|
|
|
 Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
الاخ مبيوع شكلنا جدا على الاقتراح الظريف ده والله يا اخ مبيوع احنا دايرين اللوب تتصافى والناس كلها ترجع حلوه ناس اوضتى واوضتك ديك خليهم برضوا يجوا معانا أبدا ليك بى حبوبتى الله يرحمه ويغفر ليها الله يرحمه الف مرة .
المهم حبوبة هى من اهل كردفان الاصيلين العمرهم ما بيمرقوا من بارا الا للضرورة و
الضرورة دى زيارة لينا ،للعلاج فقمت سقتها للدكتور الدكتور لى شقاوته كان باكستانى
ودكتور عيون وهى بتتكلم العربية الفصحى حقت ناس كردفان ديك المهم قال ليها ياحاجة عاينى لى وورينى الدوائر دى فاتحة على اىاتجاه يعنى يمين شمال وهكذا طبعا انا فهمتها هو داير شنو نهايته قالت هى خلاص عرفت المطلوب منها يأشر ليها تقول ليه ( مصعد مقبل سافل ) وهى تعنى يمين شمال شرق ها ها ها وطبعا صاحبك ما بقى فى عدم الفهم بقى فى انه اقنعه انه الكلام البتقول فيه ده عربى المهم هى تقول وانا اترجم ليه فى الكلام الهو مفترض يكون عربى وهو عربى طبعا بعد داك قرروا عملية ازالة موية بيضاء للعين فالدكتور يسأل فيها يا حجة عندك سكرى قالت ليه لا طيب عندك قلب قالت لا عندك ضغط قالت لا الدكتور للاطمئنان واختصار الموضوع قال ليها يعنى ما عندك اى حاجة حبوبة زعلت زعل شديد قالت ليه اها احسدنى قصتك معاى شنو يا جنا اااى ما عندى اىى حاجة أدينى عين ......زززز المهم كل البراءة والبساطة والعفوية حقت اهلنا ناس زمان هى ليست نكت لكن ملاحة وذكريات رحمها الله واسكنها فسيح جنته عليكم الله ادعو ليها بالرحمة
| |
 
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
مبيوع شفت ونستهم حلوة وطاعم كيف يا حليلهم حبوبتى كانت لمن تجينا وتتكلم بى لهجتها اول ايام كنا ما بنفهما مرة جات وابوى الظاهر كان بينده او ينادى علينا وانحنا ما سامعنه هى سمعته فقعدت تقول لينا يا عوين عوين دى يعنى يا بنات او يا نسوان
يا عوين ابوكم بيعيط ها ها بيعيط دى يعنى بينادى عند اهلنا فى كردفان وبالمناسبة ه كلمة عربية فصيحة فاحنا استغربنا عمرنا ما شفنا ابوى بيبكى وعلى الرغم من اننا لا نستعمل كلمة يعيط دى لكن سمعناها عند المصريين فانحنا جرينا مخلوعين نشوف ابوى البيعيط وهو قعد يضحك ويضحك الله يرحمها
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
الاخوان مبيوع وتراث وابو حسين اهلا بيكم جميعا ابو حسين البوست للجميع يعنى ما زى الاوضة الكرهتنا فيها وطردتنا انحنا عملنا الحوش ده لى كل الناس وانت اولهم تراث دايرنك ود عم لينا فى البوست ده الاخ مبيوع مع ترحيبى باقتراحك ومشاركتك الحلوه لكن بالاضافة للحبوبات دايرين نفتح البوست لاى شىء اى موضوع حلو ومسلى وهادف انتظركم يا جماعة الحوش قشيته ورشيته لكن مافى بت واحدة جات متاوقة مالن احرجونى يعنى الا نقول اوضة للاولاد بس يا ناس رجاء حتى تجوا؟؟؟؟؟؟؟؟؟؟؟
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
الأخ مبيوع ســـلام
وقعت في الغلطة اللي وقعوا فيها كتيرين يا خوي اليومين ديل لو ما لقيت
الإسم عبدالله أو عبدالجبار أمشى طوالي لي البرو فايل بتاع العضو علشان
في ناس كتيرين وقعوا في نفس الغلطة و الحمدلله جات على كـدا!!! غيرك غلط
غلطة أكبر من كـدا بعدين ياخي قبل ما تصرح بالغلط أنا قلت ليك كلام دقاق
معقول أنا أكون داقس لي الدرجة دي أخـوك تفتيحة يا مبيوع .
