Post: #1
Title: اخخخخخخخخخخ .........من نكات زمان
Author: garjah
Date: 06-18-2003, 08:01 AM
كان في واحد سايق عجلة
ضرب الجرس كلينق
ود نفاش قال ليهو
عندك فكة شلن
كان في صيني ماشي وماشي
لاقتو حفرة وقع اتكسر
الحصل شنو ياناس
لو زول حكى ليك الكلام الفوق ده بتضحك؟؟
وليه زمان كنا بنضحك من نفس الكلام
هل الناس اتغيرت والا اتغيرت تركيبة النكتة
وتغيرت فطنة الناس وضغوط الحياة
يمكن مستوى التعليم
يمكن ويمكن
احلى ناس والله مشتاق ليكم يا كعبين
|
Post: #2
Title: Re: اخخخخخخخخخخ .........من نكات زمان
Author: مهاجر
Date: 06-18-2003, 08:07 AM
Parent: #1
والله شوق مطر
لكن لو كتبنا قلنا قرجة يبقي خالفنا راينا زمان وتجيك الجندرية تقول يا مهاجر وين كلامك الزمان
بجيك صادي
|
Post: #3
Title: Re: اخخخخخخخخخخ .........من نكات زمان
Author: قرشـــو
Date: 06-18-2003, 08:07 AM
Parent: #1
حبيبنا قرجة
صباح الورد والجمال
صباح الضحك والفرفشة
والحمد لله على سلامتك وين كنت لابد ياخوى
لعلها نظرة لعامة السلوك السودانى
حقا كانت تضحك الناس نكات بايخة جدا بمنظور اليوم فلماذا ؟؟
حتى الكوميديا كانت بايخة جدا ولكن الناس كانوا يضحكون
ربما كان الهم قليلا فاقل نكتة تضحك
واليوم اصبح الهم جبالا ويتطلب نكاتا ذات قوة ثلاثية للضحك
فاصبحت النكتة صنعة كما نرى واصبحت لها عصابات
ولكن من عجب اصبحت النكت على القبائل والجماعات بينما كان ذلك محظورا فى السابق بل وربما يسبب مشاكل لا حصر لها
شكرا للنقد البناء سيدى ونرجو ان نرى وجهة نظر الاحباب
ماذا يضحك فى
ود نفاش انقلب فشفاش
؟؟؟؟
لعل اصغر طفل ان قلتها له فسيفحمك بانه يستحيل حدوث ذلك
لك الحب برضو
والقرقرة
|
Post: #5
Title: Re: اخخخخخخخخخخ .........من نكات زمان
Author: اساسي
Date: 06-18-2003, 08:14 AM
Parent: #3
اخخخخخخخخخخخخخ .......وين انت
مرة كنت عاوز انزل بوست اسال منك
لكن قلت احسن اتريث امكن الزول دا
لابد فوق راي
مشتاقين
|
Post: #4
Title: Re: اخخخخخخخخخخ .........من نكات زمان
Author: sentimental
Date: 06-18-2003, 08:14 AM
Parent: #1
قرجة
ما سمعت بى ودنفاش الدخل القراش وانقلب فشفاش
|
Post: #6
Title: Re: اخخخخخخخخخخ .........من نكات زمان
Author: ابو جهينة
Date: 06-18-2003, 08:20 AM
Parent: #4
قرجة الضكران : صباح الخير
أولا : هل وصلتك رسالتي ردا على رسالتك ؟
بعدين يا قرجة يا أخوى ، الزمن إختلف طبعا ، الناس زمان كمية الدهشة عندهم بسيطة ، عشان كدة أي قفشة بتخليهم يضحكوا ، أما الآن ، فإن الحالة التي يعيشها الناس في كل مناحي الحياة تجعلهم مطحونين و معجونين بالدهشة ، لذا كان لا بد للنكتة أن تتجاوز حد الدهشة إلى حد المبالغة المضاعفة ( ككبسولات الأنتي بايوتيك ) حتى تستطيع أن تدغدغ حواسهم و تصل إلى مراكز الضحك في أمخاخهم التي صارت فقط مركزة على ( المادة و كيف يجمعونها.
