بعض من تصرفات السودانين الغريبة في بلاد الغربة!!

بمنتهى البساطة ..ووسط مركز تجاري كبير..و في نهاية الاسبوع...و المركز مليان بالناس...تقف امرأة سودانية و هي ترضع طفلها و هي تقف حول كمية الناس دي..و معاها زوجها و باقي اولادها


حاجة عجيبة مش؟


ما عارفة في ناس كدا بتصرفوا تصرفات غريبة من دون ما يضعوا في بالهم المنظر العام...و الفكرة التي ستاخذ عن جميع الجالية السودانية من تصرف هذه السيدة بس

رايكم شنو؟

انتي شوفتي حاجه دي حاجه بســيطه
ربـنا يســـتر

كل شاة معلقة من عرقوبه...
مالك شايله همنا يا أنسانة... دا الشوفتيه أنتى بس... الما شايفاه كتيييييييييييييير
الله معاك يا سودانى الجوه وجدانى...
لك الودّ
أنور
AnwarKing

بخاف

اي يمكن لكن برضو دا ما بسيط


انور كينغ

ما لكن دا بمسنى كلنا

انسانه الأنسانه

هدي من روعك أختي

وزي ماقالوا الأخوان دي بسيييييطه مع حاجات تانيه الواحد يعف عن ذكرها

وحقيقي بعض السودانيين وبال علي السودان وعلي أنفسهم

والله المستعان

هـوبليس

انتا يامان ما بتنوم؟

والله صراحه حيرتني عديل كده
48 ساعه يوميا في سودانيز اون لاين؟

كان كده نحنا كويسين

صنــديد والله يا هوبليس

انسانه اتفق معاك واختلف معاك فى نفس الوقت اتفق معاك انها حركة ما حضاريه لكن اختلف معاك انك ماعارفه ظروف المرة دى عشان كدا ماتحكموا ساكت ياجماعه
مافى زولة ممكن تعمل كدة مزاج بس فقد مرت بى حاجة زى
دى كنت فى مهرجان دبى سنة الفين وشفت نفس المنظر استأت
جدا ومشيت قريب من المراةوبتكلم مع البنات المعاى بصوت عالى "تنبحن العرس العرس عاجبكن الحال دا هسى"
اتلفتت علينا كدة وقالت لى ياخى ماتسى الظن بى والله
انا ما عاجبنى الحال دا لكن فجاة الشافع جاتو عشراقة
والبزه بتاعتو فى الشنطة شايلا ابوهو اعمل شنو يعنى
ما كان قدامى حل غير كدا وخجلانة جدا لكن ما بجاسف
بولدى عشان كدة
فجد بعد كنت مستاء منها ودعناها وانا افتخر
اعزازا بالمراة السودانية التى لاتقارن شيئا بحبها
لصغارها
لك التحية اختى العزيزة انسانه

[email protected]

Dear ensana,
I agree and disagree on this topic. Breast feeding is a natural process that mothers should not feel embarrassed to do because it's simply feeding/eating and it's not a sexual act (only for the one who wants to think about itthat way), but for the mother and the baby, it's a very human and natural experience.

I do agree however that, the mother has to cover herself well while trying to feed her baby because we all realize it might make many people (especially those with no kids) uneasy. So, covering up could be a good solution.

Ensana, I know you didn't mean just to criticize, but I am sure you don't have kids at this time, this is why the whole thing seems weird and distasteful to you.
Unfortunately, many women now feel the pressure to bottlefeed (I was one of them) so just to avoid such situations; I realize now it's not fair to the child_or the mother for that matter_ to compromise their health for such views.

Thank you for bringing up the subject.

ازيكم اتمنيت لو كان معاي كاميرا امريكيه في مطار سانت لويس وحكمة الله الشافع ارضع ويرطن علق صديقي السوداني دي لو سودانيه كانت كتلت الشافع بالجوع

ما شاء الله...عيني باردي...يا إنسانة...والله إنتي غيورة على بنات بلدك بصورة غريبة والله ....مما يدل على أنك تسبحي في أخلاق عالية والله من الرفعة والسمو..ربنا يزيد ويبارك ويحفظك
........................................
أقوليك يا انسانة
المركز دا وين؟ في بلاد العجم والله بلاد العرب؟
بعدين لما كانت ترضع الزولة في وليدها..هل الشطر ( النهد) ( الثدي) كان مارق والله مغتيا وليدا وشطرا بي حرف التوب....
وبعدين وين أب شنب أخو البنات..كان قريب ليها شديد والله زاغ منها
............................
يمكن في ظروف يا انسانة يمكن الوليد جاع شديد والجوع كافر
والمضطر تحلل ليهو الفطيسة
................
عشان كدة إنتي إنسانة والإنسانية مرحلة فوق البشرية

