Post: #1
Title: حردان من البت القمرا
Author: زوربا
Date: 06-18-2003, 05:52 PM
هاي ... نيلينك والأبنوسه والشوق الجاري عليك
جدرانك متاكيه علي الجوا المهدود
بانينك بي عرق الكشة أو طين السخره
أو كوريتك رجعت تتدافق بالمافي
فرقت في المويه الصفرا
لمتين شوقك قاتلني ؟؟؟؟؟
سبحانك
حتي غيابك رتب سوق الألفة
بين ميشاكوس وحمار كلتوم
غنوك الشفع حبة زيتون
و ستات العرقي فكو طلاسم الجندر
ومابين الجندر والدقن الكاشحة صلاتك
شيلي الراء وختي الياء
وأقريها
فرقت في الإيقاد
فرتقتا الألفة البينا علي مجامرك دم
فرتق .... متفرتق
أو يتفرتق
أو بتفرتق
أو يتفرتق
أو فرتاقة
كضبت السمحة ...
مداحك والشاشوق
أو الشا شالوك
قفلت الباب ضد الريح السايقة غيابك
كان روحتي أنا ما بتنفس
عايش كيف
بالشهقة التطلع منك
فرقت في الرئتين
في النبقة التالتة المرقت من شكلة بغداد
لمحتك تختي الشايلوجي وود تيمية في نفس الكراس
قاااااااااااااااااااااااادر الله
ماركس فات لجوا بي نفس الباب الفرتق منو أبو نواس
فرقت في المد النوعي
واليد نيلين
|
Post: #2
Title: Re: حردان من البت القمرا
Author: shiry
Date: 06-18-2003, 06:03 PM
Parent: #1
سلام مربع
لسه باحاول بتنفس
وبحاول استوعبني
سلمت
|
Post: #3
Title: Re: حردان من البت القمرا
Author: ايهاب
Date: 06-18-2003, 06:10 PM
Parent: #2
زوربا انت مبدع عديل كدا
كل اود والتحايا
|
Post: #5
Title: Re: حردان من البت القمرا
Author: abuguta
Date: 06-18-2003, 06:12 PM
Parent: #2
زوريا
تحياتى
دى ما الرمزية ذاتها التى بحدثنا عنها الاستاذ الكتيابى
حلوة الروية الشعرية
وتسلم ياحبيب
|
Post: #6
Title: Re: حردان من البت القمرا
Author: زوربا
Date: 06-19-2003, 10:00 AM
Parent: #5
هاي ... نيلينك والابنوسة والشوق الجاري عليك
الزولة جدا شيري
لسه باحاول بتنفس
وبحاول استوعبني
سلمت
شدي الشهقة البتتطلع منها ... بتستوعبك والجوا الملايان
أديك العافية
أيهاب ... تسلم يا جميل
أبقوتة ... رمزية ... أستاذنا الكتيابي ... أنا راسي دقا في السما
تسلم
قليبي المهضلم : ونفس الرد القبيل بس الحنكشة هسه وينا ؟
أديك العافية
والريد نيلين
|
Post: #4
Title: Re: حردان من البت القمرا
Author: قليبى المهضلم
Date: 06-18-2003, 06:12 PM
Parent: #1
ونفس الرد السابق
الاخ الحنكوش جدا
زوربا
كمان كنت عايز تحرمنا من الابداع ده
حرام عليك
|
Post: #7
Title: Re: حردان من البت القمرا
Author: Zaydoon
Date: 06-19-2003, 10:25 AM
Parent: #1
زووووووووووووررررررررررررررربااااااااااااا
الموية الحمرا ديك .. شفتوها
الدافقة بين جضومو.. نسيتوها
بي جاي بنو فوقو بيت ندا
وبي جاي عشة بتعمل في الغدا
أزد لا أسكت الله لك حساً
واليد نيلين
|
Post: #8
Title: Re: حردان من البت القمرا
Author: Tumadir
Date: 06-19-2003, 10:31 AM
Parent: #7
زوربا
انت يا دوب وقعت لى
فى مدرسة شعر مخترقة لجدار لغوى جديد ومتعدد المعارف وجامعة ، طالعة من جيل ربته الانقاذ، او اتغرب من صلف الانقاذ، واننفتح على العالم وشاف غرور الدول الكبرى وظلم الانسان السودانى
وبحب
بكتب زيك
انا قريت شعر بهنس
وعدد من الشباب فى زيارتى للسودان واتيقنت انكم جيل بكرة الحيغير وش الدنيا
ويعمل ليه مكياج واحمر شفايف ويلبسو دمورية مرسوم فيها نيل ونخيل وابنوس واناناس
شعر جميل وفاهم ابعادو
امشى... وخطوتك بيضا
|
Post: #9
Title: Re: حردان من البت القمرا
Author: زوربا
Date: 06-19-2003, 11:00 AM
Parent: #8
هاي .. نيلينك والابنوسه والشوق الجاري عليك
أبقوته : حنكوش حنكوش ... تسلم يا بديع
زيدون : الموية الحمرا ... لون جضومه ما بتحمر ... تعرف ليه
سكن فى الأزرق بي كلو ... دمت
ذ/تماضر
البفوت قديمه بطش ..
أديك العافية
|
|