تسلم قرجة. و رد على رسالتي
|
Post: #7
Title: Re: اخخخخخخخخخخ .........من نكات زمان
Author: مهاجر
Date: 06-18-2003, 08:21 AM
Parent: #1
والله شوق مطر
لكن لو كتبنا قلنا قرجة وين يبقي خالفنا راينا زمان وتجيك الجندرية تقول يا مهاجر وين كلامك الزمان
بجيك صادي
|
Post: #8
Title: Re: اخخخخخخخخخخ .........من نكات زمان
Author: garjah
Date: 06-18-2003, 08:53 AM
Parent: #7
الاحباب
مهاجر
قرشو
اساسي
سنتمنتال
ابو جهينة
مشكورين على الطلة الحلوة
برضو زمان كنا بنخوش السينما وكانت تسيل دموعنا انهارا
عندما ياتي موقف محزن....وخاصة مع نهاية الفلم
وكان لي صديق اسمه سيف يجهش بالبكاء
عند تلك المواقف
وكنا نقول ليهو تدفع قروش وتخوش الفلم عشان تبكي
والان تشاهد نشرة الاخبار وياتي خبر مجزرة وجثث وانت تتعشى
عاااااادي
|
Post: #9
Title: Re: اخخخخخخخخخخ .........من نكات زمان
Author: بدرالدين شنا
Date: 06-18-2003, 08:53 AM
Parent: #1
قرجة سلام
عليك الله أحكي لينا نكتة الزول الخرت ليهو الطيرة في راسو وقال ليها يخسي عليك ما عندك لباس
|
Post: #10
Title: Re: اخخخخخخخخخخ .........من نكات زمان
Author: garjah
Date: 06-18-2003, 09:05 AM
Parent: #9
البدري
ما تحكي نكت بالنهار حبوبتك بتموت
|
Post: #11
Title: Re: اخخخخخخخخخخ .........من نكات زمان
Author: garjah
Date: 06-18-2003, 09:15 AM
Parent: #10
الحبيب ابوجهينة
المصريين سبقونا كتير في القفشة والنكتة
ولما سمعوا انو السودانيين بدو ينكتو
قالو اكيد جاعو
ونتلاقى في المسنجر
|
Post: #12
Title: Re: اخخخخخخخخخخ .........من نكات زمان
Author: مهيرة
Date: 06-18-2003, 09:23 AM
Parent: #10
ابقرجة اخوى
كيفنك
نسيبتى الله يرحمهاعاشت بين زمنين،الزمان السمح والزمان الشين اها على آخر ايامها كان اى حاجة ماتعجبها تقول:
حليل زمن الزمان الزين والشعر مغتى الاضنين
هو ناس ما عندها شعر زاتو الضاحكة ليها شنى!!!
تحياتى
|
Post: #14
Title: Re: اخخخخخخخخخخ .........من نكات زمان
Author: garjah
Date: 06-18-2003, 11:34 AM
Parent: #12
الاخت العزيزة
دكتورة مهيـــــرة
لكن نسيبتك ما سمعت بشامبوهات الزمن ده
كان الشعر عدى الاضنين وداعب الرقبة قزازة عصير
وكريمات شد البشرة الخلت الحبوبات ينافسن بنات الطاشرات
تسلمي على الطلة
|
Post: #13
Title: Re: اخخخخخخخخخخ .........من نكات زمان
Author: بدرالدين شنا
Date: 06-18-2003, 11:25 AM
Parent: #1
بسم الله الرحمن الرحيم
الساخر حد السيف قرجة
Quote: البدري
ما تحكي نكت بالنهار حبوبتك بتموت
|
حبوتي شايفا يعني خلت الشامبو في الحمام ولا عدة تسريحها قدام المرايا؟؟؟
|
Post: #15
Title: Re: اخخخخخخخخخخ .........من نكات زمان
Author: ابو نور
Date: 06-19-2003, 08:38 AM
Parent: #13
استاذنا/ قرجه
ما قلت لينا كنت غاطس في ياتو حلة بطاطس
اول امس فس سيرتك مع ناس الزومه في بوست
..تقليل المشاركات
ده انت حبيب الكل
لك كل الود لك كل التحايا
ابونور
|
Post: #18
Title: Re: اخخخخخخخخخخ .........من نكات زمان
Author: garjah
Date: 06-19-2003, 10:57 AM
Parent: #15
اخوي السغير
