سؤال لكل من يريد زوال هذا النظام

سلام
في البدايه اريد ان انبه بانني لا انتمي الي اي لون سياسي
لا حاكم ولا معارض
وليس لي النيه حتي بالالتحاق لاي حزب

سؤالي هو
هل هناك من هم يستحقون ان نامنهم علي بلادنا وانفسنا؟؟؟؟؟؟؟؟؟؟؟؟؟؟؟؟؟؟؟؟
الاجابه لا اعتقد

ملحوظه
لن نرضي بمن كان يحكمنا يوماً ما ولم يعمل لنا اي شئ

سلامي

والناس الما حكموكم ,ولم يتحملوا وزر اي تجربة حكم بالسودان ولكنهم التزموا دائما خط الشعب مقدمين الشهداء زالمناضلين علي مر السنين ما تصنيفهم عندك؟
وعذرا للسؤال الصورة دي صورتك؟اصلها بتشبه لي صورة واحد من الذين تحدثت عنهم ؟
وسؤال اخير وايضا اعتذر لتقديمه ولكن ماذا قدمت انت من اجل الوطن حتي نعلم علي اي اسس يكون حق الاختيار؟ لك محبتي

ناس البلد الواحده ازيكم

انتو جيران هناك؟؟؟

صديقي عمده
صديقي الذي امتن له بالفضل الكبير الفاتح

سلام يا حلوين

رايكم شنو نجيب ناس يحكمونا يعني عماله اجنبيه من شرق اسيا ويكون حاكمنا واحد رفيق بفوطه

انا مافي معلوم
هو في زول في معلوم
صديق سوي حكم جلدي جلدي
حاضر ابويه انا ريس بس لازم في بدلات كتير
انا هنا ريس بالقوة انا مافي حبو كدا
رفيق سوي حكم اصلي ما تغش
ههههههههههه انت في قرقر كتييييييييير .. روح سوي نوم
انا في حكم اصلي اصلي

[


اخى الفاضل زوال هذا النظام حتمى0 ولا يمكن لاى حد ان يحدد من يريده او لا ونحن نترضى ما ترتضيه ارادة الشعب السودانى

اخي الطاهر
سؤالك الاول اعتقد انني اجبت عليه في البدايه بطريقه او باخري
اما عن الصوره فهي لسوداني ان كنت انا او احد غيري ولكنه بالتاكيد لم ولن يشارك في اي مهزله حصلت او ستحصل يوماً ما
اما سؤالك الاخير انا اكتفي باضعف الايمان
لم اعمل شئ؟؟؟؟ ربما
ولكن هذا لا يمنع ان لي حق الاختيار ما دام من قاموا بالبيع والشراء فينا لهم ذلك الحق

صديقي العزيز هوبليس
والله اظن ان ده كان افضل
وفي راي كان افضل للسودانيين حكم الاحتلال وليس الاستقلال
وانا عندي راي في الكلمه نفسها هل نحن استقلال ام استغلال

ود محجوب انا لا اريد اهذا النظان ان يبقي ولكني اتساءل من سياتي بعده؟؟؟؟؟؟؟؟؟؟؟؟؟؟؟؟

شكراً لكم

احسن نجيب العنقليز يا هوبليس
نحنا جربناهم وعارفنهم
والعرب قالت جنّا موالفو ولا جنّا ما بتعرفه

وكمان العنقليز اولاد قبايل وما بظلموا زول لكن كان وقعت في ايدهم وانت غلطان بوروك النجوم في عزّ الضهر

وبياخدوا للمسكين حقه من القوي مهما كان القوي بس ما تخاصم ليك زعيم إدارة أهليه دي هم ما بقبلوا فيها... وما تبقى شيوعي .. لكن ما عندهم مانع في أي حاجة تانية

والله ياهوبليس كان ما العنقليز ومدارس الداخليات كنت انا أكون سارح ببقري هسع في ام طرقن عراض ... لا كمبيوتر ولا نت ولا سبعة ارباع

اها رايكم شنو ... نكوّن الحزب الإنجليزي الديمقراطي وأكيد السفارة في الخرطوم حتدعمنا وبنكون مروقين والكاش راقد ... ماتنسى ياهوبليس هم ذاتهم بفتشوا على الرجعيين الزيي وزيك كدا

الجفلن خلوهن اقرعوا الواقفات

كانتونا_1 يا اخوي
هن العنقليز ديل قايلون بيتغشو تاني
ديل ماصدقوا اتخارجو

شعب جنو نقه البيرضى يحكمو منو ؟؟؟

والله الرفيق الجايبنو ليكم بتأشيرة رئيس انا خايف بعد شويه ينقل مهنتو لبائع ليمون

ودحين دا مو قولك

الجفلن خلوهن اقرعوا الواقفات

عمده

تحياتى

جمهورية الموز الديمقراطية

مرحب بيكم احبابي
سلام عزيزي هوبليس
والله زي ما قلت العنقليز ديل تفتيحه ما ممكن يغلطو تاني
واظن والله اعلم انهم شكروا ربهم بانه قد نجاهم من بلد كهذا