صباح الخير يا جماعة

هوبليس

شكرا ليك

WAD ELGAALI#4


ايوى يمكن عندها ظروف و الشافع كان جعان شديد و بكوريك و لا اي ظرف تاتي...بس دا مكان عام...و بعدين في المراكز دي في اماكن للصلاة مثلا كبيرة و ممكن كان تمشي ليها و في الحمام مثلا و هو برضو كبير و فيهو مساحة


Outcast

I am not talking about sexual act here, i know that this process is very natural one.

انا طرحتى الموضوع من نقطة المظهر العام لتصرف الناس في الاماكن العامة...في نظرية انا مقتنعة بيها انو الزول بمثل بلدو و الجالية الفي البلد المقيم فيها...و بعض الناس عندها نظرية التعميم

بعدين بالنسبة للرضاعة الصناعية انا ما معاها لعلمي بأنوا الرضاعة الطبيعية ما في احسن منها و الابحاث بتثبت كل يوم اهمينها للطفل من حيث و قايته من بعض الامراض مستقبلا و للام ليها فوائد تانية ما متذكراها حسي
بس يا ستي المرأة دي ما حتنقص من اهمية الرضاعة الطبيعية اذا في مثل هذه الحالات جابت معاها زجاجة حليب اذا اضطرت تستعملها..طبعا احنا هنا بنتكلم عن الموضوع بصفة عامة و ما عارفين الظروف الدقيقة لبطلة قصتنا دي

و اشكرك جدا عزيزتي على مشاركتك


almostkeen
ما فهمتك والله
على العموم شكرا لمشاركتك

سودانوبس

المركز في بلاد العرب يا ستي..و في الحقيقة انا ما شفتى الواقعة دي بس الوالدة حكتها لي و هي بدورها ما شافتها بس جارتها الكانت معاها شافتها و قالت ليها...المهم ايوى راجلى كان معاها
و حوليها

غايتو

صحي ما بنعرف ظروف الناس لكن شوفي انا او ناس تانيني ممكن نكون حكمنا عليها بس من خلال السمعناهو..صح؟!
شكرا ليك يا ستي

دا كلام دا عاد يا إنسانة..نبقي في امي قالت لى.. وامي جارتا قالت ليها.. شافت الشافا... دي بقت قطيعة دي.. يا انسانة..ما بقت نية قصدها الإصلاح

سودانوبس

لا ابدا يا ستي..الموقف دا حصل امبارح دي ..و انا ابدا ما مستبعدة انو يحصل حاجة زي دي

والله النية موجودة انو نصلح من بعض تصرفاتنا الغلط

ما احترامي لوجهة نظرك الاخت انسانة

لكن كما ذكر السابقين مسالة الرضاعة مسالة طبيعية وعادية وما مفروض الام ولا اي شخص آخر بعيد او قريب يخجل منها، طالما انها بترضعه وهي مغطية نفسها وما كاشفاها يبقى ان شاء الله لو في شارع الزلط

