Post: #1
Title: وأ لُهك الغواة بغير علم ولو علموا لمااجترحوا الغواية
Author: سودانوبس
Date: 06-18-2003, 01:38 PM
هكذا قال شاعر الجمهوريين عوض الكريم موسى عبد اللطيف..عن عظيمة من أعطم نساء العالمين..وسريرة السر المكين..السيدة فاطمة بنت رسول الله عليه أفضل صلاة وأتم تسليم
وألهك الغواة بغير علم.. ولو علموا لما اجترحوا الغواية
فيا بنت النبي كرمت قرباً وطبت وسيلة وشرفت غاية
..........................
شيعة وغيرهم من الذين افرطوا فى الحب ففرطوا ..عذبهم سيدنا على بالنار...قالوا.إنها لذيدة فمن يحرق بالنار غير الله وقالوا: إن الله كان علياً كبيراً...إنجرفت بهم المحبة في متاهات الإنزلاق... ولكن تبقي الحقيقة في أننا نحب بنت النبي عليه السلام محبة علمية فى قصيدة طويلة.قالها عوض الكريم موسي عبد اللطيف
|
Post: #2
Title: Re: وأ لُهك الغواة بغير علم ولو علموا لمااجترحوا الغواية
Author: abu-eegan
Date: 06-18-2003, 09:12 PM
Parent: #1
الأخ أو الأخت سودانوبس
هاهي القصيدة العظيمة كاملة
إلى أم الحسين رقت نهايا يهيج ببابها مني جوايا
تطالعني بشائرها رخاءً وتسبقني لمرآها رؤايا
وهذا عاتقي قد ناء هما وهذه صفحتي خطت خطايا
وجئتك بالوشيجة لي شفيعا وجئتك طاويا عف الطوايا
ألا فلترفعي عني حمولي ألا فلتكشفي عني أذايا
مطهرة الحمى من كل رجس وفاطمة النفوس من الدنايا
وزهراء فإنك محض نورٍ من العظموت في بدء البداية
وحوراء فلم يمسسك سؤ وفي العقبى لهن كتلك آية
مدينته لأنت وكل علم وذي علم لديك من الرعايا
خليلك بابها نجم عليٌ وأنت البضع في أحنى الحنايا
وألهك الغواة بغير علم ولو علموا لما اجترحوا الغواية
وأورثك النبي السر صونا وقد أوليته حسن الرعاية
وقد أورثته السبطين كنزا أقام جداره خضر العناية
تقلب في قلوب أولي التناهي فكان له بمثوانا نهاية
فيا بنت النبي كرمت قربا وطبت وسيلة وشرفت غاية
|
Post: #3
Title: Re: وأ لُهك الغواة بغير علم ولو علموا لمااجترحوا الغواية
Author: سودانوبس
Date: 06-18-2003, 10:28 PM
Parent: #1
شكراً شكراً أبو ايقان..جزاك الله خير فقد أتيت بالنص
بس شوية تصحيح
فى البيت الأول...عني وليس مني كما ذكرت
بعدين ...سوء وليس سؤ
..............
بعدين أنتا عكست البيت
فى الأول تجيب خليلك بابها نجم على
ثم تجي لى البيت مدينته
إنتا جبتا مدينته فى الأول..كدة ما بتدي معني
.....................
بعدين يا اخي يا بو ايقان...حقو تخاطبني زي ما خاطبتك.أبو ايقان..
موش تقول الأخ أو الأخت سودانوبس..وتتحذلق بأنو سودانوبس دا ممكن يكون كدة أو كدة
إنتا عشان تكفي نفسك شر المسألة دي..بس قول سودانوبس...مالك ومال الأخ أو الأخت وتدخل نفسك في متاهات.... ..افرض عرفتا معلومات زايدة من الناس أو ما متأكد... بس أكتب سودانوبس... ما تدخل في شك وظن.....خليك دقيق كما تقول قواعد السلوك عندكم.. عامل بالشريعة وحسب القواعد المتاحة..ما تدخل نفسك في أخ او أخت...افتكر سودانوبس ..مذكر.. ولكن لو قلت سودانيةوبس تبقي مؤنث... يا ابو إيقان....
|
Post: #4
Title: Re: وأ لُهك الغواة بغير علم ولو علموا لمااجترحوا الغواية
Author: abu-eegan
Date: 06-18-2003, 10:40 PM
Parent: #1
الأخ سودانوبس
عفوا لم أقصد أن أسي إليك ، وإنما لم أتمكن فعلا من معرفة جنسك من إسم سودانوبس ، وعلى كل حال أنا شخصيا لا يزعجني مطلقا أن يظن أحدهم أنني أنثى ، وذلك لأن الأنثى محترمة ومكرمة عندي .. أوليست نفس كل منا إمرأة ؟؟
|
Post: #5
Title: Re: وأ لُهك الغواة بغير علم ولو علموا لمااجترحوا الغواية
Author: سودانوبس
Date: 06-18-2003, 11:29 PM
Parent: #1
سلام قولاً من رب رحيم....