سلام كبير للصديق ارتيقا

يا مبدع مسرحيتك واقعيه وممتعه والله لو كنت قد رايتها لما كتبت هذا الذي كتبت
شكراً لك

سلام

الاخ العمدة

نهارك سعيد


والله كلامك ده تقريبا كلنا بنقولوا بس فى سرنا
عشان اكان قلناه هنا بنتهم باننا رجعيون - كما قال الحبيب كونتانا - واننا كيزان كمان واننا ظلاميين والى اخر قائمة النعوت المحبطة والحاجرة للحريات بينما اولئك يدعون الديمقراطية والحرية ولكن لا يسمح لك قول كلمة الحق هنا..

ماذا نقول اخى ؟؟

عندك حق عزيزي قرشو
الاتهامات تاتي من ناس يدّعون الديمقراطيه وهم منها بعاد كبعد السماء من الارض

العزيز عمدة
سلام

اول حاجة انا من يريد زوال هذا الكابوس من ارضنا الحبيبة
لأنو الكلام الكتير العملوهو فى سنواتهم الاربعة عشر سنة دى
ياهو نفس الكلام القديم و الذى بسببه اسقطو به من اسقطو
من الحكام
الجبهة يا خوى هى سبب ازمتنا الحقيقية بدليل الارهاب الفكرى
و الاقتصادى و النفسى وكل ما تمتلك من قوة لالرهابنا منذ قيامها

امتلكت كل الاجهزة الارهابية لتخويفنا ابتداء من الغذاء لاخر نقطة يحتاجها الوطن الفقير فى العهود السابقة وسخرت هذا لاضعافنا تارة بالتجويع وتارة بالتخوين واخرى بشراء الاصوات المأجورة حتى تطبل لها

حينما كان الجفاف يصطاد القرى والمدن , كانت هى تصدر الغلال الى السعودية عن طريق الطيب النص و منظمة الدعوة
وعندما اكتشف الزيف , رموا الغلال فى النيل لكى تعيش الاسماك ويموت الطفل والمرضعة والكهل

وعندما كانت فى الحكم الديموقراطى سعت بكل السبل لاسقاطه سواء بالمظاهرات او الاعلام الزائف

وكانت ايضا فى مايو تنهب ثروات الوطن وتختزل القوانين الاسلامية فى الحدود وقتلت مظاليم وتركت المجرمين من اصحابها

و الان وعلى فترة حكمها حدث ولا حرج فى ذلك , صفت البلاد من التعليم ومن الاقتصاد و من البشر , شردتنا فى اصقاع الارض ونكلت بنا , وعمقت الحرب فى الجنوب ياسم الجهاد وفى النهاية يبرأ قائدهم ابن سلول الجهاد من جنوب السودان !!

انهارت الاخلاق لاول مرة تصل الدرك الاسفل من التفكك و الرزيلة !!

و المؤسف فى كل هذا العبث انو باسم الاسلام !!

اى حزب من الاحزاب الوطنية فعل ذلك بالله عليك ؟
هذه الاحزاب من عامة الشعب , وفى حكمها كان الانصاف وكانت الديموقراطية التى تجعلنى اتحرك بحرية داخل المليون ميل وتجعلنى اتحدث باسم من يحتاجون واقول للحاكم الاعور اعور ولا اكذب عليه بالاطراء على عينه السليمة
الاحزاب اشرف من دنس هؤلاء الجبناء

ويكفى انها تتحدث باسم الشعب ومنه كذلك , فهى بكل المقاييس افضل من اى مرتزقة على اكتافنا

ويكفى اننا عندما اتت الجبهة الى الحكم وعن طريق الماسورة لم تستطع ان تحاكم اى من الناس فى قضية شرف او خيانة والسياسيين فى قبضتها انذاك

وارفع كفى الى الله تضرعا ان يذهب هؤلاء الحرامية والقتلة

وسيعلم الذين ظلموا اى منقلب سينقلبون

حسبنا الله ونعم الوكيل

عزيزي الفاتح اذا نحن متفقون في الجزء الاول باكمله وهو زوال الحكم الحالي ولكن اختلافنا في بعض الاشياء في الجزء الثاني (الديموقراطيه)انا من انصارها طبعاً وهذا ليس فيه شك او جدل انما ما اردت طرحه هو هل هناك من هم فعلاً ديمقراطيين في بلادنا؟؟؟؟؟


سلام

وهمسة في اذن كل من لا يريد زوال النظام

اخي فتحي
اذا همستك ليس لي
لانني من هؤلا الذين يريدون لهذا النظام بان يزول