لك التحايا

الحمد لله الجات على الرضاعة وبس

انسانة
في الاسابيع الماضية كنت مع الوالدة بنلملم شيلة اخوي الكبير من اسواق الرياض ..
تمت بحمد الله وفضل الريحة بس...
وصف لي زول شغال معانا تاجر عطور في البطحاء وقال لي (ده زول ممتاز وتعاملو مريح)
ثم بعد يوم وصف لي واحد قريبنا نفس الزول وزاد انو التاجر ده كل السودانيين بتعاملوا معاهو لانو ما طماع واسعارو طيب..
ثم زول تاني وتالت ومرة تانية وتالتة
وهكذا لقيت كمية من السودانيين بشكروا في البني ادم ده ..
قلتا خلاص اسوق الوالدة وقريبتنا وامشي اشتري منو..
مشيت لقيت محلو مستف سودانيات بنات وحريم وشفع صغار..
زحمة لا يكاد يستحملها المحل..
المهم ..وقفت لحدي ما يفضى لينا
وقدامي مرتين في حدود التلتينات..واقفة ..قام التاجر عاين لي وقال لي انتا يا زا الوجه الطيب..قلتا ليهو عايز لي ريحة شيلة ..
قال لي كم كم؟؟
سكتا ما عارف طبعا..
قريبتنا المعانا قالت اتنين اتنين
المهم قام شيلك ..اربطك ختك ..لفك ..كبكب الريحة هنا وهناك..
ورفع قزازة المسك وكبا منها في قزازة تانية وقال لي مد يدك وقبل ما امد يدي
شيلك كب في طرف الجلابية بتاعتي .
وبدون اي تردد قام زحا يدو مني وبب....كبه جزء مقدر في صدر المرة القدامو..ومسحك.. امسح الصدر كلو عشان الريحة ما تعمل بقعة في حتة واحدة..
والله شوف عيني مسح ليك صدر المرةالقدامي من المحيط للخليج..
والمرة ماده صدرها لي قدام لحدي ما قرب يخش في العطور المعروضة في الرفوف..وتقول ليهو.. هي كدي نشوفا اصلية...
قبل ما اكمل خلعتي ..
كان مشى للمرة البي غادي ..وبي نفس الطريقة ..
وبي حدس من يخشى ان يؤخذ على حين غره اتلفتا وراي بفتش في قريبتنا قبل ما الصف يحصلها..
ولاني زول محبط بطبعي ولا استمرفي الدهش كثيرا و سمعت الكثير عن اهلنا في الغربة..
اكتفيت فقط بان قلتا لي للحاجة وقريبتنا اسمعوا كدي خليكم جنب الباب عشان الزحمة شوية..
واصل- .... - في وزن الصندل ولف الضفرة والمسك وانزال الريفدور والقلامور والقنرفل وقياس عرض الصدور الممدوده امامة مع ضحكة وبسمة عشان يقنع استغرابي ..
ولم يعلم ذلك الطيب اني ما كنت لاساله ولو خلعن له العباية التي تبلبلت حتى ضاع ت ملامحها ...
والسودانيات يملاون المكان ضجيجا وصخبا وضحكا...والبتقول ليهوعليك الله يا ....مد لي التلفون دقيقة
والبتقول ليهو: هي لكن ما بالغتا ..
والبتقول يا بت اضربي لي ابوكي خلي الليجي بعد ده ..
خمخم لي ريحتي وانا لا باسم ولا غاضب ولا فرحان ولا زعلان ..
ولا شي..وكأن الامر بدهي

فقط كنت اتذكر الرجال الذين نصحوني بمراجعةهذا التاجر لان نسائهم قالوا انو التاجر ده كويس واسعاروا رخيصة واصلية..

..
.
اختى انسانة
انتِ زعلانه على دى !!؟؟
والله لو بقت على الرضاعة هينة
لكن فى تصرفات والله تحير الما بحتار

كدى خلينى امشى اتغدى واجيك بالمساء

سلام
بس والله موضوع جيد خصوصا لو ذكرت الحالات
ودا تخصص بت قضيم وشيرى
فى النقد عن الخمج والفوضى البنعمل فيها دى
بس الليلة الخميس مش ؟؟

تانى سلام

المستكين
ممكن يحدث ارعب من كده في مطار سانت لويس او سان تيتيان ومافي زول يستهجن..عادي

بس كدي خلي واحدة تعمل كده في مطار سانت الملك خالد الدولي بالرياض ..
عشان ما يفضل في المرة سانت ميتر مربع..

ياخي الدنيا دي كلها في سوق البطحاء غاتي وشو الا انحنا.. ..

واكيد لان حريمنا اكثر جمالا..
في اسواق شمال الرياض ممكن عادي تفعل كما يفعل الرومان وتمشي بلا غطاء للوجه ..
لكن في جنوب الرياض (البطحاء)
قد تتمزق واحدة يوم الخميس او الجمعة بعد المغرب وهي تتجه نحو سوق التياب السودانية.. فلا يتبقى منها ما ينفع اهلها...
تتمزق وتقع في الارض وتتبهدل..
ثم يشوفوا ليها اقرب لموزين لستر ما تبقى منها ..
ويرفض بتاع اللموزين ..ثم يزداد الامر سوءا ويتقاطر مزيد من الهنود والبنغالة والكلاب ..
ومزيد من البهدلة ..
ويركز كم سوداني ويمني و سعودي
ويحشرونها في اقرب سيارة عنوة واقتدارا...
بعد ان يتناول عمته ويديها ليها بدل سترة..