إنت عارف حنين للبلد دي جات هاربة من بوست نحن كلنا إتغشينا فيهو الجكس
الما بخجل دا عمل فينا مقلب ظريف و الله نحن ذاتنا إتمقلبنا لكن برضو إتكيفنا منو
السفير و هي السفيرة أصلا إفتكرناها ولد و طلعت بت و نحن جارين وراها بإعتبار
إننا جارين وراهو يعني يا خوي ما براك بس إنتبه اليومين ديل الجـكـس
جـاري وراء المقالب للجنس الخـشـن .
حنين للبلد يا ختي إنتي هنا براك يعني لم تجيبي ليك جكسايتين تلاتة
و إكونو تفتيحة مش زييك كـدا بعدين أسألي عن المشاكل.
ســــــــــــــــلام
| |
|
|
|
|
|
|
|
|
 Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
مبيوع مالك يا صاحبى داير تشمت فينا الاعادى ما ابكى كان بكيت ببكى بى دموعى وبى عيونى يا ابو حسين ومبيوع ما استلف6ت منكم .
مبيوع ما كنا متفقين زى العنب والتين جا هادم الملذات ومفرق الجماعات ابو حسين وداير يطفشنا يعنى انحنا يا ابو كمحمد وحسين قلنا نقدم ليك دعوة داينا نطردك مالك .
مبيوع لقيت مافى زول معبرنا قلت امشى افتح لى بيت بكاء دايره اليواسينى انا الايام دى والله زهجانة وقررت امشى السودان اجازة بعد شهرين خلاس سفرجت زى ما بقولوا.
ابو حسين والله مشتاقين ويييييين انت فارق معانا مرحب بيك وعليك الله عرج بى بيت البكاء الفاتحاهوا داك عزينا دمت .
تراث.
والله انت الداير الاختلاط ده اللللللله يستر .
ياناس رجاء وين انتوا الشباب بيسأل منكم بورتوا لينا اوضتنا رجاء اقلبها اوضة عزابة يعنى عشان تجى احرجتينى مع الشباب
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
أأأأأحححححمممممم
سلام يا ناس الحوش
شايفة الكلام يجي بي هنا ويجي بهناك.. وسؤال عديييل كده عن غيابنا.... والله نحن قاعدين في اوضتنا ديك حارسينها من الكلام الشين..
-----
حنون الحبيبة
يا ختي انتي قنعتي من أوضتنا؟ والله ما اسيبها لي زول بعد العملناهو مع ابو حسين وقليبي المهضلم وكل كتيبة الاولاد الأشاوس الذين ابو ان يشاركونا وعايزين يستفردوا بيها.. لكن على مين؟!انحنا ما منتظرين يدونا حاجة ، برانا بنشيل حقوقنا، ولا شنو يا أبو حسين؟
----
زيدون العزيز
طبعا ما كان ممكن ارفض الدعوة وبالمناسبة انا متابعة الحوش ده من ساعة ما سورته حنونة..
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
يا زيـدون الـبـكــش شـنـو ؟؟؟ نــور شـنـو يا خـوي
و الله من شـدة ما ظلام الواحـد ما شـايـف حاجة .
قال نور قال .