أنا ما قلت ليك اسأت اليا...
ولكن يا سيدي انا بتكلم عن الدقة.. وللقراء حكمهم بالمناسبة الناس هنا فيهم الدقيق جداً.. بالمناسبة إنتا بقيت تتلولو..وأنا ما حا أرد عليك تاني.. أفرض ما عرفتني ذكر أو أنثي..ما أنا كنتا واضح معاك وقلتا ليك خاطبني بي سودانوبس... وبس.. زي ما أنا خاطبتك ابو ايقان....
كان أكرم لك أن تعتذر...
وبعدين نسيت حكاية التصحيح فى القصيدة مالك الصححتك فيهو.. وعلى طول قفزت للموضوع دا....
وبعدين إنتا قلتا حكاية رجل أو مرة ما بتزعجك... دا إنتا... هل تجعل نفسك حكم على الناس؟
خلينا يا ابو ايقان نستمتع ببهجة القصيدة...
وأخرج من هذه اللولوة بكلمة اعتذار تكون مقبولة عند الله ...
|
Post: #6
Title: اخ...لا ..اخت برضو لا..إإإإإ
Author: ودالسافل
Date: 06-19-2003, 03:03 AM
Parent: #1
السلام عليكم....
واللة العظيم الزول دا روحو مكركرة ساكت....
انت يازول ..اخ ولااخت...يعنى شنو؟
صارف ليك كلام...فى الفارغة؟
واللة حاجة غريبة.....؟؟؟؟؟
|
Post: #7
Title: Re: وأ لُهك الغواة بغير علم ولو علموا لمااجترحوا الغواية
Author: abu-eegan
Date: 06-19-2003, 06:10 AM
Parent: #1
الأخ الفاضل / سودانوبس
ألا تراني قد إعتذرت لك في قولي : ( عفوا لم أقصد أن أسيء إليك ) حسنا إذا هاك إعتذار أوضح : عذرا على عدم دقتي ويؤسفني حقا أنني قد أخطأت في حقك بعدم دقتي ولك العتبى حتى ترضى .. ولك الشكر الجزيل على إيراد هذه القصيدة العظيمة ولك الشكر أيضا على التصحيح في أبياتها
|
Post: #8
Title: Re: وأ لُهك الغواة بغير علم ولو علموا لمااجترحوا الغواية
Author: الجندرية
Date: 06-19-2003, 07:51 AM
Parent: #1
سلام الناس الهنا
ياريت لو نزلتو القصيدة مسموعة
ولو كمان معاها اماه يا خديجة
تكونوا كسبتوا فينا الاجر
|
Post: #9
Title: Re: وأ لُهك الغواة بغير علم ولو علموا لمااجترحوا الغواية
Author: سودانوبس
Date: 06-19-2003, 08:01 AM
Parent: #1
. .يا عمر...نزل للأستاذة الذواقة دي هنا.. قصيدة السيدة فاطمة .وقصيدة أماه يا خديجة.يا ريت بصوت محاسن وصوت فردوس
...................
أبو ايقان اشكرك الشكر الذي انت أهل له.. وتسلم يا سيدي
|
Post: #10
Title: Re: وأ لُهك الغواة بغير علم ولو علموا لمااجترحوا الغواية
Author: الجندرية
Date: 06-19-2003, 08:06 AM
Parent: #1
سودان وبس
سلام
والله ياريت لو بي صوت محاسن
اين هذه الجميلة الان ؟
|
Post: #11
Title: Re: وأ لُهك الغواة بغير علم ولو علموا لمااجترحوا الغواية
Author: سودانوبس
Date: 06-19-2003, 12:53 PM
Parent: #1
في أمريكا تصدح هنالك يا جندرية بالنغم العذب.. والصوت الملئ بالدين. والأدب والتواضع
|
Post: #12
Title: Re: وأ لُهك الغواة بغير علم ولو علموا لمااجترحوا الغواية
Author: سودانوبس
Date: 06-19-2003, 01:44 PM
Parent: #1
يا جندريتي... اقولك ما تمشي الموقع دا..وهناك تجدي مئات القصايد من إخلاص ومحاسن وكرومة وغيرهم... وتكوني ريحتيني من تحميل الصوت وكمية الميقابايت.. وخاصة بكري هنا محددها برقم ليس بالكبير.. ثم العمل الطويل في رفع فوايل الصوت.. امشي هناك يا حبيبتي وتجدي كل شي جاهز من الإنشاد الديني والموقع هو
http://www.alfikra.org
|
Post: #13
Title: Re: وأ لُهك الغواة بغير علم ولو علموا لمااجترحوا الغواية
Author: سودانوبس
Date: 06-20-2003, 02:34 PM
Parent: #1
لذة الفكر عندي تسمو على لذة الإدام والشهوات الأخري جميعها
وإني ارقص طرباً وأمام ناظرى الكلمة الصادقة ارقص كما يرقص راقص داخل حفل موسيقي صاخب..ارقص وأنا معتدل ويرقص وهو مخمور متمايل
كلمات سودانوبس
|
|