وتمضي الى اهلها وقد دخل فيها رعب العالمين وبلا عباية...

ويمضي اخينا ذاك الى ما نوى ..و بلا عمه


يا خوانا

ما تسوقوا القوارير البطحاء يوم الخميس والجمعة..

لو مذنوقين في سفر وظروف دوام ..
عندكم سوق التياب في غبيرة..

حفاظا على عممنا يا خوانا

انا لا اعتقد ان هذه المراة عملت شيئا يستحق كل هذا الحديث، فما قامت به شي طبيعي جدا وهو اطعام طفلها، اما تصرفات السودانين في الغربة فتترواح بين العادية والشاذة، والشذوذ بين الناس ليس حكراً علي السودانين وحدهم،ولكن بشكل عام السودانين في الخارج نموذج مشرف للسودانين، مع وجود بعض الشاذين بالتاكيد ولكن ليس من قبيل ان ترضع امراة طفلها الجائع.

انسانة
مشكورة على البوست
وحقيقى فالنحافظ على مكانتنا واحترامنا لذاتنا فى بلاد الغربة خاصة
وللظروف احكامها وانا بشوف اذا كانت متغطيه وهى ترضع ابنها وده فى الغالب بكون مافيها حاجة


دكين
أشد ماهالنى قولك
ولم يعلم ذلك الطيب اني ما كنت لاساله ولو خلعن له العباية التي تبلبلت حتى ضاع ت ملامحها

كيف ذلك يارجل او ليس لديك ادنى شئ من الغيرة على بنات بلدك
سبحان الله
فالاخت انسانة هالها منظر ان ترضع امراة سودانية طفلها فى مكان عام
فاستنكرت ذلك وكان لديها من الغيرة على بنات وطنها مايبدو انه ليس لديك مثله

Quote: ستنكرت ذلك وكان لديها من الغيرة على بنات وطنها مايبدو انه ليس لديك مثله

ما يبدو فعلا

الاخ دكين


والله حيرتنى عديييييل كده فى دكان الريحة ..

يعنى نحنا كنا بنقول الحال هناك بقى سجم انت تؤكد حتى هنا كمان بقى رماد ؟؟

لا حول ولا قوة الا بالله

يازول الله المستعان بس

انسانه ازيك قصدى 1ـ ان الرضاعه امر طبيعي يمارسنه كل نساء العالم وقتما واينما جاع المولود 2ـ نحن كسودانين لا نرحم بعضنا بينما نغفر للغير لك الود كله

يا جماعة البوست بوستكم

شكرا للمشاركة

الأخ دكيـــن
تحياتي

قبل شهر واحد كنت منزل بوست حذرت السودانيات فيه من التاجر الإسمه يـ....اليماني دا..وقلت إنه حرامي بغش الصندليه والصندل ....وسكت عن باقي الكلام ..ما قلت إنه بعضهن وهن كتاار بساطهن معاهو أحمدي وشايلات رقم تلفونه زي ما شايلات أرقام تلفونات تجار كتااااار بضربوا ليهن قال كلما يكون في توب وللا ملايه ولا شبشب ولا عدة نزلت السوق جديده..والواحد لو دخل في تصرفات كتيرات منهن في البطحاء وغبيره وعتيقه والحدائق العامه...بطرشق عدييييل...بس خليها مستوره....العاوز أقوله إنك كان قريت البوست بتاعي ما كان إشتريت لأخوك صندليه تكلفتها 5 ريال بـ 20 وللا أربعين ريال...وصحيح الكبار كلامهم ما بتسمع...ربنا يتمم لأخوك على خير..بس ريحة زواجك ما تشتريها من الزول دا

اب دقن..
يامهموم
يبدو انو الرياض كلها بتعرف البني ادم ده....
ويبدو انو زولنا شغال تمتير سااااي في المضارب ...
والمسالة لا تحل على كما اظن بي حكاية انو المسك عندو ضارب ومغشوش او انو بنقص في الكيل والميزان...
ولااظن انو الغلطة غلطة هذا التاجر الفصيح..
او غلطة حريمنا خفيفات الظل ..
الغلطة ياخوي من البهيمةالبنزل حرمتو اسواق جنوب الرياض طرف البطحاء ويقول ليها: بعد صلاة العشا ابقي مارقة بي جاي..
او :لامن تخلصي دقي لي تلفون انا حاكون قاعد في الجمعية قريب عشان احضر كورة السودان والاسماعيلي.
هذا التعيس الذي يستخسر ان يرافق تعيسته في سوق لو بس الكهرباء فيهو حصل ليها التباس وفصلت لي مدة نص دقيقة لن يرى شيئا من بقايا تلك التعيسة....