يا مبيوع يا خـوي إنتبه والله الجـكـس الهنا دا إبيعك و إشتريك
ديل بتاعين مقالب إسمعوك الكلام الحـلـو و بعدين إفكوك عكس الهواء
رجـاء كرهتينا عديييييييييل كـدا بالله الواحـد محل ما إمشـي إلقاك
قـدامو زيدون شايفوا قال ليك كــلام ظـــريييف ما تشوفيهو إمكن
و عــســـى و لعـل إكـــون و لا شـنـو ؟؟؟؟؟
حـنـين للبلد مبيوع دا مفروض تشيليهو فوق راسـك بـس بعد ما تنتهي
من القمل المالي راسك دا لأنو الزول ما قـصـر معاك الأوضـة دي
ضـرب ليك الجير و البوهية و نضف ليك الشبابيك و فرش ليك الملايات
و مشيتي خليتيهو فتحتي ليك بيت بكاء بي غـادي عيب الكلام دا
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
مبيوع
اهليين.. انا قلت كراعنا حارة ولا شنو، الواحد من ما خبطت عليكم في الحوش مشيت بي هناك وقلت حران.. هسع اديني من اليموناده القدامك دي عشان السموم والحر وأبو حسين نشفو ريقي..
-----
أبو حسين
تعال اقول ليك الكلام ده بالراحة مافي زول يسمعو.. انت طبعك الشين وكلامك الشين ده ما قلنا ما تقولو قدام الناس، لسة ناس الحوش ديل ما بيعرفوك.. حاول تعمل فيها "شيك" وحركة كده، وبلاش الدبش البتقول فيهو ده يا "دباس"...
-----
زيدون
سووووري أكيد انت عارف الراجل المهفوف ده.. الله يجازيهو خلانا نباريوه ونعدل ليهو كليماتو الشينة
| |
|
|
|
|
|
|
|
|
 Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
سلام حنين البلد
الحوش الكبير فيه الهبريب واهمه شىء دايرن قهوة العصرية رايك شنو يا رجاء تعمليها ما تخافى بنجيب ليك بن مسحون اصلو لو خايفة على يديك وحتى الفناجيل مبيوع بغسلها ليك ما صلوا بعد ما ودع العزوبية قالوا بقى فنان فى غسيل كبابى شاى الصباح
ويا حنين الحوش الكبير بجمعنا بس دايرين راكوبة تعمليه لينا من سخانة النهار ما انا عارف بكرى بيكون عينه على الجمرة الخبيثة وعدادها وانا من جانبى متبرع للحوش الكبير بخرطوش علشن نرشه
مع التحايا
@@@@@@@@@@
كم من ظلمة الليل من بهاء
ولكن كثيرون حولها الى ارتكاب المصائب
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
يا ابو حسين
الجكس ما فكانى عكس الهوا
دا فكانى عكس الشمس عديل
يا زيدون
زح لى شويه كده
النفوس كان اطايبت الضل بشيل ميه
يا رجاء
كراعك ما حاره
بس الليموناده بي دولار
والا الواحد ما يعمل معاكم بيزنس
بلدى ياحبوب
غسيل الفناجين بس
والله مما جاء الشافع السنيح دا
وانا البغير ليه البتاع كلو يوم
وبعدين انت ما شايفنى متفرجخ هنا
خلاص رشنى رشانى البلا
يا جماعه حنين وين
فتحت ليها بيت بكا تانى
والا شنو؟؟؟
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: مبيوع)
|
بـلـدي يا حـبـوب راجـي القـهـوة ديل نسـوان قـهـوة؟؟؟؟ و الله إمكن رجاء
تكـون لأني مشبه على واحدة بتاعة شاي في السـوق الشعبي لكن بي صـراحة
ما متأكـد لأنـو طبعا مستوى النظافة بغير الشكل كتير.
مبيوع يا خـوي أسمع نصيحة أخـوك الكـلام الظـريف دا ما بنفع مع النوعية
دي لأنو أخوك خابرن كويس تديهم على راسهم إمشوا معاك كويس أسـي ما شايف
رجوية دي زي ضـلـي محل ما أمشى هي جارية وراي النوعية دي
عـايزة كــدا و ما بتمشى غير كـدا
و يا مبيوع حنين شكلها مشت تمشط الشعر علشان ماشة السودان
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
بلدي يا حبوب
اتفضل.. لكن قول لي عايزها "كوفي أولي" ولا كابتشينو؟!!