ابو نــــور
كيفك وكيف الامورة نـــــور
وتسلم لينا بفكرك المنير
وقلمك الوضيئ
ولا عدمنا طلتك
اخوك كان ماخد اجازة صغيرة
وعدنا ليكم يا احباب
|
Post: #17
Title: Re: اخخخخخخخخخخ .........من نكات زمان
Author: garjah
Date: 06-19-2003, 10:48 AM
Parent: #13
البدري
خاتف حلا
بي دلوكتك والا براك؟؟
الليلة الخميس
ممكن تقد فيهو خمسة دلاليك
الدلوكة تسخينا علــــــيا
يا البدري بيسحروك ليـــــا
|
Post: #16
Title: Re: اخخخخخخخخخخ .........من نكات زمان
Author: مبيوع
Date: 06-19-2003, 08:51 AM
Parent: #1
سلاااام
مره شفت لى برنامج تلفزيونى
ابيض واسود
واحد كان بيحكى نكات
والجمهور بدل ما يضحك
كان بيصفق
الظاهر الوكت داك
الضحك كان مصنف
نوع من قلة الادب
|
Post: #19
Title: Re: اخخخخخخخخخخ .........من نكات زمان
Author: garjah
Date: 06-19-2003, 11:08 AM
Parent: #16
الحبيب مبيوع
ياخي نحن شعب مجامل اكتر من اللزوم
يعني اي واحد يحكي ليك نكتة
لازم تضحك ليهو
ومرات ممكن تكون مقهي منتظر النكتة تخلص
الزول يقول ليك
ما خلصت شنو؟؟؟
تقوم تضحك
غايتو ماعارف لكن السودانيين حكاية التمثيل دي حقو ينسوها
ويشوفو حاجة غيرا نبدع فيها
وتماضر ما تزعل وهي فلتة في مجال المسرح ضمن قلة تعد على اصابع
اليد المقطوع منها اصبعين
وعشان نطلع من مسرحنا المتخلف لازم ما نحاكي العرب
لانو طباعهم مختلفة تماما عن السودانيين
ونفتش عن نفسنا في بلدنا
ولكي نصل العالمية لا بد ان نمعن في المحلية
|
Post: #20
Title: Re: اخخخخخخخخخخ .........من نكات زمان
Author: bint algazeira
Date: 06-19-2003, 11:45 AM
Parent: #19
قرجه يااخوي الكبير
سلام وحمدلله الجيتنا طيب
Quote: البدري
ما تحكي نكت بالنهار حبوبتك بتموت |
ههههههههههههه زمان قالوا لينا حبوبتك بتروح ماقالوا بتموت
لكن اظن الزمن دا الحبوبات بقن تفتيحه عشان كده مابيروحن
قرجه اسمع دي
قالو واحد مسطول شايل ليهو لوح تلج في راسو والمويه بتنقط فيهو
قال اموووت واعرف البتاع دا مقدوود وين
ههههههه دي اقدم من حقت ودنفاش
لكم تحياتي
|
Post: #21
Title: Re: اخخخخخخخخخخ .........من نكات زمان
Author: garjah
Date: 06-19-2003, 12:01 PM
Parent: #20
اختي الحبيبة
جزيرة دووتر
هههههههههههههه
اول مرة اضحك من الصباح
لكن النكتة دي ما قديمة......يادوب بتكون مارقة من الخرتوم
يعني بتتلقي في المسيد كده
تسلمي
|
Post: #22
Title: Re: اخخخخخخخخخخ .........من نكات زمان
Author: garjah
Date: 06-21-2003, 06:43 AM
Parent: #21
عتود خالتي نفيسة معذب العزابة
يختو العيش للغدا يجي ياكلو ليهم
يكسر ليهم العدة
ينطط ليهم في عناقريبم
واحد فيهم قال ليهم انا الليلة بريحكم من عتود خالتي نفيسة ده
العتود جا داخل البيت اخونا مسكو وضبحو وسلخو
وهاك يا شوي ولحمة محمرة
بعد ضربو مظبوووط جو يدخنو لقو السجاير خلصان
واحد منهم ماشي الدكان يجيب السجاير لاقتو خالتي نفيسة
قالت ليهو
ازيييك يا محمد يا ولدي
اتلفت عليها بسرعة وقال ليها
عتووووود شنو؟؟؟
|
Post: #23
Title: Re: اخخخخخخخخخخ .........من نكات زمان
Author: garjah
Date: 06-21-2003, 07:15 AM
Parent: #22