يتركها هناك ليس ثقة بها فالمسالة التي تستدعي الثقة لم تمر بذهنة ابدا ..
هو فقط واثق من نفسو لدرجة انو ما ممكن يفكر في انو هنالك تجاوزات قد تحدث .. سواء ان كانت بحسن نية او بسوء القصد ..
يتركها ويمشى يدردم في سفته ويتضكرن على القاعدين بي صوته العاتي ..وينبذ المصاري في المبارة...

وعند العاشرة يتمرمط السودان من الاسماعيلي المصري ويتغلب ...
فيخرج صديقنا ليبحث عن نعجته التي تمرمطت عند الاسماعيلي اليمني بتاع العطور ..
مثل هذا التيس الذي يفضل الجلوس بالمنزل ومشاهدة مبارة السودان ضد الاسماعيلي على مرافقة النعجة الفكاها ترعى براها او مع جارتا في اسواق جنوب الرياض يستاهل انو التاجر المذكور يمتر ليهو في مضاربو لانو اصلا ما يستاهل حمى ..



ويجيني الاخ كبسيبة ويقول لي يبدو ولا يبدو ...
هسع في ذمتك يا كبسيبة كان قلتا ليها يا ولية اتلمي البستوي فيهو ده غلط..
قامت قات لي وانتا مال اهلك ..
اسوي شنووووووووووووووووو؟
اودي وشي من التاجر الشمتان وييييييييييييين؟
انتا قايلن ما بقولن؟

يا غيور ..
الموضوع اكبر من انو الشافع يرضع

بعدين ريحة زواجي هينة
الكلام النعجة القاها وين؟؟

الاخوة الاعزاء
الاخت انسانة
والله كلامك فى محلة نحن السودانيين عندنا كثير من العفوية واحيانا عدم المبالاة .زى واحدة تلقيها فى المستشفى العباية قصيرة والفستان ظاهر من تحت والاكمام قصيرة ولابسة شبشب ومع الشبشب شراب مش ممكن من الاول تشترى عباية على مقاسها وبدل الشبشب والشراب تلبس جزمة عديل كدة.
امبارح انا وزوجى كنا فى شارع الخزان والله انا طالعة من السوق مزهولة من حركات النسوان وكلامهم بصوت عالى وتنادى المصرى يا حمادة لكن والحق يقال ما كانوا سودانيات. لكن للسودانيات كلام تانى.....كم من البلاوى ترتكب باسمك ايها السوق.تصدقوا انة السودانيات بقوا يسرقوا الثياب ويدسوها تحت العباية ودة حصل من واحدة كان معاها زوجها وام زوجها .ولا حياة لمن تنادى .
ونعوذ من سوء المنقلب فى المال والاهل



اختكم محظوظة

دكين
أحبك يا جرئ يا واضح....كلامك صاح الصاح الصاح...البلاوي كتيره...وبقينا أكتر جاليه مشيولة حال في الرياض....لكن أحسن نسكت..عشان ما يقولوا حاقدين وبشنفوا حريمنا...تسلم

إنسانة , نايل , دكين والباقيين
التهاني موصولة ليكم كلمكم بي حصول إبنكم السوداني الجنسية بالميلاد , السوداني الحاز علي المركز الرابع او الخامس في مسابقة _ ما عرفنا والله اسم المسابقة لا انا لا صاحبي واحد فردة _لكن تحت تحت بقولوا عليها مسابقة إختيار ملك جمال الجامعة .
أها يا دكين الزول ده دخل التصفيات الأولية ووصل لي الإتناشر الأوائل وبي كدة وصل لي المنافسة النهائية في المسرح في اليوم الختامي المنقول علي الهواء مباشرة في اكتر من اربعة قنوات وحاضرو ممثل رئيس الجمهورية شخصياً , لأنو الرئيس كان عيان .
الزول لافي المسرح يقدل لحدي ما اللجنة إقتنعت بي جمالو ووصل لحدي منافسة الخمسة الأوائل , يعني مر من التصفيات الأولى والتانية وبقى في الخمسة الكرام مع البنات الخمسة الكريمات وواصل قدل لحدي ما راعت اللجنة شعور الشعب السوداني وقالت ليهو كفاك وتعال السنة الجاية بدري أو من ينوب عنك .
بعد المهرجان طلعنا سيرة بي العربات ولفينا الحلة وأبشر يا جميل .. غلطانيين؟
ملحوظة: كل من يأنس في نفسه الكفاءة الرجاء الإتصال علي الرقم صفر صفر صفر صفر صفر صفر , وحيلقى دعمنا ليهو أكتر من تشجيعنا لي الكورة الما بتجيب حق تذاكرا , يعني حنشجعو ونشد من أذرو زي ما شجعنا الزول السوداني ده . مش سوداني ؟ عشان بكرة يقولوا لينا السودانيين لا خلقة لا أخلاق؟