----
أبوحسين
ست القهوة ديك انت البتعرفها ،، وما بعيد تكون انت المعشم معظم ستات القهوة بالزواج.. اصلو انا قريت في تحقيق صحفي قبل كده انو في رجال ما عندهم شغلة غير القعاد مع ستات الشاي والقهوة غي الشارع وهات يا ونسة .. وابتسامة.. وكلام دقاق لغاية ما تتعشم الولية الغلبانة في بيت وعيال..
كلامك الدقاق ده بدل ما تقولو هنا في البوست ماشي حايم بيهو بالحلة.. فضحتنا الله يفضحك
غايتو رجوية دي حلوة.. يا داب بقيت تتكلم كويس
----
عاد ما بالغت يا مبيوع
بالدولار؟ لييه؟ الليمونة زرعها جد حنين البلد، والسكر جايبنو من الجمعية، والموية من الزير النضيف داك والغسلتو حنين قبل ما تفتح الحوش.. قال دولار قال
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
مافى مشكلة يا بوحسبن كمان حاجيب ليكم خرطوش مطافىء لكن مافى زول بيقدر يستعمله لا مبيوع عينى بارده ما تخاف
مبيوع
والله قلبى معاك بس الكويسة دخلت الحوش الكبير على لاقل تعلمنى والله جاينك قريب فى الطريق
رجاء
اقوليك القهوة خليها بدون سكر صلو قالوا ايديك طاعمه
وعلى فكرة دايرين حفلة بناسبةافتتاح الحوش رايكم شنو الاستاذ الموصلى عليه الوتر وتماضر مقدمة للبرنامج بس يا مبيوع اهم شىء ترش الارضية كويس اصلوا العوض حاف يمين يجيب اهل العوض والجماعة ديل ناس بروش عديل
مع تحياتى
@@@@@@@@@@@@@@@@@@@@@@@@@@
كم من ظلمة الليل من بهاء
ولكن كثيرون حولها الى ارتكاب المصائب
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
بلدي يا حبوب
تسلم يا ذوق.. الطاعم لسناك الما بيقول إلا الكلام الطاعم..
فكرة الحفلة دي تمام.. انا مستعدة اقيف ألفة على ناس مبيوع وأبوحسين عشان يقشوا الحوش نضيف وانا ممكن أرشو بعد كده.. ولا رأيك شنو؟؟؟
----
حنونة
وييينك يا شابة ؟ شنو عمايل السفير/ة دي؟ تفكوا البوست وتكبوا الزوغة.. وبعد ما يجي الكلام الشين تقوموا تكوركو بوستي وينو بوستي وينو.. ما تجو تحرسوا
عموما اطمني لغاية هسع معانا شباب تمام مع أنه أبوحسين جا برضو بي هنا.. لكن ما تخافي بي شنات كليماتو لكنو ما بتاع تخريمات.. اطمني
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
ازيييييييييييييييييييييييييييييييييييييكم كللللللللللللللللللللللللللللللللللللللكم
والله مشتاقين ياشباب كيف عاملين انشاء الله الامور تمام انا متااااابعة البوست لكن كنت مشغولة بجمع فى القريشات لى ايجار الحوش شفتونى حنينة كيف اجمع القروش بى سهر الليل والنايت شفت عشان انتوا يا حبان تتلموا والله انا سعيده بيكم كلكم حتى ابو حسين المشاكس انحنا يا ابو حسين الحوش ده لامى الناس للحب وبالحب ومع الحب حاجة غير كده ما دايرين انحنا دايرن محبة يا جماعة تعالوا نحب بعض ونخاف على بعض ونشيل هم بعض زيدون الفاتح ابو حسين مبيوع رجاء بلدى يا حبوب والله بريدكم كلكم يا اخوان لازم نحافظ على الحوش ده انا دافعه فيه دم قلبى ووالله زول يجى يخربوا لى الا اكان اداوسوا .