من نكات الاغتراب
اخونا عمرو قررررب من اواخر الاربعينات
وامو شفقانة عليهو كيف ما يعرس
اتفقت تختار ليهو واحدة على مزاجا
وفعلا تم الزواج وارسلت ليهو العروس طرد
اخونا استقبل عروستو في المطار وقعدت جنبو في العربية
وما كان متخيل انو الحجة الوالدة تختار ليهو حاجة شششرط للدرجة دي
وهو سايق وكل شوية يتلفت عليها ويقول
ما بالغتي يا يمة
وبعد شوية كمان
هي لكن ما بالغتي يا امي
وكمان شوية
علا ما مبالغة عدييييل كده
يا امي
|
Post: #24
Title: Re: اخخخخخخخخخخ .........من نكات زمان
Author: Teeta
Date: 07-10-2003, 10:02 AM
Parent: #1
الاخ قرجه
سلام كيفك
ارحت اعصابنا فى هذا الصباح الخريفى الجميل كلامك حلو
وهاك دى
ود نفاش راكب العجله ضرب ليه كديسه قالت نجاو قال ليها ما بتعرفى الهظار؟
حموده حلاق الجامعه رحمه الله وطيب ثراه نكاته كثيره وربما تكون ما قالها لكن فى الوقت داك كانوا اى حاجه ينسبوها ليه
فى اتنين مكيسين بعض وكان كيس معروف فى الجامعه بعدين قالو البت جات ماره قام حموده قال ليها بتفتشى فى الكيس بوك بتاعك case book
تحياتى
ام الاء
|
Post: #25
Title: Re: اخخخخخخخخخخ .........من نكات زمان
Author: Tumadir
Date: 07-10-2003, 11:13 AM
Parent: #24
بمناسبة تماضر والمسرح
انا اول مرة اجرب قصة القفشات فى المسرح دى فى لندن
على وزن
stand up comedy
الامريكية
فى حفل الاطباء
كرهتهم فى الطب وقرقروا لامن دموعهم جرت
بديت ليهم من السلفا، مرورا بالجينسن البنفسجى داك وماشى لغاية حكاية انو ما بوا كلوكلو ونضافتهم الزايدة وفلهمتهم فينا،
المهم كلو ارتجال بس من قرائن الاحوال
تماضر فى عينك
ومسرح فى راسك المقودس دة
انا ما بحكى نكت انا بعملها
المهم ناسو ود اب قبورة، كانوا بشتكوا من صرامة الجمهور،
قالوا لمن يعملو قفشاتهم دى الناس صارمين ما بضحكوا بقولوا ليهم : ايا والله ما قلت الا الصح
بضم الصاد
وبالمرصاد
هاهاها
|
Post: #26
Title: Re: اخخخخخخخخخخ .........من نكات زمان
Author: garjah
Date: 07-12-2003, 07:43 AM
Parent: #25
الاخت ام الاء
تحياتي النواضر
من ضمن ما حكي عن حمودة حلاق الجامعة انه كان يحلق لشخص اصلع
فحضر شخص اخر للمحل وطلب منه شئ فقال له حمودة
خليني اخلص من خالي الزهن ده
واقترح عليك عمل بوست لجمع قفشات حمودة وستجدي الكثير
من القفشات
والتحايا النواضر لتماضر
ما تختي طوبة جدة في الصف ...بعد لندن والمدن البااااااااردة
عندنا حر الايام دي
فظيييييييع
ما عارف يا استاذة انا بحب التمثيل الصامت
والبيعتمد على حركات الممثل
اكتر من النضمي الكرهونا فيهو المصريين
بالله حاجة ممكن تنتهي في ساعة
يمطوها ثلاتة ساعات
|
Post: #27
Title: Re: اخخخخخخخخخخ .........من نكات زمان
Author: Tumadir
Date: 07-12-2003, 11:09 AM
Parent: #26
نحن مرة جمعنا سيناريو كامل لمسلسل مصرى
واتخيلناه بكون قاعد فى الارشيف بجوا الكتاب يشيلوا منو ، وعليه يسوا
الجوازة دى مش لازم تتم
على رأى المثل جات الحزينة تفرح مالقتشى مطرح
يا سعادة البيه الغيط بيتحرىء
آفلة على نفسك ليه يا حبيبتى
بحبو يا بابا بحبو
الخ الخ الخ
اها المسلسل السودانى قاموسو شنو؟؟؟
|
|