تيب اوف توداي
بس أموت وأعرف الزول ده لقى السلة المشط بيها شعرو لي نص ضهرو دي وين!! , يا واحد فردة إنت عارف ؟ في زول عارف ؟




أبنوسي

الاخت العزيزة انسانة
بالله اتخيلى معاى لو ان الاخ دطين كان قل عقلة واتكلم مع النسوان ديل امانا ما كان سجم رمادو عديل كدة.كانت قالت الاتى ـ
انت بتتكلم معاى انت منو عشان تتكلم معاى اخوى والا ابوى والا راجلى والله حاجة غريبة والا انت عاوز تفتح لك موضوع معاى(وهنا تبدا ترفع فى صوتها اكثر ليستمع اكبر عددمن المشاهدين). طبعا هم ما شافوها بتعمل فى شنو.وتستمر فى الاستفزاز يا خوى خليك فى حالك صحى الجمل ما بشوف عوجة رقبتو والله دة الفضل كل من هب ودب عامل فيها واعظ والعارف عزو كلام الناس ما بهزو ونحن والحمد لله بنات قبائل قايلنا مستجدات نعمة والا شنو .
تفتكرى دكين حيعمل شنو لواحدة الخراب فيها من جوة .ودة برضو حيكون منظر غير مستحب بين سودانيين فى مكان عام.

الاخ دكين
يا خوى تصرفك فيه كل العقل لا تستطيع فى ثانية اصلاح ما فعلتة السنين
اختكم محظوظة

محظوظة كيف تمام

والله ما فكرتى كان تصرف دكين دا صح او غلط...لكن اقنعني كلامك انه كان كان اتصرف عكس ما سوى

ممكن كان حصل ما قلتيه

لكن انت عارفة اختمال الناس البتصرفوا كدا ما عندهم وعي كافي لانهم اتربوا على كدا

طيب اذا ما ممكن نصلح الشي الغلط في تربيتنا حنطور من انفسنا كيف؟


اخ تبلدي

بس سؤال انت حفلة ملك الجمال دي وين في السودان ..و لا الحاصل شنو؟


معليش يا جماعة نعسانة عشان كدا اذا جملي ما متناسقة

وفي وسط متنزه عائلي

رجل بعمامة للسماء بيضاءءء

وابنه بيمينه شاب قوي

لوحة جميلة

ولكن اتلفتها تلك البنت على يساره

(ابنته)

ملابس ضيقة تكاد تتشقق عنها

وشعر لا يغطيه شيء

وصوت عالي

وعطر فائح

وياعجبي



صورة ثانية

وسط مجمع تجاري زجاجي جميل

الكل بابهى حللهم

واذا بسوداني شاب

سفنجة

جلابية مكرفسة

شعر منكوش

يمشي ويتفرج في الناس

ببلاهة


صورة تالتة

بنت سودانية تهرب

من اسرتها جهارا نهارا

وتعود للسودان


صورة رابعة

شباب في عمر الزهور

لا دراسة

لاشغل

ولبس اخر موديل

وموبايلات

صورة خامسة مؤلمة

جدا جدا جدا

قال لي استاذ عربي

كان استاذي في المرحلة الاعدادية

قال لي اتعلم بان

اقل التلاميذ تحصيلا

اصبح الطالب السوداني

بعد ان كنتم مضرب المثل في

التحصيل العلمي المرتفع

وان اكثر الطلبة

شغبا هو الطالب السوداني

بعد ان كان مثال الادب

وان اسؤ اخلاق هي

اخلاق الطالب السوداني

بعد ان كان مثال الاخلاق الحميدة


ويا اسفي