ابو حسين هدى اللعب تعال نجرب سياية تانية .
الفاتح صحى ابو القدح بعرف محل يعضى اخو الله لا جاب العض.
بلدى يا حبوب شكرا على الخرطوش احوش همبريبوا ضارب.
رجاء الحمد لله الجيتى بديتى تشمتى فينى الناس بس خاااااايفه جيتك تكون بعد ما شفتى الشباب جوه ههههههه.
ليكم كلكم والله انا سعيده بالحوش ده زى التقول حوش العيلة تسلموا.
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
وييييييييييييييييين ياحنين للبلد
الشوق قفف قفف ....
لي يومين لافي الحلة بفتش عليك ...
قلتي شنو
| Quote: بجمع فى القريشات لى ايجار الحوش |
| Quote: ده انا دافعه فيه دم قلبى |
زعلتيني ... إحنا قدرها يا حنين للبلد ... وقلبك دي يسلم لينا ... لمانا في الحوش الوسيع ده ... وكان لي حراسته ماتشيلي هم ...
هوي ... ياجماعة شخشخو جيوبكم ... عيب عليكم الكلام ده ...
يلا يارجاء ادي الحوش ده رشة ...
وانت يابلدي ياحبوب ... شوف لينا الموصلي وين ... عشان نفتتح الحوش ده.
| |
|
|
|
|
|
|
|
|
 Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
والله كتر خيرك يا حنين البلد قالوا جمعته قروش كتيرة للحوش الكبير رايك شنو ما دايرن ستات شاى فى الحوش ولا مكان للشيشة لكن رايك شمو نعمل فى الحوش كوافير وصالون حلاقة شايف ابوحسين كمان داير اعمل ليه كافتريا الظاهر مافى مشكلة يا سيدى بس لازم رجاء تديرها
مبيوع
ما تخاف انا عارف الخرطوش تقيل وبيعمل فلايد موصى ليك بدهان طرزان لزوم الفاليات بس شايفك المويه بقت تجرى فى الحوش الظاهر عليك ما بتدرش بتخد الخرطوش وتزوغ
ابو حسين
علشان نتأكد انو رجاء ايده طاعمة والله ما طاعمة جيب ليك بن حبشى وبس وخليه تعمل القهوة صدقنى لمن تشربها بتلاقاه سكرها كتير وهبهانه ضارب بس انته جيب البن
رجاء
شكرا ليك على الكلام الجميل بس اوعه تخذلينى مع ابو حسين
زيدون
ما تخاف الموصلى بحضر فى المفاجأة الفنية بس امسك الخشب مع تحياتى
ويا بكرى ابوبكر
تحياتى والله انته راعى الحوش وبالاجماع بس ما تكتر من الكروت الحمر اصلو الحوش ممكن تنظمه بالكروت الصفر
@@@@@@@@@@@@
كم من ظلمة الليل من بهاء
ولكن كثيرون حولها الى ارتكاب المصائب
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
بلدي يا حبوب
كيفك؟ ووينك؟ من ما بدينا نقول في الكلام "الحلو" شفتك كبيت الزوغة.. ما تخاف يا راجل.. والموضوع ما زي ما قالت حنين انو جينا الحوش بعد ما شفنا الجكس النضيف ده..
وما عندي مانع اعمل كافتيريا بس الدخول ليها حيكون للناس القيافة بس.. ونعمل فيها ركن انترنت وتربيزة بيلياردو وفيديو جيم وخلافه.. ولو أبو حسين ما لقى ليهو شغالانه حأوقفوا يعاين للناس البتلعب "بودي جارد" يعني، عشان ما تحصل مشاكل.. ويا ريت يبدا من هسع في التمرين والفرجة على أفلام "الأب الروحي" و"آل كابوني" ويشوف الشغل على أصله..
