4
Title: Re: فشلي في الحياة
Author: Zaydoon
Date: 06-19-2003, 02:01 PM
Parent: #1
إنسانة
ده ما رد عليك ....
ممكن ترسلي لي واحد من الأحلام دي ؟؟؟؟؟؟؟؟
|
Post: #6
Title: Re: فشلي في الحياة
Author: Bakhaf
Date: 06-19-2003, 02:12 PM
Parent: #4
انســــانة
دي حاله عاديه بتاعت دبرسه كل زوول بيمر بيها
زي ما قال لك الاخ ايهاب اقراي قران بتروقي
ده كله من الغربه سجم الرماد دي
حاولي تشتغلي انشاء الله بدون مرتب والامور بتمشي
انشاء الله
ودي
|
Post: #7
Title: Re: فشلي في الحياة
Author: عبدالأله زمراوي
Date: 06-19-2003, 02:13 PM
Parent: #1
أنسانة
دوام الحال من المحال...
ودايما أحلى باكر...
ولا يأس من رحمة الله...
سحابة صيف وتعدي...
انشاء الله
|
Post: #9
Title: Re: فشلي في الحياة
Author: Maged
Date: 06-19-2003, 02:38 PM
Parent: #1
سلامات يا انسانة
قالو الاٍيدو فى الموية مازى الاٍيدو فى النار لكن على الأقل مافى واحد فينا مامرة بالاٍحباط
أنا لا أعرفك شخصيا ولكن لا أعتقد أنك فاشلة. مجرد وجودك معنا هنا دليل على ذلك. لن أقول لك أصبرى ولكن أقول لك لا تيأسى. أنظرى اٍلى الوجه الآخر بمنظار متفائل وسوف تجدين حكمة فى كل شئ
الحل التانى ياستى، أنك تقومى كدة وتدى الدنية دى ستين صرمة و تقولى ليها: عايزة تعملى لى مجنونة، أنا حا أوريك الجنون وتروحى مواصلة حياتك ومحاولة تانى وتالت لحدت ماتوريها العين الحمرة كويييييييييييييييس
|
Post: #11
Title: Re: فشلي في الحياة
Author: زوربا
Date: 06-19-2003, 03:38 PM
Parent: #10
هاي .. نيلينك والابنوسة والشوق الجاري عليك
أنسانة :
أهديك مقولة الرائع بودلير أن المعاناة تولد ابداعا
الشرط الأول للخطوة نحو الانسانية هي الخروج المطلق من الذات وتنفس الاخر بكل معانية ... المقدرة علي الأشياء من حولنا جميلة ليس لانها كذلك بل لاننا نريدها هكذا ..
وايضا أعمرانا لا تعد بالسنين وكم التجارب لكن فقط قدرتنا علي أعادة صياغة تلك التجارب علي شاكلة معرفة تراكمية توضح الرويا للقادم
لكشر ... سوري وااله وا قصدي لكن لو فتحت الحزن الجواي صدقيني
ما حا اعرف اعيش
والريد نيلين
|
Post: #12
Title: Re: فشلي في الحياة
Author: فجراوى
Date: 06-19-2003, 03:54 PM
Parent: #1
ماداير املاك فقر ,لكن الانسان الناجح يلازمه دائما الاحساس بالفشل
وده دليل عافيه
شفتى كيف؟
|
Post: #13
Title: Re: فشلي في الحياة
Author: ensana
Date: 06-21-2003, 03:17 PM
Parent: #12
لانه لسه جواي بواقي احباط ...ما دايرة انكد عليكم معاي ساي
و اتكلم كتير
بس جيت قلتى اقول ليكم شكرا على احاسيسكم دي
|
Post: #14
Title: Re: فشلي في الحياة
Author: EMU إيمو
Date: 06-21-2003, 03:28 PM
Parent: #13
إنسانة
أعانك الله
هكذا الايام
|
|