لووووووووووول
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
سلام رجاء
تعرفى الكلام الحلو قالوا تفاحة القلب وهلا بيك بس حبة مشاغل طيب الكافتريا رايك شنو نسميها مرافىء البورداب مش اسم حلو انا عارفك ما بتكون كافتريا تمام بس اهمه شى ما دايرت ست شاى تقعد بره ولا بتاع سيجاير جنب المدخل علشان الناس القيافة تجىء وابوحسين احسن ليه من حسه ذى ما قلته يتدرب على حكاية البودى جارد وانته الظاهر نسيته مبيوع ده جاهز ومتدرب وما تنسى ممكن تستفيده منه فى غسيل الاطباق ما قريته براه قال بقة مصاقر العده بعد ما ودع العزوبية مع تحياتى
@@@@@@@@@@
كم لظلمة الليل من بهاء
ولكن كثيرون حولها الى ارتكاب المصائب
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
ابوحسين
وين يا راجل شنو يعنى الظاهر داير تزوغ من الوظيفة والله شنو بس كتر من افلام بروكسى امكن الوظيفة تتطلب كراتيه بس انا لسه على راى جيب البن الحبشى تحياتى
مبيوع كفارة قالوا رش الحوش الكتير عمل ليك رطوبة بينى وبينك الرطوبة ده من غسيل العده الصباحى وين يا سيدى والله مشتاقين
رجاء
كل منانا وحياتك كترى من زيارتك
كلو تمام يا مديرة اى اوامر تانية والله انصرف مع تحياتى
حنين البلد
الحوش داير زيادة حنان والله مش كده سلام يا ريسة
زيدون
ما قلنا ليك الحوش ظاهر لكن الظاهر عليك بتمشى بيت العذابة ومرات اوضة البنات ليك حق تسأل حوشنا وين مع تحياتى
@@@@@@@@@@@
كم من ظلمة الليل من بهاء
ولكن كثيرون حولها الى ارتكاب المصائب
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
بلدي ياحبوب
كيفك ... عايز النصيحة ... همبريب الحوش دة دروخني .. لامن نمت .. بعد ماصحيت .. مالقيت اخوي مبيوع .. بيني وبينك ... ماعرفت رقبتي وين ..
اها ... اوضة العزابة خليتها ليهم زمااااااااان ... ملوها بالشمار والسعوط .. محل ما تقبل تلقي كيس ... جابو لي العشراقة والعاطوسة .. اتششششششششششششششششششم ... آححح .. الحمد لله... لكن اوضة البنات بعرفها ... دربها بي وين ؟؟؟
يابو حسين
عرفتا روبردي نيرو دي بسوها بشنو ؟؟؟
ياحينين للبلد
كدي ناوليني حلة الحنان دي ... انغرف منا شوية ...
| |
|
|
|
|
|
|
|
|
|
Re: يا بنات ويا اولاد يا شباب ويا شابات لا اوضتكم لا اوضتنا الحوش الكبير حق (Re: حنين للبلد)
|
يا اهلنا فى الحوش ازيكم انا والله قريت الموضوع بتاع الاخ بكرى عن تقليل المشاركة فى المواضيع التى لا تكون مهمة لذا اخوانا فى الحوش انا قررت بعد موافقتكم واستئذانكم ان اقفل الحوش ده احتراما وتمشيا لقرارات الادارة وان ندمج الحوش مع اوضة الاولاد بتاع السفيرة ويبقى زيتنا فى بيتنا وتبقى الصداقة قرابة ونكسب الودين لانه الموضوع واحد هذا بعد استئذان ناس الاوضة العزابة ويا جماعه نتلاقى فى الاوضة البهناك ديك وندى الفرصة لى موضوع تانى مع السلامة
| |
|
|
|
|
|
|
| |
مبيوع
ABUHUSSEIN
تراث
Raja
alfatih
بلدى يا حبوب
فيس بوك
تويتر
انستقرام
يوتيوب
بنتيريست